ການຖິ້ມຂີ້ເຫຍື້ອຍຊະຊາຍຕາມແຄມທາງເປັນປັນຫາໜ້າຫ່ວງ ວອນທຸກພາກສ່ວນຄວນຮ່ວມມືກັນແກ້ໄຂຢ່່າງຈິງຈັງ. ການຖິ້ມຂີ້ເຫຍື້ອແຄມທາງຫຼວງເລກທີ 13 ໃຕ້ ກາຍເປັນບັນຫາທີ່ຄວນເອົາໃຈໃສ່ຢ່າງຮີບດ່ວນ ຖ້າພວກເຮົາບໍ່ ຢາກເຫັນແຕ່ຖົງຢາງ ກະຕຸກປລາສຕິກຢັ່ງຢາຍປານກອງຂີ້ເຫຍື້ອຢູ່ຕາມສອງຟາກທາງແຕ່ເຫນືອຮອດໃຕ້. ການສົ່ງເສີມການທ່ອງທ່ຽວຂອງລັດຖະບານທີ່ຖືເປັນບູລິມະສິດນັ້ນ ກໍຄົງສ້າງຄວາມຜິດຫວັງ ບໍ່ຫນ້ອຍເມື່ອນັກທ່ອງທ່ຽວເດີນທາງດ້ວຍລົດຕາມເສັ້ນທາງ ແລ້ວເຫັນກອງຂີ້ເຫຍື້ອຖົງຢາງ ແລະ ກະຕຸກ ປລາສຕິກຢັ່ງຢາຍຕາມເສັ້ນທາງ ເຊິ່ງບໍ່ແມ່ນສິ່ງທີ່ເຂົາເຈົ້າປາຖະຫນາຢາກເຫັນເມື່ອມາຢ້ຽມຢາມພວກເຮົາ ບໍ່ຕ່າງຫຍັງກັບວ່າ ເຮົາເຊີນແຂກມາບ້ານ ແຕ່ເຮືອນບໍ່ມ້ຽນມັດ. ການຖິ້ມຂີ້ເຫຍື້ອຊະຊາຍນີ້ ແມ່ນເກີດຂຶ້ນໄດ້ແນວໃດ? ແລ້ວເຮົາສາມາດເຮັດຫຍັງໄດ້ແດ່? ຜ່ານມາມີບົດສໍາຫຼວດຫຼາຍສະບັບຂອງທາງພາກລັດ ແລະ ອົງການພັດທະນາຕ່າງໆ ສາມາດສະຫຼຸບໄດ້ວ່າ ສາເຫດຂອງການຖິ້ມຂີ້ເຫຍື້ອຊະຊາຍນັ້ນ ແມ່ນຂາດການບໍລິການ ການເກັບຂີ້ເຫຍື້ອຢ່າງທົ່ວເຖິງ ຕົວຢ່າງ ຢູ່ ນະຄອນຫຼວງວຽງຈັນ ການບໍລິການເກັບຂີ້ເຫຍື້ອກວມເອົາບໍ່ຮອດ 60% ຂອງພື້ນທີ່ ຫຼື ທົ່ວເຖິງແລ້ວ ປະຊາຊົນບໍ່ສາມາດ ຫຼື ບໍ່ຢາກຈ່າຍຍ້ອນຄ່າບໍລິການຂ້ອນຂ້າງສູງ, ຄວາມມັກງ່າຍ ແລະຂາດຈິດສໍານຶກຂອງປະຊາຊົນບາງກຸ່ມ ກໍແມ່ນສາເຫດຕົ້ນຕໍ່ ແລະ ຍັງມີສາເຫດອື່ນໆ. ພວກເຮົາຄວນເຮັດແນວໃດ ເພື່ອແກ້ໄຂບັນຫານີ້? ການເລີ່ມຕົ້ນຈາກການ ປູກຝັງຈິດສໍານຶກ ຄຽງຄູ່ກັບການບັງໃຊ້ກົດລະບຽບກົດຫມາຍທີ່ກ່ຽວຂ້ອງ ເຊັ່ນ ການປັບໃຫມຜູ້ຖິ້ມຂີ້ເຫຍື້ອຊະຊາຍທີ່ທາງ ນະຄອນຫຼວງວຽງຈັນໄດ້ຈັດຕັ້ງປະຕິດນັ້ນກໍເຫັນເປັນແບບຢ່າງທີ່ດີ. ການເພີ່ມການບໍລິການເກັບຂີ້ເຫຍື້ອ ຢ່າງທົ່ວເຖິງນັ້ນກໍແມ່ນວຽກງານສໍາຄັນຂອງລັດຖະບານທີ່ຈະຕ້ອງພິຈາລະນາໃນການລົງທຶນຫຼາຍຂຶ້ນ.ເມື່ອພວກເຮົາບໍ່ໃຫ້ປະຊາຊົນຖິ້ມຊະຊາຍ ຫຼື ຈູດຂີ້ເຫຍື້ອນັ້ນ ກໍຈະສາມາດເຮັດໄດ້ໃນເມື່ອທີ່ທາງພາກສ່ວນທີ່ກ່ຽວຂ້ອງສາມາດຕອບສະຫນອງການບໍລິການເກັບມ້ຽນຂີ້ເຫຍື້ອຢ່າງທົ່ວເຖິງ ຖ້າບໍ່ດັ່ງນັ້ນປະຊາຊົນກໍ່ບໍ່ມີທາງເລືອກ ...

ບໍລິສັດ ລ້ານຊ້າງ ມິເນໂຣນ ລິມິເຕັດ (ລຊມລ) ໄດ້ມອບອາກອນກຳໄລຈຳນວນ 13,3 ລ້ານກວ່າໂດລາ ຈາກການຜະລິດຄຳ ແລະ ທອງ ໃນສົກປີ 2021 ຊຶ່ງລວມເປັນລາຍຮັບທັງໝົດທີ່ໄດ້ມອບໃຫ້ແກ່ລັດຖະບານລາວ ໃນສົກປີ 2021 ຈໍານວນ 40,84 ລ້ານກວ່າໂດລາ (ໃນນັ້ນລວມມີ ອາກອນກຳໄລ, ຄ່າຊັບພະຍາກອນແຮ່ທາດ, ເງິນປັນຜົນ, ແລະ ພັນທະອື່ນໆ). ພິທີດັ່ງກ່າວໄດ້ຈັດຂຶ້ນໃນວັນທີ 5 ພຶດສະພາ ຜ່ານມາ ທີ່ກົມສ່ວຍສາອາກອນ ກະຊວງການເງິນ. ທ່ານ ສະໝານ ອະເນກາ ໄດ້ກ່າວວ່າ: “ບໍລິສັດ ລຊມລ ໃນຖານະທີ່ເປັນຄູ່ຮ່ວມງານທີ່ຍາວນານ ທັງເປັນຜູ້ເສຍອາກອນລາຍໃຫຍ່ ໃຫ້ແກ່ ສປປ ລາວ. ໂຄງການຄຳ-ທອງ ເຊໂປນ ຍັງຈະສືບຕໍ່ຂະຫຍາຍຕົວ, ໃນຖານະທີ່ເປັນວິສາຫະກິດຂຸດຄົ້ນບໍ່ແຮ່ໃນ ສປປ ລາວ ທີ່ໄດ້ຮັບການຢັ້ງຢືນກຽດຕິສັກໃນລະດັບ A (+) ຕະຫຼອດມາ ຈາກກະຊວງພະລັງງານ ແລະ ບໍ່ແຮ່, ໂຄງການຄຳ-ທອງ ເຊໂປນ ກຳລັງດໍາເນີນການສ້າງອຸໂມງສຳຫຼວດບໍ່ແຮ່ໃຕ້ດິນ ແບບມືອາຊີບທີ່ທັນສະໄໝແຫ່ງທຳອິດ ໃນ ...

ການປະຕິຮູບປະເທດຫຼັງສົງຄາມ ແລະ ການຄວບຄຸມການຄອບຄອງທີ່ດິນ ສົ່ງຜົນໃຫ້ຊາວນາຍີ່ປຸ່ນສາມາດຄອບຄອງທີ່ດິນໄດ້ຂະໜາດນ້ອຍ ສ່ວນໃຫຍ່ຄອບຄອງໄດ້ບໍ່ເກີນ 1 ເຮັກຕາ ເນື່ອງຈາກມີພື້ນທີ່ຈຳກັດ ເຮັດໃຫ້ການພັດທະນາພັນເຂົ້າ ແລະ ວິທີການປູກ ມຸ່ງເນັ້ນໄປໃສ່ການເພີ່ມຜົນຜະລິດຕໍ່ໄຮ່ໃຫ້ສູງຂຶ້ນ. ອີກປະເດັນສຳຄັນຄືເລື່ອງລາຄາເຂົ້າໃນປະເທດຍີ່ປຸ່ນມີລາຄາສູງເນື່ອງຈາກເຂົ້າຖືກຍົກໃຫ້ເປັນແຫຼ່ງອາຫານຫຼັກຂອງປະເທດ ຄວາມໝັ້ນຄົງທາງດ້ານອາຫານຈຶ່ງເປັນນະໂຍບາຍຫຼັກຂອງລັດຖະບານນັບແຕ່ອະດີດເປັນຕົ້ນມາ. ເພື່ອຄວບຄຸມລາຄາເຂົ້າໃນຕະຫຼາດລັດຖະບານຈຶ່ງປຽບເໝືອນພໍ່ຄ້າຄົນກາງ ເພາະລັດຖະບານຈະເປັນຜູ້ຮັບຊື້ ແລ້ວຂາຍຕໍ່ໃຫ້ພໍ່ຄ້າປີກ. ແຖມຍັງມີການຕັ້ງກຳແພງພາສີນໍາເຂົ້າທີ່ສູງເຖິງ 777% ເພື່ອປ້ອງກັນບໍ່ໃຫ້ລາຄາເຂົ້າໃນປະເທດຕົກຕໍ່າ ອີກສ່ວນໜຶ່ງແມ່ນທາຈາກການແປຮູບ ແລະ ຕໍ່ຍອດຜະລິດຕະພັນກໍເປັນສ່ວນສໍາຄັນທີ່ຄໍ້າລາຄາເຂົ້າຂອງຍີ່ປຸ່ນມາໂດຍຕາຫຼອດ ເຊັ່ນ: ແປ້ງເຂົ້າໜົມໂມຈິ, ເຫຼົ້າສາເກ ລ້ວນແຕ່ໃຊ້ວັດຖຸດິບຫຼັກຄືເຂົ້າຍີ່ປຸ່ນ. ຈາກການສະໜັບສະໜູນທາງພາກລັດ ລວມເຖິງການບໍລິໂພກ ແລະ ຕໍ່ຍອດຜະລິດຕະພັນເຮັດໃຫ້ລາຄາເຂົ້າສານໃນຍີ່ປຸ່ນ ມີລາຄາຕັ້ງແຕ່ 300 ຫາ 400 ເຢນ ປະມານ 80 ຫາ 105 ບາດຕໍ່ກິໂລ. ຂໍ້ມູນ: ລົງທຶນແມນ

ທະນາຄານກາງອິນເດຍ (RBI) ປັບຂຶ້ນອັດຕາດອກເບ້ຍຢືນຢັນວ່າວິທີນີ້ເໝາະສົມໃນການໃຊ້ກະກັດກັ້ນເງິນເຟີ້. ເມື່ອວັນທີ 4 ພຶດສະພາທີ່ຜ່ານມານີ້, ທະນາຄານກາງອິນເດຍ (RBI) ໄດ້ປະກາດປັບຂຶ້ນອັດຕາດອກເບ້ຍຊື້ຄືນພັນທະບັດ (repo rate) 0,40% ສູ່ລະດັບ 4,40% ໃນກອງປະຊຸມ ໂດຍລະບຸວ່າ ເງິນເຟີ້ທີ່ເພີ່ມຂຶ້ນຢ່າງຕໍ່ເນື່ອງໄດ້ສ້າງແຮງກົດດັນຕໍ່ເສດຖະກິດຂອງປະເທດ. ອັດຕາຜົນຕອບແທນພັນທະບັດລັດຖະບານອິນເດຍອາຍຸ 10 ປີເພີ່ມຂຶ້ນທີ່ລະດັບ 7,41% ຫຼັງຈາກທະນາຄານກາງປະກາດປັບຂຶ້ນອັດຕາດອກເບ້ຍໄດ້ບໍ່ດົນ. ທ່ານ ຊັດຕິຄານຕາ ຄາສ ຜູ້ວ່າການທະນາຄານກາງອິນເດຍກ່າວວ່າ ຄະນະກຳມະການກຳນົດນະໂຍບາຍຂອງທະນາຄານກາງອິນເດຍໄດ້ພິຈາລະນາເຖິງທ່າອ່ຽງເງິນເຟີ້ ແລະ ຊີ້ໃຫ້ເຫັນວ່າ ການປັບຂຶ້ນອັດຕາດອກເບ້ຍເພື່ອສະກັດກັ້ນເງິນເຟີ້ ຖືວ່າເປັນເລື່ອງທີ່ເໝາະສົມ. ນອກຈາກນີ້, ຄະນະກຳມະການກຳນົດນະໂຍບາຍຂອງທະນາຄານກາງອິນເດຍຍັງເຫັນວ່າ ການໃຊ້ນະໂຍບາຍການເງິນເພື່ອຮັບມືກັບວິກິດການໃນປັດຈຸບັນຈະຊ່ວຍສ້າງສະຖຽນລະພາບດ້ານການເງິນລະດັບມະຫາພາກ ທ່າມກາງຕະຫຼາດການເງິນທີ່ແປປ່ວນຫຼາຍຂຶ້ນໃນຂະນະນີ້. ຂໍ້ມູນ: ປະຊາຊົນ

ວັນທີ4ພຶດສະພານີ້, ລາຄາ​ ນ້ຳມັນ ​ເຊື້ອ​ໄຟທີ່​ເພີ່ມ​ສູງ​ຂຶ້ນ​ທົ່ວ​ໂລກ​ເຮັດ​ໃຫ້ ລົດ​ໄຟຟ້າ ກາຍ​ເປັນ​ທາງ​ເລືອກ​ໃໝ່ ​ໃນ​ຍຸກ​ນນ້ຳ​ແພງ ​ໂດຍ​ສະ​ເພາະຊາວບຣາຊິນຈຳນວນ​ຫລາຍ ຫັນ​ໄປ​ໃຊ້​ລົດຖີບໄຟຟ້າ ​ແລະ ລົດ​ໄຟຟ້າ ທີ່​ເປັນ​ ພະລັງງານ​ສະອາດ ​ເພີ່ມ​ສູງ​ຂຶ້ນ 27% ​ເມື່ອ​ທຽບ​ໃສ່​ ປີ​ກາຍ ​ແລະ ຄາດ​ວ່າປີ​ນີ້ຍອດ​ຈຳໜ່າຍລົດ​ໄຟຟ້າ ​ຈະ​ຂະຫຍາຍຕົວເພີ່ມ​ຂຶ້ນ​ເຖິງ50% ​ໂດ​ຍລົດຖີບ ​ໄຟຟ້າ​ໄດ້​ຮັບ​ຄວາມ​ນິຍົມເພີ່ມ​ຂຶ້ນ​ ຢ່າງ​ຕໍ່​ເນື່ອງຍ້ອນ​ລາຄານ້ຳມັນ​ແພງ​ ເຮັດ​ໃຫ້​ຊາວບຣາຊິນ ຕ່າງ​ພາກັນຢຸດ​ໃຊ້​ລົດພະລັງງານເຊື້ອ​ເພີງ ​ແລະ ​ຫັນ​ມາ​ໃຊ້​ລົດ​ໄຟຟ້າແທນໃນການ​ຂັບ​ຂີ່ໃນ​ຊີວິດ​ປະຈຳ​ວັນ. ຂໍ້ມູນ: ປະເທດລາວ

