ຂ່າວ ຕ່າງປະເທດ

ສຳນັກຂ່າວຕ່າງປະເທດລາຍງານ ໂດຍອ້າງຂໍ້ມູນຈາກສຳນັກງານສະຖິຕິແຫ່ງຊາດ ຫວຽດນາມ ໃຫ້ຮູ້ວ່າ: ແຮງງານ ປະມານ 31 ລ້ານຄົນ ໃນຫວຽດນາມ ໄດ້ຮັບຜົນກະທົບທາງເສດຖະກິດ ຈາກການລະບາດຂອງພະຍາດໂຄວິດ – 19, ໃນຈຳນວນນີ້ມີຜູ້ວ່າງງານ 900.000 ຄົນ ແລະ ເກືອບ 18 ລ້ານຄົນ ມີລາຍໄດ້ຫຼຸດລົງ, ຫາກຍັງບໍ່ມີມາດຕະການເພື່ອກະຕຸ້ນເສດຖະກິດ ອາດສົ່ງຜົນໃຫ້ມີຜູ້ວ່າງງານເພີ່ມຂຶ້ນອີກ 5 ລ້ານຄົນ ພາຍໃນທ້າຍປີນີ້. ມາຮອດປັດຈຸບັນ ຫວຽດນາມ ມີຍອດຜູ້ຕິດເຊື້ອໂຄວິດ – 19 ສະສົມ 369 ຄົນ, ບໍ່ມີຜູ້ເສຍຊີວິດ ແລະ ຍັງບໍ່ພົບຜູ້ຕິດເຊື້ອລາຍໃໝ່ພາຍໃນປະເທດຕິດຕໍ່ກັນ 80 ກວ່າວັນ ເນື່ອງຈາກສາມາດຄວບຄຸມການແຜ່ລະບາດໂຄວິດ – 19 ໄດ້ເປັນຢ່າງດີ. ແນວໃດກໍຕາມ, ຫວຽດນາມ ຍັງຕ້ອງປະເຊີນກັບບັນຫາດ້ານເສດຖະກິດ ເນື່ອງຈາກອັດຕາການເຕີບໂຕທາງເສດຖະກິດໃນໄຕມາດ 2 ຂະຫຍາຍຕົວຕ່ຳສຸດໃນຮອບ 30 ປີ ເຊິ່ງໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ – 19 ສົ່ງຜົນໃຫ້ເສດຖະກິດພາຍໃນປະເທດຂະຫຍາຍຕົວຕໍ່າກວ່າເປົ້າໝາຍທີ່ລັດຖະບານຫວຽດນາມ ກຳນົດໄວ້. ຂໍ້ມູນ: ເສດຖະກິດການຄ້າ

ລາຍງານຜູ້ເສຍຊີວິດຈາກ Covid-19 ລາຍວັນ ທຳລາຍສະຖິຕິສູງສຸດນັບຕັ້ງແຕ່ມີການແຜ່ລະບາດໃນວັນທີ 14 ກໍລະກົດ 2020 ທັງ 3 ລັດ ພົບຜູ້ຕິດເຊື້ອເພີ່ມຂຶ້ນເປັນຄັ້ງທຳອິດ ນັບຕັ້ງແຕ່ເດືອນເມສາ ຕໍ່ເນື່ອງຈາກລັດຖະບານຂອງອາເມລິກາດ່ວນກັບມາເປີດເສດຖະກິດໄວເກີນໄປ. ສຳນັກຂ່າວຣອຍເຕີ ໄດ້ເຮັດການວິເຄາະຂໍ້ມູນຈາກ The COVID Tracking Project ພົບວ່າ ເມື່ອອາທິດທີ່ຜ່ານມາ ມີ 46 ຈາກທັງໝົດ 50 ລັດ ພົບເຫັນຈຳນວນຜູ້ຕິດເຊື້ອກໍລະນີໃໝ່ເພີ່ມຂຶ້ນຈາກອາທິດກ່ອນໜ້ານັ້ນ ແລະ ຕັ້ງແຕ່ເຂົ້າສູ່ ເດືອນ ກໍລະກົດ ຈົນເຖິງຕອນນີ້ ພົບວ່າມີຢູ່ 28 ລັດ ທີ່ທຳລາຍສະຖິຕິພົບຜູ້ຕິດເຊື້ອກໍລະນີໃໝ່ລາຍວັນສູງສຸດ. ໂດຍມີຜູ້ຕິດເຊື້ອແລ້ວຫຼາຍກວ່າ 