News

ລາວ-ຈີນ​ຈັດ​ພິ​ທີ​ສະ​ເຫຼີ​ມ​ສະຫຼອງວັນ​ສ້າງ​ຕັ້ງ​ສາຍ​ພົວ​ພັນ​ທາງ​ການ​ທູດ​​ນຳ​ກັນຄົບ​ຮອບ 60 ປີ​ຢູ່​ນະ​ຄອນຫຼວງ​ປັກ​ກິ່ງວັນ​ທີ 21 ເມ​ສາ​ນີ້, ທ່ານ​ຫວາງຢີ້ ທີ່​ປຶກ​ສາ​ແຫ່ງ​ລັດ ທັງ​ເປັນ​ລັດ​ຖະ​ມົນ​ຕີ​ກະ​ຊວງ​ການ​ຕ່າງ​ປະ​ເທດ​ຈີນ​ໄດ້​ເຂົ້າ​ຮ່ວມ ​ພິ​ທີ​ສະ​ເຫຼີ​ມ​ສະຫຼອງວັນ​ສ້າງ​ຕັ້ງ​ສາຍ​ພົວ​ພັນ​ທາງ​ການ​ທູດ​ຈີນ-ລາວ​ຄົບ​ຮອບ 60 ປີ​ທີ່​ຈັດ​ຂຶ້ນ​ໂດຍ​ສະ​ມາ​ຄົມ​ມິດ​ຕະ​ພາບ ​ປະ​ຊາ​ຊົນ​ຈີນ​ກັບ​ນາ​ນາ​ຊາດ ແລະ ສະ​ຖານ​ທູດ​ລາວ​ປະ​ຈຳ​ຈີນ, ທັງ​ໄດ້​ປະ​ກອບ​ຄຳ​ເຫັນ. ທ່ານ​ຫວາງ​ຢີ້​ກ່າວ​ວ່າ, ​ຕະຫຼອດ​ໄລ​ຍະ 60 ປີ​ທີ່​ຜ່ານ​ມາ, ຈີນ ແລະ ລາວ​ໄດ້​​ຄຽງ​ບ່າ​ຄຽງ​​ໄຫຼ່​ໃນ​ການ​ຕໍ່​ສູ້​ຕ້ານກັບ​ລັດ​ທິ​ລ່າ​ເມືອງ​ຂຶ້ນ ແລະ ລັດ​ທິ​ຈັກ​ກະ​ພັດ, ​ສອງ​ຝ່າຍ​ໄດ້ເກາະ​ແຂນ​ຊ່ວຍ​ເຫຼືອ​ເຊິ່ງ ກັນ​ແລະ​ກັນ​ໃນ​ພາ​ລະ​ກິດ​ປະ​ຕິ​ຮູບ ພັດ​ທະ​ນາ ແລະ ​ພາ​ລະ​ກິດ​ປ່ຽນ​ແປງ​ໃໝ່ ແລະ ເປີດ​ປະ​ຕູ​ສູ່​ພາຍນອກ, ​ສອງ​ຝ່າຍ​ໄດ້​ຢືນ​ຢູ່​ຄຽງ​ຂ້າງ​ກັນ​ຢ່າງ​ເດັດ​ດ່ຽວ​ໃນ​ບັນ​ຫາ​ທີ່​ພົວ​ພັນ​ເຖິງ​ຜົນ​ປະ​ໂຫຍດ​ແກນ​ກາງ ແລະ ບັນ​ຫາ​​ທີ່​ແຕ່​ລະ​ຝ່າຍ​ໃຫ້​ຄວາມ​ສຳ​ຄັນ. ຈີນ ແລະ​ລາວ​ໄດ້​ຍຶດ​ໝັ້ນ​ການ​ນຳ​ພາ​ຂອງ​ພັກ​ກອມ​ມູ​ນິດ, ຍຶດ​ໝັ້ນ​ການ​ຊອກ​​ຫາ​ເສັ້ນ​ທາງ​ສັງ​ຄົມ​ນິ​ຍົມ​ທີ່​ສອດ​ຄ່ອງ​ກັບ​ສະ​ພາບ​ຄວາມ​ເປັນ​ຈິງ​ຂອງ​ປະ​ເທດ​ຕົນ, ຍຶດ​ໝັ້ນ​ການ​ປະ​ຕິ​ບັດ​ຕາມ​ທັດ​ສະ​ນະ​ທີ່​ຖື​ເອົາ​ປະ​ຊາ​ຊົນ​ເປັນ​ໃຈ​ກາງ. ໄດ້​ສ້າງ​ຄູ່​ຮ່ວມ​ຊາ​ຕາ​ກຳ​ສອງ​ຝ່າຍ​ກ່ອນ​ໝູ່, ໄດ້​ເຊັນ​ເອ​ກະ​ສານ​ຮ່ວມ​ມື ​ສ້າງ“ໜຶ່ງ​ແລວ​ໜຶ່ງ​ເສັ້ນ​ທາງ” ​ຮ່ວມ​ກັນເປັນ​ຊຸດ​ທຳ​ອິດ, ຊຸກ​ຍູ້​ການ​ສ້າງ​​ແລວ​ເສດ​ຖະ​ກິດ​ຈີນ-ລາວ​ຢ່າງ​ໜັກ​ແໜ້ນ. ເມື່ອຢືນ​ຢູ່​ຕໍ່​ໜ້າ​ກັບ​ສິ່ງ​ທ້າ​ທາຍ​ທີ່​ຫຍຸ້ງ​ຍາກ​ຕ່າງ​ໆ, ເຊັ່ນ: ​ການຮັບ​ມື​ກັບ​ການ​ແຜ່​ລະ​ບາດ​ຂອງ​ພະ​ຍາດ​ໂຄວິດ-19 ແລະ​ອື່ນໆ​ສອງ​ຝ່າຍ​ໄດ້​ຮ່ວມ​ທຸກ​ຮ່ວມ​ສຸກ ແລະ​ຊ່ວຍ​ຊູ​ຍູ້​ໜູນ​ກັນ. ຮ່ວມ​ກັນ​ຮັກ​ສາ​ຄວາມ​ຍຸດ​ຕິ​ທຳ ແລະ ຄວາມ​ເປັນ​ທຳ​ຂອງ​ສາ​ກົນ, ຊຸກ​ຍູ້​ການ​ພົວ​ພັນຈີນ-ອາ​ຊຽນ​​ໃຫ້ພັດ​ທະ​ນາ​ຢ່າງ​ປອດ​ໃສ, ​ເລີ່ມເປີດ​ການ​ຮ່ວ​ມ​ມື​ແມ່​ນ້ຳ​ລ້ານ​ຊ້າງ-ແມ່​ນ້ຳ​ຂອງ​ທີ່​ຮ່ວມ​ຊາ​ຕາ​ກຳນຳ​ກັນ. ທ່ານ​ຫວາງ​ຢີ້​ກ່າວ​ວ່າ, ເມື່ອ​ຜະ​ເຊີນ​ກັບ​ຍຸກ​ໃໝ່ ໂອ​ກາດ​ໃໝ່ ແລະ ການ​ປ່ຽນ​ແປງ​ອັນ​ໃໝ່, ສອງ​ຝ່າຍ​ຄວນ​ຖື​​ເອົາຄວາມ​ເຫັນ​ທີ່​ເປັນ​ເອ​ກະ​ພາບ​ກັນ​ຂອງ​ຜູ້​ນຳ​ສູງ​ສຸດ​ຂອງ​ສອງ​ພັກ ສອງ​ລັດ​ເປັນ​​ທິດ​ຊີ້​ນຳ, ...

