ຂ່າວ ພາຍໃນປະເທດ

ພີທີປະກາດມອບ-ຮັບໜ້າທີ່ຕຳແໜ່ງ ລະຫວ່າງ ຄະນະບໍລິຫານງານ ສະຫະພັນກີລາກ໊ອຟຊູດເກົ່າ ແລະ ໃໝ່ ໄດ້ຈັດຂືຶ້ນໃນຕອນແລງຂອງວັນທີ 6 ຕຸລາ 2020 ທີ່ສະໂມສອນຫ້ອງປະຊຸມໃຫຍ່ ຄະນະກຳມະການໂອແລມປິກແຫ່ງຊາດ ສະໜາມກີລາເຈົ້າອານູວົງ ໂດຍການເປັນປະທານຂອງທ່ານ ສູນທອນ ສິຣິສັກ ປະທານສະຫະພັນກີລາກ໊ອຟແຫ່ງຊາດ ໃຫ້ກຽດເຂົ້າຮ່ວມຂອງທ່ານ ນາງ ແສງເດືອນ ຫຼ້າຈັນທະບູນ ລັດຖະມົນຕີກະຊວງສຶກສາທິການ ແລະ ກີລາ, ທ່ານ ສົມສະຫວາດ ເລັງສະຫວັດ ປະທານທີ່ປຶກສາກິດຕິມະສັກ ສະຫະພັນກີລາກ໊ອຟແຫ່ງຊາດ, ທ່ານ ສົມພູ ພົງສາ ຜູ້ຊ່ວຍ ລັດຖະມົນຕີກະຊວງສຶກສາທິການ ແລະກີລາ ຮອງປະທານ ແລະເຂລາທິການຄະນະກຳມະການໂອແລມປິແຫ່ງຊາດລາວ, ມີຄະນະບໍລິຫານງານສະຫະພັນກີລາກ໊ອຟແຫ່ງຊາດ, ສະມາຄົມນັກກີລາກ໊ອຟ ແລະ ພາກສ່ວນທີ່ກ່ຽວຂ້ອງເຂົ້າຮ່ວມ. ທ່ານ ສູນທອນ ສິຣິສັກ ປະທານສະຫະພັນກີລາກ໊ອຟ ໄດ້ກ່າວວ່າ: ສະຫະພັນກີລາກ້ອຟໄດ້ຮັບການສ້າງຕັ້ງຂຶ້ນໃນປີ 2008 ມາຮອດປັດຈຸບັນ 2020 ແມ່ນຄົບຮອບ 12 ປີ ທີ່ພວກເຮົາໄດ້ຮ່ວມກັນປະຕິບັດໜ້າທີ່ ແລະ ຄວາມຮັບຜິດຊອບຂອງຕົນຕໍ່ວຽກງານກີລາກ໊ອຟ ແລະ ສັງຄົມ. ພວກເຮົາໄດ້ລິເລີ່ມຈາກການກຳນົດທິດທາງ, ເປົ້າໝາຍສູ້ຊົນ, ...