ສູນສະຖິຕິແຫ່ງຊາດ ເຜີຍແຜ່ບົດບາຍງານ ສະພາບອັດຕາເງິນເຟີ້ອັດຕາເງິນເຟີ້ ປະຈຳເດືອນເມສາ 2022 ວ່າ: ສະພາບອັດຕາເງິນເຟີ້ລວມ ເດືອນເມສາ 2022 ທຽບກັບ ເດືອນດຽວກັນຂອງປີຜ່ານມາ ເພີ່ມຂຶ້ນ 9,9% ຊຶ່ງເປັນການເພີ່ມຂຶ້ນຢ່າງຕໍ່ເນື່ອງ ໂດຍມີສາຍເຫດສໍາຄັນມາຈາກການເພີ່ມຂຶ້ນຂອງ ພະລັງງານໃນຕະຫຼາດໂລກ ຈາກສະຖານະການຄວາມຂັດແຍ່ງລະຫວ່າງລັດເຊຍ ແລະ ຢູເຄຣນ, ສົ່ງຜົນໃຫ້ລາຄາຂາຍຍ່ອຍນ້ຳມັນເຊື້ອໄຟ ພາຍໃນປະເທດປັບເພີ່ມຂຶ້ນ 86,3%. ເຖິງຢ່າງໃດກໍຕາມ ລັດຖະບານກໍໄດ້ທີມາດຕະການຄຸ້ມຄອງ ເພື່ອຊ່ວຍເຫຼືອຄ່າຄອງຊີບໃຫ້ແກ່ປະຊາຊົນເປັນໄລຍະຢ່າງຕໍ່ເນື່ອງ, ລາຄາສິນຄ້າໃນໝວດອາຫານ ແລະ ເຄື່ອງດື່ມບໍ່ມີທາດເຫຼົ້າ ແມ່ນປັບຕົວເພີ່ມຂຶ້ນເຊັ່ນກັນ ໂດຍສະເພາະແມ່ນເຂົ້າຈີ່ ແລະ ທາດແປ້ງ, ຊີ້ນ, ປາ ແລະ ອາຫານທະເລ, ນົມ ເນີຍ, ໄຂ່, ນ້ຳມັນພືດ, ໝາກໄມ້, ຜັກສົດ ແລະ ເຄື່ອງປຸງແຕ່ງອາຫານ ເນື່ອງຈາກຕົ້ນທຶນການຜະລິດເພີ່ມຂຶ້ນ ນອກນັ້ນ, ໝວດສິນຄ້າ ແລະ ບໍລິການອື່ນໆ ເພີ່ມຂຶ້ນ 16,3% ໂດຍສະເພາະແມ່ນປະເພດວັດຖຸມີຄ່າ ເຊັ່ນ: ຄຳສຳເລັດຮູບ ເພີ່ມຂຶ້ນ 36,8%. ຂໍ້ມູນ:ສູນສະຖິຕິແຫ່ງຊາດ

ພິທີເຊັນບົດບັນທຶກຄວາມເຂົ້າໃຈກ່ຽວກັບ ການກຽມຄວາມພ້ອມການອອກຈໍາໜ່າຍຮຸ້ນຄັ້ງທຳອິດ (IPO) ແລະ ຈົດທະບຽນໃນຕະຫຼາດຫຼັກຊັບລາວ ລະຫວ່າງ ສໍານັກງານຄະນະກໍາມະການຄຸ້ມຄອງຫຼັກຊັບ (ສຄຄຊ), ຕະຫຼາດຫຼັກຊັບລາວ (ຕລຊລ) ແລະ ບໍລິສັດ ລັດວິສາຫະກິດລາວເດີນອາກາດ (ຈົດທະບຽນ) ໄດ້ຈັດຂຶ້ນໃນວັນທີ 6 ພຶດສະພາ, ທີ່ສໍານັກງານຄະນະກໍາມະການຄຸ້ມຄອງຫຼັກຊັບ. ຈຸດປະສົງຂອງການຮ່ວມມື 