3,3 ລ້ານຄົນ ສະຫະລັດຈຶ່ງເປັນປະເທດອັນດັບ 1 ຂອງໂລກ ທີ່ມີອັດຕາຜູ້ຕິດເຊື້ອສູງສຸດເມື່ອທຽບກັບຈຳນວນປະຊາກອນ ແລະ ຈຳນວນຜູ້ເສຍຊີວິດຫຼາຍກ່ວາ 135,000 ຄົນ ອາເມລິກາຈຶ່ງເປັນອັນດັບທີ 7 ຂອງໂລກ ໃນອັດຕາຜູ້ເສຍຊີວິດສູງສຸດ ຫາກທຽບກັບຈຳນວນປະຊາກອນ. ຟຣໍລິດາ ລະບຸໃນວັນທີ 7 ກໍລະກົດ ຜ່ານມາ ພົບວ່າມີຜູ້ເສຍຊີວິດຈາກພະຍາດ Covid-19 ເພີ່ມອີກ ...

ຜົນກະທົບຈາກ COVID-19 ເຮັດໃຫ້ເກີດການປ່ຽນແປງຢ່າງກະທັນຫັນ ເຊິ່ງໄດ້ເຮັດໃຫ້ຮ້ານຂາຍເຄື່ອງຍ່ອຍ ຈໍານວນຫລາຍເຊັ່ນ: Neiman Marcus, JCPenney, ແລະ J.Crew ຕົກຢູ່ໃນວິກິດລົ້ມລະລາຍ ຍ້ອນວ່າການໃຊ້ຈ່າຍຂອງຜູ້ບໍລິໂພກໄດ້ຜັນປ່ຽນມາທາງ online ຫຼາຍຂຶ້ນ. ໃນຄວາມເປັນຈິງ, ມີໂຄງການຄາດຄະເນວ່າ ຢ່າງໜ້ອຍ 25,000 ຮ້ານຂອງສະຫະລັດອາເມລິກາຈະດີຂື້ນໃນປີໜ້າ. ເຖິງຢ່າງໃດກໍ່ຕາມ, ຍ້ອນວ່າຄວາມທ້າທາຍຂອງລະບົບຕ່ອງໂສ້ຄວາມປອດໄພ ແລະ ການສະ ໜອງທີ່ເພີ່ມຂື້ນ ດ້ວຍຄ່າໃຊ້ຈ່າຍທີ່ກ່ຽວຂ້ອງກັບການປ້ອງກັນ ການແຜ່ລະບາດຂອງ Covid-19 ໃນຫຼາຍພັນຕື້ໂດລາສະຫະລັດ ຈຶ່ງເຮັດໃຫ້ເກີດຂໍ້ຫຍຸ້ງຍາກ. ເກືອບ 39% ສ່ວນແບ່ງຂອງການຂາຍຍ່ອຍດ້ານການຄ້າເອເລັກໂທຣນິກຂອງສະຫະລັດອາເມລິກາ, ຕະຫຼາດຂອງ Amazon ໄດ້ເພີ່ມຂຶ້ນ 2.830% ໃນທົດສະວັດທີ່ຜ່ານມາ. ຮູບແບບທຸລະກິດ ເປັນການເລັ່ງໃສ່ການຄອບຄອງຕະຫຼາດແທນທີ່ຈະສຸມໃສ່ ຜົນກຳໄລໃນໄລຍະສັ້ນ ສິ່ງເຫຼົ່ານີ້ເປັນປັດໃຈໜຶ່ງ ທີ່ເຮັດໃຫ້ Amazon ມີການຂະຫຍາຍຕົວໄວຂື້ນ. ການຄາດຄະເນໃນປີທີ່ຜ່ານມາ ໂດຍ The Economist ໄດ້ຕັດການປະຕິບັດການຂາຍຍ່ອຍຂອງ Amazon ຢູ່ທີ່ -1%. ນັກວິເຄາະອີກຄົນໜຶ່ງ ໄດ້ແນະນຳວ່າບໍລິສັດມີຈຸດປະສົງຂາຍສິນຄ້າຂາຍຍ່ອຍໂດຍຂາດທຶນ. ວິທີທີ່ Amazon ປະຕິບັດໄດ້ ສຳຫຼັບການດຳເນີນງານນີ້ແມ່ນຜ່ານການບໍລິການທີ່ສ້າງລາຍໄດ້ຈາກ Amazon Web ...

