ລາຄາໄຟຟ້າ ອາດເພີ່ມຂຶ້ນ 2ເທົ່າ ຖ້າບໍ່ມີ ເງິນອຸດໜູນ ຈາກລັດຖະບານ. ທ່ານ Hun Sen, ນາຍົກ ລັດຖະມົນຕີ ກຳປູເຈຍ ໄດ້ຈັດສັນເງິນ ອຸດໜູນ ຫລາຍກວ່າ 100 ລ້ານໂດລາ ສະຫະລັດ ໃຫ້ການໄຟຟ້າ ກຳປູເຈຍ ເພື່ອຮັກສາ ລາຄາໄຟຟ້າໃຫ້ຄົງທີ ໃນປີນີ້.
ໃນຂະນະນີ້ ບາງປະເທດປັບເພີ່ມ ອັດຕາ ຄ່າໄຟຟ້າແລ້ວ ແຕ່ລາຄາ ໄຟຟ້າ ໃນກຳປູເຈຍ ຍັງຄົງຢູ່ຄືເກົ່າ ພ້ອມທັງຮຽກຮ້ອງໃຫ້ປະຊາຊົນຫັນມາໃຊ້ພາຫະນະ ໄຟຟ້າ ເພື່ອຫລຸດ ການໃຊ້ນ້ຳມັນເຊື້ອໄຟ ແລະ ການປ່ອຍມົນລະພິດ. ໃນວັນພຸດທີ 6 ກໍລະກົດ ລາຄານໍ້າມັນຂະນະທີ່ລາຄານ້ຳມັນແອັດຊັງທຳມະດາເພີ່ມຂຶ້ນ 22% ແລະ ກາຊວນ 39% ຕາມລຳດັບເມື່ອທຽບໃສ່ໄລຍະກາງເດືອນກຸມພາຜ່ານມາ.
ຂະນະດຽວກັນ ທ່ານHun Sen ໄດ້ເນັ້ນ ຄວາມສຳຄັນ ຂອງເຂື່ອນ ໄຟຟ້າ ນ້ຳຕົກ ແລະ ໂຮງໄຟຟ້າ ພະລັງງານ ແສງຕາເວັນເພື່ອຊ່ວຍຈັດສົ່ງໄຟຟ້າທີ່ມີສະຖຽນລະພາບ ແລະ ຮັກສາ ຄ່າໄຟຟ້າໃຫ້ຄົງທີ ທ່າມກາງວິກິດພະລັງງານໂລກ ໂດຍຈີນເປັນຜູ້ພັດທະນາເຂື່ອນໄຟຟ້ານ້ຳຕົກຂະໜາດໃຫຍ່ ໃນກຳປູເຈຍ ລວມທັງໂຮງໄຟຟ້າຖ່ານຫີນ ແລະ ໂຮງໄຟຟ້າພະລັງງານແສງຕາເວັນ ກວມເອົາອັດຕາສ່ວນ 65,7% ຂອງພະລັງງານທັງໝົດທີ່ຜະລິດໃນກຳປູເຈຍ.
ຂໍ້ມູນ: ຂປລ