ໃນມະຫະກໍາກິລາຊີເກມ ຄັ້ງທີ 31 ຈັດຂຶ້ນທີ່ ສສ ຫວຽດນາມ, ທັບນັກກິລາລາວສາມາດຍາດມາໄດ້ 42 ຫລຽນ ໃນນັ້ນຫລຽນຄໍາ 2 ຫລຽນ, ຫລຽນເງິນ 7 ຫລຽນ ແລະ ຫລຽນທອງ 33 ຫລຽນ.ສໍາລັບ ຫລຽນຄໍາ ແມ່ນໄດ້ຈາກກິລາ ໂວວີນາມ ປະເພດຟ້ອນດາບຄູ່ຍິງ ນາງ ພິກສະໄໝ ອິນສຸມັງ ແລະ ນາງ ມາລາ ຈັນທະລັກສາ ແລະ ປະເພດຟ້ອນດ່ຽວຊາຍ (ກະບອງ) ທ້າວ ໄພລັດ ທຳມະວົງສາ. ສ່ວນ ຫລຽນເງິນ 7 ຫລຽນ ໄດ້ຈາກນັກກິລາໂວວີນາມ ປະເພດຕໍ່ສູ້ຮຸ່ນນໍ້າໜັກ 60 ກິໂລ, ນັກກິລາກາຣາເຕໂດ ຮຸ່ນນໍ້າໜັກ 84 ກິໂລ, ກິລາເປຕັງ ຊຸດຕີ້ງຍິງ, ທີມຊຸດປະສົມ ຍິງ 2 ຊາຍ 1, ກິລາຢູໂດ ຄູ່ຍິງ, ກິລາກະຕໍ້ ຄູ່ຍິງ ແລະ ...

ທີມນັກກິລາຍິງປືນສາວທີມຊາດລາວ ປະເພດປືນຣັນນິ້ງທາເກັດ ທີມຍິງ ອະດີດ 2 ຫຼຽນຄຳ ວຽງຈັນ ເກມ 2009 ລົງແຂ່ງຂັນກິລາຍິງປືນ ລາຍການດັ່ງກ່າວ ໃນຮ່າໂນ້ຍ ເກມ ສາມາດຍາດໄດ້ອັນດັບທີ 3 ໄດ້ຫຼຽນທອງ ໃຫ້ທີມນັກກິລາລາວ. ສຳລັບຜົນງານຂອງທີມນັກກິລາຍິງປືນສາວ ທີມຊາດລາວ ໃນລາຍການ ຣັນນິ້ງທາເກັດ ປະເພດດ່ຽວ ແລະ ທີມຍິງ ສາມາດຍາດໄດ້ ຫຼຽນທອງ ພຽງລາຍການດຽວ ຈາກປະເພດທີມຍິງສ້າງຄະແນນໄດ້ 1.475 ຄະແນນ ໄດ້ທີ 3 ມາຄອງ ສ່ວນຫຼຽນຄຳຕົກເປັນຂອງນັກກິລາຈາກ ອິນໂດເນເຊຍ ຍິງໄດ້ ທັງໝົດ 1.600 ຄະແນນ ສ່ວນຫຼຽນເງິນ ແມ່ນ ຫວຽດນາມ 1.588 ຄະແນນ ແລະ ໄດ້ທີ 4 ກຳປູເຈຍ ຍິງໄດ້ 667 ຄະແນນ ບໍ່ໄດ້ຫຼຽນລາງວັນ. ຂໍ້ມູນ: ປະຊາຊົນ

