ລົດໄຟ ລາວ-ຈີນ ຈະເປີດ ໃຫ້ບໍລິການກ່ອນພຽງ 6 ສະຖານີ ໂຄງການລົດໄຟລາວ-ຈີນ ພາຍຫລັງເປີດໃຫ້ບໍລິການຢ່າງເປັນທາງການແລ້ວ ໃນເບື້ອງຕົ້ນ ຈະເປີດໃຫ້ບໍລິການກ່ອນພຽງ 6 ສະຖານີ ຂອງຈຳນວນສະຖານີຮັບຜູ້ໂດຍສານທັງໝົດ 10 ແຫ່ງ, ສ່ວນສະຖານີທີ່ຍັງເຫລືອ ແມ່ນຈະເປີດໃຫ້ບໍລິການໃນໄລຍະຕໍ່ໄປ. ໃນນັ້ນມີ:ສະຖານີນະຄອນຫລວງວຽງຈັນ,ສະຖານີໂພນໂຮງ,ສະຖານີວັງວຽງ,ສະຖານີຫລວງພະບາງ,ສະຖານີເມືອງໄຊສະຖານີບໍ່ເຕ່ນແລະ ງົດໃຫ້ບໍລິການລະຫວ່າງປະເທດ. ຈະເປີດບໍລິການລົດໄຟສາຍພາຍໃນ 2 ຄູ່/ມື້: ຄຸ່ທີ່1 :ຈາກນະຄອນຫລວງວຽງຈັນ ໄປບໍ່ເຕ່ນ (ເວລາອອກເບື້ອງຕົ້ນ 8:00 ໂມງ ເຖິງສະຖານີບໍ່ເຕ່ນ 11:20ໂມງ), ສ່ວນຂາກັບ ອອກຈາກສະຖານີບໍ່ເຕ່ນ 12:15 ໂມງ ເຖິງສະຖານີ ນະຄອນຫລວງ 15:19ໂມງ)ຄູ່ທີ່2 :ຈາກນັ້ນຈະເປີດໃຫ້ບໍລິການຕໍ່ຈາກນະຄອນຫລວງ ໄປ ຫລວງພະບາງ 1 ຄູ່ (ເວລາອອກເບື້ອງຕົ້ນຈາກສະຖານີນະຄອນຫລວງວຽງຈັນ 16:10ໂມງ ລົດໄຟອອກເຖິງ ສະ ຖານີຫລວງພະບາງ 18:02ໂມງ ຂາກັບຈາກສະຖານີຫລວງພະບາງ 18:50ໂມງ ເຖິງສະຖານີນະ ຄອນຫລວງ 20:46 ໂມງ).ຂໍ້ມູນ ຂປລ.

ລັດຖະມົນຕີກະຊວງ ຮສສ ສະເໜີໂຄງການອອກວິຊ່າເຮັດວຽກກະສິກຳ ຢູ່ປະເທດອົດສະຕາລີ,ໃຫ້ທູດອົດສະຕາລີຄົນໃໝ່ ປະຈຳລາວໃນວັນທີ 3 ທັນວາ 2021 ທີ່ກະຊວງແຮງງານ ແລະ ສະຫວັດດີການສັງຄົມ (ຮສສ), ທ່ານ ນາງ ໃບຄຳ ຂັດທິຍະ ລັດຖະມົນຕີ ກະຊວງແຮງງານ ແລະ ສະຫວັດດີການສັງຄົມ ພ້ອມດ້ວຍຄະນະ ໄດ້ໃຫ້ກຽດຕ້ອນຮັບການເຂົ້າຢ້ຽມຂ່ຳນັບ ຂອງ ທ່ານ ພໍແຄລີ (Paul Kelly) ເອກອັກຄະລັດຖະທູດ ແຫ່ງ ອົດສະຕາລີ ປະຈຳ ສປປ ລາວ ເພື່ອພົບປະ ແລະ ຫາລືວຽກງານທີ່ກ່ຽວຂ້ອງ.ໃນໂອກາດດັ່ງກ່າວ, ທ່ານ ນາງ ໃບຄຳ ຂັດທິຍະ ໄດ້ສະແດງຄວາມຍິນດີຕ້ອນຮັບຢ່າງອົບອຸ່ນ, ພ້ອມທັງສະແດງຄວາມຊົມເຊີຍ ທີ່ ທ່ານ Paul Kelly ໄດ້ມາເປັນເອກອັກຄະລັດຖະທູດ ອົດສະຕາລີ ປະຈຳ ສປປ ລາວ. ການພົວພັນຮ່ວມມືລະຫວ່າງ ສປປ ລາວ ກັບ ປະເທດ ອົດສະຕາລີ ຈະເນັ້ນໃສ່ວຽກງານ:1. ວຽກງານແຮງງານ ແລະ ...

