ຂ່າວ ພາຍໃນປະເທດ

ກົມອະນາໄມ ແລະ ສົ່ງເສີມສຸຂະພາບ ຈັດພິທີມອບຮັບໃບຂອບໃຈໃຫ້ແກ່ ບັນດາຜູ້ສະໜັບສະໜູນແຄມເປນໂຄສະນາເຜີຍແຜ່ວິທີການປ້ອງກັນໂຄວິດ 19

ຈົບລົງຢ່າງສວຍງາມ ກົມອະນາໄມ ແລະ ສົ່ງເສີມສຸຂະພາບ ຈັດພິທີມອບຮັບໃບຂອບໃຈໃຫ້ແກ່ ບັນດາຜູ້ສະໜັບສະໜູນແຄມເປນ ໂຄສະນາເຜີຍແຜ່ວິທີການປ້ອງກັນໂຄວິດ 19 ຜ່ານປ້າຍໂຄສະນາຫຼາຍກວ່າ 30 ຈຸດ ຄອບຄຸມທົ່ວນະຄອນຫຼວງວຽງຈັນ ທີ່ໄດ້ຈັດຂຶ້ນໃນວັນທີ 09/04/2022 ທີ່ຫ້ອງປະຊຸມຂອງກົມອານາໄມ ແລະ ສົ່ງເສີມສຸຂະພາບ, ກະຊວງສາທາລະນະສຸກ, ຕາງໜ້າມອບໂດຍ ດຣ. ບົວແກ້ວ ສຸວັນທອງ ແລະ ຕາງໜ້າຜູ້ຮັບໂດຍທີມງານຂອງບໍລິສັດ ປັນຍາທິບ ແພລນບີ ມີເດຍ ລາວ ຈໍາກັດ. ເຊິ່ງແຄມເປນດັ່ງກ່າວໄດ້ຮັບການສະໜັບສະໜູນຫຼັກຈາກ GulfOilLaos ແລະ PPB Media Lao Co.ltd ແລະ ຮ່ວມສະໜັບສະໜູນໂດຍ Souvanny Home Center, Target Magazine ແລະ Panyathip Advertising ແລະ ປະກອບສ່ວນເຜີຍແຜ່ຂໍ້ມູນຜ່ານສື່ສັງຄົມອອນລາຍໂດຍບໍລິສັດ Next Media Co., Ltd. ເຊິ່ງເປົ້າໝາຍຂອງການລົນນາລົງແມ່ນ ຊ່ວຍເຮັດໃຫ້ປະຊາຊົນເພີ່ມສະຕິໃນການປ້ອງກັນໂຕເອງຈາກພະຍາດໂຄວິດ 19 ດ້ວຍຮູບພາບ ແລະ ຂໍ້ຄວາມສື່ສານຢູ່ເທິງປ້າຍໂຄສະນາ. ທ່ານສາມາດເຂົ້າໄປຕິດຕາມກິດຈະກຳດີໆ ຜ່ານເພດຂອງບັນດາຜູ້ສະໜັບສະໜູນແຄມເປນຂອງພວກເຮົາໄດ້ທີ່: ...

Read More »

ນໍ້າມັນແພງ! ນໍ້າມັນຂາດປໍ້າ ເກີດຈາກຫຼາຍປັດໄຈ ແຕ່ລັດຖະບານເຮັດທຸກວິທີທາງເພື່ອຊ່ວຍເຫຼືອປະຊາຊົນ

ນໍ້າມັນແພງ! ນໍ້າມັນຂາດປໍ້າ ເກີດຈາກຫຼາຍປັດໄຈ ແຕ່ລັດຖະບານເຮັດທຸກວິທີທາງເພື່ອຊ່ວຍເຫຼືອປະຊາຊົນ. ​ ທ່ານ ​ຄໍ​າແພງ ໄຊ​ສົມ​ແພງ ລັດ​ຖະ​ມົນ​ຕີ​ກະ​ຊວງ​ອຸດ​ສາ​ຫະ​ກໍ​າ ແລະ ການ​ຄ້າ (ອ​ຄ) ໄດ້​ຖະ​ແຫຼງ​ຕໍ່​ສື່ມວນ​ຊົນ​ເມື່ອ​ວັນ​ທີ 10 ພຶດ​ສະ​ພາ 2022 ທີ່​ກະ​ຊວງ ອ​ຄ ໃຫ້​ຮູ້​ວ່າ: ສປປ ລາວ ເປັນປະເທດນໍາເຂົ້າ ນ້ຳມັນເຊື້ອໄຟ ​ຈາກຕ່າງປະເທດ 100% ຊຶ່ງປັດ​ຈຸບັນ, ຈາກສະພາບການຂອງໂລກ ທີ່ມີການປ່ຽນແປງ ສົ່ງຜົນເຮັດລາຄານໍ້າມັນເຊື້ອໄຟໃນຕະຫຼາດໂລກ ເວົ້າລວມ, ເວົ້າສະເພາະ ລາຄານໍ້າມັນເຊື້ອໄຟສໍາເລັດຮູບຕະຫຼາດສິງກະໂປ ຍັງສືບຕໍ່ເໜັງຕີງຂຶ້ນສູງ. ຕໍ່​ບັນ​ຫາ​ດັ່ງ​ກ່າວ​ນັ້ນ ໄດ້ສົ່ງຜົນກະ​ທົບໂດຍກົງເຮັດໃຫ້ລາຄາຂາຍຍ່ອຍນ້ຳມັນເຊື້ອໄຟພາຍໃນປະເທດເຮົາປັບຂຶ້ນເປັນເງົາຕາມໂຕ ຊຶ່ງການປັບລາຄາໃນຄັ້ງວັນທີ 30 ເມສາ 2022 ທີ່ຜ່ານມາ ແມ່ນມີຄວາມຈຳເປັນເພື່ອເຮັດໃຫ້ລາຄາປັບປ່ຽນທັນຕາມສະພາບການ. ແຕ່ດ້ວຍປັດໄຈພາຍນອກ ຄຽງຄູ່ກັບບັນຫາ​ອັດ​ຕາ​ແລກ​ປ່ຽນ​ເງິນ​ຕາ​ຕ່າງ​ປະ​ເທດ​ ມີ​ສ່ວນ​ຜິດ​ດ່ຽງສູງລະ​ຫວ່າງ​ທະ​ນາ​ຄານ​ທຸ​ລະ​ກິດ ກັບຮ້ານ​ແລກ​ປ່ຽນ​ເງິນຕາ, ການ​ປະ​ຕິ​ບັດ​ມາດ​ຕະ​ການຄວບ​ຄຸມ ແລະ ປ້ອງ​ກັນການ​ແຜ່ລະບາດຂອງພະຍາດ COVID-19 ທີ່​​ຕ້ອງເພີ່ມ​ຂັ້ນ​ຕອນ ແລະ ເພີ່ມລາຍ​ຈ່າຍ​​ຂອງ​ຜູ້​ປະ​ກອບ​ການ​ ເຮັດ​ໃຫ້​ຫຼາຍ​ບໍ​ລິ​ສັດ​​ຕົກຢູ່​ໃນ​ສະພາບ​ຂາດ​ທຶນ ແລະ ບໍ່​ສາ​ມາດ​ນຳ​ເຂົ້າ​ນ້ຳ​ມັນ​ເຊື້ອ​ໄຟ​ມາ​ຮັບ​ໃຊ້​ສັງ​ຄົມ​​ໄດ້ຢ່າງ​ທົ່ວ​ເຖິງ. ອີກ​ດ້ານ​ໜຶ່ງ, ​​ເຫັນ​ວ່າມີ​ບາງ​ບໍ​ລິ​ສັດ​​ທີ່ມີ​ການ​ເຄື່ອນ​ໄຫວ​ບໍ່​ຖືກ​ຕ້ອງ, ໂດຍ​ສະ​ເພາະແມ່ນ​ປ້ຳ​ບໍ​ລິ​ການ​ນ້ຳ​ມັນເຊື້ອໄຟ ຈຳ​ນວນ​ໜຶ່ງ ມີ​ການ​ລັກ​ລອບຊື້​ນ້ຳ​ມັນ​ຈາກ​ພາກ​ສ່ວນ​ອື່ນ​ມາ​ລົງ​ປ້ຳ​, ...