ກອງປະຊຸມລັດຖະບານ ສະໄໝສາມັນປະຈໍາເດືອນເມສາ ໄດ້ໄຂຂຶ້ນຢ່າງເປັນທາງການ ໃນຕອນເຊົ້າວັນທີ 22 ເມສາ 2021 ທີ່ສໍານັກງານນາຍົກລັດຖະມົນຕີ, ພາຍໃຕ້ການເປັນປະທານຂອງ ທ່ານ ພັນຄຳ ວິພາວັນ,ນາຍົກລັດຖະມົນຕີ; ມີບັນດາທ່ານ ສະມາຊິກລັດຖະບານ ເຂົ້າຮ່ວມຢ່າງພ້ອມພຽງ. ກອງປະຊຸມຄັ້ງນີ້ ຈະໄດ້ດຳເນີນເປັນເວລາ 2 ວັນ ຄື: ວັນທີ 22 ແລະ 23 ເມສາ 2021 ຊຶ່ງຈະໄດ້ພ້ອມກັນຮັບຟັງ, ຄົ້ນຄວ້າ, ປະກອບຄໍາຄິດຄໍາເຫັນ ແລະ ພິຈາລະນາຮັບຮອງເອກະສານສຳຄັນຈຳນວນໜຶ່ງ ຄື:1. ບົດລາຍງານຮອບດ້ານ ການຈັດຕັ້ງປະຕິບັດວຽກງານຂອງລັດຖະບານ ປະຈໍາເດືອນເມສາ ແລະ ທິດທາງແຜນວຽກຈຸດສຸມ ເດືອນພຶດສະພາ 2021; 2. ຮ່າງເອກະສານ ການພັດທະນາເສດຖະກິດດິຈິຕອນ ແຫ່ງຊາດ ໄລຍະ 20 ປີ (2021-2040), ຍຸດທະສາດພັດທະນາເສດຖະກິດດິຈຕອນ ແຫ່ງຊາດ ໄລຍະ 10 ປີ (2021-2030) ແລະ ແຜນພັດທະນາເສດ ຖະກິດດິຈີຕອນ ແຫ່ງຊາດ ໄລຍະ 5 ປີ ...

ໃນວັນທີ 21 ເມສາ 2021 ໄດ້ເກັບຕົວຢ່າງມາກວດວິເຄາະທັງໝົດ 758 ຄົນ, ຜົນກວດວິເຄາະທັງໝົດ ແມ່ນພົບຜູ້ຕິດເຊື້ອໃໝ່ 06 ຄົນ, ລາຍລະອຽດ ດັ່ງຕໍ່ໄປນີ້: ❖ ກໍລະນີຢັ້ງຢືນທີ 89: ເພດຍິງ, ອາຍຸ 24 ປີ, ສັນຊາດ: ລາວ, ອາຊີບ: ເຮັດວຽກຢູ່ຮ້ານອາຫານ ຢູ່ເຂດ ປະທຸມທານີ, ປະເທດໄທ ທີ່ຢູ່ປະຈຸບັນ: ເມືອງອຸທຸມພອນ, ແຂວງສະຫວັນນະເຂດ- ກ່ອນໜ້າເດີນທາງ ມາ ສປປ ລາວ ແມ່ນບໍ່ໄດ້ກວດຊອກຫາເຊື້ອພະຍາດໂຄວິດ-19ປະຫວັດການເຄື່ອນໄຫວ• ວັນທີ 19​ ເມສາ 2021​- ອອກຈາກສະຖານີລົດໂດຍສານໝໍຊິດ ເວລາ 19:00 ໂມງ, ມີຜູ້ໂດຍສານຮ່ວມກັນທັງໝົດ 30 ຄົນ.• ວັນທີ 20 ເມສາ 2021- ເດີນທາງມາຮອດ ແຂວງມຸກດາຫານ ເວລາ 4:00 ໂມງເຊົ້າ- ເວລາ 13:20 ໂມງ ມາຮອດຂົວມິດຕະພາບແຫ່ງທີ 2 ...

