ຂ່າວ ຕ່າງປະເທດ

ຜູ້ປະທ້ວງຈຳນວນຫຼາຍ ໄດ້ອອກມາປະທ້ວງລັດຖະບານອັງກິດ ພາຍຫຼັງທີ່ໄດ້ປະກາດມາດຕະການໃຫມ່ ກໍຄື ປະຊາຊົນທຸກຄົນ ທີ່ອອກໄປທີ່ສາທາລະນະ ເປັນຕົ້ນແມ່ນ ບັນດາຮ້ານຄ້າ ແລະ ຫ້າງຊັບພະສິນຄ້າຕ່າງໆ ຕ້ອງໄດ້ໃສ່ໜ້າກາກປ້ອງກັນ (ກ່ອນໜ້ານີ້ ຈຳກັດການໃສ່ໜ້າກາກ ສະເພາະຕອນທີ່ນຳໃຊ້ລະບົບຂົນສົ່ງສາທາລະນະ).ການຊຸມນຸມເລີ່ມຂຶ້ນໂດຍກຸ່ມທີ່ຮ້ອງຕົນເອງວ່າ Keep Britain Free ຊຶ່ງອ້າງໃນເວັບໄຊທາງການວ່າສະໜັບສະໜູນ “ສິດເສລີພາບໃນການສະແດງອອກ ເສລີພາບແຫ່ງການເລືອກ ແລະ ເສລີພາບແຫ່ງຄວາມຄິດ” ເຖິງຢ່າງໃດກໍ່ຕາມ ປະກົດວ່າ ມີຜູ້ຊຸມນຸມຈໍານວນໜຶ່ງ ຍັງໃສ່ໜ້າກາກມາຊຸມນຸມ, ຊຶ່ງສ້າງຄວາມສັບສົນຢູ່ບໍ່ໜ້ອຍ (ເພາະມາຊຸມນຸມຮຽກຮ້ອງເພື່ອບໍ່ໃສ່ໜ້າກາກ No mask ແຕ່ພັດໃສ່ໜ້າກາກ). Johnson ຍັງບອກຕື່ມວ່າ ຜູ້ຝ່າຝຶນ ຈະຖືກເຈົ້າໜ້າທີ່ປັບໄໝສູງສຸດ 100 ປອນ (ປະມານ 1,1 ລ້ານກີບ )#BorisJohnson ເຄີຍຕິດເຊື້ອ Covid ມາກ່ອນ ແລະ ຮັກສາຫາຍດີແລ້ວ.

ຫຼັງຈາກທີ່ເຮົາໄດ້ຮູ້ແລ້ວວ່າ ບໍລິສັດ Tesla ກຳລັງຜະລິດລົດໄຟຟ້າ ໂດຍມີການຮັບສົ່ງຂໍ້ມູນດ້ວຍຄວາມໄວສູງໃນລະດັບ 5G, ແຕ່ໃນວັນສຸກທີ່ຜ່ານມາ ບໍລິສັດ​ Rivian​ ຜູ້ຜະລິດລົດ SUV ແລະ​ ລົດບັນທຸກ ໄດ້ປະກາດວ່າ ໄດ້ລະດົມເງິນ ຈຳນວນ 2,5 ຕື້ໂດລາສະຫະລັດ ເພື່ອຜະລິດລົດໄຟຟ້າ Upstart, ເປັນການລະດົມທຶນຄັ້ງທີ 5 ຂອງບໍລິສັດໃນເວລາພຽງ 18 ເດືອນ, ເຊິ່ງບໍລິສັດໄດ້ລະດົມທຶນຈຳນວນ 2,85 ຕື້ໂດລາສະຫະລັດ ໃນ 4 ຮອບ ລະຫວ່າງເດືອນກຸມພາ ຫາ ເດືອນທັນວາຂອງ ປີ 2019. ສິ່ງເຫຼົ່ານີ້ ເຮັດໃຫ້ Rivian ໃຊ້ທຶນຫຼາຍກ່ວາ 5 ຕື້ໂດລາສະຫະລັດ ເພື່ອໃຊ້ຈ່າຍໃນການຜະລິດລົດບັນທຸກໄຟຟ້າ ແລະ ລົດ SUV ທີ່ກຳລັງຈະສົມບູນໃນໄວໆນີ້. ບໍລິສັດ Rivian ກຳລັງວາງແຜນທີ່ຈະສ້າງພາຫະນະເພື່ອຕອບສະໜອງຜູ້ບໍລິໂພກໃໝ່ສອງແບບ, ເຊິ່ງພວກເຂົາໄດ້ນຳສະເໜີ ຕໍ່ສາທາລະນະຊົນໃນ ປີ 2018 ວ່າມີລົດບັນທຸກໄຟຟ້າທີ່ເອີ້ນວ່າ R1T ແລະ ລົດ SUV ຫຼືທີ່ເອີ້ນວ່າ ...