3 ຝ່າຍ ຄັ້ງນີ້ ເພື່ອປັບປຸງທຸລະກິດຂອງບໍລິສັດໃຫ້ໄດ້ເງື່ອນໄຂ ແລະ ສ້າງຄວາມເຂັ້ມແຂງໃຫ້ກັບ ລັດວິສາຫະກິດ ລາວເດີນອາກາດ ເພື່ອກະກຽມຄວາມພ້ອມຮອບດ້ານໃນການອອກຈຳໜ່າຍຮຸ້ນຄັ້ງທຳອິດໃຫ້ສຳເລັດ (Initial Public Offering: IPO) ແລະ ສາມາດເຂົ້າຈົດທະບຽນເປັນບໍລິສັດຈົດທະບຽນໃນຕະຫຼາດຫຼັກຊັບລາວໄດ້ ແລະ ຈະຊ່ວຍໃຫ້ການຮ່ວມມືຂອງທັງສາມຝ່າຍ. ເພື່ອເປັນອີກແຮງໜຶ່ງໃນການຂັບເຄື່ອນ ແລະ ເຮັດໃຫ້ຕະຫຼາດທຶນມີສີສັນຍິ່ງຂຶ້ນຕື່ມ. ການກະກຽມຄວາມພ້ອມດັ່ງກ່າວ ແມ່ນເພື່ອສ້າງຄວາມເຂັ້ມແຂງໃຫ້ແກ່ວິສາຫະກິດ ເພື່ອໃຫ້ມີເງື່ອນໄຂເຂົ້າລະດົມທຶນຜ່ານຕະຫຼາດທຶນລາວ ເພື່ອໃຫ້ວິສາຫະກິດລາວມີການເຕີບໃຫຍ່ຂະຫຍາຍຕົວ ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມ ຂອງປະເທດ ແລະ ທັງເປັນການພັດທະນາຕະຫຼາດທຶນລາວໃຫ້ມີຄວາມເຕີບໃຫຍ່ເຂັ້ມແຂງເທື່ອລະກ້າວ” (ທ່ານ ນາງ ຟອງຈິນດາ ແສງສຸລິວົງ) ຂໍ້ມູນ:ປະຊາຊົນ

ສ້າງຄວາມເຂັ້ມແຂງ ແກ່ຜູ້ຮັບຜິດຊອບສູນຂໍ້ມູນຂ່າວສານແຮງງານເຄື່ອນຍ້າຍ ເພື່ອຢຸດຕິຄວາມຮຸນແຮງ ແລະ ການລ່ວງລະເມີດໂດຍສະເພາະຕໍ່ເພດຍິງ. ກົມພັດທະນາສີມືແຮງງານ ແລະ ຈັດຫາງານ, ກະຊວງແຮງງານ ແລະ ສະຫວັດດີການສັງຄົມ ຈັດຝຶກອົບຮົມຢຸດຕິຄວາມຮຸນແຮງ ແລະ ການລ່ວງລະເມີດຢູ່ສະຖານທີ່ເຮັດວຽກໃຫ້ແກ່ຜູ້ຮັບຜິດຊອບສູນຂໍ້ມູນຂ່າວສານສຳລັບແຮງງານເຄື່ອນຍ້າຍ(MRC) ຈຸດບໍລິການຈັດຫາງານ 6 ແຂວງຄື: ແຂວງບໍ່ແກ້ວ, ຫລວງພະບາງ, ໄຊຍະບູລີ, ບໍລິຄຳໄຊ, ສະຫວັນນະເຂດ ແລະ ແຂວງຈໍາປາສັກ ໃນລະຫວ່າງວັນທີ 3-4 ພຶດສະພາ 2022 