Read More »

Marcos Jr. ປະທານາທິບໍດີຟິລິບປິນຄົນໃໝ່ ຊະນະເລືອກຕັ້ງດ້ວຍຄະແນນທັງໝົດ 93.8%

Marcos Jr. ປະທານາທິບໍດີຟິລິບປິນຄົນໃໝ່ ຊະນະເລືອກຕັ້ງດ້ວຍຄະແນນທັງໝົດ 93.8% ສູງເພີ່ມເປັນ 2 ເທົ່າຂອງຄູ່ແຂ່ງ. ໄຊຊະນະໃນການເລືອກຕັ້ງຄັ້ງນີ້ ເປັນຈຸດເລີ່ມຕົ້ນໃຫ້ຕະກູນ Marcos ຫວນຄືນສູ່ການປົກຄອງຟິລິບປິນ ຫຼັງຈາກເມື່ອ 36 ປີກ່ອນ ເກີດເຫດການປະຕິວັດເຮັດໃຫ້ອະດີດປະທານາທິບໍດີ Ferdinand Marcos ພໍ່ຂອງ Marcos Jr. ຈໍາເປັນຕ້ອງໄດ້ລີ້ໄພຢູ່ສະຫະລັດ. ຄະນະກໍາມະການການເລືອກຕັ້ງຟິລິບປິນ ລາຍງານຜົນການນັບຄະແນນການເລືອກຕັ້ງ ຢ່າງບໍ່ເປັນທາງການ (COMELEC) ລະບຸວ່າ Marcos Jr. ໄດ້ຮັບຄະແນນສຽງ 29.9 ລ້ານສຽງ ສູງເພີ່ມເປັນສອງເທົ່າຂອງ Leni Robredo ຮອງປະທານາທິບໍດີ ໂດຍໄດ້ນັບຄະແນນທັງໝົດແລ້ວ 93.8% ຄາດ​ວ່າ ຜູ້ນຳ​ຄົນ​ໃໝ່ ​ຂອງ​ຟີ​ລິບ​ປິນ ຈະ​ເຂົ້າຮັບ​ ຕຳ​ແໜ່​ງ ຢ່າງ​ເປັນ​ທາງ​ການ ​ໃນ​ວັນ​ທີ 30 ​ເດືອນ​ມິຖຸນາ ​ໂດຍ​ຈະ​ມີ​ວາລະ​ ການ​ບໍລິຫານ​ ປະ​ເທດ ​ເປັນ​ເວລາ 6ປີ ​ແລະ ຈະ​ດຳລົງ​ຕຳ​ແໜ່​ງ ພຽງ​ສະ​ໄໝ​ດຽວ ​ເທົ່າ​ນັ້ນ. ຂໍ້ມູນ: ກຸງເທບທຸລະກິດ

Read More »

ແຂ່ງຂັນກິລານັກຮຽນທົ່ວແຂວງສະຫວັນນະເຂດ ເພື່ອກະກຽມເຂົ້າຮ່ວມງານມະຫະກໍາກິລາແຫ່ງຊາດ ຄັ້ງທີ XI