ສຳນັກຂ່າວຊິນຫົວລາຍງານເມື່ອວັນທີ 14 ກໍລະກົດ 2020 ວ່າ ບໍລິສັດ ສືເຈຍຈວງ ອີ໋ຫລິ່ງ ຟາຣມາຊູຕິຄອລ ຈຳກັດ ຜູ້ຜະລິດຢາແຄັບຊູນຫຼຽນຮວາຊິງເວິນ ຊື່ງເປັນຢາທີ່ຄະນະກຳມະການສຸຂະພາບແຫ່ງຊາດຈີນ ແນະນຳວ່າມີປະສິດທິພາບໃນການປິ່ນປົວພະຍາດໂຄວິດ-19 ລາຍງານການເຕີບໂຕຂອງຜົນກຳໄລທີ່ເພີ່ມຂຶ້ນຢ່າງເຫັນໄດ້ຊັດເຈນໃນຊ່ວງເຄີ່ງປີ 2020. ການປະເມີນການລາຍໄດ້ເບື້ອງຕົ້ນຂອງບໍລິສັດ ທີ່ຍື່ນຕໍ່ຕະຫລາດຫລັກຊັບເຊິນເຈິ້ນ ລະບຸວ່າກຳໄລສຸດທິຂອງກຸ່ມຜູ້ຖືຫຸ້ນໄດ້ເພີ່ມຂື້ນລະຫວ່າງ 50-60 ສ່ວນຮ້ອຍ ເມື່ອທຽບປີຕໍ່ປີ ຢູ່ທີ່ລະຫວ່າງ 682-728 ລ້ານຢວນ (ປະມານ 100 ລ້ານໂດລາ). ໃນຊ່ວງເຄີ່ງປີທຳອິດ ບໍລິສັດເຜີຍວ່າຍອດຈຳຫນ່າຍຢາແຄັບຊູນຫຼຽນຮວາຊິງເວິນເຕີບໂຕຢ່າງວ່ອງໄວໃນຊ່ວງເຄີ່ງປີທຳອິດ ໂດຍສະເພາະຢ່າງຍິ່ງໃນໄຕມາດ 2 ເນື່ອງຈາກແພດແຜນຈີນ ໄດ້ຮັບການຍອມຮັບຫລາຍຂື້ນທັງໃນແລະຕ່າງປະເທດ ຊື່ງຊ່ວຍກະຕຸ້ນຍອດຈຳຫນ່າຍເພີ່ມສູງຕາມໄປ. ທັງນີ້ ຢາແຄັບຊູນຫຼຽນຮວາຊິງເວິນໄດ້ຮັບການອະນຸມັດໃຫ້ວາງຈຳຫນ່າຍໃນສິງກະໂປ ຫລັງຂື້ນທະບຽນເປັນຢາຈີນທີ່ມີສິດທິບັດ ໂດຍສຳນັກງານວິທະຍາສາດສຸຂະພາບ ຂອງສິງກະໂປຢ່າງເປັນທາງການ ເມື່ອເດືອນພຶດສະພາທີ່ຜ່ານມາ. ຂະນະດຽວກັນມູນຄ່າຫຸ້ນຂອງສື່ເຈຍຈວງ ອີ໋ຫລິ່ງ ຟາຣມາຊູຕິຄອລ ຊື່ງເປັນບໍລິສັດຜູ້ຜະລິດຢາທີ່ຈົດທະບຽນໃນຕະຫລາດຫລັກຊັບເຊິນເຈິ້ນເພີ່ມຂື້ນ 4.49 ສ່ວນຮ້ອຍ ປິດທີ່ 35.89 ຢວນ (ປະມານ 50,000 ກີບ) ຕໍ່ຫນ່ວຍເມື່ອວັນສຸກ (10 ກໍລະກົດ) ທີ່ຜ່ານມາ.