ຕາມຂໍ້ຕົກລົງ ເລກທີ 3295/ສພກ, ຄະນະສະເພາະກິດເພື່ອປ້ອງກັນ, ຄວບຄຸມ ແລະ ແກ້ໄຂການແຜ່ລະບາດພະຍາດ ໂຄວິດ-19 ຕົກລົງ : ມາດຕາ 1 : ເຫັນດີ ໃຫ້ສະຖານບໍລິການກວດ ແລະ ປິ່ນປົວສຸຂະພາບຂອງລັດ ທັງສູນກາງ ແລະ ທ້ອງຖິ່ນ ເກັບຄ່າບໍລິ ການວິຊາການຈາກ ການກວດວິເຄາະ ແລະ ປິ່ນປົວພະຍາດ ໂຄວິດ-19 ມາດຕາ 2 : ການກໍານົດລາຄາຄ່າບໍລິການ 1. ຄ່າກວດວິເຄາະ ພະຍາດ ໂ ຄ ວ ິ ດ-19 ຊຶ່ງມີເປົ້າຫມາຍດັ່ງນີ້ : 1) ກຸ່ມຄົນ ທີ່ຕ້ອງໄດ້ເກັບ ມູນຄ່າກວດ 650.000 ກີບ/ຄັ້ງ (ທັງຄົນລາວ ແລະ ຕ່າງປະເທດ) ມີ :ບຸກຄົນ ທີ່ເດີນທາງເຂົ້າ-ອອກ ຕາມດ່ານສາກົນ ແລະ ດ່ານທ້ອງຖິ່ນທີ່ໄດ້ຮັບອະນຸຍາດ : ນັກການທູດຕ່າງ ປະເທດ, ພະນັກງານອົງການຈັດຕັ້ງສາກົນ, ນັກທຸລະກິດ ...

ແຫລ່ງຂ່າວຈາກແຂວງສະຫວັນນະເຂດ ໃຫ້ຮູ້ວ່າ: ວັນທີ 20 ເມສາ 2021ນີ້, ທາງຄະນະສະເພາະກິດຂັ້ນນະຄອນ ໄກສອນ ພົມວິຫານ ນຳໂດຍທ່ານ ແຖ່ນແກ້ວ ພົມບິດາ ຮອງເຈົ້ານະຄອນ ໄກສອນ ພົມວິຫານ ພ້ອມຄະນະສະເພາະກິດຂັ້ນນະຄອນ ໄດ້ລົງກວດກາເບິ່ງເຮືອຢູ່ຕາມລຳແມ່ນ້ຳຂອງ ບ້ານທີ່ມີຊາຍແດນຕິດກັບປະເທດເພື່ອນບ້ານ ເພື່ອຊີ້ນໍາພໍ່ແມ່ປະຊາຊົນທີ່ຢູ່ໃນຄວາມຮັບຜິດຊອບຂອງຕົນ ໂດຍສະເພາະ ເຈົ້າຂອງເຮືອທຸກປະ ເພດເຮືອຫາປາ, ເຮືອບັນທຸກສິນຄ້າ, ເຮືອດູດແຮ່-ຊາຍ ແລະ ເຮືອອື່ນໆ ໃຫ້ຢຸດຕິການເດີນເຮືອ ຊົ່ວຄາວຕາມລຳແມ່ນ້ຳຂອງນັບແຕ່ວັນທີ 19-30 ເມສາ 2021 ເພື່ອຫລີກລ່ຽງການລັກລອບຂົນສົ່ງຄົນຂ້າມມາຝັ່ງລາວ ແລະ ອື່ນໆ. ພ້ອມທັງ ຫ້າມບໍ່ໃຫ້ບຸກໃດເອົາເຮືອໄປຮັບແຮງງານຈາກປະເພື່ອນບ້ານ, ຖ້າລະເມີດຄັ້ງທີ 1 ຈະຖືກປັບໃໜ 5 