ແຂ່ງຂັນກິລານັກຮຽນທົ່ວແຂວງສະຫວັນນະເຂດ ປະຈຳເຂດ 6 ເພື່ອກະກຽມເຂົ້າຮ່ວມງານມະຫະກໍາກິລາແຫ່ງຊາດ ຄັ້ງທີ XI ພິທີເປີດງານແຂ່ງຂັນກິລານັກຮຽນສາມັນທົ່ວແຂວງສະຫວັນນະເຂດ ປະຈໍາເຂດ 6 ສົກຮຽນ 2021-2022 ໄດ້ຈັດຂຶ້ນເມື່ອບໍ່ດົນມານີ້ ທີ່ສະໜາມກິລາແຂວງ (ຫຼັກ4) ງານແຂ່ງຂັນກິລາຄັ້ງນີ້, ຈັດຂຶ້ນເພື່ອສ້າງຄວາມສາມັກຄີມິດຕະພາບ ແລະ ພັດທະນາເຍົາວະຊົນ-ຊາວໜຸ່ມທາງດ້ານແນວຄິດ ແລະ ສຸຂະພາບໃຫ້ມີນໍ້າໃຈຮັກຊາດ, ເປັນເຈົ້າຕົນເອງ, ສ້າງຄວາມຟົດຟື້ນ, ນໍາເອົາການກິລາເປັນກິດຈະກໍາສົ່ງເສີມພະລັງຂອງຄົນຮຸ່ນໜຸ່ມ, ໃຫ້ເຊື່ອມສານຈິດໃຈແຫ່ງຄວາມສາມັັກຄີ, ມິດຕະພາບ, ເພື່ອສຸຂະພາບ. (ທ່ານ ແກ່ນຕາ ສຸວົງເດືອນ) ແລະ ເພື່ອຄັດເລືອກເອົານັກກິລາທີ່ດີເດັ່ນຂອງແຕ່ລະເມືອງໃນ 14 ຕົວເມືອງ, 1 ນະຄອນ ເພື່ອກະກຽມເຂົ້າຮ່ວມງານມະຫະກໍາກິລາແຫ່ງຊາດ ຄັ້ງທີ XI ທີ່ແຂວງຊຽງຂວາງເປັນເຈົ້າພາບ ແລະ ງານແຂ່ງຂັນກິລານັກຮຽນມັດ ທະຍົມສຶກສາທົ່ວປະເທດ ຄັ້ງທີ VII ທີ່ແຂວງສາລະວັນເປັນເຈົ້າພາບ. ຄາດວ່າພາຍໃນເດືອນພະຈິກ ຫາເດືອນທັນວາ 2022 ຈະມີການກະກຽມຕົວນັກກິລາເຂົ້າຮ່ວມງານແຂ່ງ ຂັນກິລາແຫ່ງຊາດ. (ທ່ານ ສົມສິດ ຫວັນນະບົວທອງ) ຂ່າວ: ສະຫວັນນະເຂດ

Read More »

ຫວຽດນາມ ເປີດສູນສື່ມວນຊົນ ຊີເກມ ຄັ້ງທີ31

ວັນທີ 9 ພຶດສະພາ 2022, ຫວຽດນາມ ​​ເປີດສູນສື່ມວນຊົນ (MPC) ແລະ ສູນໂທລະພາບ ສາກົນ (IBC) ຂອງງານມະຫາກຳ ກິລາ ອາຊີ ຕາເວັນອອກ ສ່ຽງໃຕ້ ຄັ້ງທີ 31 (SEA Games 31)ຢ່າງເປັນທາງການ ຢູ່ສູນກອງປະຊຸມ ແຫ່ງຊາດ ນະຄອນຫລວງ ຮ່າໂນ້ຍ.​ ໂດຍສູນສື່ມວນຊົນ ດັ່ງກ່າວ ຈະຮັບໜ້າທີ່ ສ້າງທຸກເງື່ອນ ໄຂສະດວກ ເພື່ອໃຫ້ ພະນັກງານ, ນັກຂ່າວ ເຮັດວຽກຢູ່ SEA Games 31 ຄື: ສະໜອງ, ໜູນຊ່ວຍ ບັນດາການບໍລິການ ຮັບໃຊ້ການໃຫ້ຂ່າວຂອງນັກຂ່າວ; ລະບົບ ເຕັກໂນໂລຊີ ຂໍ້ມູນ ຂ່າວສານ ຂຸດຄົ້ນ ແລະ ສົ່ງຂ່າວ, ພາຫະນະ ໄປມາ; ຈັດກອງປະຊຸມ ຂ່າວສະໜອງຂໍ້ມູນ, ຈັດການ ສຳພາດ ເມື່ອມີຄວາມຮຽກຮ້ອງ. ສູນຜະລິດຂ່າວ ງານມະຫາກຳ ກິລາ (ດ້ວຍພາສາ ...

Read More »

ການຖິ້ມຂີ້ເຫຍື້ອຍຊະຊາຍຕາມແຄມທາງເປັນປັນຫາໜ້າຫ່ວງ ວອນທຸກພາກສ່ວນຄວນຮ່ວມມືກັນແກ້ໄຂຢ່່າງຈິງຈັງ

ການຖິ້ມຂີ້ເຫຍື້ອຍຊະຊາຍຕາມແຄມທາງເປັນປັນຫາໜ້າຫ່ວງ ວອນທຸກພາກສ່ວນຄວນຮ່ວມມືກັນແກ້ໄຂຢ່່າງຈິງຈັງ. ການຖິ້ມຂີ້ເຫຍື້ອແຄມທາງຫຼວງເລກທີ 13 ໃຕ້ ກາຍເປັນບັນຫາທີ່ຄວນເອົາໃຈໃສ່ຢ່າງຮີບດ່ວນ ຖ້າພວກເຮົາບໍ່ ຢາກເຫັນແຕ່ຖົງຢາງ ກະຕຸກປລາສຕິກຢັ່ງຢາຍປານກອງຂີ້ເຫຍື້ອຢູ່ຕາມສອງຟາກທາງແຕ່ເຫນືອຮອດໃຕ້. ການສົ່ງເສີມການທ່ອງທ່ຽວຂອງລັດຖະບານທີ່ຖືເປັນບູລິມະສິດນັ້ນ ກໍຄົງສ້າງຄວາມຜິດຫວັງ ບໍ່ຫນ້ອຍເມື່ອນັກທ່ອງທ່ຽວເດີນທາງດ້ວຍລົດຕາມເສັ້ນທາງ ແລ້ວເຫັນກອງຂີ້ເຫຍື້ອຖົງຢາງ ແລະ ກະຕຸກ ປລາສຕິກຢັ່ງຢາຍຕາມເສັ້ນທາງ ເຊິ່ງບໍ່ແມ່ນສິ່ງທີ່ເຂົາເຈົ້າປາຖະຫນາຢາກເຫັນເມື່ອມາຢ້ຽມຢາມພວກເຮົາ ບໍ່ຕ່າງຫຍັງກັບວ່າ ເຮົາເຊີນແຂກມາບ້ານ ແຕ່ເຮືອນບໍ່ມ້ຽນມັດ. ການຖິ້ມຂີ້ເຫຍື້ອຊະຊາຍນີ້ ແມ່ນເກີດຂຶ້ນໄດ້ແນວໃດ? ແລ້ວເຮົາສາມາດເຮັດຫຍັງໄດ້ແດ່? ຜ່ານມາມີບົດສໍາຫຼວດຫຼາຍສະບັບຂອງທາງພາກລັດ ແລະ ອົງການພັດທະນາຕ່າງໆ ສາມາດສະຫຼຸບໄດ້ວ່າ ສາເຫດຂອງການຖິ້ມຂີ້ເຫຍື້ອຊະຊາຍນັ້ນ ແມ່ນຂາດການບໍລິການ ການເກັບຂີ້ເຫຍື້ອຢ່າງທົ່ວເຖິງ ຕົວຢ່າງ ຢູ່ ນະຄອນຫຼວງວຽງຈັນ ການບໍລິການເກັບຂີ້ເຫຍື້ອກວມເອົາບໍ່ຮອດ 60% ຂອງພື້ນທີ່ ຫຼື ທົ່ວເຖິງແລ້ວ ປະຊາຊົນບໍ່ສາມາດ ຫຼື ບໍ່ຢາກຈ່າຍຍ້ອນຄ່າບໍລິການຂ້ອນຂ້າງສູງ, ຄວາມມັກງ່າຍ ແລະຂາດຈິດສໍານຶກຂອງປະຊາຊົນບາງກຸ່ມ ກໍແມ່ນສາເຫດຕົ້ນຕໍ່ ແລະ ຍັງມີສາເຫດອື່ນໆ. ພວກເຮົາຄວນເຮັດແນວໃດ ເພື່ອແກ້ໄຂບັນຫານີ້? ການເລີ່ມຕົ້ນຈາກການ ປູກຝັງຈິດສໍານຶກ ຄຽງຄູ່ກັບການບັງໃຊ້ກົດລະບຽບກົດຫມາຍທີ່ກ່ຽວຂ້ອງ ເຊັ່ນ ການປັບໃຫມຜູ້ຖິ້ມຂີ້ເຫຍື້ອຊະຊາຍທີ່ທາງ ນະຄອນຫຼວງວຽງຈັນໄດ້ຈັດຕັ້ງປະຕິດນັ້ນກໍເຫັນເປັນແບບຢ່າງທີ່ດີ. ການເພີ່ມການບໍລິການເກັບຂີ້ເຫຍື້ອ ຢ່າງທົ່ວເຖິງນັ້ນກໍແມ່ນວຽກງານສໍາຄັນຂອງລັດຖະບານທີ່ຈະຕ້ອງພິຈາລະນາໃນການລົງທຶນຫຼາຍຂຶ້ນ.ເມື່ອພວກເຮົາບໍ່ໃຫ້ປະຊາຊົນຖິ້ມຊະຊາຍ ຫຼື ຈູດຂີ້ເຫຍື້ອນັ້ນ ກໍຈະສາມາດເຮັດໄດ້ໃນເມື່ອທີ່ທາງພາກສ່ວນທີ່ກ່ຽວຂ້ອງສາມາດຕອບສະຫນອງການບໍລິການເກັບມ້ຽນຂີ້ເຫຍື້ອຢ່າງທົ່ວເຖິງ ຖ້າບໍ່ດັ່ງນັ້ນປະຊາຊົນກໍ່ບໍ່ມີທາງເລືອກ ...