ທີມນັກກິລາກະຕໍ້ທີມ 4 ຄົນຍິງ ປະກອບມີ ຮ້ອຍຕີ ນາງ ກ້ອຍ ໄຊຍະວົງ, ຮ້ອຍໂທ ນາງ ນໍຄໍາ ວົງໄຊ, ນາງ ສອນສະຫວັນ ແກ້ວສຸລິຍາ, ນາງ ນວນດໍາ ວໍລະບຸດ ແລະ ອອນອຸມາ ພະວິເສດ ສ້າງຜົນງານໄດ້ເພີ່ມອີກ 1 ຫຼຽນທອງ ລວມຜົນງານຍາດມາໄດ້ 1 ຫຼຽນເງິນ ຄູ່ຍິງ ແລະ ຫຼ້າສຸດ 1 ຫຼຽນທອງ ໃຫ້ທີມນັກກິລາກະຕໍ້ທີມຊາດລາວ ໃນງານມະຫະກຳກິລາຊີເກມ ຄັ້ງທີ 31 ຂ່າວ: ປະຊາຊົນ

ໃນເດືອນພຶດສະພາ ສປ. ຈີນ ນຳເຂົ້ານ້ຳມັນຈາກ ຣັດເຊຍ ເກືອບ 2ລ້ານຖັງ ນຳ​ເຂົ້າ ຜ່ານ​ການ​ຂົນ​ສົ່ງທາງ​ທະ​ເລ 1,1ລ້ານ​ຖັງ ແລະ​ແບບ​ສົ່ງ ຜ່ານ​ທໍ່ອີກ​ປະມານ 800.000ຖັງ. ຈີນ ຊື້​ນ້ຳມັນ ຈາກຣັດ​ເຊຍ ​ໃນ​ລາຄາ ​ຖືກ​ກວ່າ​ ປະ​ເທດ​ອື່ນ ຄິດ​ເປັນ​ ປະລິມານ ​ເກືອບ 2 ລ້ານ​ຖັງ​ ໃນ​ເດືອນ ​ພຶດສະພາ​ນີ້ ກວມ​ເອົາ 15% ຂອງ​ຄວາມ​ຕ້ອງການນຳ​ໃຊ້​ ໃນ​ຈີນ ​ໂດຍອີງ​ຕາມ ຂໍ້ມູນຈາກບໍລິສັດ Vortesa Analytics ຊຶ່ງ​ເປັນ​ຜູ້​ໃຫ້​ບໍລິການວິ​ເຄາະ ຂໍ້​ມູນ ​ກ່ຽວ​ກັບການ​ຂົນ​ສົ່ງ​ນ້ຳມັນ ​ແລະ ອາຍ​ແກັສ ສາກົນ​ ​ເມື່ອ​ບໍ່​ດົນ​ມາ​ນີ້ ລະບຸ​ວ່າ:ຈີນ ນຳ​ເຂົ້າ ນ້ຳມັນ ​ຈາກຣັດ​ເຊຍ ຜ່ານ​ການ​ຂົນ​ສົ່ງທາງ​ທະ​ເລ 1,1ລ້ານ​ຖັງ​ ຕໍ່​ວັນ ​ໃນ​ເດືອນ​ພຶດສະພາ ​ເພີ່ມ​ຈາກ 750.000 ຖັງ​ຕໍ່​ວັນ ​ໃນ​ໄລຍະ ​ໄຕ​ມາດ​ທຳ​ອິດ ​ແລະ​ເພີ່ມ​ຂຶ້ນ​ຈາກ ສະຖິຕິ​ ວັນ​ລະ 800.000 ຖັງ​ຕໍ່​ວັນ ເມື່ອ​ປີ​ກາຍ. ...