ຕາມແຫລ່ງຂ່າວ ຍີ່ປຸ່ນ, ວັນທີ 20 ກໍລະກົດ 2020 ທີ່ຜ່ານມາ, ສະຫະນະຄອນ ເອເມເຣັດອາຣັບ ໄດ້ປະສົບຄວາມສຳເລັດໃນການສົ່ງຍານສຳຫລວດຄົນບໍ່ມີຄົນສູ່ດາວອັງຄານເປັນຄັ້ງທຳອິດ. ຍານສຳຫລວດ ໂຮບ (Hope) ຂອງສະຫະນະຄອນ ເອເມເຣັດອາຣັບ ໄດ້ສົ່ງຂື້ນຈາກ ສູນອາວະກາດ ທາເນະງະຊີມະທາງພາກໃຕ້ຂອງຍີ່ປຸ່ນ ຫຼັງຈາກເລື່ອນມາເປັນເວລາ 2 ຄັ້ງແລ້ວເນື່ອງຈາກສະພາບອາກາດບໍ່ເປັນໃຈ. ເປົ້າໝາຍສຳຄັນຂອງຍານສຳຫລວດໂຮບນີ້ ແມ່ນເພື່ອສົ່ງຂໍ້ມູນຢູ່ດາວອັງຄານລົງໄປສູ່ໂລກ. ຢູເອອີ ສ້າງປະຫວັດສາດເປັນປະເທດທໍາອິດໃນພາກຕາເວັນອອກກາງ ແລະ ໂລກອາຫຼັບ ທີ່ສົ່ງຍານສໍາຫຼວດສູ່ດາວອັງຄານສໍາເລັດ… ຄາດວ່າ ໂຮບຈະເຂົ້າສູ່ວົງໂຄຈອນດາວອັງຄານໃນເດືອນ ກຸມພາ 2564

ເປັນຫຍັງ ເຮົາຈຶ່ງຕ້ອງມາສ້າງຄວາມເຂົ້າໃຈກ່ຽວກັບເທຣນອາຫານ ແລະ ພຶດຕິກໍາຂອງຄົນທີ່ປ່ຽນໄປ ພ້ອມກັບນະວັດຕະກໍາທີ່ຈະເກີດຂຶ້ນຕະຫຼອດ 10 ປີ ຕໍ່ຈາກນີ້?, ໃນມຸມມອງຂອງຜູ້ບໍລິໂພກທົ່ວໆໄປ ການແຜ່ລະບາດຂອງ COVID-19 ໄດ້ປ່ຽນແປງໃນສ່ວນຂອງພຶດຕິກໍາການກິນຂອງເຮົາໄປແນວໃດແດ່? ເພາະປັດຈຸບັນ ເຮົາໃສ່ໃຈໃນເລື່ອງຂອງອາຫານການກິນໃຫ້ມັນຖືກສຸຂະອະນາໄມຫຼາຍກວ່າເມື່ອກ່ອນແຕ່ກໍມີຄົນຫຼາຍຄົນທີ່ຕ້ອງວ່າງງານກະທັນຫັນເຮັດໃຫ້ເຮົາເຫັນພາບຄົນທີ່ຂາດແຄນທາງດ້ານອາຫານ. ຄວາມຈິງແລ້ວພາວະທີ່ເກີດຄົນຈົນໃນລະດັບອົດຢາກມີສູງຂຶ້ນເລື້ອຍໆໃນທົ່ວໂລກ, ໂດຍສະເພາະໃນອາຊີ ແລະ ອາຟຣິກາ ເຊິ່ງຄົນກຸ່ມນີ້ເປັນຄົນທີ່ຜະລິດອາຫານກວ່າ 70% ຂອງຊັບພະຍາກອນອາຫານໂລກໃຫ້ເຮົາກິນ ແຕ່ເຂົາເອງມີລາຍໄດ້ປະມານ 2$ ຕໍ່ມື້ (ປະມານ 18.000 ກີບ). ນອກຈາກນັ້ນ, ໃນມຸມມອງຂອງຜູ້ປະກອບການຫຼາຍປະເທດທົ່ວໂລກທີ່ມີຂ່າວການຕິດເຊື້ອຂອງຄົນງານໃນໂຮງງານ ຫຼືອຸປະສັກເຮັດໃຫ້ການສະໜອງອາຫານເກີດການຢຸດສະງັກ ເພາະບໍ່ສາມາດໃຊ້ຄົນຜະລິດຕໍ່ໄດ້. ພາບປະກອບເທົ່ານັ້ນ ຈາກບັນຫາດັ່ງກ່າວ, ມັນເຮັດໃຫ້ເທຣນຂອງການກິນ plant-based meat ຫຼືຊີ້ນທີ່ເຮັດມາຈາກພືດເຕີບໂຕແບບກ້າວກະໂດດໃນຊ່ວງທີ່ຜ່ານມາຫຼາຍ ເພາະການຜະລິດຊີ້ນທຽມຈະໃຊ້ພືດ 100%. ພ້ອມກັນນັ້ນ, ຍັງມີອີກຫຼາກຫຼາຍເຫດຜົນທີ່ຈະມາສົງໄສວ່າ ເປັນຫຍັງເຮົາຄວນຫັນມາໃສ່ໃຈເລື່ອງອະນາຄົດຂອງການກິນຕໍ່ຈາກນີ້ ຈາກສະຖິຕິພົບວ່າ ແທ້ໆແລ້ວໂລກຂອງເຮົາມີພືດທີ່ກິນໄດ້ກວ່າ 3 ແສນຊະນິດ, ແຕ່ທີ່ເຮົາບໍລິໂພກກັນຢູ່ມີພຽງ 150 ຊະນິດ ແລະ ຫຼາຍກວ່າ 75% ຂອງການບໍລິໂພກໃນທຸກມື້ນີ້ ຄົນເຮົາກິນພືດຜັກພຽງ 12 ຊະນິດ ເທົ່ານັ້ນ, ຖືໄດ້ວ່າເຮົາມີໂອກາດທີ່ຈະໄດ້ນໍາເອົາພືດພັກທີ່ກິນໄດ້ຕ່າງໆ ຫຼື ສັດທາງເລືອກຊະນິດອື່ນໆ ...

ອີງຕາມອ້າງຂໍ້ມູນຈາກສຳນັກງານສະຖິຕິແຫ່ງຊາດຈີນ ( NBS ) ລະບຸວ່າ: ລວມຍອດຜະລິດຕະພັນພາຍໃນ ຫຼື ຈີດີພີ ໄຕມາດ 2 ( ເດືອນເມສາ – ມິຖຸນາ ) ເສດຖະກິດຂອງຈີນ ຂະຫຍາຍຕົວ 3,2% ເຊິ່ງສູງກວ່າທີ່ນັກວິເຄາະຄາດການໄວ້ກ່ອນໜ້ານີ້ຢູ່ທີ່ 2,5% ເຊິ່ງໄຕມາດ 1 ເສດຖະກິດຈີນຕິດລົບ 6,8%. ລາຍງານລະບຸວ່າ: ໄຕມາດ 1 ເສດຖະກິດຈີນຕິດລົບ 6,8% ເມື່ອທຽບກັບໄລຍະດຽວກັນຂອງປີ 2019 ເນື່ອງຈາກໄດ້ຮັບຜົນກະທົບຈາກການແຜ່ລະບາດຂອງພະຍາດໂຄວິດ – 19 ເຊິ່ງເປັນການຫົດຕົວເປັນຄັ້ງທຳອິດ ໃນຮອບເກືອບ 30 ປີ. ແນວໃດກໍຕາມ, ເຖິງວ່າເສດຖະກິດຈະດີຂຶ້ນ ແຕ່ກໍມີສັນຍານບົ່ງບອກວ່າ ອາດຕ້ອງໃຊ້ເວລາອີກໄລຍະໜຶ່ງກວ່າຈະກັບມາສູ່ປົກກະຕິ ເຊິ່ງເຫັນໄດ້ຈາກການບໍລິການ – ການຄ້າຂາຍ ລວມທັງຕົວຊີ້ບອກເຖິງ ຄວາມເຊື່ອໝັ້ນຂອງຜູ້ບໍລິໂພກພາຍໃນຍັງຕ່ຳກວ່າທີ່ຄາດການໄວ້ ເຊິ່ງເດືອນມິຖຸນາຜ່ານມາ ຫຼຸດລົງ 1,8% ເມື່ອທຽບກັບໄລຍະດຽວກັນຂອງປີ 2019 ນັ້ນໄດ້ຊີ້ໃຫ້ເຫັນວ່າ ປະຊາຊົນຍັງບໍ່ກ້າອອກໄປຈັບຈ່າຍໃຊ້ສອຍ ເຖິງແມ່ນວ່າຈະສາມາດຄວບຄຸມການແຜ່ລະບາດຂອງພະຍາດໂຄວິດ – 19 ໄດ້ແລ້ວກໍຕາມ. ປັດຈຸບັນການບໍລິໂພກພາຍໃນ ຖືວ່າເປັນໜຶ່ງໃນຫົວໃຈຫຼັກໃນການຍູ້ດັນເສດຖະກິດຈີນຂະຫຍາຍຕົວ ...

ການຕອບໂຕ້ລະຫວ່າງຈີນ-ສະຫະລັດອາເມລິກາເລີ່ມແຮງຂຶ້ນເລື້ອຍໆ ຫຼັງປະທານາທິບໍດີ ໂດນັລ ທຣໍາ ລົງນາມໃນກົດໝາຍຂ້ວມບາດຈີນ ແລະ ຖອນສະຖານະພິເສດຂອງຮົງກົງຢ່າງເປັນທາງການ, ຈີນປະກາດໂຕ້ກັບສະຫະລັດາເມລິກາ ເລື່ອງແຊກແຊງກິດຈະການພາຍໃນປະເທດຂອງຈີນ. ໃນວັນທີ 14 ກໍລະກົດ ຜ່ານມາ ຈີນປະກາດລົງໂທດບໍລິສັດ Lockheed Martin ຂອງສະຫະລັດອາເມລິກາທີ່ຂາຍອາວຸດໃຫ້ໄຕ້ຫວັນ ໂດຍບໍ່ໄດ້ໃຫ້ລາຍລະອຽດຫຼາຍກ່ຽວກັບບົດລົງໂທດທີ່ Lockheed Martin ຈະໄດ້ຮັບ ແຕ່ຍໍ້າວ່າ “ຖ້າຫາກບໍ່ຕ້ອງການໃຫ້ຄວາມສໍາພັນສອງຝ່າຍລະຫວ່າງ ຈີນ-ສະຫະລັດອາເມລິກາ ເສື່ອມລົງໄປຫຼາຍກວ່ານີ້, ສະຫະລັດຈະຕ້ອງເຊົາຂາຍອາວຸດໃຫ້ໄຕ້ຫວັນ ລວມທັງໃຫ້ການສະໜັບສະໜຸນທາງການທະຫານແກ່ໄຕ້ຫວັນ”, ຄັ້ງນີ້ ສໍານັກຂ່າວ CNA ສື່ໃຫຍ່ຂອງໄຕ້ຫວັນລາຍງານວ່າ ໃນໄລຍະສະຕະວັດທີ່ຜ່ານມາກະຊວງການຕ່າງປະເທດສະຫະລັດອາເມລິກາໄດ້ອະນຸຍາດຄໍາຂໍຂອງລັດຖະບານໄຕ້ຫວັນ ທີ່ຈະຊືື້ຂີປະນາວຸດມູນຄ່າ 620 ລ້ານໂດລາສະຫະລັດ. ແທ້ຈິງແລ້ວ ຄວາມສໍາພັນລະຫວ່າງ ຈີນ-ສະຫະລັດ ນັ້ນໄດ້ຫຼຸດລົງສູ່ລະດັບຕໍ່າສຸດອີກຄັ້ງ ໂດຍທັງສອງຝ່າຍໄດ້ນໍາມາດຕະການຕອບໂຕ້ ມາໃຊ້ໃສ່ກັນໄປມາໄດ້ໄລຍະໜຶ່ງແລ້ວ ກ່ອນໜ້ານີ້ສະຫະລັດໄດ້ເພິ່ມມາດຕະການກົດດັນບໍລິສັດ HUAWEI ຍັກໃຫຍ່ດ້ານເຕັກໂນໂລຊີຂອງຈີນ ລວມທັງບໍລິສັດອື່ນໆໃນເຄືອ. ໃນຂະນະທີ່ຈີນເອງກໍເພິ່ມການຂ້ວມບາດເຈົ້າໜ້າທີ່ລັດຖະບານສະຫະລັດອາເມລິກາ ເຊິ່ງລວມເຖິງບັນດາວຸດທິສະມາຊິກ ໂທດຖານແຊກແຊງກິດຈະການພາຍໃນຂອງຈີນ ເຊິ່ງລວມເຖິງຮົງກົງ. ກະຊວງການຕ່າງປະເທດຂອງຈີນຖະແຫຼງການ ໃນວັນທີ 15 ກໍລະກົດ ຜ່ານມາວ່າ ລັດຖະບານປັກກິ່ງຈະອອກມາດຕະການຕອບໂຕ້ຕໍ່ “ບຸກຕົນ ແລະ ສະຖາບັນ” ໃນສະຫະລັດອາເມລິກາເພື່ອຕອບໂຕ້ທີ່ສະຫະລັດອາເມລິກາອອກກົດໜາຍ ເນັ້ນເປົ້າໄປທີ່ບັນດາທະນາຄານທີ່ເຮັດທຸລະກິດກັບເຈົ້າໜ້າທີ່ຈີນ, ...

ໃນ 15 ປະເທດມີເສດຖີຄິດເປັນ 76% ຂອງມະຫາເສດຖີໃນໂລກ ແລະ 80% ຂອງຊັບສົມບັດໃນໂລກ, ຕາມລາຍງານຂອງ Wealth-X’s 2020 Billionaire Census report. ທຸກປະເທດຍົກເວັ້ນສະຫະລັດອາເມລິກາ, ເຫັນເຖິງການເພິ່ມຂຶ້ນຂອງເສດຖີ ແລະ ມະຫາເສດຖີພັນລ້ານ ສະຫະລັດອາເມລິກາຄອງອຳນາດດ້ວຍມະຫາເສດຖີ 788 ຄົນ ກຸ່ມຄົນທີ່ມີຄວາມລ້ຳລວຍຫຼາຍກວ່າ 3 ພັນຕື້ໂດລາສະຫະລັດ. 15 ປະເທດເດັ່ນທີ່ມີເສດຖີ ແລະ ຊັບສົມບັດຫຼາຍທີ່ສຸດ ຕາມລາຍງານຂອງ Wealth-X’s 2020 Billionaire Census report. ເຊິ່ງໄດ້ວິເຄາະຂໍ້ມູນຈາກຖານຂໍ້ມູນທົ່ວໂລກຂອງ Wealth-X’s ເຊິ່ງມີຂໍ້ມູນຂອງຄົນທີ່ລວຍທີ່ສຸດໃນໂລກຫຼາຍກວ່າໜຶ່ງລ້ານໂດລາສະຫະລັດ ເຊິ່ງໄດ້ບັນທຶກ 3/4 ຂອງປະຊາກອນມະຫາເສດຖີຂອງໂລກອາໄສຢູ່ໃນ 15 ປະເທດທີ່ລະບຸໄວ້. ໂດຍລວມແລ້ວມະຫາເສດຖີໃນປະເທດເຫຼົ່ານີ້ມີຊັບສິນໂດຍລວມ 7,6 ພັນຕື້ໂດລາສະຫະລັດເຊິ່ງຄິດເປັນຊັບສິນ 80% ຂອງຊັບສົມບັດທັງໝົດໃນໂລກໃນປີ 2019, ທຸກໆປະເທດຍົກເວັ້ນສະຫະລັດເອມິເຣດ, ເຫັນເຖິງການເພິ່ມຂຶ້ນຂອງເສດຖີ ແລະ ມະຫາເສດຖີພັນລ້ານໃນປີທີ່ຜ່ານມາ. ສະຫະລັດອາເມລິກາໄດ້ຄອບຄອງ 28% ຂອງມະຫາເສດຖີໃນໂລກ ແລະ 36% ຂອງຊັບສົມບັດໂດຍລວມທັງໜົດ. ອັນດັບທີ 15: ...