Read More »

ບໍລິສັດ ລ້ານຊ້າງ ມິເນໂຣນ ມອບອາກອນກຳໄລຈາກການຜະລິດຄຳ ແລະ ທອງກວ່າ 13 ລ້ານໂດລາ ໃຫ້ຖະບານລາວ

ບໍລິສັດ ລ້ານຊ້າງ ມິເນໂຣນ ລິມິເຕັດ (ລຊມລ) ໄດ້ມອບອາກອນກຳໄລຈຳນວນ 13,3 ລ້ານກວ່າໂດລາ ຈາກການຜະລິດຄຳ ແລະ ທອງ ໃນສົກປີ 2021 ຊຶ່ງລວມເປັນລາຍຮັບທັງໝົດທີ່ໄດ້ມອບໃຫ້ແກ່ລັດຖະບານລາວ ໃນສົກປີ 2021 ຈໍານວນ 40,84 ລ້ານກວ່າໂດລາ (ໃນນັ້ນລວມມີ ອາກອນກຳໄລ, ຄ່າຊັບພະຍາກອນແຮ່ທາດ, ເງິນປັນຜົນ, ແລະ ພັນທະອື່ນໆ). ພິທີດັ່ງກ່າວໄດ້ຈັດຂຶ້ນໃນວັນທີ 5 ພຶດສະພາ ຜ່ານມາ ທີ່ກົມສ່ວຍສາອາກອນ ກະຊວງການເງິນ. ທ່ານ ສະໝານ ອະເນກາ ໄດ້ກ່າວວ່າ: “ບໍລິສັດ ລຊມລ ໃນຖານະທີ່ເປັນຄູ່ຮ່ວມງານທີ່ຍາວນານ ທັງເປັນຜູ້ເສຍອາກອນລາຍໃຫຍ່ ໃຫ້ແກ່ ສປປ ລາວ. ໂຄງການຄຳ-ທອງ ເຊໂປນ ຍັງຈະສືບຕໍ່ຂະຫຍາຍຕົວ, ໃນຖານະທີ່ເປັນວິສາຫະກິດຂຸດຄົ້ນບໍ່ແຮ່ໃນ ສປປ ລາວ ທີ່ໄດ້ຮັບການຢັ້ງຢືນກຽດຕິສັກໃນລະດັບ A (+) ຕະຫຼອດມາ ຈາກກະຊວງພະລັງງານ ແລະ ບໍ່ແຮ່, ໂຄງການຄຳ-ທອງ ເຊໂປນ ກຳລັງດໍາເນີນການສ້າງອຸໂມງສຳຫຼວດບໍ່ແຮ່ໃຕ້ດິນ ແບບມືອາຊີບທີ່ທັນສະໄໝແຫ່ງທຳອິດ ໃນ ...