ທ່ານເອກອັກຄະລັດຖະທູດ ປອ ປີເຕີ ເຮມ໋ອນ ໄດ້ເຂົ້າຮ່ວມສະເຫຼີມສະຫຼອງ ຜົນສໍາເລັດຂອງການບູລະນະປະຕິສັງຂອນວັດວິຊຸນທີ່ຫຼວງພະບາງ ແລະ ໄດ້ມອບໂຄງການບູລະນະທີ່ສໍາເລັດນີ້ໃຫ້ແກ່ລັດຖະບານ ແລະ ປະຊາຊົນຫຼວງພະບາງເຊິ່ງພິທີດັ່ງກ່າວໄດ້ຈັດຂື້ນທີ່ວັດວິຊຸນໃນວັນທີ 6 ຕຸລາ. ສະຖານທີ່ອັນສໍາຄັນທາງດ້ານປະຫວັດສາດແຫ່ງນີ້ແມ່ນໄດ້ຮັບການບູລະນະໂດຍທຶນຂອງລັດຖະບານສະຫະລັດອາເມລິກາ ພາຍໃຕ້ກອງທຶນທ່ານທູດເພື່ອການອະນຸລັກວັດທະນະທໍາ (AFCP) ລວມເປັນມູນຄ່າ 347,000 ໂດລາ. ວັດແຫ່ງນີ້ແມ່ນໄດ້ສ້າງຂື້ນໃນສັດຕະວັດທີ່16 ໃນຍຸກພະເຈົ້າ ວິຊຸນນະລາດ,ເຊິ່ງເປັນໜຶ່ງໃນວັດທີ່ເກົ່າແກ່ທີ່ສຸດຢູ່ໃນຫລວງພະບາງ ແລະເປັນຈຸດສູນກາງແຫ່ງການຮຽນຮູ້ທາງດ້ານພຸດທະຊາດສະໜາ ແລະ ເປັນບ່ອນສຳລັບສັກກະລະບູຊາຫລາຍກວ່າ 500ປີ. ກອງທຶນທ່ານທູດເພື່ອການອະນຸລັກວັດທະນະທໍາ AFCP ໄດ້ສົ່ງເສີມບັນດາເຂົ້າຫນ້າວຽກທີ່ໄດ້ແບ່ງເປັນສາມສ່ວນຂອງໂຄງການບູລະນະວັດຊຸນເຊິ່ງປະກອບມີສອງຈຸດໃຫຍ່ຂອງຕົວອາຄານວັດລວມທັງພະທາດໝາກໂມ. ທ່ານເອກອັກຄະລັດຖະທູດ ເຮມ໋ອນ ກ່າວວ່າ: ນີ້ຖືເປັນກຽດຫຼາຍທີ່ພວກເຮົາໄດ້ສົ່ງເສີມໃນການບູລະນະ ແລະ ປົກປັກຮັກສາໜຶ່ງໃນສະຖານທີ່ອັນສໍາຄັນທາງດ້ານປະຫວັດສາດໃນທົ່ວ ສປປ ລາວ. ການຮ່ວມມືລະຫວ່າງສະຫະລັດອາເມລິກາກັບນະຄອນຫຼວງພະບາງໃນການບູລະນະວັດວິຊຸນ ຖືເປັນເຄື່ອງໝາຍແຫ່ງສາຍພົວພັນລະຫວ່າງສອງຊາດ ແລະ ຄວາມໝາຍໝັ້ນໃນການ ຊ່ວຍເຫຼືອປະຊາຊົນລາວໃນການປົກປັກຮັກສາຮິດຄອງອັນລໍ້າຄ່າ. ນັບຕັ້ງແຕ່ 2001, ລັດຖະບານສະຫະລັດອາເມລິກາໄດ້ປະກອບສ່ວນຫຼາຍກວ່າ 1 ລ້ານໂດລາ ເພື່ອເປັນການປົກປັກຮັກສາມໍລະດົກທາງດ້ານວັດທະນະທໍາໃນ ສປປ ລາວ ໂດຍການນຳໃຊ້ກອງທຶນທ່ານທູດ ເພື່ອການອະນຸລັກວັດທະນະທໍາ. ທຶນດັ່ງກ່າວໄດ້ໃຫ້ການສະໜັບສະໜູນລວມທັງໝົດ 20 ໂຄງການ ເຊິ່ງລວມທັງການປະຕິສັງຂອນວັດວາອາຮາມອັນສັກສິດ, ການປົກປັກຮັກສາມໍລະດົກ ແລະວັດຖຸບູຮານພ້ອມທັງການບັນທຶກວັດທະນະທຳຮິດຄອງປະເພນີລວມໄປເຖິງການປົກປັກຮັກສາຫໍສະມຸດ. ຈົນມາເຖິງປະຈຸບັນການບູລະນະວັດຊຽງທອງຢູ່ຫຼວງພະບາງຖືເປັນໂຄງການໃຫຍ່ທີ່ສຸດເຊິ່ງໄດ້ດຳເນີນການເປັນເວລາ 3 ປີໂດຍໄດ້ຮັບການຊ່ວຍເຫຼືອຫຼາຍກວ່າ ...