ລ້ານກີບ ພ້ອມເຮັດບົດທຶກກ່າວເຕືອນ, ຖ້າມີການລະເມີດຄັ້ງຕໍ່ໄປແມ່ນຈະຖືກດຳເນີນຄະດີຕາມລະບຽບກົດໜາຍ, ຖ້າກໍລະນີຫາກຮັບເອົາແຮງງານເຂົ້າມາແລະ ເປັນສາເຫດຂອງການແຜ່ລະບາດເຊື້ອໃນຊຸມຊົນ ແມ່ນໃຫ້ເຈົ້າຂອງເຮືອເປັນຜູ້ຮັບຜິດ ຊອບຕໍ່ການເສຍທຸກຢ່າງທີ່ເກີດຂຶ້ນ ພ້ອມທັງຈັດຕັ້ງກຳລັງ ປກສ ກອງຫລອນບ້ານ ປ້ອງກັນເວນຍາມ ເພື່ອກວດກາລາດຕະເວນຕາມຊາຍແດນ ເນື່ອງຈາກປັດຈຸບັນ ບັນດາປະ ເທດໃນໂລກ ຍັງມີສະພາບການແຜ່ລະບາດຂອງພະຍາດໂຄວິດ-19 ຢ່າງຮຸນແຮງ ແລະ ເພີ່ມຂຶ້ນເລື້ອຍໆ ໂດຍສະເພາະແມ່ນປະເທດເພື່ອນບ້ານໃກ້ຄຽງ ...

ເມືອງຄົງເຊໂດນ ແຂວງສາລະວັນ ປິດການເຂົ້າ-ອອກ 15 ບ້ານຄື: ບ້ານ ນາເຕີຍ, ນາເມັກ, ສະເຕີ້ມ, ບ້ານປົ່ງ, ປັດຊຸມ, ນາໂຄກ, ໜອງແສງລາວ, ຄຳໄຮ, ຂຸມຄຳ, ເລົ່າມີໄຊ, ບ້ານໂນນ, ໝື່ນປູ່, ນາຕານດົງ, ຕະຫລາງ ແລະ ບ້ານນາຫວດ ທີ່ຂຶ້ນກັບເມືອງຄົງເຊໂດນ ປິດຊົ່ວຄາວການສັນຈອນເຂົ້າ-ອອກບ້ານຂອງຕົນ ນັບແຕ່ວັນທີ 16 ເມສາ 2021 ເພື່ອລໍຖ້າຜົນກວດຊອກຫາເຊື້ອພະຍາດໂຄວິດ-19 ຂອງເປົ້າໝາຍທີ່ສຳຜັດກັບຜູ້ຕິດ ເຊື້ອຄົນທີ 54 ແລະ ຄົ້ນຫາຈຳນວນຜູ້ສຳຜັດໃກ້ຊິດກັບກໍລະນີດັ່ງກ່າວ ມາກວດຫາເຊື້ອຕື່ມອີກ. ທ່ານ ຄຳເຜືອ ຄູນນິດໃສ ຮອງເຈົ້າເມືອງຄົງເຊໂດນ, ຫົວໜ້າຄະນະສະເພາະກິດ ເພື່ອປ້ອງກັນ ຄວບຄຸມ ແລະ ແກ້ໄຂການລະບາດຂອງພະຍາດໂຄວິດ-19 ຂັ້ນເມືອງ ໄດ້ໃຫ້ສຳພາດ ໃນວັນທີ 20 ເມສາ 2021 ນີ້ວ່າ: ຄະນະສະເພາະກິດຂັ້ນເມືອງ ໄດ້ອອກແຈ້ງການດ່ວນ ດັ່ງນີ້: ໃຫ້ອໍານາດການປົກຄອງ 15 ບ້ານດັ່ງກ່າວ ປິດຊົ່ວຄາວການສັນຈອນເຂົ້າ-ອອກບ້ານຂອງຕົນ ນັບແຕ່ວັນທີ 16 ...