ທີ່ນະຄອນຫລວງວຽງຈັນ. ໃນຖານະທີ່ເປັນປະເທດສົ່ງອອກແຮງງານ ໂຄງການດັ່ງກ່າວຈະສຸມໃສ່ເຮັດໃຫ້ແຮງງານເຄື່ອນຍ້າຍເພດຍິງໄດ້ຮັບການປົກປ້ອງ, ຄຸ້ມຄອງ ແລະ ຮັບຮູ້ສິດຂອງຕົນ. ແນໃສ່ເຮັດໃຫ້ແຮງງານເຄື່ອນຍ້າຍເພດຍິງ ມີສ່ວນຮ່ວມຫລາຍຂຶ້ນ ໃນການພັດທະນາເສດຖະກິດ-ສັງຄົມ ໃນຂົງເຂດ ແລະ ພາກພື້ນອາຊຽນ. (ທ່ານ ນາງ ອານຸສອນ ຄຳສິງສະຫວັດ) ການຝຶກອົບຮົມຄັ້ງນີ້, ເພື່ອສ້າງຄວາມເຂັ້ມແຂງ ແລະ ເພີ່ມຄວາມຮູ້ກ່ຽວກັບຄວາມສຳຄັນຂອງບັນຫາຄວາມຮຸນແຮງ ແລະ ການລ່ວງລະເມີດຢູ່ສະຖານທີ່ເຮັດວຽກ ແກ່ຜູ້ຮັບຜິດຊອບສູນຂໍ້ມູນຂ່າວສານສຳລັບແຮງງານເຄື່ອນຍ້າຍ(MRC) ເຊິ່ງເປັນກິດຈະກຳໜຶ່ງໃນແຜນງານ ໂຄງການເຄື່ອນຍ້າຍແຮງງານແບບປອດໄພ ແລະ ມີຄວາມຍຸຕິທໍາ (Safe and Fair Programme) ປີ ...

ຖອດຖອນບົດຮຽນ ໃນການຈັດຕັ້ງປະຕິບັດ ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງຢູ່ບັນດາແຂວງພາກເໜືອຂອງ ສປປ ລາວ. ວັນທີ 5 ພຶດສະພາ ນີ້ ທີ່ແຂວງຫຼວງນໍ້າທາ, ກົມເສດຖະກິດ ກະຊວງການຕ່າງປະເທດ ໄດ້ຈັດກອງປະຊຸມພາຍ​ໃຕ້​ຫົວ​ຂໍ້ “ການ​ແລກປ່ຽນ ​ແລະ ຖອດ​ຖອນ​ບົດຮຽນ​ໃນ​ການຈັດ​ຕັ້ງ​ປະຕິບັດ ຂໍ້​ລິ​ເລີ່​ມ ໜືຶ່ງ​​ແລວ ໜຶ່ງ​ເສັ້ນທາງ ຢູ່​ບັນດາ​ແຂວງ​ພາກ​ເໜືອ​ຂອງ ສປປ ລາວ​” ກອງປະຊຸມຄັ້ງນີ້​​​ເປັນໜຶ່ງ​ໃນ​ກິດຈະກຳ​ສຳຄັນ​ທີ່​ໄດ້​ຮັບ​ການ​ສະໜັບສະໜູນ​ດ້ານ​ທຶນຮອນ​ຈາກ​ກອງ​ທຶນ​ພິ​ເສດ​ແມ່​ນໍ້າຂອງ-​ແມ່​ນໍ້າ​ລ້ານຊ້າງ ຊຶ່ງມີຜູ້ຕາງໜ້າຈາກບັນດາກົມພາຍໃນກະຊວງການຕ່າງປະເທດ, ບັນດາຂະແໜງການທີ່ກ່ຽວຂ້ອງຈາກສູນກາງ ແລະ 6 ແຂວງພາກເໜືອຂອງ ສປປ ລາວ ເຂົ້າຮ່ວມຄື: ແຂວງ ວຽງຈັນ, ຫຼວງພະບາງ, ອຸດົມໄຊ, ຫຼວງນໍ້າທາ, ບໍ່ແກ້ວ ແລະ ຜົ້ງສາລີ. ຈຸດປະສົງ​ຂອງກອງປະຊຸມ​ສໍາມະນາໃນ​ຄັ້ງ​ນີ້ ​ແມ່ນເພື່ອປຶກສາຫາລື ແລະ ແລກປ່ຽນບົດຮຽນ ກ່ຽວກັບ ການຈັດຕັ້ງປະຕິບັດວຽກງານການຮ່ວມມືພາຍໃຕ້ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ຂອງ ສປປ ລາວ ​​​ໂດຍ​ສະ​ເພາະ​ບັນດາ​ແຂວງ​ພາກ​ເໜືອ ແນ​ໃສ່​ຂົນຂວາຍກຳລັງ​ແຮງ ​ແລະ ຍາດ​ແຍ່ງ​​ເອົາຜົນປະໂຫຍດດ້ານຕ່າງໆຈາກ ​ໂດຍ​ສະ​ເພາະ​ດ້ານ​ເສດຖະກິດ-ສັງຄົມ​, ການ​ພັດທະນາ​ພື້ນຖານ​ໂຄງ​ລ່າງ ​ແລະ ຄວາມ​ຮູ້ດ້ານ​ເຕັກນິກ​ວິທະຍາ​ສາດ. ...

ຮອງນາຍົກລັດຖະມົນຕີ ລົງຊຸກຍູ້ສົ່ງເສີມ ການຜະລິດໄມ້ອັດ ຢູ່ບໍລິສັດ ບົວລະພາ ເພື່ອແນໃສ່ສ້າງງວຽກເຮັດງານທຳແກ່ປະຊາຊົນໃຫ້ໄດ້ 3 ພັນຄົນຕໍ່ປີ. ວັນທີ 3 ພຶດສະພາ 2022 ນີ້, ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ພ້ອມດ້ວຍຄະນະ ໄດ້ລົງເຄື່ອນໄຫວຢ້ຽມຢາມ ໂຮງງານຜະລິດໄມ້ອັດ ຈາກໄມ້ທີ່ປູກເອງ ບໍລິສັດບົວລະພາ ກະສິກຳປ່າໄມ້ ຈຳກັດ ຢູ່ເມືອງຫີນເຫີບ ແຂວງວຽງຈັນ ເພື່ອຊຸກຍູ້, ສົ່ງເສີມ ການຜະລິດໄມ້ແປຮູບ (ໄມ້ອັດ) ຂອງບໍລິສັດ ດັ່ງກ່າວ ໃຫ້ໄດ້ຮັບການພັດທະນາ ແລະ ສືບຕໍ່ຜະລິດສິນຄ້າ ໃຫ້ໄດ້ຄຸນນະພາບ, ໄດ້ມາດຕະຖານ ແລະ ສາມາດຕອບສະໜອງ ຕາມຄວາມຕ້ອງການຂອງສັງຄົມ ທັງພາຍໃນ ແລະ ຕ່າງປະເທດ. ນັບແຕ່ເລີ່ມຕົ້ນຜະລິດ ໃນວັນທີ 1 ມິຖຸນາ 2021 ເປັນຕົ້ນມາ (ແລ່ນເຄື່ອງ 60%), ສາມາດຜະລິດໄມ້ອັດ ໄດ້ 200 ແມັດກ້ອນຕໍ່ມື (70 ພັນກວ່າແມັດກ້ອນຕໍ່ປີ), ມາຮອດປັດຈຸບັນ ສາມາດສົ່ງອອກ ໄດ້ທັງໝົດ ...