ສຳນັກຂ່າວເຕັກໂນໂລຊີຂອງເກົາຫຼີລາຍງານກ່ຽວກັບການຄາດຄະເນຂອງບໍລິສັດ Dell’Oro ຄົ້ນຄ້ວາໂຄງປະກອບຂອງຕະຫຼາດອຸປະກອນ 5G ໃນໄຕມາດທຳອິດຂອງ ປີ 2020. ບໍລິສັດ Huawei ຂອງຈີນ ໄດ້ຮັບສ່ວນແບ່ງຍອດລາຍຮັບທົ່ວໂລກໃນຂະແໜງນີ້ 35,7%, ກ່ອນໜ້າ Ericsson (24.6%), Nokia (15,8%) ແລະ Samsung (13,2%). ບໍລິສັດ Huawei ໄດ້ພັດທະນາເຕັກໂນໂລຊີໃນຂົງເຂດເຄືອຂ່າຍໂທລະຄົມມະນາຄົມທົ່ວໂລກ ນັບແຕ່ປີ 2016 ເປັນຕົ້ນມາ ແລະ ໄດ້ຮັບຜົນປະໂຫຍດທີ່ໝັ້ນຄົງໃນຂະແໜງການນີ້. ແຫຼ່ງຂໍ້ມູນ: https://equalocean.com/briefing/20200705230002319

ລົດທີ່ບໍ່ຕ້ອງມີຄົນຂັບ ກາຍເປັນເຕັກໂນໂລຊີ ທີ່ຫຼາຍຄົນໃຫ້ຄວາມສົນໃຈ ໂດຍສະເພາະເມື່ອເຕັກໂນໂລຊີ AI ຮວມເຂົ້າກັບການຮັບສົ່ງຂໍ້ມູນດ້ວຍຄວາມໄວສູງໃນລະດັບ 5G ຊ່ວຍໃຫ້ລົດທີ່ບໍ່ຕ້ອງມີຄົນຂັບມີປະສິດທິພາບຫຼາຍຂຶ້ນ ສິ່ງທີ່ສຳຄັນມີຄວາມຖືກຕ້ອງສູງໃນການກວດຈັບສະພາບການຈະລາຈອນໃນຖະໜົນໄດ້ແບບ Real Time ເຊິ່ງຈະຊ່ວຍເພີ່ມຄວາມປອດໄພໃຫ້ກັບການເດີນທາງໃນທ້ອງຖະໜົນ. ເປັນທີຮູ້ກັນດີຢູ່ແລ້ວວ່າ Tesla ຄ່າຍລົດໄຟຟ້າທີ່ສ້າງຂຶ້ນມາຫຼັງປີ 2000 ເປັນຄ່າຍທຳອິດທີ່ໃຫ້ຄວາມສຳຄັນກັບການໃຊ້ເຕັກໂນໂລຊີລົດໃຫຍ່ທີ່ບໍ່ຕ້ອງມີຄົນຂັບ ໂດຍສະເພາະ Fuction Autopilot ທີ່ຊ່ວຍໃຫ້ລົດຢູ່ໃນເລນ ໂດຍໃນປະເທດທີ່ Tesla ເຂົ້າໄປເຮັດການຕະຫຼາດຢ່າງຈິງຈັງ Fuction Autopilot ຈະເຮັດວຽກກ່ຽວກັບລະບົບ  GPS ໃນການຄົ້ນຫາເສັ້ນທາງ ແລະ ເຮັດການເດີນທາງໄປຕາມເສັ້ນທາງທີ່ GPS ກຳນົດໂດຍອັດຕະໂນມັດ. ໂດຍກ່ອນໜ່ານີ້ Tesla ຫາກໍເປີດໂຕ Fuction ໃໝ່ ຄື: “Smart Summon” ໃນການສັ່ງໃຫ້ລົດ Tesla ອອກຈາກບ່ອນຈອດລົດມາຫາເຈົ້າຂອງລົດແບບບໍ່ຕ້ອງມີຄົນຂັບ ເປັນສິ່ງທີ່ຊ່ວຍຢືນຢັນໃນການພັດທະນາເຕັກໂນໂລຊີຂອງ Tesla