ອົງການອະນາໄມໂລກ (WHO) ອອກມາເຕືອນວ່າ ເຊື້ອໄວຣັສໂຄວິດ-19 ສາຍພັນອິນເດຍ (B.1.617) ມີຄວາມສາມາດແຜ່ລະບາດໄວກວ່າສາຍພັນອື່ນ ລວມທັງສາຍພັນອັງກິດ. ດ້ານກະຊວງສາທາລະນະສຸກອິນເດຍອອກຖະແຫຼງການລະບຸວ່າ: ສາຍພັນດັ່ງກ່າວອາດເຮັດໃຫ້ມີຜູ້ຕິດເຊື້ອເພີ່ມຂຶ້ນ ແລະ ເຊື້ອໄວຣັສອາດຈະຫຼຸດລອດພູມຄຸ້ມກັນຂອງຮ່າງກາຍມະນຸດ. ທັງນີ້ເຊື້ອໄວຣັສໂຄວິດ-19 ສາຍພັນອິນເດຍມີການກາຍພັນ 2 ຕຳແໜ່ງຄື: E484Q ແລະ L452R ໂດຍໃນໄລຍະຜ່ານມາ ພົບການກາຍພັນດັ່ງກ່າວແຍກໃນໄວຣັສຫຼາຍສາຍພັນ ແຕ່ພົບການກາຍພັນທັງ 2 ຕຳແໜ່ງດັ່ງກ່າວໃນໄວຣັສສາຍພັນອິນເດຍ ແລະ ພົບການກາຍພັນທີ່ໜາມໂປຣຕິນຂອງໄວຣັສ ເຮັດໃຫ້ໄວຣັສສາມາດຈັບເກາະຕາມເຊວໃນຮ່າງກາຍຂອງມະນຸດໄດ້ງ່າຍຂຶ້ນ, ສົ່ງຜົນໃຫ້ເກີດການລະບາດຢ່າງໄວວາ. ດ້ານກະຊວງສາທາລະນະສຸກອິດສະຣາແອນ ເປີດເຜີຍວ່າ: ໄດ້ກວດພົບເຊື້ອໄວຣັສໂຄວິດ-19 ສາຍພັນອິນເດຍ (B.1.617) ເປັນຄັ້ງທຳອິດໃນອິດສະຣາແອນ ໂດຍພົບຜູ້ຕິດເຊື້ອໂຄວິດ-19 ສາຍພັນດັ່ງກ່າວ 7 ຄົນທີ່ເດີນທາງມາຈາກຕ່າງປະເທດ ເຊິ່ງທັງ 7 ຄົນ ຍັງບໍ່ທັນໄດ້ສັກວັກແຊັງປ້ອງກັນໂຄວິດ-19. ແຫຼ່ງຂ່າວຈາກ: ເສດຖະກິດການຄ້າ

ໃນວັນທີ 19 ເມສາ 2021 ຢູ່ສຳນັກງານນາຍົກລັດຖະມົນຕີ ທ່ານ ພັນຄຳ ວິພາວັນ ນາ ຍົກລັດຖະມົນຕີ ແຫ່ງ ສປປ ລາວ ໄດ້ຖະແຫລງຂ່າວ ກ່ຽວກັບສະພາບການສະກັດກັ້ນ ແລະ ຕ້ານການແຜ່ລະບາດຂອງພະຍາດ COVID-19 ຢູ່ ສປປ ລາວ ໂດຍກ່າວວ່າ: ດັ່ງທີ່ພວກເຮົາໄດ້ຮັບຊາບແລ້ວວ່າ ເກືອບ 2 ປີ ມານີ້, ທົ່ວທັງໂລກ ໄດ້ຮ່ວມກັນຕໍ່ສູ້ກັບພະຍາດ COVID-19 ດ້ວຍມາດຕະການຕ່າງໆ ຢ່າງແຂງແຮງ, ທັງມີຄວາມຮັບຜິດຊອບຮ່ວມກັນຕະຫລອດມາ, ຊຶ່ງໃນຂະບວນການດັ່ງກ່າວຫລາຍປະ ເທດ ກໍໄດ້ຄົ້ນຄວ້າ ແລະ ນຳໃຊ້ຢາວັກແຊງ ເພື່ອໃຊ້ກັນພະຍາດດັ່ງກ່າວ ທັງມີການຊ່ວຍເຫລືອສົງເຄາະໃຫ້ປະເທດອື່ນໆ ບົນຈິດໃຈມະນຸດສະທຳ. ເຖິງຢ່າງໃດກໍຕາມ, ສະພາບການແຜ່ລະບາດຂອງພະຍາດ COVID-19 ໃນທົ່ວໂລກ ກໍຍັງສືບຕໍ່ເກີດຂຶ້ນຢູ່ຊຸມຊົນຕ່າງໆ ຢ່າງກວ້າງຂວາງ, ຊຶ່ງໃນບາງຊຸມຊົນ ແມ່ນໄດ້ກາຍພັນ ທີ່ບໍ່ສາມາດສະກັດກັ້ນ ແລະ ຄວບຄຸມ ຕາມແບບປົກກະຕິໄດ້ອີກ.ສະເພາະ ສປປ ລາວ ພວກເຮົາ ເຫັນໄດ້ໄພອັນຕະລາຍຂອງພະຍາດດັ່ງກ່າວ, ພັກ-ລັດ ເຮົາ ໄດ້ວາງ ...

ຕອນນີ້ຕ້ອງລະມັດລະວັງຫຼາຍຂຶ້ນເທົ່າໃດຍິ່ງດີທ່າມກາງທີ່ປະເທດໃກ້ຄຽງມີຜູ້ຕິດເຊື້ອໂຄວິດ-19ເພີ່ມຂຶ້ນທຸກວັນ ເຊິ່ງຕະຫຼອດ 2-3 ວັນມານີ້ ຫຼາຍແຂວງແມ່ນໄດ້ອອກແຈ້ງການເພີ່ມຄວາມເຂັ້ມງວດ ຕໍ່ການກວດກາລາດຕາເວັນຕາມແນວຊາຍແດນລວມເຖິງມາດຕະການຕໍ່ຜູ້ລະເມີດລະບຽບກົດໝາຍລັກລອບເຂົ້າປະເທດໂດຍບໍ່ໄດ້ຮັບອະນຸຍາດ ແລະຫຼ້າສຸດທາງແຂວງຄຳມ່ວນແມ່ນໄດ້ແຈ້ງປິດເສັ້ນທາງແຄມຂອງແລ້ວ. ອີງຕາມແຈ້ງການສະບັບເລກທີ 176 /ຫວຂ.ຄມ ລົງວັນທີ 19 ເມສາ 2021 ຂອງຫ້ອງວ່າການປົກຄອງແຂວງຄຳມ່ວນແມ່ນໃຫ້ປິດການນໍາໃຊ້ເສັ້ນທາງລຽບແຄມຂອງ ແຕ່ 3 ແຍກ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ຫາ 3 ແຍກ ພະແນກ ແຜນການ ແລະການລົງທຶນແຂວງ ໄລຍະຊົ່ວຄາວຈົນກວ່າຈະແຈ້ງເປີດໃຫ້ນໍາໃຊ້ອີກຄັ້ງ ໂດຍອີງຕາມກອງປະຊຸມປຶກສາຫາລື ຂອງຄະນະສະເພາະກິດ ປ້ອງກັນ, ສະກັດກັ້ນການລະບາດຂອງພະຍາດອັກເສບປອດສາຍພັນໃຫມ່ ໂຄວິດ-19 ແຂວງຄໍາມ່ວນ ໃນຄັ້ງວັນທີ 17 ເມສາ 2021. ທັ້ງນີ້ກໍ່ເນື່ອງຈາກວ່າແຂວງຄໍາມ່ວນ ໄດ້ມີກໍລະນີຜູ້ຕິດເຊື້ອພະຍາດໂຄວິດ-19 ຈໍານວນ 01 ຄົນ ຊຶ່ງເປັນກໍລະນີ ຕິດເຊື້ອ ທີ 55 ຂອງ ສປປ ລາວ ແລະ ເປັນກໍລະນີ ທີ 01 ຂອງແຂວງຄໍາມ່ວນ, ເພື່ອເປັນການແຍກປ່ຽວຜູ້ຕິດເຊື້ອ ຄະນະສະເພາະກິດ ໂຄວິດ-19 ແຂວງຄໍາມ່ວນ ...

ອີງຕາມຂ່າວ Times of Israel ສື່ມວນຊົນທ້ອງຖິ່ນຂອງອິດສະຣາແອນ ໄດ້ລາຍງານໃນວັນທີ 15 ເມສາ 2021 ວ່າ: ລັດຖະບານອິດສະຣາແອນປະກາດ “ຍົກເລີກມາດຕະການໃສ່ຜ້າອັດປາກ-ດັງ ໃນສະຖານທີ່ສາທາລະນະ” ເລີ່ມປະຕິບັດໃນວັນທີ 18 ເມສາ 2021 (ມື້ວານ) ເປັນຕົ້ນໄປ, ຫຼັງຈາກໄດ້ສັກວັກຊີນປ້ອງກັນພະຍາດໂຄວິດ-19 ໃຫ້ກັບປະຊາຊົນຫຼາຍກວ່າເຄິ່ງປະເທດ, ເຮັດໃຫ້ຈຳນວນຜູ້ຕິດເຊື້ອຫຼຸດລົງເຫຼືອພຽງແຕ່ຫຼັກຮ້ອຍ. ໃນຂະນະທີ່ຜູ້ຊ່ຽວຊານກ່າວວ່າ ໃນເວລານີ້ເກີດມີພາວະ “ພູມຕ້ານທານກຸ່ມ” ຂຶ້ນແລ້ວ. ທ່ານ ຢິລິ ເອເດສະຕິນ (Yuli Delstein) ລັດຖະມົນຕີກະຊວງສາທາລະນະສຸກ ອິດສະຣາແອນ ໄດ້ອອກຖະແຫຼງການໃນວັນຊາດອິດສະຣາແອນວ່າ: ໃຫ້ຢຸດຕິຂໍ້ບັງຄັບທາງດ້ານສາທາລະນະສຸກໃນການໃສ່ຜ້າອັດປາກ-ດັງ ໃນເຂດສາທາລະນະລົງ ເຊິ່ງເລີ່ມປະຕິບັດຕັ້ງແຕ່ວັນທີ 18 ເດືອນເມສາ 2021 ເປັນຕົ້ນໄປ. ເຖິງຢ່າງໃດກໍ່ຕາມ, ມາດຕະການບັງຄັບໃຫ້ໃສ່ຜ້າອັດປາກ-ດັງ ໃນສະຖານທີ່ປິດ(ບ່ອນບໍ່ມີອາກາດຖ່າຍເທ) ນັ້ນຍັງຕ້ອງປະຕິບັດຢູ່. ຫຼັງຈາກອິດສະຣາແອນ ພົບກັບການແຜ່ລະບາດຂອງພະຍາດໂຄວິດ-19 ຢ່າງຮ້າຍແຮງ ໃນຮອບທີສາມແລ້ວ, ເຮັດໃຫ້ຮູ້ທິດທາງການແກ້ໄຂສະຖານະການໄດ້ດີຂຶ້ນຢ່າງໄວ ໃນໄລຍະເດືອນທີ່ຜ່ານມາ ຫຼັງຈາກທີ່ອິດສະຣາແອນ ເປັນຜູ້ດຳເນີນໂຄງການຊັກວັກຊີນທີ່ຄິດໄລ່ຕາມອັດຕາສ່ວນປະຊາກອນໄວທີ່ສຸດໃນໂລກ ໂດຍເລືອກໃຊ້ວັກຊີນຂອງ Pfizer / BioNTech. ແຫຼ່ງຂໍ້ມູນຈາກ: https://laopost.com