ແຂວງສາລະວັນ ໄດ້​ຈັດພິທີສົ່ງອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມກັບຄືນປະເທດ ຈຳນວນ 16 ອັດຖິ ຂຶ້ນ​ເມື່ອບໍ່​ດົນ​ມານີ້ ຢູ່ທີ່ກອງບັນຊາການທະຫານແຂວງ. ປັນຍາຊົນ ແລະ ມວນຊົນຊາວແຂວງສາລະວັນ ແລະ ຄະນະປະຕິບັດງານພິເສດແຂວງເຊກອງ ໄດ້ພ້ອມກັນມາເຕົ້າໂຮມເພື່ອໄຫວ້ອາໄລເຖິງດວງວິນຍານ ແລະ ຈັດສົ່ງອັດຖິ ຂອງທະຫານອາສາສະໝັກ ແລະ ຊ່ຽວຊານຫວຽດນາມ ຈໍານວນ 16 ອັດຖິ. ໃນນັ້ນ, ຂຸດຄົ້ນຈາກແຂວງເຊກອງໄດ້ 3 ອັດຖິ. ຈາກນັ້ນ, ຄະນະຜູ້ແທນທັງສອງຝ່າຍ ແລະ ພາກສ່ວນທີ່ກ່ຽວຂ້ອງ ກໍໄດ້ວາງພວງມະລາ ເພື່ອລະນຶກເຖິງຄວາມຮູ້ບຸນຄຸນຂອງພະນັກງານ – ນັກຮົບ ທະຫານອາສາສະໝັກ ແລະ ຊ່ຽວຊານຫວຽດນາມ ທີ່ເສຍສະຫຼະຊີວິດໃນປາງສົງຄາມໃນຄັ້ງນີ້, ພ້ອມນຳເອົາອັດຖິດັ່ງກ່າວຂຶ້ນສູ່ລົດ ແລະ ນຳສົ່ງກັບຄືນປະເທດຫວຽດນາມຢ່າງສົມກຽດ. ຜົນງານ ແລະ ຄຸນງາມຄວາມດີຂອງບັນດາສະຫາຍພະນັກງານ-ນັກຮົບ ຈະກາຍເປັນແວ່ນແຍງອັນໃສແຈ້ງໃຫ້ແກ່ລູກຫຼານຄົນຮຸ່ນຫຼັງໄດ້ຮໍ່າຮຽນ ແລະ ສືບທອດເອົາຊົ່ວກາລະນານ. ຂໍ້ມູນ: ປະຊາຊົນ

ວັນ​ທີ18​ ພຶດສະພາ​, ທະນາຄານ ​ຫລາຍ​ແຫ່ງ ​ໃນ​ຫວຽດນາມ ປະກາດ​ ປັບ​ຂຶ້ນ​ ອັດຕາດອກ​ເບ້ຍເງິນ​ຝາກ 0,1% ຫາ 0,6% ​ເຮັດ​ໃຫ້​ອັດຕາ ດອກ​ເບ້ຍເງິນ​ຝາກນັບ​ຕັ້ງ​ແຕ່​ເດືອນ​ນີ້ເປັນຕົ້ນ​ໄປ ເພີ່ມ​ຂຶ້ນ 6,5%-7,4%. ປັດຈຸບັນ ທະນາຄານ NamABankສະ​ເໜີ ​ດອກ​ເບ້ຍ​ ສູງ​ສຸດລະດັບ 7,4%​ໃຫ້​ກັບ ​ລູກ​ຄ້າທີ່​ດຳ​ເນີນການ​ຝາກ​ເງິນ ຜ່ານ​ທາງແອບ​ພລິ​ເຄຊັນ ທະນາຄານຂອງ​ສະມາດ​ໂຟນ ​ເປັນ​ເວລາ 16-36​ເດືອນ. ການ​ປັບ​ຂຶ້ນ ອັດຕາ​ ດອກ​ເບ້ຍ​ເງິນ​ຝາກ ມີ​ຂຶ້ນ​ໃນ​ໄລຍະ​ ທີ່​ຕ້ອງການຂໍ​ສິນ​ເຊື່ອ​ເພີ່ມ​ສູງ​ຂຶ້ນ​ຫລາຍ ​ໂດຍ​ຄາດ​ ການ​ວ່າ ​ແຮງ​ກົດ​ດັນເງິນ​ເຟີ້ ​ແລະການ​ແຂ່ງຂັນ​ກັນຫລາຍ​ຂຶ້ນ ຈາກ​ຊັບ​ສິນຊະນິດ​ອື່ນໆ​ເຊັ່ນ ອະສັງຫາ ລິມະ​ຊັບ ​ແລະ ຫລັກ​ຊັບ ຈະ​ກົດ​ດັນ​ ໃຫ້​ອັດຕາດອກ​ເບ້ຍ​ເງິນ​ຝາກ​ ປັບ​ຕົວ​ສູງ​ຂຶ້ນ. ອັດຕາ​ ດອກ​ເບ້ຍ​ເງິນ​ຝາກ ມີ​ທ່າ​ອ່ຽງ ປັບ​ຕົວ​ສູງ​ຂຶ້ນ 0,3%-0,5% ສູ່​ລະດັບ 5,9%-6,1%​ໃນ​ປີ​ນີ້. ຂໍ້ມູນ: ຂປລ

ວັນທີ 18 ພຶດສະພານີ້, ທ່ານ ສີຈິ້ນຜິງ ປະທານປະເທດຈີນ ໄດ້ກ່າວຄຳປາໄສໃນພິທີສະເຫຼີມສະຫຼອງການສ້າງຕັ້ງຄະນະກຳມະການສົ່ງເສີມການຄ້າສາກົນຂອງຈີນ ຄົບຮອບ 70 ປີ ແລະ ກອງປະຊຸມສຸດຍອດວ່າດ້ວຍການສົ່ງເສີມການຄ້າແລະ ການລົງທຶນໂລກ ຜ່ານທາງວິດີໂອ. ທ່ານ ສີຈິ້ນຜິງ ກ່າວເນັ້ນໜັກວ່າ: ປັດຈຸບັນ, ໂລກພວມປະເຊີນກັບສະພາບການປ່ຽນແປງທີ່ບໍ່ເຄີຍພົບເຫັນໃນຮອບຮ້ອຍປີ ແລະ ສະພາບການລະບາດຂອງພະຍາດໂຄວິດ-19 ໄດ້ເກີດຂຶ້ນຢ່າງສະຫຼັບສັບຊ້ອນ, ເສດຖະກິດໂລກາພິວັດໄດ້ປະສົບກັບພາຍຸລົມແດງ, ໂລກໄດ້ເຂົ້າສູ່ໄລຍະການປ່ຽນແປງ. ວົງການອຸດສາຫະກຳການຄ້າຂອງບັນດາປະເທດ ມີຄວາມປາຖະໜາຢາກມີສັນຕິພາບ ແລະ ການພັດທະນາ, ມີສຽງຮຽກຮ້ອງຢ່າງແຮງກ້າ ເຖິງຄວາມຍຸຕິທຳ ແລະ ຄວາມເປັນທຳ ແລະ ມີຄວາມປາຖະໜາຢ່າງຮີບດ່ວນກວ່າເກົ່າ ຢາກມີການຮ່ວມມືແບບຕ່າງຝ່າຍຕ່າງມີຜົນປະໂຫຍດ. ທ່ານ ສີຈິ້ນຜິງ ໄດ້ມີຂໍ້ສະເໜີ 4 ຂໍ້ຄື: ໜຶ່ງ, ເຕົ້າໂຮມກຳລັງແຮງເຂົ້າກັນເພື່ອເອົາຊະນະພະຍາດ, ສອງ, ພັດທະນາການຄ້າແລະ ການລົງທຶນໃຫ້ຈະເລີນຄືນໃໝ່. ສາມ, ຢຶດໝັ້ນໃນການຊຸກຍູ້ການພັດທະນາດ້ວຍການປະດິດສ້າງ, ສີ່, ປັບປຸງການບໍລິຫານໂລກໃຫ້ສົມບູນຂຶ້ນ. ທ່ານ ສີຈິ້ນຜິງ ຍັງກ່າວເນັ້ນໜັກຕື່ມວ່າ: ຈີນຈະສືບຕໍ່ສ້າງສະພາບແວດລ້ອມ ການດຳເນີນທຸລະກິດຕາມຫຼັກການຕະຫຼາດ, ຕາມກົດໝາຍ ແລະ ເຊື່ອມໂຍງ ເຂົ້າກັບສາກົນຢ່າງຕໍ່ເນື່ອງ, ປະຕິບັດສັນຍາຄູ່ຮ່ວມເສດຖະກິດຮອບດ້ານໃນພາກພື້ນ ຫຼື ...