ສົ່ງຜົນໃຫ້ເມື່ອບໍ່ດົນມານີ້ຄ່າຍລົດ Tesla ມີມູນຄ່າສູງກວ່າຄ່າຍລົດຍົນໃຫຍ່ຍີ່ປຸ່ນເຊັ່ນ TOYOTA ແລະ ສົ່ງຜົນໃຫ້ Elon Musk ມີສັບສິນຫຼາຍກ່ວາ Warren Buffett  ແລ້ວເຮັດໃຫ້ Elon Musk ກາຍເປັນເສດຖີອັບດັບທີ 7 ຂອງໂລກ. ນອກຈາກນີ້, Elon Musk  ຍັງຊີ້ໃຫ້ເຫັນວ່າ ລົດທີ່ມີເຕັກໂນໂລຊີໃນລະດັບ 5​G ເຊິ່ງໝາຍເຖິງລົດທີ່ຂັບໄດ້ເອງ ໂດຍບໍ່ຕ້ອງມີການແຊກແຊງຂອງມະນຸດ 100% ຫຼື ...

ກະຊວງຊັບພະຍາກອນນໍ້າຂອງປະເທດຈີນ ລາຍງານສະຖານະການນໍ້າຖ້ວມວ່າ: ລະດັບນໍ້າໃນແມ່ນໍ້າຫຼາຍສາຍເພີ່ມສູງກວ່າລະດັບແຈ້ງເຕືອນມາຕັ້ງແຕ່ຕົ້ນເດືອນກໍລະກົດ ເຊິ່ງເປັນຜົນມາຈາກການປ່ຽນແປງຂອງສະພາບອາກາດ ແລະ ໄດ້ສ້າງຄວາມເສຍຫາຍທາງດ້ານເສດຖະກິດຫຼາຍກວ່າ 60 ພັນລ້ານຢວນ. ຂະນະນີ້ມີເຂື່ອນຈໍານວນ 4 ແຫ່ງ ທີ່ຕ້ອງເລັ່ງລະບາຍນໍ້າຢ່າງຮີບດ່ວນ ລວມທັງຍັງມີອ່າງເກັບນໍ້າອີກຈໍານວນ 200 ແຫ່ງ ທີ່ມີລະດັບນໍ້າສູງເກີນກວ່າລະດັບນໍ້າທີ່ເກັບໄວ້ເຊັ່ນດຽວກັນ. ສະຖານະການນໍ້າຖ້ວມໃນຄັ້ງນີ້,  ສົ່ງຜົນກະທົບຕໍ່ປະຊາຊົນຫຼາຍກວ່າ 33 ລ້ານຄົນໃນ 80 ເມືອງ, ມີບ້ານເຮືອນເສຍຫາຍກວ່າ 2.4 ແສນຫຼັງຄາເຮືອນ, ມີຜູ້ບາດເຈັບ 220 ກວ່າຄົນ, ເສຍຊີວິດ 273 ຄົນ ແລະ ມີຄົນສູນຫາຍ 80 ຄົນ, ມີປະຊາຊົນທີ່ອົບພະຍົບອອກຈາກພື້ນທີ່ຫຼາຍກວ່າ 1.7 ລ້ານຄົນ. ລະດັບນໍ້າທີ່ຖ້ວມສູງໃນເຂດພໍຫຍາງຂອງມວນທົນຈຽງຊີເຮັດໃຫ້ລະດັບນໍ້າໃນທະເລສາບພໍຫຍາງ ເຊິ່ງເປັນທະເລນໍ້າຈືດທີ່ໃຫຍ່ທີ່ສຸດຂອງປະເທດຈີນເພີ່ມຂຶ້ນມາ ຢູ່ທີ 22.52 ແມັດ ສູງກວ່າລະດັບການເຕືອນໄພ  19.50 ແມັດ ຕັ້ງແຕ່ວັນທີ 11 ກໍລະກົດທີ່ຜ່ານມາ. ສ່ວນຢູ່ທີ່ເມືອງອູ່ຮັ່ນ ປະຊາກອນປະມານ 11 ລ້ານຄົນກຳລັງປະເຊີນກັບອຸທົກກະໄພເປັນຄັ້ງທີ 7 ນັບຕັ້ງແຕ່ເດືອນ ມິຖຸນາ ທີ່ຜ່ານມາ ຫຼັງຈາກທີ່ຕ້ອງປະເຊີນກັບໂຄວິດ-19.      