ໃນວັນທີ 5 ຕຸລາ 2020 ປະທານາທິບໍດີ ໂດນັນທຣຳ ໄດ້ອອກຈາກໂຮງໝໍທະຫານ ວອລເຕີຣິດ ຫຼັງຈາກໄດ້ເຂົ້້າຮັກສາອາການຕິດເຊື້ອໂຄວິດ-19 ໃນວັນສຸກທີ່ຜ່ານມາ ໂດຍໄດ້ເດີນທາງກັບໄປທຳນຽບຂາວ ເພື່ອກັກຕົວ ແລະ ຮັກສາອາການຕໍ່ໄປຢູ່ບ່ອນນັ້ນ Conley ນາຍແພດຂອງທຣຳ ກ່າວວ່າ: ທຮຳ ມີອາການທີ່ດີຂຶ້ນຢ່າງຕໍ່ເນື່ອງ ເຂົາມີຄຸນສົມບັດກົງ ຫຼື ເກີນເກນມາດຕະຖານທັງໝົດຂອງໂຮງໝໍ ເຖິງຢ່າງໃດກໍຕາມ Conley ບໍ່ໄດ້ບອກແຈ້ງວ່າ ຜົນກວດຫາເຊື້ອໄວຣັດໂຄໂຣນາຂອງ ໂດນັນທຣຳ ເປັນລົບຄັ້ງສຸດທ້າຍເມື່ອໃດ ໃນຂະນະທີ່ຫຼາຍຄົນຍັງສົງໃສວ່າ ໂດນັນທຣຳຍັງມີເຊື້ອໂຄວິດ-19 ຢູ່ ຫຼື ບໍ່ ໂດຍມີການກຳນົດໃຫ້ລາວເຮັດວຽກ ແລະ ອາໄສຢູ່ທຳນຽບຂາວ ເຖິງວ່າຈະບໍ່ໄດ້ບອກວ່າໂດນັນທຣຳ ຈະອາໄສຢູ່ກັບຄອບຄົວເປັນບ່ອນທຳອິດ ຫຼື ຢູ່ທີ່ສຳນັກງານໃນທຳນຽບຂາວ. ນາຍແພດຍັງກ່າວອີກວ່າ: ຄວາມກັງວົນກ່ຽວກັບປະທານາທິບໍດີຍັງຄົງມີເກນສູງ ໂດຍປົກກະຕິຜູ້ປ່ວຍເລີ່ມມີອາການຊຸດໂຊມລົງ ຫຼັງຈາກຕິດເຊື້ອ COVID ພາຍໃນວັນທີ 4. ໃນບັນດາຂໍ້ມູນອັບເດດອື່ນໆ ກ່ຽວກັບອາການຂອງປະທານາທິບໍດີ ໂດນັນທຣຳ ນາຍແພດກ່າວວ່າ: ເປັນເວລາ 72 ຊົ່ວໂມງແລ້ວ ນັບຕັ້ງແຕ່ ມີເຊື້ອໄຂ້ຄັ້ງສຸດທ້າຍ ເຂົາໄດ້ກິນຢາລົດໄຂ້ຄວາມດັນໃນເລືອດ ແລະ ລະດັບອົກຊີແຊນຂອງເຂົາຢູ່ໃນລະດັບປົກກະຕິ Conley ...

ສະຫາຍ ຄຳຜອຍ ວັນນະສານ ຮັກສາການເລຂາພັກແຂວງ, ເຈົ້າແຂວງຜົ້ງສາລີ ໄດ້ກ່າວໃນກອງປະຊຸມໃຫຍ່ ຄັ້ງທີ XI ຂອງຜູ້ແທນອົງຄະນະພັກແຂວງ ຜົ້ງສາລີໄຂຂຶ້ນໃນວັນທີ 5 ຕຸລາ 2020 ນີ້ວ່າ: ພາຍໃຕ້ການຊີ້ນຳ-ນຳພາ ຂອງຄະນະບໍລິຫານງານພັກແຂວງ ແລະ ຄະນະພັກທຸກຂັ້ນ ບວກກັບຄວາມສາມັກຄີເປັນເອກະພາບ, ຄວາມຕັ້ງໜ້າບຸກບືນ ແລະ ການເຊີດຊູນໍ້າໃຈເປັນເຈົ້າຂອງສະມາຊິກພັກ, ພະນັກງານ, ທະຫານ, ຕໍາຫລວດ ແລະ ປະຊາຊົນບັນດາເຜົ່າ ເຮັດໃຫ້ທົ່ວແຂວງມີສະຖຽນລະພາບທາງດ້ານການ ເມືອງອັນໜັກແໜ້ນ, ສັງຄົມມີຄວາມສະຫງົບ ແລະ ມີຄວາມເປັນລະບຽບຮຽບຮ້ອຍດີຂຶ້ນ, ປະກົດການຫຍໍ້ທໍ້ໃນສັງຄົມຫລຸດລົງເປັນກ້າວໆ. ໄປຄວບຄູ່ກັບການຫັນລົງກໍ່ສ້າງຮາກຖານການເມືອງ ແລະ ພັດທະນາຊົນນະບົດຮອບດ້ານ, ເຮັດໃຫ້ເສດຖະກິດຂອງແຂວງຜົ້ງສາລີ ສືບຕໍ່ຂະຫຍາຍຕົວຢ່າງຕໍ່ເນື່ອງຕາມທິດທີ່ກໍານົດໄວ້, ຊີວິດການເປັນຢູ່ຂອງປະຊາຊົນບັນດາເຜົ່າໄດ້ຮັບການປົວແປງນັບມື້ນັບດີຂຶ້ນ. ມາເຖິງປັດຈຸບັນ ປະຊາຊົນຫລາຍທ້ອງຖີ່ນ ໄດ້ດໍາເນີນການປູກ ຝັງ-ລ້ຽງສັດ ຕາມເງື່ອນໄຂທ່າແຮງບົ່ມຊ້ອນ ແລະ ມູນເຊື້ອຂອງແຕ່ລະຄອບຄົວ, ດ້ວຍການນຳໃຊ້ເຕັກນິກວິຊາການໃໝ່, ໃນການປູກຝັງ-ລ້ຽງສັດ ເປັນຕົ້ນແມ່ນ ການປູກອ້ອຍເປັນສີນຄ້າ, ປູກຊາບູຮານ (ຊາ 400ປີ), ການປູກຜັກປອດສານພິດ, ຕົ້ນໄມ້ອຸດສາຫະກໍາ ແລະ ຕົ້ນໄມ້ໃຫ້ໝາກ ປະເພດຕ່າງໆ, ເຮັດໃຫ້ມີຜະລິດຕະພັນສິນຄ້າກະສິກໍາເພີ່ມຂຶ້ນ ເພື່ອບໍລິໂພກພາຍໃນ ...

ກຳມະການສຳຮອງສູນກາງພັກ, ເລຂາພັກແຂວງ ເຈົ້າແຂວງໆບໍ່ແກ້ວ ສະຫາຍ ບົວຄົງ ນາມມະວົງ ໄດ້ລາຍງານສະພາບທົ່ວໄປ ໃນໄລຍະ 5 ປີຜ່ານມາ (2016-2020) ຢູ່ແຂວງບໍ່ແກ້ວ ໃນກອງປະຊຸມໃຫຍ່ຜູ້ແທນອົງຄະນະພັກ ແຂວງບໍ່ແກ້ວ ຄັ້ງທີ VI ທີ່ໄດ້ຈັດຂຶ້ນໃນຕອນເຊົ້າຂອງວັນທີ 5 ຕຸລາ ທີ່ຜ່ານມານີ້ ທີ່ຫໍປະຊຸມໃຫຍ່ຂອງແຂວງວ່າ: ການເຕີບໂຕທາງດ້ານເສດຖະກິດໃນໄລຍະ 5 ປີຜ່ານມາ ພາຍໃນແຂວງບໍ່ແກ້ວມີການຂະຫຍາຍຕົວຢ່າງຕໍ່ເນື່ອງ ສະເລ່ຍ 7,4% ຕໍ່ປີ ລວມຍອດຜະລິດຕະພັນພາຍໃນ (GDP) ປີ 2019 ບັນລຸໄດ້ 3.181.82 ຕື້ກີບ ລາຍຮັບສະເລ່ຍຕໍ່ຫົວຄົນບັນລຸໄດ້ 1.900 ກວ່າໂດລາຕໍ່ຄົນຕໍ່ປີ. ໄດ້ຂະຫຍາຍຕາໜ່າງໄປສະນີ, ໂທລະຄົມມະນາຄົມ ໄປສູ່ເຂດຊົນນະບົດຫ່າງໄກຊອກຫຼີກ, ເຮັດໃຫ້ປະຊາຊົນບັນດາເຜົ່າໄດ້ນຳໃຊ້ເຄືອຄ່າຍໂທລະສັບ ແລະ ອິນເຕີເນັດກວມເຖິງ 98% ຂອງຈຳນວນປະຊາກອນທັງໝົດໃນທົ່ວແຂວງ, ໄດ້ເອົາໃຈໃສ່ເບິ່ງແຍງສຸຂະພາບແມ່ ແລະ ເດັກນ້ອຍ, ໂພຊະນາການ, ສັກຢາກັນພະຍາດ ໃຫ້ແກ່ກຸ່ມເປົ້າໝາຍຢ່າງທົ່ວເຖິງ ເຮັດໃຫ້ອັດຕາການຕາຍຂອງແມ່ ແລະ ເດັກນ້ອຍຫຼຸດລົງ, ຍົກລະດັບຄຸນນະພາບ ແລະ ຄວາມທັນສະໄໝຂອງການບໍລິການຢູ່ແຕ່ລະຂັ້ນຢ່າງຕໍ່ເນື່ອງ. ສະຫາຍ ບົວຄົງ ...

ກອງປະຊຸມໂນເບລທີ່ສະຖາບັນ Karolinska Institutet ໄດ້ຕັດສິນມອບລາງວັນ ໂນເບວ ສາຂາ ຊີວະສາດ ແລະ ການແພດ ປະຈຳປີ 2020 ໃຫ້ກັບ Harvey J. Alter, Michael Houghton และ Charles M. ຊຶ່ງເປັນນັກວິທະຍາສາດຊາວ ແຄນນາດາ ສຳລັບການຄົ້ນພົບໄວຣັດຕັບອັກເສບຊີ " discovery of Hepatitis C virus." Harvey J. Alter, Michael Houghton และ Charles M. ໄດ້ຄົ້ນພົບນ້ຳເຊື້ອທີ່ນຳໄປສູ່ການລະບຸໄວຣັດຊະນິດໃໝ່ຄື ໄວຣັດຕັບອັກເສບຊີ ” Hepatitis C virus.” ຊຶ່ງກ່ອນໜ້ານີ້ພວກເຂົາໄດ້ຄົ້ນພົບໄວຣັດຕັບອັກເສບ ເອ (discovery of Hepatitis A virus) ແລະ ບີ (discovery of Hepatitis B virus) ເປັນຂັ້ນຕອນທີ່ສຳຄັນໃນການຄົ້ນຄວ້າຕໍ່ມາ ແຕ່ຜູ້ປ່ວຍໂລກໄວຣັດຕັບອັກເສບຈາກກະແສເລືອດສ່ວນໃຫຍ່ ຍັງບໍ່ສາມາດອະທິບາຍໄດ້ວ່າມີສາເຫດ ...

ອ້າງຕາມສຳນັກຂ່າວ ຊີເອັນເອັນ. ກຸ່ມປະຕິບັດການ ຂົນສົ່ງ ທາງອາກາດ(ເອທີເອຈີ) ອົງກອນ ພັນທະມິດ ອຸດສາຫະກຳ ການບິນ ລະດັບໂລກ ເປີດເຜີຍລາຍງານ ສະບັບ ໃໝ່ ຄາດການວ່າ: ການແຜ່ ລະບາດຂອງ ພະຍາດ ໂຄວິດ-19 ຈະສົ່ງຜົນໃຫ້ ຕຳແໜ່ງງານ ໃນອຸດສາຫະກຳ ການບິນ ແລະ ທຸລະກິດທີ່ກ່ຽວຂ້ອງລວມ 46 ລ້ານຄົນ ຈາກທັງໝົດ 88 ລ້ານຄົນ ມີຄວາມສ່ຽງ ທີ່ຈະສູນເສຍ ວຽກເຮັດງານທຳ ເປັນການຖາວອນ ແລະ ຊົ່ວຄາວ ພາຍໃນຕົ້ນປີ 2021, ໂດຍອຸດສາຫະກຳ ການບິນທົ່ວໂລກ ຈະຍັງຄົງ ຫລຸດລົງ ຢ່າງຕໍ່ເນື່ອງ ແລະ ຕ້ອງໃຊ້ເວລາເຖິງ ປີ 2024 ເປັນຢ່າງໜ້ອຍ ຈຶ່ງຈະສາມາດ ຟື້ນຕົວ ກັບມາສູ່ ລະດັບດຽວກັນປີ 2019 ໄດ້. ຂະນະຸທີ່ ອຸດສາຫະກຳ ການບິນ ແລະ ການທ່ອງທ່ຽວ ເປັນພາກ ທຸລະກິດ ...

