ຂ່າວ ພາຍໃນປະເທດ

ລັດຖະບານ ແຈ້ງໃຫ້ກວດກາເຂັ້ມງວດລາຄາສິນຄ້າໄລຍະນ້ຳຖ້ວມນີ້ ຫ້າມບໍ່ໃຫ້ສວຍໂອກາດ ຫາກກວດພົບຈະປັບໃໝຕາມສົມຄວນ, ທັ້ງນີ້ກໍ່ເພື່ອປົກປ້ອງສິດ ແລະ ຜົນປະໂຫຍດອັນຊອບທຳຂອງຜູ້ຊົມໃຊ້ ໂດຍສະເພາະຜູ້ທີ່ກຳລັງຕົກທຸກໄດ້ຍາກ. ກະຊວງອຸດສາຫະກຳ ແລະ ການຄ້າ ອອກແຈ້ງການ ສະບັບເລກທີ 1151/ອຄ.ກຄພນ ລົງວັນທີ 6 ກັນຍາ 2019 ເຖິງທ່ານ ຫົວໜ້າພະແນກອຸດສາຫະກຳ ແລະ ການຄ້າແຂວງ ແລະ ນະຄອນຫຼວງວຽງຈັນ ໃຫ້ເອົາໃຈໃສ່ຄຸ້ມຄອງລາຄາສິນຄ້າ ໃນທ້ອງຕະຫຼາດຢູ່ພາຍໃນແຂວງຂອງຕົນ ເພື່ອຫຼີກເວັ້ນການສວຍໂອກາດຂຶ້ນລາຄາສິນຄ້າຕາມລຳພັງໃຈໃນຊ່ວງໄລຍະນໍ້າຖ້ວມ. ທ່ານ ສົມຈິດ ອິນທະມິດ ຮອງລັດຖະມົນຕີກະຊວງອຸດສາຫະກໍາ ແລະ ການຄ້າ ໄດ້ອອກແຈ້ງການໃຫ້ປະສານສົມທົບກັບຂະແໜງການກ່ຽວຂ້ອງ ເອົາໃຈໃສ່ຄຸ້ມຄອງລາຄາສິນຄ້າ ແລະ ຄ່າບໍລິການ ບໍ່ໃຫ້ມີການຂຶ້ນລາຄາຕາມລຳພັງໃຈ ແລະ ປະຕິບັດມາດຕະການຄຸ້ມຄອງລາຄາຢ່າງເຂັ້ມງວດ. ພ້ອມນັ້ນ. ກໍຕ້ອງໄດ້ເອົາໃຈຕິດຕາມສະພາບການເໜັງຕີງຂອງລາຄາສິນຄ້າຕົ້ນຕໍໃນທ້ອງຕະຫຼາດຢ່າງເປັນປົກກະຕິ ໂດຍສະເພາະແມ່ນສິນຄ້າ ທີ່ມີຜົນກະທົບໄວຕໍ່ການເປັນຢູ່ຂອງປະຊາຊົນ.ເອົາໃຈໃສ່ຄຸ້ມຄອງລາຄາສິນຄ້າສະບຽງອາຫານ ປະເພດເຂົ້າກິນ, ປະເພດ (ໝູ. ງົວ, ຄວາຍ, ໄກ່, ປາ) ແລະ ພືດຜັກຕ່າງໆ ຢູ່ພາຍໃນແຂວງຂອງຕົນໃຫ້ໄປຕາມກົນໄກຕະຫຼາດ ທີ່ມີການຄຸ້ມຄອງດັດສົມຂອງລັດ ໃນແຕ່ລະໄລຍະ. ໃຫ້ແຕ່ງຕັ້ງພະນັກງານໝູນວຽນກັນ ລົງສົມທົບກັບຫ້ອງການອຸດສາຫະກຳ ແລະ ການຄ້າເມືອງ ...

ກະຊວງແຮງງານ ແລະສະຫວັດດີການ ສັງຄົມໄດ້ອະນຸມັດງົບສຸກເສີນໃຫ້ແຂວງລະ 50 ລ້ານກີບ ພ້ອມຈັດສົ່ງເຄື່ອງໃຊ້ ຈຳເປັນໄປຍັງບັນດາແຂວງທີ່ໄດ້ຮັບຜົນກະທົບດັ່ງກ່າວ. ຕາມຂໍ້ມູນຂອງກົມສັງຄົມສົງເຄາະ ກະຊວງແຮງງານ ແລະສະຫວັດດີການ ສັງຄົມທີ່ໄດ້ເຮັດໜັງສືລາຍງານຕໍ່ລັດຖະບານ ສະບັບເລກທີ 1236/ສສຄ, ລົງ ວັນທີ 5 ກັນຍາ 2019 ຮູ້ວ່າ: ນັບແຕ່ ທ້າຍເດືອນສິງຫາ ຫາ ຕົ້ນເດືອນກັນຍາ 2019 ໄດ້ມີພາຍຸພັດຜ່ານເຂົ້າລາວ ແລະເຮັດໃຫ້ມີຝົນຕົກໜັກນໍ້າຖ້ວມຢູ່ 6 ແຂວງ ຄື: ຄຳມ່ວນ, ສະຫວັນນະເຂດ, ສາລະ ວັນ, ຈຳປາສັກ, ອັດຕະປື ແລະແຂວງ ເຊກອງ, ສົ່ງຜົນກະທົບໂດຍກົງຕໍ່ປະຊາຊົນຈຳນວນ 37 ເມືອງ, 788 ບ້ານ, 54,20 ພັນຄອບຄົວ ແລະເສຍຊີວິດ 2 ຄົນ, ສູນຫາຍ 2 ຄົນ, ປະຊາຊົນຍົກຍ້າຍ 3,4 ພັນຄອບຄົວ, ສ້າງຄວາມເສຍຫາຍ ຕໍ່ບ້ານເຮືອນປະຊາຊົນ, ເນື້ອທີ່ນາຖືກນໍ້າ ຖ້ວມ 1,30 ແສນເຮັກຕາ, ສວນ ...

ຫຼາຍພື້ນທີ່ໃນລາວ ເກີດນໍ້າຖ້ວມ ຢ່າງໄວວາ ເນື່ອງມາຈາກຝົນຕົກໜັກຈາກພາຍຸຫຼາຍຫົວທີ່ພັດຜ່ານເຂົ້າມາ ໂດຍສະເພາະແມ່ນ  6 ແຂວງພາກໃຕ້ຂອງລາວທີ່ໄດ້ຮັບຜົນກະທົບຢ່າງໜັກໃນປັດຈຸບັນຄື: ແຂວງຄຳມ່ວນ, ສະຫວັນນະເຂດ, ແຂວງເຊກອງ, ສາລະວັນ, ຈຳປາສັກ ແລະ ອັດຕະປື ທີ່ປີນີ້ເກີດເຫດນໍ້າຖ້ວມໜັກໃນຮອບຫຼາຍ 10 ປີ ເປັນເວລາຫຼາຍມື້ແລ້ວ.   ເຊິ່ງການມາຂອງນ້ຳນັ້ນບໍ່ພຽງຈະສ້າງຄວາມເສຍຫາຍໃຫ້ຊີວິດ ແລະ ຊັບສິນແລ້ວຍັງມີເຊື້ອພະຍາດຫຼາຍຊະນິດຕາມມາກັບໄພນໍ້າຖ້ວມ ເຊັ່ນ: ຕີນເປື່ອຍ ທີ່ເກີດຈາກນໍ້າຄັນ, ພະຍາດຍ່ຽວໜູ, ພະຍາດຖອກທ້ອງ, ຕາແດງ , ໄຂ້ຍຸງ ແລະ ອື່ນໆ. ເພື່ອຮັບມື ແລະ ຫຼີກລ້ຽງ ຈາກພະຍາດເຫຼົ່ານັ້ນ, ເຮົາຄວນເອົາໃຈໃສ່ ແລະ ປະຕິບັດຕາມຄໍາແນະນໍາຂອງແພດໝໍດັ່ງນີ້:ປ້ອງກັນຈາກພະຍາດຖອກທ້ອງ ແລະ ພະຍາດອື່ນໆທີ່ມາກັບນໍ້າ… 1 ລ້າງມືໃສ່ນໍ້າ ແລະ ສະບູ ໃຫ້ສະອາດທຸກໆຄັ້ງ ຫຼັງໃຊ້ວິດຖ່າຍ ຫຼື ຈັບບາຍສິ່ງເປິເປື້ອນ, ລ້າງມືກ່ອນ ແລະ ຫຼັງປຸງແຕ່ງອາຫານ, ກ່ອນຈັບອາຫານການກິນ ຫຼື ປ້ອນເຂົ້າໃຫ້ເດັກນ້ອຍ. 2 ຫ້າມຖ່າຍຊະຊາຍ ຫຼື ຖ່າຍລົງນໍ້າເດັດຂາດ ຫ້າມຖິ້ມອາຈົມ,ຜ້າອ້ອມ… ລົງນ້ຳເດັດຂາດ. 3 ...