ທັກສະການສ້າງຄວາມເຂົ້າໃຈ ແລະ ສື່ສານຂໍ້ມູນອອກໄປເປັນທັກສະທີ່ສໍາຄັນຫຼາຍຂອງຄົນໃນປັດຈຸບັນ ກໍຄືໃນສະຕະວັດທີ 21 ເພາະ Data Science ກັບ AI ມີຜົນຕໍ່ຫຼາຍອຸດສາຫະກໍາ ບໍ່ແມ່ນພຽງແຕ່ທຸລະກິດເທົ່ານັ້ນ, ແຕ່ວ່າພາກລັດ, ການແພດ, ການກະເສດ ຍັງມີການນໍາສະເໜີຂໍ້ມູນຂ່າວສານດ້ວຍໂມເດວທໍານາຍເຫດການລ່ວງໜ້າກໍມີຫຼາຍຂຶ້ນ. ທີ່ສໍາຄັນຄືຂໍ້ມູນສ່ວນຕົວທີ່ເຮົາແບ່ງປັນໃຫ້ກັບຄົນອື່ນຈະເປັນຕົວກໍານົດວ່າເຮົາຈະມີປະຕິສໍາພັນແນວໃດກັບສັງຄົມ.ສະນັ້ນ, ບໍ່ວ່າເຮົາຈະເຮັດວຽກກ່ຽວກັບ Data ໂດຍກົງ ຫຼືບໍ່ ຄວາມສາມາດໃນການເຂົ້າໃຈ ແລະ ສື່ສານຂໍ້ມູນອອກໄປຈຶ່ງເປັນທັກສະທີ່ທຸກຄົນຕ້ອງຝຶກຝົນຮູ້ວ່າຂໍ້ມູນຖືກສ້າງເກັບ ແລະ ຮັກສາໄວ້ແນວໃດ? ລັກສະນະຂອງຂໍ້ມູນເປັນແນວໃດ? ຄວາມຮູ້ທາງດ້ານສະຖິຕິຂໍ້ຄວນລະວັງ ແລະ ຈະລິຍະທໍາໃນການໃຊ້ຂໍ້ມູນ. ສ່ວນລັກສະນະຂອງ Data ທັງ 3 ແບບທີ່ຄວນເຂົ້າໃຈມີຄື: 1. ຂໍ້ມູນທີ່ມາເປັນແບບຕາຕະລາງ (Tabular Data)ຂໍ້ມູນແບບນີ້ເຮົາເຫັນປະຈໍາໂດຍສະເພາະຄົນທີ່ເຮັດວຽກກັບ Microsoft Excel ເປັນປະຈໍາ ປັດຈຸບັນ ມີການໃຊ້ Machine Learning ເພື່ອຄາດຄະເນລາຄາທີ່ພັກຂອງ AirBnB ໂດຍໃຊ້ Tabular Data ເຊິ່ງໃນຂໍ້ມູນກໍຈະມີລາຍລະອຽດຕ່າງໆບໍ່ວ່າຈະເປັນເຟີນິເຈີ, ຂອງໃຊ້ໃນບ້ານ, ຈໍານວນຫ້ອງໃນບ້ານ, ຕໍາແໜ່ງທີ່ພັກ, ລາຄາຂອງການໃຫ້ພັກແຕ່ລະຄືນ ແລະ ລາຍໄດ້ຂອງທີ່ພັກແຕ່ລະປີ. ຂໍ້ມູນພວກນີ້ຈະຖືກປ້ອນເພື່ອເຝິກ ແລະ ...