Hackers ແຮັກເງິນຈາກ Crypto Bitmart ໄດ້ຫຼາຍຮ້ອຍລ້ານໂດລາບໍລິສັດຄວາມປອດໄພກ່າວວ່າ ແຮັກເກີເອົາ 196 ລ້ານໂດລາ ຈາກການແລກປ່ຽນ crypto Bitmartແຮກເກີໄດ້ແຮັກເອົາ 196 ລ້ານໂດລາ ຈາກແພດຟອມການຄ້າ crypto Bitmart, ບໍລິສັດຄວາມປອດໄພກ່າວໃນວັນເສົາທີ່ຜ່ານມາ.Bitmart ຢືນຢັນການແຮັກດັ່ງກ່າວໃນຖະແຫຼງການຢ່າງເປັນທາງການໃນຕອນກາງຄືນວັນເສົາ, ເອີ້ນໄດ້ວ່າແມ່ນ “ການລະເມີດຄວາມປອດໄພຂະຫນາດໃຫຍ່” ແລະ ບັນທຶກໄວ້ວ່າແຮກເກີໄດ້ຖອນເອົາຊັບສິນປະມານ 150 ລ້ານໂດລາ. ຢ່າງໃດກໍຕາມ, ຄວາມປອດໄພຂອງ blockchain ແລະ ບໍລິສັດວິເຄາະຂໍ້ມູນ Peckshield ຄາດຄະເນວ່າການສູນເສຍແມ່ນແຕະ $ 200 ລ້ານໂດລາ.ຂໍ້ມູນ cnbc

ຮັດແໜ້ນສາຍພົວພັນຮ່ວມມື ລະຫວ່າງ ສອງສະພາແຫ່ງຊາດ ລາວ-ຫວຽດນາມ ຕອບຮັບຄຳເຊີນຂອງ ທ່ານ ເວືອງ ດິງ ເຫວ້ ປະທານສະພາແຫ່ງຊາດ ຫວຽດນາມ, ປະທານ ສະພາແຫ່ງຊາດລາວ ທ່ານ ໄຊສົມພອນ ພົມວິຫານ ພ້ອມພັນລະຍາ ແລະ ຄະນະຜູ້ແທນຂັ້ນສູງຂອງສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ຈະໄດ້ໄປຢ້ຽມຢາມມິດຕະພາບ ສາທາລະນະລັດ ສັງຄົມນິຍົມຫວຽດນາມ ຢ່າງເປັນທາງການ ນັບແຕ່ວັນທີ 06-08/12/ 2021. ການທີ່ ທ່ານ ໄຊສົມພອນ ພົມວິຫານ ເລືອກເອົາຫວຽດນາມ ເປັນປະເທດທຳອິດໃນການໄປຢ້ຽມ ຢາມຕ່າງປະເທດ ພາຍຫລັງທີ່ທ່ານໄດ້ຮັບເລືອກຕັ້ງເປັນ ປະທານສະພາແຫ່ງຊາດ ແຫ່ງ ສາທາລະນະລັດ ປະຊາທິປະໄຕ ປະຊາຊົນລາວ ເປັນການສະແດງ ລັກສະນະພິເສດຂອງພິເສດ ໃນສາຍພົວພັນຂອງສອງປະເທດ, ສະແດງໃຫ້ເຫັນເຖິງຄວາມພະຍາຍາມຂອງສອງພັກ, ສອງລັດຖະບານ ໃນການຮັກສາໄວ້ ທ່າການຂະຫຍາຍຕົວສາຍພົວພັນຮ່ວມມືຂອງສອງຝ່າຍ. ຍ້ອນແນວນັ້ນ, ຈຶ່ງເປັນການຢ້ຽມຢາມທີ່ມີຄວາມ ໝາຍສຳຄັນ, ເຊິ່ງບໍ່ພຽງແຕ່ເພີ່ມທະວີ, ປັບປຸງສາຍພົວພັນຮ່ວມມືລະຫວ່າງສອງສະພາແຫ່ງຊາດ ແຕ່ຫາກຍັງເຮັດໃຫ້ການພົວພັນຮ່ວມມືມິດຕະພາບອັນເປັນມູນເຊື້ອ, ນຳ້ໃຈສາມັກຄີພິເສດ ແລະ ການຮ່ວມມືຮອບດ້ານ ລະຫວ່າງ ...

