ເດັກນ້ອຍ 463 ລ້ານຄົນ ທົ່ວໂລກ ຍັງຂາດ​ແຄນ​ອຸປະກອນ​ການ​ຮຽນ

ຕາມ​ແຫ​ລ່ງຂ່າວ​ຈາກ ​ນີວຢອກ,ວັນ​ທີ 27ສິງຫາ​ນີ້, ຜົນ​ການ​ສຶກສາ​ຂອງ​ສະຫະ​ປະຊາ​ຊາດ(ສປຊ)ວ່າ: ມີ​ເດັກນ້ອຍ 463 ລ້ານ​ຄົນ​ ທົ່ວ​ໂລກຂາດ​ແຄນ​ອຸປະກອນການ​ຮຽນ ​ເພື່ອ​ໃຊ້​ໃນ​ການ​ຮຽນແບບ​ປົກກະຕິ ຫຼັງ​ຈາກ ​ໂຮງຮຽນປິດ​ໄລຍະ ​ໂຄ​ວິດ-19 ​ແຜ່​ລະບາດ ພາຍຫລັງ ທ່ານ ນາງ ​ເຮັນ ​ເຣຍຕາ ​ໂຟຣ, ຜູ້ອຳນວຍການ ບໍລິຫານ ກອງ​ທຶນ​ເພື່ອ​ເດັກ​ແຫ່ງ ສປຊ ຖະ​ແຫລ​ງວ່າ: ມີ​ເດັກ​ຫລາຍ​ຄົນ ​ໄດ້​ຮັບ​ຜົນ​ກະທົບຈາກ​ການ​ຮຽນ ມາ​ເປັນ​ເວລາ​ຍາວ​ນານ​ຫລາຍ​ເດືອນ ທີ່​ຖື​ເປັນ​ສະຖານະ​ການ​ສຸກ​ເສີນທາງ​ການ​ສຶກສາ​ທົ່ວ​ໂລກ ​ແລະ ອາດ​ສົ່ງ​ຜົນ ກະທົບ​ຕໍ່​ເສດຖະກິດ ​ແລະ ສັງຄົມ​ ໃນ​ອີ​ກຫລາຍສິບ​ປີ​ຕໍ່ໜ້າ.

ພາບປະກອບເທົ່ານັ້ນ

ຄວາມ​ແຕກ​ຕ່າງ​ກັນ ທາງ​ພູມ​ສາດສ້າງ​ໃຫ້​ເກີດ​ຄວາມ​ແຕກ​ຕ່າງ ​ໃນ​ການ​ເຂົ້າ​ເຖິງ​ການ​ຮຽນທາງ​ໄກ​ຂອງ​ເດັກນ້ອຍ ​ໃນ​ທະວີບອາ​ຟຣິກາ ​ແລະ ບາງ​ພື້ນ​ທີ່ຂອງ​ທະວີບອາຊີຫລາຍ​ກວ່າ​ໃນ​ທະວີບ​ ເອີຣົບ.

ພາບປະກອບເທົ່ານັ້ນ

ທັງ​ນີ້ ສປຊ ​ໄດ້​ເກັບ​ຂໍ້​ມູນ ​ເຮັດ​ການ​ສຶກສາ​ຈາກ 100 ປະ​ເທດ ​ທົ່ວ​ໂລກ ​ໂດຍ​ປະ​ເມີນ​ຈາກ ການ​ເຂົ້າ​ເຖິງອິນ​ເຕີ​ເນັ​ດ, ​ໂທລະພາບ ​ແລະ ວິທະຍຸ​ສາທາລະນະ. ນອກ​ຈາກນີ້, ຍັງ​ເຕືອນ​ລັດຖະບານ​ ປະ​ເທດ​ຕ່າງໆ ​ໃຫ້​ຄວາມ​ສຳຄັນ​ເຖິງ​ຄວາມ​ປອດ​ໄພເປັນອັນ​ດັບ​ແຖວ​ໜ້າ ​ໃນ​ການ​ຕັດສິນ​ໃຈ​ ເປີດ​ໂຮງຮຽນ​ອີກ​ຄັ້ງ ລວມທັງ​ການ​ສອນ​ໃນ​ຫ້ອງ​ຮຽນ​ອີກ​ດ້ວຍ ຫຼັງ​ຈາກຫລາຍ​ປະ​ເທດ ​ເລີ່​ມຫລຸດຜ່ອນມາດ​ຕະການ​ເຂົ້ມງວດ​ຕ່າງໆ​ແລ້ວ.

ພາບປະກອບເທົ່ານັ້ນ

ແຫຼ່ງຂໍ້ມູນ: https://www.facebook.com/plugins/post.php?

Comments