ເນື່ອງຈາກສະຖານະການບັນຫາໂຄວິດ-19 ໄດ້ສົ່ງຜົນກະທົບກັບທຸລະກິດດ້ານຂະແໜງການທ່ອງທ່ຽວຢ່າງໜັກ ລວມໄປເຖິງທຸລະກິດສາຍການບິນອີກດ້ວຍ ເຊິ່ງປີນີ້ເປັນປີທີ່ສາຍການບິນຫຼາຍສາຍຕ້ອງປະເຊີນກັບບັນຫາທີ່ໜັກໜ່ວງ. ຫຼ້າສຸດ ສາຍການບິນດັງໄທຢ່າງ bangkok airways ກໍໄດ້ອອກມາປະກາດແຈ້ງພະນັກງານ ໂດຍລະບຸວ່າ ບໍລິສັດ ມີຄວາມຈໍາເປັນຕ້ອງໄດ້ປັບໂຄງສ້າງຂອງອົງກອນໃໝ່ໃຫ້ມີຈໍານວນບຸກຄະລາກອນຢູ່ໃນລະດັບທີ່ເໝາະສົມ ເພື່ອໃຫ້ສອດຄ່ອງກັບສະພາວະເສດຖະກິດ ລວມເຖິງຈໍານວນທ່ຽວບິນ ແລະ ເສັ້ນທາງບິນທີ່ຫຼຸດລົງ ສະນັ້ນ, ບໍລິສັດຈື່ງເປີດ ໂຄງການຮ່ວມໃຈຈາກອົງກອນປີ 2563 ຫຼືໂຄງການກະສຽນອາຍຸກ່ອນກຳນົດ (Early Retirement). ໂດຍໂຄງການຮ່ວມໃຈຈາກອົງກອນປີ 2563 ເປີດໃຫ້ພະນັກງານທີ່ປະສົງລາອອກມາຍື່ນໃບສະໝັກລາອອກ ຕັ້ງແຕ່ວັນທີ 22 ມິຖຸນາ ທີ່ຜ່ານມາ ແລະ ເປີດໃຫ້ພະນັກງານທີ່ສົນໃຈມາຍື່ນສະມັກໃຈໄດ້ຈົນຮອດວັນທີ 20 ກໍລະກົດນີ້ ໂດຍມີເງື່ອນໄຂການຈ່າຍເງິນຊົດເຊີຍ ຕາມກົດໝາຍແຮງງານ ແລະ ອາຍຸການທີ່ເຮັດວຽກຕັ້ງແຕ່ 1-13 ເດືອນ ບວກກັບຄ່າບອກກ່າວເວລາລ່ວງໜ້າ 1 ເດືອນ ແລະ ໃຫ້ເງິນຕອບແທນພິເສດເພີ່ມໃຫ້ອີກຕາມອາຍຸການຕັ້ງແຕ່ 1-5 ເດືອນ. ນອກຈາກນີ້, ພະນັກງານທີ່ລາອອກດ້ວຍຄວາມສະໝັກໃຈຍັງຈະໄດ້ຮັບເງິນສູງສຸດ 20 ເດືອນ. ມີການກຳນົດຫຼັກເກນຂອງຜູ້ທີ່ຕ້ອງການລາອອກດ້ວຍຄວາມສະມັກໃຈ ໂດຍລະບຸເຖິງຜົນປະໂຫຍດທີ່ຜູ້ເຂົ້າຮ່ວມໂຄງການຈະໄດ້ຮັບຄ່າຊົດເຊີຍຕາມກົດໝາຍຄໍານວນຈາກເງິນເດືອນ ແລະ ເງິນໄດ້ປະຈໍາເດືອນເມສາ 2020 ທີ່ຜ່ານມາ, ຄ່າຈ້າງແທນການບອກກ່າວລ່ວງໜ້າ ຄໍານວນຈາກເງິນເດືອນ ແລະ ...