ສ ເກົາຫລີ ຈັດຢູ່ໃນອັນດັບ 5 ຂອງການລົງທຶນຕ່າງປະເທດ ທັງໝົດ ຢູ່ ສປປ ລາວ ລວມມູນຄ່າ 750 ລ້ານກວ່າໂດລາສະຫະລັດ, ໃນນັ້ນ ໂຄງການໃຫຍ່ທີ່ພົ້ນເດັ່ນ ຄື: ໂຄງການເຂື່ອນໄຟຟ້າເຊປຽນ-ເຊນໍ້ານ້ອຍ, ໂຄງການປູກໄມ້ວິກ ແລະ ສ້າງຕັ້ງໂຮງງານປຸງແຕ່ງໄມ້ ແລະ ອື່ນໆ. ສ ເກົາຫລີ ເປັນປະເທດໜຶ່ງທີ່ໃຫ້ການສະໜັບສະໜູນ, ການຮ່ວມມື ແລະ ຊ່ວຍເຫລືອ ສປປ ລາວ ໃນການຈັດຕັ້ງຜັນຂະຫຍາຍແຜນພັດທະນາເສດຖະກິດ-ສັງຄົມ ແຫ່ງຊາດ 5 ປີ ຄັ້ງທີ VIII ໃນຫລາຍດ້ານ ເຊັ່ນ: ການຮ່ວມມືດ້ານສາທາລະນະສຸກ, ສ ເກົາຫລີ ໄດ້ໃຫ້ການຊ່ວຍເຫລືອທາງດ້ານວິຊາການ ແລະ ເຕັກນິກການແພດແກ່ ສປປ ລາວ ຕໍ່ເນື່ອງ ພ້ອມທັງຍົກລະດັບວິຊາການຂອງໂຮງໝໍຕ່າງໆຂອງ ສປປ ລາວ ທັງໄລຍະສັ້ນ ແລະ ໄລຍະຍາວ, ຊ່ວຍສ້າງໂຮງໝໍເດັກ, ຊ່ວຍເຫລືອຜ່າຕັດເດັກນ້ອຍລາວຜູ້ທຸກຍາກ ທີ່ເປັນພະຍາດຫົວໃຈ ແລະ ພະຍາດອື່ນໆ ໂດຍບໍ່ເສຍຄ່າ. ໃນຂົງເຂດການຮ່ວມມືດ້ານການສຶກສາ ແລະ ...