ພູ​ເຂົາ​ໄຟ Semeru ​ຢູ່​ອິນ​ໂດ​ເນ​ເຊຍປະທຸກະທັນຫັນ ​ເຮັດ​ໃຫ້​ເສຍ​ຊີ​ວິດ ແລະ ບາດເຈັບຫຼາຍສິບຄົນ ອົງການ​ໄພພິບັດ​ຂອງ​ອິນ​ໂດ​ເນ​ເຊຍ​ກ່າວ​ໃນ​ວັນ​ທີ 5 ທັນວາ​ນີ້​ວ່າ ການ​ປະທຸຢ່າງກະທັນຫັນ​ ຂອງ​ພູ​ເຂົາ​ໄຟ Semeru ໄດ້​ຂ້າຊີວິດຊາວບ້ານຢ່າງ​ໜ້ອຍ 14 ຄົນ ​ແລະ ​ບາດ​ເຈັບ​ອີກ​ຫຼາຍ​ສິບ​ຄົນ​ຢູ່​ເກາະ Java, ຂະນະ​ທີ່​ໜ່ວຍ​ກູ້​ໄພ​ຂອງ​ອິນ​ໂດ​ເນ​ເຊຍ​ໄດ້​ຊອກ​ຫາ​ຜູ້​ປະສົບ​ເຄາະ​ຮ້າຍ​ຢູ່​ໃຕ້​ຊັ້ນຂີ້​ເທົ່າ​, ບາງ​ເທື່ອ​ກໍ​ຂຸດ​ດ້ວຍມືເປົ່າ. ພູເຂົາໄຟ Semeru, ເປັນພູເຂົາທີ່ສູງທີ່ສຸດໃນເກາະ Java, ໄດ້ຖິ້ມຂີ້ເຖົ່າ ແລະ ເມກຮ້ອນຂຶ້ນເທິງຟ້າ ໃນວັນເສົາ, ເຊິ່ງເຮັດໃຫ້ບ້ານໃກ້ຄຽງຢູ່ໃນແຂວງ Java ຕາເວັນອອກ ແລະ ເຮັດໃຫ້ຜູ້ຄົນຈຳນວນຫຼວງຫຼາຍແຕກຕຶ່ນຫລົບຫນີໄປດ້ວຍຄວາມຕື່ນຕົກໃຈ. ຂໍ້ມູນ ສຳນັກຂ່າວ ຣອຍເຕີ້  Villagers look at the broken bridge destroyed by the lava flow following the eruption of Mount Semeru in Lumajang district, East Java province, Indonesia, ...