ເມື່ອວັນທີ 14 ກໍລະກົດ 2020 ທີ່ຜ່ານມາ ຈີນພົບຜູ້ປ່ວຍໂຄວິດ-19 ທີ່ບໍ່ສະແດງອາການຄົນຫນື່ງທີ່ອາດເປັນຕົ້ນຕໍການລະບາດຈົນເຮັດໃຫ້ມີຜູ້ຕິດລວມ 71 ຄົນ ເຊິ່ງອາດແຜ່ເຊື້ອຜ່ານລິຟພາຍໃນອາພາດເມັ້ນ. ເວັບໄຊຂ່າວ stuff ຂອງນິວຊີແລນ ລາຍງານວັນທີ 13 ກໍລະກົດ ອ້າງການວິໄຈທີ່ເຜີຍແຜ່ໃນເວັບໄຊສຳນັກງານປ້ອງກັນ ແລະຄວບຄຸມພະຍາດອາເມຣິກາ (CDC) ທີ່ພົບວ່າ ມີຜູ້ປ່ວຍໂຄວິດ-19 ຊື່ງບໍ່ສະແດງອາການລາຍຫນື່ງ ໃນມົນທົນເຮຍຫລົງຈຽງ ທາງຕາເວັນອອກຂອງຈີນ ອາດເປັນຕົ້ນຕໍການລະບາດຈົນເຮັດໃຫ້ມີຜູ້ໂຄວິດ-19 ອີກລວມ 71 ລາຍ ຜ່ານການໃຊ້ລິຟພາຍໃນອາພາດເມັ້ນໂຕດຽວກັນງານວິໄຈລະບຸວ່າ ຜູ້ຕິດເຊື້ອທີ່ບໍ່ສະແດງອາການລາຍດັ່ງກ່າວເປັນເພດຍິງ ເດີນທາງກັບມາຈາກອາເມຣິກາ ຕັ້ງແຕ່ວັນທີ 19 ມີນາທີ່ຜ່ານມາ ຊື່ງຈາກການກວດພະຍາດເບື້ອງຕົ້ນບໍ່ພົບວ່າຕິດໂຄວິດ-19 ແຕ່ຕ້ອງດຳເນີນການກັກຕົວເປັນເວລາ14 ວັນຕາມມາດຕະການຂອງລັດ ຈື່ງເດີນທາງກັບໄປກັກໂຕທີ່ຫ້ອງພັກພາຍໃນອາພາດເມັ້ນ ໂດຍປະຕິບັດຕາມມາດຕະການຢ່າງເຄັ່ງຄັດ ບໍ່ພົບປະຜູ້ໃດ ລວມທັງເວລາຂຶ້ນຫ້ອງພັກກໍບໍ່ໄດ້ໃຊ້ລິຟຮ່ວມກັບຜູ້ອື່ນ. ຢ່າງໃດກໍ່ຕາມ, ໃນເວລາຕໍ່ມາ ມີການພົບຜູ້ຕິດໂຄວິດ-19 ພາຍໃນອາພາດເມັ້ນທີ່ນາງອາໄສຢູ່ ຜູ້ຕິດເຊື້ອລາຍນີ້ຢູ່ຊັ້ນລຸ່ມຈາກຫ້ອງຂອງຍິງຄົນດັ່ງກ່າວ ມີປະຫວັດໃຊ້ລິຟໃນອາຄານ ແຕ່ບໍ່ໄດ້ໃຊ້ໃນເວລາດຽວກັບຜູ້ປ່ວຍຍິງຄົນແລກທີ່ບໍ່ສະແດງອາການ ຜູ້ຕິດເຊື້ອຄົນນີ້ໄດ້ແຜ່ເຊື້ອໄປຍັງແມ່ ແລະແຟນຂອງແມ່ ຊື່ງແມ່ ແລະແຟນຂອງແມ່ໄດ້ເຂົ້າຮ່ວມງານປາຕີ້ ເຮັດໃຫ້ເຊື້ອໂຄວິດ-19 ໄປຕິດຊາຍອີກຄົນ ແລະລູກຊາຍ 2 ຄົນຂອງເຂົາຕໍ່ມາຊາຍຄົນດັງກ່າວທີ່ຕິດໂຄວິດ-19 ຈາກງານປາຕີ້ເຂົ້າໂຮງຫມໍດ້ວຍໂລກຫລອດເລືອດສະຫມອງ (stroke) ໂດຍມີລູກ ...