Read More »

ແຈ້ງການ! ເຫັນດີໃຫ້ ເຂົ້າ-ອອກ ປະເທດໄດ້ ທຸກດ່ານສາກົນ ເຫັນດີໃຫ້ເປີດຮ້ານບັນເທີງ ແລະ ຄາລາໂອເກະ ເລີ່ມ 9 ພຶດສະພານີ້

ແຈ້ງການ ຈາກຫ້ອງວ່າການສໍານັກງານນາຍົກລັດຖະມົນຕີເລກທີ 627 /ຫສນຍ ນະຄອນຫຼວງວຽງຈັນ, ວັນທີ07. 5.2022 ເລື່ອງ: ທິດຊີ້ນໍາກ່ຽວກັບມາດຕະການໃນການເຂົ້າ-ອອກ ສປປ ລາວ ແລະ ມາດຕະການຜ່ອນຜັນພາຍໃນ່ ປະເທດ ໃນໄລຍະມີການລະບາດຂອງພະຍາດໂຄວິດ-19 ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງ ການຕົກລົງ ແລະ ຊີ້ນໍາ ຂອງລັດຖະບານ ມາຍັງທ່ານ ເພື່ອຊາບ ແລະ ຈັດຕັ້ງປະຕິບັດ ດັ່ງນີ້: ເຫັນດີໃຫ້ຜ່ອນຜັນມາດຕະການໃນການເຂົ້າ-ອອກ ສປປ ລາວ ດັ່ງນີ້: 1) ເປີດດ່ານສາກົນທຸກດ່ານ ສໍາລັບການເຂົ້າ-ອອກ ຂອງພົນລະເມືອງລາວ, ຄົນຕ່າງດ້າວ, ຄົນຕ່າງປະເທດ ແລະ ຄົນບໍ່ມີສັນຊາດ. 2) ອະນຸຍາດໃຫ້ພົນລະເມືອງຂອງບັນດາປະເທດທີ່ມີສັນຍາຍົກເວັ້ນວີຊາ (VISA) ກັບ ສປປ ລາວ ແບບສອງຝ່າຍຫຼື ຝ່າຍດຽວ ສາມາດເດີນທາງເຂົ້າ ສປປ ລາວ ໂດຍບໍ່ຈໍາເປັນຕ້ອງຂໍVISA. 3) ສໍາລັບພົນລະເມືອງຂອງບັນດາປະເທດ ທີ່ບໍ່ມີສັນຍາຍົກເວັ້ນ VISA ກັບ ສປປ ລາວ ແມ່ນ ສາມາດຂໍ VISAຈາກສະຖານທູດ, ...