ວັນທີ 5 ກັນຍາ 2019 ທີ່ ສຳນັກງານນາຍົກລັດຖະມົນຕີ, ນະຄອນຫຼວງວຽງຈັນ, ໄດ້ຈັດກອງປະຊຸມດ່ວນ ເພື່ອປຶກສາຫາລືກ່ຽວກັບການແກ້ໄຂໄພພິບັດນໍ້າຖ້ວມ ຢູ່ບັນດາແຂວງພາກໃຕ້ ແລະ ພາກກາງຈຳນວນໜຶ່ງ. ກ່ຽວກັບສະພາບນໍ້າຖ້ວມ ເນື່ອງຈາກຝົນຕົກໜັກ ທີ່ໄດ້ຮັບອິດທິພົນຂອງລົມພະຍຸໜຸນເຂດຮ້ອນໂພດູນ ແລະ ລົມພະຍຸດີເປຣຊັນ ທີ່ພັດຜ່ານເຂົ້າມາ ສປປ ລາວ ໃນໄລຍະທ້າຍເດືອນສິງຫາ ຫາ ຕົ້ນເດືອນ ກັນຍາ 2019. ສະພາບຜົນກະທົບ ແລະ ການຊ່ວຍເຫຼືອສຸກເສີນ ຢູ່ 6 ແຂວງ ທີ່ໄດ້ຮັບຜົນກະທົບ ມີຄື: ແຂວງຄຳມ່ວນ, ແຂວງສະຫວັນນະເຂດ, ແຂວງອັດຕະປື, ແຂວງສາລະວັນ, ແຂວງຈຳປາສັກ ແລະ ແຂວງເຊກອງ. ປັດຈຸບັນ, ສະພາບນໍ້າຖ້ວມໃນຄັ້ງນີ້ ໄດ້ສົ່ງຜົນກະທົບ 37 ເມືອງ, 788 ບ້ານ, 54.207 ຄອບຄົວ, ໂດຍມີເສຍຊີວິດ 2 ຄົນ, ສູນຫາຍ 2 ຄົນ, ປະຊາຊົນຍົກຍ້າຍ 3.400 ກວ່າຄອບຄົວ, ແລະ ໄດ້ສ້າງຄວາມເສຍຫາຍຕໍ່ຊັບສິນ ...

ໃນວັນທີ 5 ກັນຍາ 2019 ເວລາ 11: 40 ໂມງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ທັງເປັນປະທານ ຄອບຄຸມໄພພິບັດແຫ່ງຊາດ ແຫ່ງ ສປປລ ໄດ້ລົງພົບປະຢ້ຽມຢາມພໍ່ແມ່ປະຊາຊົນຄົນລາວຊາວນະຄອນປາກເຊທີ່ກຳລັງຖືກປະສົບພົບບັນຫາໄພພິບັດນໍ້າຖ້ວມ ຫຼາຍໆບ້ານ ໂອກາດນີ້ ທ່ານໄດ້ຂີ່ເຮືອກວດກາເບິ່ງເຮືອນຊານບ້ານຊ່ອງ, ເນື້ອທີ່ຜະລິດຂອງປະຊາຊົນຜູ້ປະສົບໄພນ້ຳຖ້ວມຢູ່ເຂດບ້ານແກ, ນະຄອນປາກເຊ.ຈາກນັ້ນກໍ່ໄດ້ມອບເຂົ້າສານອາຫານແຫ້ງ, ນ້ຳດື່ມເພື່ອເປັນການບັນເທົາທຸກເບື້ອງຕົ້ນແກ່ປະຊາຊົນ 4 ບ້ານ ຢູ່ທີ່ສູນພັກຊົ່ວຄາວໂຮງຮຽນມັດທະຍົມຕົ້ນແກ້ວສຳພັນ ເຊີ່ງມີປະຊາຊົນບ້ານແກ, ແກ້ວສຳພັນ, ຫ້ວຍປູນ ແລະ ບ້ານໂພນສະອາດຈຳນວນ 50 ຄອບຄົວ ແລະ ໄດ້ມອບເຄື່ອງຊ່ວຍເຫຼືອແກ່ປະຊາຊົນຢູ່ເຂດອື່ນໆອີກ. ທັງນີ້, ເພື່ອນຳເອົາຄວາມເປັນຫ່ວງເປັນໄຍຂອງພັກ-ລັດຖະບານຕໍ່ປະຊາຊົນບັນດາເຜົ່າເວົ້າສະເພາະຕໍ່ຜູ້ປະສົບໄພນ້ຳຖ້ວມໃຫ້ມີກຳລັງໃຈອົດທົນຜ່ານຜ່າຄວາມຫຸ້ຍງຍາກຈົນກວ່າສະພາບຈະເຂົ້າສູ່ປົກກະຕິ. Cr: ເກດສະໜາ ແກ້ວສຸວັນນະແສງ