ປະທານາທິບໍດີສະຫະລັດອາເມລິກາ ໂດນັລ ທຣຳ ເປີດເຜີຍວ່າ ຝ່າຍບໍລິຫານຄະນະລັດຖະບານກຳລັງພິຈາລະນາຄຳສັ່ງຫ້າມແອັບ TikTok ທີ່ເປັນແອັບກ່ຽວກັບຄຣິບວີດີໂອສັ້ນໆ ດຳເນີນງານໃນແຜ່ນດິນຂອງສະຫະລັດອາເມລິກາ ໂດຍມີການຊີ້ແຈງວ່າເປັນມາດຕະການໜຶ່ງໃນການຕອບໂຕ້ຈີນທີ່ບໍ່ສາມາດຈັດການກັບການແຜ່ລະບາດຂອງ COVID-19 ຈົນກໍ່ໃຫ້ເກີດການລະບາດໄປທົ່ວໂລກ ແລະ ມີຜູ້ເສຍຊີວິດເປັນຈຳນວນຫຼວງຫຼາຍ.   ການຕັດສິນໃຈດັ່ງກ່າວ ຂອງປະທານາທິບໍດີສະຫະລັດອາເມລິກາ ເກີດຂຶ້ນຫຼັງຈາກທີ່ທ່ານ ໄມຄ໌ ປອມເປໂອ (Mike Pompeo) ລັດຖະມົນຕີວ່າການກະຊວງຕ່າງປະເທດ ສະຫະລັດອາເມລິກາ ເປີດເຜີຍວ່າ ກຳລັງພິຈາລະນາແບນ Application Social Media ຂອງຈີນ ໃນນັ້ນມີແອັບ TikTok ນຳ ເຖິງແມ່ນວ່າແອັບ TikTok ໃນສະຫະລັດອາເມລິກາ ໄດ້ວ່າຈ້າງ Kevin Mayer  ອະດີດຜູ້ບໍລິຫານບໍລິສັດ Walt Disney Co. ໃນຕຳແໜ່ງປະທານເຈົ້າໜ້າທີ່ບໍລິຫານ ໃນເດືອນທີ່ຜ່ານມາ.  ແຕ່ບໍລິສັດແມ່ເຊັ່ນ ByteDance ກໍຍັງເປັນບໍລິສັດຈາກຈີນ ໂດຍທ່ານ ໄມຄ໌ ປອມເປໂອ (Mike Pompeo)  ແນະນຳໃຫ້ປະຊາກອນໃນອາເມລິກາ ບໍ່ຄວນດາວໂຫຼດແອັບ TikTok ລົງໃນໂທລະສັບມືຖື ຍົກເວັ້ນແຕ່ການໃຫ້ຂໍ້ມູນສ່ວນຕົວຂອງພວກເຂົາຕົກຢູ່ໃນມືຂອງພັກຄອມມູນິດຈີນ, ໃນສະຫະລັດອາເມລິກາ ແອັບ TikTok ໄດ້ຮັບການດາວໂຫຼດຫຼາຍກ່ວາ 165 ລ້ານເທື່ອ. ໂດຍທາງ TikTok ໄດ້ປະຕິເສດຂໍ້ກ່າວຫາວ່າເປັນໄພຄຸກຄາມຕໍ່ຄວາມໝັ້ນຄົງຂອງສະຫະລັດອາເມລິກາ. ແຫຼ່ງຂໍ້ມູນ: <iframe src=”https://www.facebook.com/plugins/post.php?href=https%3A%2F%2Fwww.facebook.com%2FMarketingOopsdotcom%2Fposts%2F10156990103187610&width=500″ width=”500″ height=”585″ ...

ສະກຸນເງິນຢວນ Digital ອາດຈະຖືກນຳໃຊ້ໃນອີກບໍ່ດົນ ເຊິ່ງເລື່ອງນີ້ເປັນປະເດັນໃຫຍ່ມາແຮງຫຼາຍ, ແຕ່ກໍມີຄຳຖາມສຳຄັນທີ່ຫຼາຍຄົນອາດຈະເບິ່ງຂ້າມຄື ຈີນພ້ອມທີ່ຈະໃຊ້ງານແທ້ໆແລ້ວບໍ ແລ້ວນອກຈາກນີ້ ມັນອາດຈະສົ່ງຜົນກະທົບຫຍັງແດ່. ສະກຸນເງິນຢວນ Digital ແມ່ນຫຍັງ? ຫາກອະທິບາຍແບບພາບລວມໃຫ້ເຂົ້າໃຈງ່າຍທີ່ສຸດຄື ມັນມີຮູບແບບຂອງການນຳເງິນສົດໃນກະເປົາຍ້າຍມາທີ່ໂລກ Online ເຊິ່ງມີຈຸດເດັ່ນຄືໃຊ້ຈ່າຍໄດ້ໃນແບບອອຟໄລນ໌ (Offline) ໂດຍບໍ່ຕ້ອງເຊື່ອມອິນເຕີເນັດສະເໝີໄປ, ສ່ວນແອັບສຳຄັນໃນການໃຊ້ງານເຊັ່ນ: Alipay ແລະ WeChatPay ເຊິ່ງເປັນ 2 ແອັບຫຼັກ ທີ່ຄົນຈີນໃຊ້ງານຢູ່ແລ້ວໃນມືຖືຂອງແຕ່ລະຄົນ ພ້ອມທັງແອັບເຫຼົ່ານີ້ໄດ້ຜູກມັດກັບບັນຊີທະນາຄານຂອງແຕ່ລະຄົນອີກດ້ວຍ. ສຳຫຼັບທີ່ມາຂອງສະກຸນເງິນຢວນ Digital ຖືກພັດທະນາໃນກຸ່ມວິໄຈດ້ານເງິນ Digital Currency Research Institute ເຊິ່ງເປັນການຮ່ວມກັນກໍ່ຕັ້ງໂດຍລັດຖະບານ ແລະ ເອກະຊົນ ຕັ້ງແຕ່ປີ 2017 ຜ່ານມາ, ໂດຍເງິນຢວນ Digital ທີ່ອອກແບບກັນມານັ້ນ ມີລັກສະນະເປັນ Central Bank Digital Currency (CBDC) ເຊິ່ງເປັນສະກຸນເງິນທີ່ຄວບຄຸມໂດຍທະນາຄານກາງຂອງຈີນນັ້ນເອງ. ສຳຫຼັບອັດຕາຄ່າເງິນ, ເງິນນີ້ຈະຖືກອອກແບບໃຫ້ຢູ່ໃນອັດຕາສ່ວນ 1:1 ນັ້ນໝາຍຄວາມວ່າ ທຸກການອອກເງິນ 100 ຢວນ Digital ຈະຕ້ອງມີເງິນເກັບໄວ້ໃນບັນຊີຂອງທະນາຄານກາງຂອງຈີນສະເໝີ. ພ້ອມກັນນັ້ນ ສິ່ງທີ່ເປັນຈຸດແຂງໂດຍຫຼັກເລີຍຄື ການທີ່ຊ່ວຍໃຫ້ສາມາດສ້າງທຸລະກິດທາງການເງິນໄດ້ໃນແບບ Offline ໝາຍຄວາມວ່າ ເຖິງແມ່ນວ່າມືຖືຂອງເຮົາຈະບໍ່ໄດ້ຕໍ່ສັນຍານອິນເຕີເນັດ ...

ລອງຄິດເຖິງຈິນຕະນາການ ທີ່ຢູ່ໆມື້ໜຶ່ງມີສິ່ງປະດິດຢ່າງກ້ອງຖ່າຍຮູບຂຶ້ນມາ ເກີດການຖົກຖຽງກັນວ່າຮູບຖ່າຍໄດ້ມາຜ່ານເລນສ໌ນັ້ນ ຍັງຖືວ່າເປັນຜົນງານສິລະປະຢູ່ ຫຼືບໍ ເພາະຮູບທີ່ໄດ້ມັນບໍ່ໄດ້ເກີດຈາກຜົນງານຝີມືຂອງຄົນແຕ່ຢ່າງດຽວ. ການເຂົ້າມາຂອງກ້ອງຖ່າຍຮູບ ເຮັດໃຫ້ຄົນທີ່ບໍ່ມີຝີມືໃນການແຕ້ມຮູບ, ລົງສີມີພາບທີ່ຕົນເອງຢາກໄດ້ ກ້ອງຖ່າຍຮູບ ຈຶ່ງຕອບໂຈດຕະຫຼາດໄດ້ຫຼາຍກ່ວາການບໍລິການຮັບຈ້າງແຕ້ມຮູບ ຢ່າງບໍ່ຕ້ອງສົງໄສ ເພາະບໍ່ຕ້ອງເພິ່ງຈິນຕະນາການ ພ້ອມທັງຍັງໄດ້ຮູບທີ່ຕ້ອງການ ແຕ່ການເຂົ້າມາຂອງກ້ອງຖ່າຍຮູບ Digital ເປັນເລື່ອງໃຫຍ່ກ່ວາການເຂົ້າມາຂອງການຖ່າຍຮູບຟີມອີກ ໂດຍສະເພາະເມື່ອກ້ອງຖ່າຍຮູບ Digital ກາຍເປັນ Function ສ່ວນໜຶ່ງຂອງ ​Smart Phone ເພາະບໍ່ແມ່ນແຕ່ຄົນສາມາດຖ່າຍຮູບຢູ່ໃສກໍໄດ້ ແຕ່ໄດ້ຮູບທີ່ຖ່າຍໄດ້ທັນໃຈ ເຮັດຊໍ້າໄດ້ ຕົກແຕ່ງໄດ້ເອງ ເກັບໄວ້ໃນຄຣາວ ພ້ອມທັງຍັງແຊຣ໌ໄປໃຫ້ໝູ່ເພື່ອນໃນເຄືອຂ່າຍຂອງເຮົາໄດ້. ສິ່ງທີ່ເວົ້າມານັ້ນ ເຮົາເກືອບຈະບໍ່ເສຍຕົ້ນທຶນຫຍັງເລີຍ ການໄດ້ຮູບຈາກກ້ອງຟີມ ທີ່ຕ້ອງໄປທີ່ຮ້ານເພື່ອລ້າງຮູບ ດຽວນີ້ຖ່ານຮູບຕອນໃດ ກໍບໍ່ຕ້ອງຈ້າງໃຜເຮັດ ຖ້າເປັັນເລືອງຂອງການແຊຣ໌ຮູບພາບ ຖ້າໂລກນີ້ມີແຕ່ຈິດຕະກອນ ຈິດຕະກອນຕ້ອງນນັ່ງແຕ້ມຮູບໃຫ້ຄືໆກັນ ແຕ່ໃນເມື່ອຕອນນີ້ Facebook ແລະ Google Photos ມີ AI ສຳຫຼັບ Facial Rcognition  ເຮັດໃຫ້ເຮົາໄດ້ພາບຈາກຄົນອື່ນ ທີ່ມີເຮົາຢູ່ໃນຮູບນຳໄດ້ໂດຍງ່າຍດາຍ ແລະ ສິ່ງເຫຼົ້່ານີ້ ຍັງບໍ່ນັບບົດບາດຂອງ AI ໃນການຖ່າຍຮູບໄດ້ຄົມຊັດຂຶ້ນ AI ໃນການຕັດຕໍ່ພາບໃນ Photoshop ແລະ ອື່ນໆ. ກິດຈະກຳຕ່າງໆທີ່ກ່ຽວກັບຮູບພາບນັ້ນກໍຍິ່ງມີຕົ້ນທຶນນ້ອຍເຂົ້າໄປຍ້ອນ AI ນັ້ນໝາຍຄວາມວ່າ ...