ໂວວິນາມ ເປັນກິລາມວຍປະເພດໜຶ່ງ ຖືເປັນສິລະປະການຕໍ່ສູ້ປະຈຳຊາດຂອງຫວຽດນາມ ເຊິ່ງການແຂ່ງຂັນຈະເນັ້ນໄປທີ່ລີລາທ່າທາງການຕໍ່ສູ້ໃນການໂຈມຕີຝ່າຍກົງກັນຂ້າມ ໂດຍໃຊ້ເຕັກນິກທີ່ເປັນປັດໄຈເຂົ້າມາມີສ່ວນໃນການແຂ່ງຂັນອີກຫຼາຍຢ່າງ. ໂວວິນາມ ກິລາປະເພດນີ້ເລີ່ມຕົ້ນຄັ້ງທຳອິດໃນປີ 1938 ໃນປະເທດຫວຽດນາມ ເພື່່ອເປັນການປູກຝັງ ແລະ ເຝິກຝົນໃຫ້ຄົນໃນຊາດມີທັກສະການຕໍ່ສູ້ ແລະ ປ້ອງກັນໂຕໃຫ້ປອດໄພ ເຊິ່ງຮູບແບບການໂຈມຕີມີຫຼາກຫຼາຍປະເພດທີ່ຖືກຈໍາແນກອອກໄປ ນັກກິລາສາມາດໃຊ້ເກືອບທຸກສ່ວນຂອງຮ່າງກາຍໃນການໂຈມຕີຄູ່່ຕໍ່ສູ້ເຊັ່ນ ສອກ, ຊົກ, ເຕະ, ການປໍ້າ, ເພື່ອຢຸດຢັ້ງຄູ່ຕໍ່ສູ້ ໂດຍປະສົມປະສານກັບການໃຊ້ອາວຸດເຊັ່ນ ດາບ, ຂວັນ…ການໃຊ້ອາວຸດຈະບໍ່ເນັ້ນໃຫ້ຜູ້ເຂົ້າແຂ່ງຂັນເກີດອັນຕະລາຍ ສ່ວນໃຫຍ່ແມ່ນຈະເນັ້ນໂຈມຕີໄປທີ່ການຮັດຄໍ ການຕໍ່ສູ້ດ້ວຍມືເປົ່າເປັນຫຼັກ. ຂໍ້ມູນ: sportyouside ຮູບພາບປະກອບ

ພິທີປະກາດການຈັດຕັ້ງ ຄະນະບໍລິຫານງານ ສະພາວິຊາຊີບນັກບັນຊີ ແລະ ນັກກວດສອບ (ສວ-ບກລ) ແລະ ມອບຮັບໜ້າທີ່ ລະຫວ່າງ ທ່ານ ນາງ ພິລານີ ພິດສະໄໝ ປະທານ ສະພາວິຊາຊີບນັກບັນຊີ ແລະ ນັກກວດສອບຜູ້ເກົ່າ ແລະ ທ່ານສອນໄຊ ສີລາເພັດ ປະທານ ສະພາວິຊາຊີບນັກບັນຊີ ແລະ ນັກກວດສອບຜູ້ໃໝ່ ຈັດຂື້ໜໃນວັນທີ 18 ພຶດສະພາຜ່ານມາ ເພື່ອສືບຕໍ່ຊີ້ນໍາວຽກງານ ສວ-ບກລ ໃຫ້ມີບົດບາດສໍາຄັນ ໃນການປະກອບສ່ວນຢ່າງຕັ້ງໜ້າເຂົ້າໃນການປັບປຸງບັນດານິຕິກຳ, ກໍ່ສ້າງນັກຊ່ຽວຊານບັນຊີ ເພື່ອຕອບສະໜອງຄວາມຮຽກຮ້ອງຕ້ອງການຂອງສັງຄົມ ແລະ ເປັນເສ ນາທິການຊ່ວຍວຽກໃຫ້ແກ່ກະຊວງການເງິນ ໃນການພັດທະນາວິຊາຊີບການບັນຊີ ແລະ ກວດສອບ ໃຫ້ມີຄຸນນະພາບເທົ່າທຽມກັບພາກພື້ນ ແລະ ສາກົນ. ໃນພິທີ ໄດ້ຜ່ານຂໍ້ຕົກລົງສະບັບເລກທີ 1264/ກງ,ລົງວັນ 10 ພຶດສະພາ 2022 ວ່າດ້ວຍ ການແຕ່ງຕັ້ງຄະນະບໍລິຫານງານຊຸດໃໝ່ ຂອງສະພາວິຊາຊີບນັກບັນຊີ ແລະ ນັກກວດສອບ ເຊິ່ງປະກອບມີ 9 ທ່ານ ໂດຍເຫັນດີແຕ່ງຕັ້ງ: ທ່ານ ສອນໄຊ ສີລາເພັດຈາກບໍລິສັດ ...

ວາງສີລາເລີກ ກໍ່ສ້າງຕຶກນອນຄົນເຈັບ ໃຫ້ແກ່ໂຮງໝໍແຂວງຈໍາປາສັກ ເພື່ອໃຫ້ປະຊາຊົນເຂົ້າເຖິງການບໍລິການດ້ານສຸຂະພາບທີ່ດີຂຶ້ນ ດ້ວຍງົົບກໍ່ສ້າງຫຼາຍກວ່າ 6 ຕື້ກີບ. ວັນທີ 5 ພຶດສະພາ 2022, ໄດ້ມີພິທີວາງສີລາເລີກ ກໍ່ສ້າງຕຶກນອນຄົນເຈັບ ໃຫ້ແກ່ໂຮງໝໍແຂວງຈໍາປາສັກ ໃນພິທີ ທ່ານ ລິດທິກອນ ພູມມະສັກ ປະທານ ກຸ່ມບໍລິສັດ ເອໄອເອັຟ ລາຍງານວ່າ: “ການກໍ່ສ້າງຕຶກນອນຄົນເຈັບ ໃຫ້ໂຮງໝໍແຂວງຈໍາປາສັກຄັ້ງນີ້ ແມ່ນດ້ວຍການຊ່ວຍເຫຼືອລ້າຂອງກຸ່ມບໍລິສັດ ເອໄອເອັຟ, ບໍລິສັດທີ່ປຶກສາດ້ານການລົງທຶນ ແລະ ກໍ່ສ້າງເຂື່ອນໄຟຟ້າ ຈໍາກັດຜູ້ດຽວ ແລະ ກຸ່ມບໍລິສັດ ໄຊຊະນະ ຈໍາກັດຜູ້ດຽວ. ຂະຫນາດຂອງອາຄານ 24 x 26 ແມັດ, ເປັນຕຶກ 2 ຊັ້ນ, ແຕ່ລະຊັ້ນປະກອບດ້ວຍຫ້ອງພິເສດແຍກດ່ຽວ ບັນຈຸ 2 ຕຽງ… ລວມງົບປະມານໃນການກໍ່ສ້າງທັງໝົດ ຫຼາຍກວ່າ 6 ຕື້ກີບ ແລະ ດໍາເນີນການກໍ່ສ້າງໂດຍ ກຸ່ມ ບໍລິສັດ ໄຊຊະນະ ຈໍາກັດຜູ້ດຽວ. ທັງນີ້ ກໍເພື່ອໃຫ້ປະຊາຊົນຊາວແຂວງຈໍາປາສັກ ແລະ ບັນດາແຂວງພາກໃຕ້ ...