ກົມສື່ມວນຊົນໜຸ່ມລາວ, ສູນກາງຊາວໜຸ່ມ ປະຊາຊົນປະຕິວັດລາວ ແລະ ອົງການ CFI Media Development ປະເທດຝຣັ່ງ ໄດ້ຈັດການເຝຶກອົບຮົມ ການຂຽນຂ່າວແບບວິເຄາະ ໃຫ້ແກ່ 14 ສໍານັກຂ່າວ ທີ່ມາຈາກວິທະຍຸ, ໂທລະພາບ, ໜັງສືພິມ, ວາລະສານ ແລະ ສື່ອອນລາຍ ທົ່ວນະຄອນຫຼວງວຽງຈັນ ພາຍໃຕ້ຫົວຂໍ້: “ການພັດທະນາແບບຍືນຍົງ”. ການເຝິກອົບຮົມໄດ້ຈັດຂຶ້ນລະຫວ່າງ 2-4 ກັນຍາ 2019 ທີ່ຜ່ານມາ ຢູ່ໂຮງແຮມ Lao Poet Hotel ນະຄອງຫຼວງວຽງຈັນ. ໂດຍການເປີດຊຸດເຝິກອົບຮົມຂອງທ່ານ  ທ່ານ ບຸນຕາ ເທບພະວົງ ຮອງເລຂາຄະນະບໍລິຫານຊາວໜຸ່ມປະຊາຊົນປະຕິວັດລາວ. ການເຝິກອົບຮົມ, ນັກສື່ມວນຊົນ ຈະໄດ້ຮຽນຮູ້ ໃນຫົວຂໍ້ຫຼັກໆດັ່ງນີ້: 1.ແນວຄວາມຄິດຫຼັກຂອງການພັດທະນາແບບຍືນຍົງ, ການປ່ຽນແປງດິນຟ້າອາກາດ ແລະ ຜົນກະທົບຂອງການປ່ຽນແປງດິນຟ້າອາກາດຕໍ່ເສດຖະກິດຂອງລາວ, 2. ຜົນກະທົບຕໍ່ດິນຟ້າອາກາດຕໍ່ກັບວຽກງານສາທາລະນະສຸກ (ສຸຂະພາບ), 3. ທັກສະພື້ນຖານຂອງການຂຽນຂ່າວ/ກຳນົດຫົວຂໍ້ ແລະ ການສ້າງຄູ່ຮ່ວມງານດ້ວຍທ່າແຮງທີມີຢູ່, 4. ບົດບາດຂອງສື່ໃນການປົກປັກຮັກສາສິ່ງແວດລ້ອມ ແລະ ການພັດທະນາແບບຍືນຍົງ. 5. ການຂຽນກ່ຽວກັບບັນຫາທີ່ລະອຽດອ່ອນ ແລະ ການກວດກາ ...

ລັດຖະມົນຕີກະຊວງການເງິນຕົກລົງ: ງົດການປະຕິບັດຫນ້າທີ່ຊົ່ວຄາວຕໍ່ພະນັກງານສັງກັດຢູ່ກົມພາສີຍ້ອນຜູ້ກ່ຽວລະເມີດກົດໝາຍ ແລະ ລະບຽບການດັ່ງມີລາຍຊື່ລຸ່ມນີ້: 1. ທ້າວ ພຸດສະດາວັນ ອິນສີຊຽງໃໝ່ 2. ທ້າວ ທິວາພອນ ສຸລິນທອນ 3. ທ້າວ ສະຫງວນຈິດ ວົງເດືອນ 4. ທ້າວ ສີຈັນ ອິນທິວົງ ພະນັກງານທີ່ຖືກງົດປະຕິບັດໜ້າທີ່ຊົ່ວຄາວບໍ່ມີສິດເຄື່ອນໄຫວວຽກງານທາງລັດຖະການ ແລະ ເຄື່ອນໄຫວວຽກອື່ນໆທີ່ເປັນການປັ່ນປ່ວນ ແລະ ກໍຄວາມບໍ່ສະຫງົບທີ່ມີຜົນສະທ້ອນຕໍ່ບຸກຄົນແລະການຈັດຕັ້ງພັກ-ລັດ ຢ່າງເດັດຂາດ ແລະ ຕ້ອງມອບວຽກທີ່ຕົນເອງຮັບຜິດຊອບຄືນໃຫ້ການຈັດຕັ້ງທີ່ຕົນສັງກັດຢູ່ຢ່າງເປັນລາຍລັກອັກສອນ ແລະຂາດຕົວ ໄລຍະງົດການປະຕິບັດໜ້າທີ່ຊົ່ວຄາວໃຫ້ຫັກເງີນເດືອນ ແລະ ເງີນອຸດຫນູນ 50% ໄວ້ ນັບແຕ່ງວດ 3 ປີ 2019 ເປັນຕົ້ນໄປ ຈົນກວ່າຈະສຳເລັດການດຳເນີນຕາມກົດລະບຽບກົດໝາຍ ຫ້ອງການກະຊວງການເງີິນ, ກົມຈັດຕັ້ງ ແລະ ພະນັກງານ, ກົມພາສີ, ທຸກພາກສ່ວນທີ່ກ່ຽວຂ້ອງຈົ່ງຮັບຮູ້ ແລະຈັດຕັ້ງປະຕິບັດຂໍ້ຕົກລົງສະບັບນີ້ຢ່າງເຂັ້ມງວດ, ໃຫ້ກົມພາສີເຜີຍແຜ່ຂໍ້ຕົກລົງສະບັບນີ້ໃຫ້ພະນັກງານ-ລັດຖະກອນຂອງຕົນຮັບຊາບຢ່າງທົ່ວເຖິງ ຂໍ້ຕົກລົງສະບັບນີ້ມີຜົນບັງຄັບໃຊ້ນັບແຕ່ວັນລົງລາຍເຊັ່ນເປັນຕົ້ນໄປ.  

ທະນາຄານພັດທະນາອາຊີ ຫຼື ADB ໄດ້ໃຫ້ການສະໜັບສະໜູນທຶນຫຼາຍເຖິງ 63 ລ້ານໂດລາ ເຂົ້າໃນໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກນ້ຳຖ້ວມ ຫຼື ຄຖລ ໄລຍະທີ 2 ແກ່ລັດຖະບານ ເພື່ອສ້າງຄູປ້ອງກັນນ້ຳຖ້ວມ, ຊົນລະປະທານ, ສະຖານີເຕືອນໄພຢູ່ຈຸດທີ່ມີຄວາມສ່ຽງຕາມເຂດແມ່ນ້ຳຂອງ. ກອງປະຊຸມຄະນະຊີ້ນຳໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງຄຖລ ຂັ້ນສູງກາງ ຄັ້ງທີ 5 ຈັດຂຶ້ນໃນວັນທີ 28 ສິງຫາ 2019 ທີ່ໂຮງແຮມດອນຈັນພາເລດ ໂດຍການເປັນປະທານຮ່ວມຂອງ ທ່ານ ອານຸພາບ ຕຸນາລົມ ປະທານສະພາປະຊາຊົນນະຄອນຫຼວງວຽງຈັນ, ປະທານຊີ້ນໍາໂຄງການ ຄຖລ; ທ່ານ ລຽນ ທິແກ້ວ ລັດຖະມົນຕີກະຊວງກະສິກໍາ ແລະ ປ່າໄມ້ ພ້ອມດ້ວຍຫົວໜ້າກົມ, ຮອງກົມ, ຝ່າຍປະສານງານຈາກທະນາຄານພັດທະນາອາຊີ ແລະ ພາກສ່ວນກ່ຽວຂ້ອງເຂົ້າຮ່ວມ. ທ່ານ ອານຸພາບ ຕຸນາລົມ ປະທານຊີ້ນໍາໂຄງການ ຄຖລ ກ່າວວ່າ: ໂຄງການຄຸ້ມຄອງ ແລະ ຫຼຸດຜ່ອນຄວາມສ່ຽງຈາກໄພນ້ຳຖ້ວມ ແລະ ແຫ້ງແລ້ງໄດ້ຮັບທຶນສະໜັບສະໜູນຈາກທະນາຄານພັດທະນາອາຊີ ຫຼື ...

ກົມ ອຸ​ຕຸ​ນິຍົມ​ແລະ ອຸທົກກະສາດ​ອອກແຈ້ງເຕືອນພະຍຸໝູນເຂດຮ້ອນ​ຄາດວ່າຈະພັດຜ່ານປະເທດລາວໃນວັນທີ 29 ສິງຫາ​ ຫາວັນທີ 1 ກັນຍາ​ 2019