ໃນວັນທີ 5 ຕຸລາ 2020, ລັດວິສາຫະກິດໄຟຟ້າລາວ ຮ່ວມກັບ ກະຊວງພະລັງງານ ແລະ ບໍ່ແຮ່ ແລະ ພາກສ່ວນກ່ຽວຂ້ອງ ຈັດເວທີ ເສວະນາ ເພື່ອປຶກສາຫາລື, ແລກປ່ຽນຄຳຄິດຄຳເຫັນ ກ່ຽວກັບໂຄງສ້າງລາຄາໄຟຟ້າ ສະບັບປັບປຸງໃໝ່ 2021-2025, ໂດຍໄດ້ເຊື້ອເຊີນເອົາທຸກພາກ ສ່ວນທີ່ມີຄວາມສົນໃຈ ກ່ຽວກັບລາຄາໄຟຟ້າ ໃຫ້ສາມາດອອກຄໍາຄິດ, ຄຳເຫັນ, ແລກປ່ຽນບົດຮຽນ ຢ່າງກົງໄປກົງມາ ແບບສ້າງສັນ ແລະ ຢ່າງມີວິທະຍາສາດ. ໃນເວທີເສວະນາໃນຄັ້ງນີ້, ນັກເສວະນາກອນ ຢູ່ເທິງເວທີ ປະກອບມີ ທ່ານ ສາຍທອງ ແກ້ວດວງດີ ຄະນະປະຈໍາສະພາແຫ່ງ, ປະທານກໍາມະທິການກົດໝາຍ, ທ່ານ ດາວວົງ ພອນແກ້ວ ຮອງລັດຖະມົນຕີ ກະຊວງພະລັງງານ ແລະ ບໍ່ແຮ່, ທ່ານ ຈັນທະບູນ ສຸກອາລຸນ ຜູ້ອຳນວຍການໃຫຍ່ລັດວິສາຫະກິດໄຟຟ້າລາວ, ທ່ານ ພູເພັດ ກ້ຽວພິລາວົງ ຄະນະບໍດີຂອງຄະນະເສດຖະສາດ ແລະ ບໍລິຫານທຸລະກິດ ແລະ ທ່ານ ທະນົງສິນ ກັນລະຍາ ຮອງປະທານສະພາການຄ້າ ແລະ ...