ຢືນຢັນຈາກທາງການUpdated on December 4, 2021 7:45 am

ທ່ານ ລາຫຸນ ຈັນທະບຸດ ຜູ້ອຳນວຍການໃຫຍ່ ລັດວິສາຫະກິດ ໂຮງງານຜະລິດຢາເລກ 3 ໄດ້ໃຫ້ສຳພາດ ກ່ຽວກັບການກຽມຜະລິດຢາຕົວຢ່າງໂມລນູພິຣາເວຍ ໃຊ້ປິ່ນປົວຜູ້ຕິດເຊື້ອໂຄວິດ-19. ແລະ ໜຶ່ງໃນຂໍ້ມູນ ໃນລະຫວ່າງການສຳພາດ ກ່ຽວກັບການຕັ້ງຊື່ຢາ ແລະ ປະລິມານການໃຊ້ຢາດັ່ງກ່າວຄື: “ຄາດວ່າໃນເດືອນທັນວາ 2021 ນີ້ ພວກເຮົາຈະກະກຽມຜະລິດຢາຕົວຢ່າງ ເພື່ອໄປກວດສອບກ່ອນ ແລະ ຢາຕົວໃໝ່ທີ່ຈະຜະລິດນີ້ແມ່ນຈະໃຊ້ປະລິມານຕາມນໍ້າໜັກ ໃນເອກະສານແມ່ນ 7 ມິນລີກຣາມຢາ ຕໍ່ນໍ້າໜັກຄົນ 1 ກິໂລກຣາມ, ເຊິ່ງກິນປະມານ 5-7 ມື້ ແລະ ຢານີ້ແມ່ນໃຊ້ກັບຜູ້ທີ່ກວດພົບເຊື້ອໂຄວິດແລ້ວເທົ່ານັ້ນ (ຜູ້ຕິດເຊື້ອໄດ້ 1-2 ມື້ແມ່ນໃຫ້ເລີ່ມກິນໄດ້ເລີຍ) ສ່ວນວ່າຈະໃຊ້ໄດ້ກັບກຸ່ມອາຍຸຄົນໃດແນ່ນັ້ນຕ້ອງປຶກສາແພດອີກຄັ້ງ ແລະ ຕົວຢາທີ່ໂຮງງານພວກເຮົາຈະທົດລອງຜະລິດອອກມານີ້ ແມ່ນພວກເຮົາຈະໃສ່ຊື່ວ່າ: ໂມລາໂຄເວຍ (MOLACOVIR)”. ຂໍ້ມູນ ເສດຖະກິດການຄ້າ ຈະຕັ້ງຊື່ ຢາປົວໂຄວິດ ໂມລນູພິຣາເວຍ ເປັນ ໂມລາໂຄເວຍ (MOLACOVIR)

ທ່ານ ໄລທອງ ພົມມະວົງ ຫົວໜ້າໂຄງການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທ ແຫ່ງທີ 5 (ປາກຊັນ-ບຶງການ) ໄດ້ໃຫ້ສໍາພາດເມື່ອທ້າຍເດືຶອນພະຈິກວ່າ: ການຈັດຕັ້ງປະຕິບັດໂຄງການເລີ່ມແຕ່ເດືອນມັງກອນ 2021 ມາຮອດປັດຈຸບັນ (ທ້າຍເດືອນ 11) ມີຄວາມຄືບໜ້າຄື: ສັນຍາ 1 ປະຕິບັດໄດ້ 18% ລື່ນແຜນ 5,5% ສ່ວນສັນຍາທີ 2 ປະຕິບັດໄດ້ 24% ລື່ນແຜນ 2,35%.ສະເລ່ຍຄວາມຄືບໜ້າທັງ 2 ສັນຍາ 23,62% ລື່ນແຜນ 3,42% ໃນນັ້ນ. ສັນຍາທີ 1 ແມ່ນການສ້າງຂົວກາງນໍ້າ ເຊິ່ງແບ່ງກັນຝ່າຍລະເຄິ່ງ ປັດຈຸບັນກໍາລັງຂຸ້ນຂ້ຽວເທເສົາເບຕົງທັງໝົດ ແລະ ກະກຽມສ້າງໂຄງການອື່ນຕໍ່ໄປ. ສັນຍາທີ 2 ແມ່ນທາງເຂົ້າຂົວເລີ່ມຈາກເສັ້ນທາງເລກທີ 13 ເຂົ້າຫາຂົວທັງໝົດ 2.860 ແມັດ ແລະ ຫຼັງຈາກນັ້ນແມນການກໍ່ສ້າງອາຄານຜູ້ໂດຍສານ ແລະ ອາຄານສິນຄ້າ. ພາຍຫຼັງສໍາເລັດຄາດວ່າ ຂົວແຫ່ງທີ 5 ນີ້ຈະອໍານວຍຄວາມສະດວກຫຼາຍຢ່າງໃຫ້ກັບປະຊາຊົນ 2 ປະເທດ ໃນການໄປມາຫາສູ່ກັນ ລວມທັງການຈໍລະຈອນສິນຄ້າ, ສ້າງເງື່ອນໄຂເຊື່ອມໂຍງພາກພື້ນ, ເປັນແລວເສດຖະກິດທີ່ສໍາຄັນ, ...