Read More »

ຂໍສະແດງຄວາມຍິນດີ ກັບຜູ້ໂຊກດີຄົນທຳອິດທີ່ໄດ້ຮັບລົດຈັກ Honda Wave 100 ກັບ M-150

ຂໍສະແດງຄວາມຍິນດີ ກັບຜູ້ໂຊກດີຄົນທຳອິດທີ່ໄດ້ຮັບລົດຈັກ Honda Wave 100 ກັບ M-150 ໃຫ້ໂຊກ 2ຊັ້ນ ຈາກແຂວງ ສະຫວັນນະເຂດ ຢ່າຄອຍຖ້າ ເພາະວ່າ M-150 ຍັງແຈກ ແຈກ ແຈກ ຢ່າງຕໍ່ເນື່ອງ ດື່ມກັນເລີຍ ເພາະທ່ານກໍ່ອາດເປັນຜູ້ໂຊກດີຄົນຕໍ່ໄປ M150LAOS #ບໍ່ມີລີມິດດ້ວຍພະລັງM150 #M150ໃຫ້ໂຊກ2ຊັ້ນ #ແຕ້ມເອັມລາວ

Read More »

ອິນເດຍ (RBI) ປັບຂຶ້ນອັດຕາດອກເບ້ຍຢືນຢັນວ່າວິທີນີ້ເໝາະສົມໃນການໃຊ້ກະກັດກັ້ນເງິນເຟີ້.

ທະນາຄານກາງອິນເດຍ (RBI) ປັບຂຶ້ນອັດຕາດອກເບ້ຍຢືນຢັນວ່າວິທີນີ້ເໝາະສົມໃນການໃຊ້ກະກັດກັ້ນເງິນເຟີ້. ເມື່ອວັນທີ 4 ພຶດສະພາທີ່ຜ່ານມານີ້, ທະນາຄານກາງອິນເດຍ (RBI) ໄດ້ປະກາດປັບຂຶ້ນອັດຕາດອກເບ້ຍຊື້ຄືນພັນທະບັດ (repo rate) 0,40% ສູ່ລະດັບ 4,40% ໃນກອງປະຊຸມ ໂດຍລະບຸວ່າ ເງິນເຟີ້ທີ່ເພີ່ມຂຶ້ນຢ່າງຕໍ່ເນື່ອງໄດ້ສ້າງແຮງກົດດັນຕໍ່ເສດຖະກິດຂອງປະເທດ. ອັດຕາຜົນຕອບແທນພັນທະບັດລັດຖະບານອິນເດຍອາຍຸ 10 ປີເພີ່ມຂຶ້ນທີ່ລະດັບ 7,41% ຫຼັງຈາກທະນາຄານກາງປະກາດປັບຂຶ້ນອັດຕາດອກເບ້ຍໄດ້ບໍ່ດົນ. ທ່ານ ຊັດຕິຄານຕາ ຄາສ ຜູ້ວ່າການທະນາຄານກາງອິນເດຍກ່າວວ່າ ຄະນະກຳມະການກຳນົດນະໂຍບາຍຂອງທະນາຄານກາງອິນເດຍໄດ້ພິຈາລະນາເຖິງທ່າອ່ຽງເງິນເຟີ້ ແລະ ຊີ້ໃຫ້ເຫັນວ່າ ການປັບຂຶ້ນອັດຕາດອກເບ້ຍເພື່ອສະກັດກັ້ນເງິນເຟີ້ ຖືວ່າເປັນເລື່ອງທີ່ເໝາະສົມ. ນອກຈາກນີ້, ຄະນະກຳມະການກຳນົດນະໂຍບາຍຂອງທະນາຄານກາງອິນເດຍຍັງເຫັນວ່າ ການໃຊ້ນະໂຍບາຍການເງິນເພື່ອຮັບມືກັບວິກິດການໃນປັດຈຸບັນຈະຊ່ວຍສ້າງສະຖຽນລະພາບດ້ານການເງິນລະດັບມະຫາພາກ ທ່າມກາງຕະຫຼາດການເງິນທີ່ແປປ່ວນຫຼາຍຂຶ້ນໃນຂະນະນີ້. ຂໍ້ມູນ: ປະຊາຊົນ

Read More »