ວັນທີ 3 ຕຸລາ 2020 ສະພາການອຸດສາຫະກໍາ ແລະ ການຄ້າແຂວງຫຼວງພະບາງ ຮ່ວມກັບກົມປູກຝັງ ກະຊວງກະສິກຳ ແລະ ປ່າໄມ້ ຈັດງານສະເຫຼີມສະຫຼອງງານກາເຟລາວ ຢູ່ເຮືອນຈັນນະຄອນ ຫຼວງພະບາງ. ມີ ທ່ານ ພວງປາລິສັກ ປຣະວົງວຽງຄຳ ທີ່ປຶກສາລັດຖະມົນຕີກະຊວງກະສິກຳ ແລະ ປ່າໄມ້ ແລະ ພາກສ່ວນກ່ຽວເຂົ້າຮ່ວມ. ທ່ານ ຈັນທາ ທີບພະວົງພັນ ຫົວໜ້າກົມປູກຝັງ ກະຊວງກະສິກຳ ແລະ ປ່າໄມ້ ກ່າວໄຂງານຄັ້ງນີ້ວ່າ: ງານກາເຟລາວ ຫຼື ກາເຟບ້ານເຮົາ ໄດ້ມີການສະເຫຼີມສະຫຼອງທຸກໆປີ ໂດຍໄດ້ກຳນົດເອົາວັນທີ 1 ຕຸລາ ຂອງທຸກປີເປັນວັນກາເຟລາວ, ສຳລັບປີນີ້ ຈັດຂຶ້ນເປັນຄັ້ງທີ 3 ແລະ ເປັນຄັ້ງທີ 2 ທີ່ຈັດຂຶ້ນຢູ່ແຂວງຫຼວງພະບາງ. ການຈັດກິດຈະກໍາກາເຟລາວ ແມ່ນມີຄວາມໝາຍສໍາຄັນຫຼາຍ ເພື່ອຊຸກຍູ້ສົ່ງ ເສີມ ແລະໂຄສະນາກາເຟລາວ ໃຫ້ສັງຄົມໄດ້ຮັບຮູ້ຢ່າງກວ້າງຂວາງ, ກາເຟລາວ ແມ່ນພືດ ທີ່ຕິດພັນກັບວັດທະນະທຳ-ຮີດຄອງປະເພນີ ແຕ່ບູຮານນະການຈົນປັດຈຸບັນ ແລະ ກາຍເປັນສິນຄ້າຖິ່ນກຳເນີດຂອງຊາດລາວ ຂະບວນ ການຜະລິດກາເຟລາວ ...

ອົງການປົກຄອງນະຄອນຫຼວງວຽງຈັນ ຈັດກອງປະຊຸມດຳເນີນຊີວິດການເມືອງທ້າຍສະໄໝ ແລະ ທາບທາມບຸກຄະລາກອນ ເພື່ອຮັບສະໝັກເລືອກຕັ້ງເປັນຄະນະບໍລິຫານງານພັກນະຄອນຫຼວງວຽງຈັນ (ນວ) ສະໄໝທີ VII ຮອບທີ 3 ຂຶ້ນໃນວັນທີ 5-7 ຕຸລາ 2020 ທີ່ສຳນັກງານປົກຄອງນະຄອນຫຼວງວຽງຈັນ ເຊິ່ງມີຄວາມໝາຍຄວາມສຳຄັນຫຼາຍ ແລະ ມີຄວາມຈຳເປັນສຳລັບຄະນະບໍລິຫານງານພັກ ນວ ໃນຖານະເປັນພັກກຳອຳນາດ ເຊິ່ງເປັນການເສີມຂະຫຍາຍມູນເຊື້ອອັນດີງາມ ແລະຜົນງານອັນປະເສີດຂອງພັກ ພ້ອມກັນດັດແປງແກ້ໄຂ ບັນດາຈຸດອ່ອນ, ຂໍ້ຄົງຄ້າງ ສິ່ງທ້າທາຍຕ່າງໆທີ່ອົງຄະນະພັກ ນວ ກຳລັງປະເຊີນຢູ່ໃນປັດຈຸບັນ ໃຫ້ມີການປ່ຽນແປງໃໝ່ຢ່າງຕັ້ງໜ້າ ພ້ອມນັ້ນ, ຍັງເປັນການເສີມຂະຫຍາຍປະຊາທິປະໄຕພາຍໃນພັກຕື່ມອີກ. ກອງປະຊຸມດັ່ງກ່າວ ເປັນປະທານຂອງສະຫາຍ ສິນລະວົງ ຄຸດໄພທູນ ກຳມະການກົມການເມືອງສູນກາງພັກ ເລຂາຄະນະພັກ ເຈົ້າຄອງນະຄອນຫຼວງວຽງຈັນ ໃຫກຽດເຂົ້າຮ່ວມຂອງສະຫາຍ ທອງລຸນ ສີສຸລິດ ກຳມະການກົມການເມືອງສູນກາງພັກ ນາຍົກລົດຖະມົນຕີ ບັນດາຄະນະປະຈຳ, ກຳມະການພັກ, ຜູ້ຕາງໜ້າຄະນະຈັດຕັ້ງສູນກາງພັກ ອົງການກວດກາສູນກາງພັກ ແລະ ຫ້ອງວ່າການສູນກາງພັກ. ແຫຼ່ງຂໍ້ມູນ: ວຽງຈັນໃໝ່