Target Magazine
ທ່ານ Colin Zheng Huang ເປັນມະຫາເສດຖີອັນດັບທີ 3 ຂອງຈີນ ແລະ ເປັນໜຶ່ງໃນນັກທຸລະກິດເສດຖີໜຸ່ມທີ່ສຸດຂອງປະເທດຈີນ ປັດຈຸບັນລາວອາຍຸ 40 ປີ, Colin Zheng Huang ຈົບການສຶກສາປະລິນຍາໂທ ດ້ານວິທະຍາສາດຄອມພິວເຕີ ທີ່ມະຫາວິທະຍາໄລ Wisconsin Madison, ແຕ່ລາວໄດ້ຕັດສິນໃຈເລືອກເຮັດວຽກກັບ Google ຫຼັງຈາກທີ່ລາວຮຽນຈົບໃນປີ 2004. ລາວໄດ້ເລີ່ມຕົ້ນເປັນວິສະວະກອນ Software ທີ່ບໍລິສັດຍັກໃຫຍ່ແຫ່ງໜຶ່ງ, ໃນທີ່ສຸດກໍ່ກາຍເປັນສ່ວນໜຶ່ງຂອງທີມງານອັນດັບຕົ້ນໆຂອງຈີນ. ຕໍ່ມາລາວກໍ່ໄດ້ຮຽນຮູ້ດ້ວຍຕົນເອງ, ກໍ່ຕັ້ງບໍລິສັດເກມ Online ເຊັ່ນ Xinyoudi ແລະ e-commerce platform Ouku.com ກ່ອນທີ່ຈະມາເປັນບໍລິສັດ Pinduoduo. ໃນປີ 2015 ລາວໄດ້ສ້າງຕັ້ງ platform online ຂອງບໍລິສັດ Pinduoduo ແລະ ໄດ້ສ້າງຕັ້ງບໍລິສັດການຄ້າເອເລັກໂຕຣນິກ ສາທາລະນະ ໃນ Nasdaq ໃນປີ 2018.
ໃນວັນສຸກທີ່ຜ່ານມາ ລາຄາຮຸ້ນເພີ່ມຂື້ນເຖິງ 14,5% ເຮັດໃຫ້ໄດ້ກໍາໄລເພີ່ມຂຶ້ນ 4,5 ພັນລ້ານໂດລາສະຫະລັດ, ປະຈຸບັນ ທ່ານ Huang ມີມູນຄ່າທັງໝົດ 35,6 ຕື້ໂດລາສະຫະລັດ. ນອກຈາກນັ້ນ, ຍັງກາຍເປັນບຸກຄົນທີ່ລວຍທີ່ສຸດໃນໂລກ ອັນດັບທີ 25 (ອີງຕາມວາລະສານ Forbe). ໃນເງື່ອນໄຂທີ່ມີມູນຄ່າສຸດທິ, ມັນເຮັດໃຫ້ລາວຢູ່ເບື້ອງຫຼັງສອງບໍລິສັດຍັກໃຫຍ່ໃນຈີນຄື: ປະທານບໍລິສັດ Tencent, Ma Huateng (ມູນຄ່າ 46,4 ຕື້ໂດລາສະຫະລັດ) ແລະ ບໍລິສັດ cofounder Alibaba Jack Ma (ມີມູນຄ່າ 41,3 ຕື້ໂດລາສະຫະລັດ), ເຊິ່ງບໍລິສັດໄດ້ສ້າງຂຶ້ນໃນປີ 1998 ແລະ 1999 ຕາມລຳດັບ. ຫຸ້ນ Pinduoduo ໄດ້ເພີ່ມຂື້ນເປັນເວລາສອງເດືອນທີ່ຜ່ານມາທ່າມກາງຄວາມຕ້ອງການຂອງການຊື້ສິນຄ້າທາງ online ທີ່ເພີ່ມຂື້ນໃນໄລຍະການລະບາດຂອງ Covid-19, ເຊິ່ງບໍລິສັດດັ່ງກ່າວ ເປັນທີ່ຮູ້ຈັກໃນການບຸກເບີກທຸລະກິດການຄ້າທາງສັງຄົມໃນປະເທດຈີນ ແລະ ຜູ້ຊື້ສິນຄ້າຈະໄດ້ລາຄາຕໍ່າກວ່າຖ້າພວກເຂົາສາມາດຊອກຫາຄົນທີ່ຈະຊື້ສິນຄ້າເປັນກຸ່ມ. ຮູບແບບດັ່ງກ່າວ ແມ່ນໄດ້ດຶງດູດຜູ້ໃຊ້ທີ່ມີການເຄື່ອນໄຫວປະຈຳເດືອນ ຈໍານວນ 100 ລ້ານຄົນ ເຂົ້າສູ່ບໍລິສັດໃນປີທຳອິດ. ຜູ້ຊື້ໄດ້ເພີ່ມຂຶ້ນເຖິງ 628 ລ້ານຄົນ, ເພີ່ມຂຶ້ນຈາກ 443 ລ້ານຄົນໃນປີກ່ອນ, ໃນຂະນະທີ່ການໃຊ້ຈ່າຍສະເລ່ຍຕໍ່ຜູ້ຊື້ເພີ່ມຂຶ້ນ 47%.
ບໍລິສັດໄດ້ສ້າງລາຍໄດ້ຈາກ 923,8 ລ້ານໂດລາສະຫະລັດ ໃນໄຕມາດທຳອິດ ເພີ່ມຂຶ້ນ 44% ຈາກໄລຍະດຽວກັນຂອງປີ 2019. ເຖິງຢ່າງໃດກໍ່ຕາມ, ຮຸ້ນດັ່ງກ່າວ ຫຼຸດລົງເຖິງ 31,77 ໂດລາສະຫະລັດ ໃນວັນທີ 18 ມີນາ ທີ່ຜ່ານມາ ທ່າມກາງການລະບາດຂອງ Covid-19, ແຕ່ໄດ້ຟື້ນຕົວຄືນໃນລາຄາ 68.70 ໂດລາສະຫະລັດ ເຊິ່ງ ທ່ານ Huang ເປັນຜູ້ຖືຫຸ້ນ 45% ໃນບໍລິສັດ ແລະ ຖືໄດ້ວ່າເປັນຜູ້ທີ່ລວຍທີ່ສຸດໃນປະເທດຈີນໃນກາງເດືອນມີນາຜ່ານມາ, ເຊິ່ງມີມູນຄ່າສຸດທິ 16,5 ຕື້ໂດລາສະຫະລັດ. ພ້ອມດຽວກັນນັ້ນ, ບໍລິສັດ Pinduoduo ມີແຜນການລົງທຶນ 7 ພັນລ້ານຢວນ (50 ຕື້ຢວນ) ໃນໄລຍະ 5 ປີທາງໜ້າ ເພື່ອພັດທະນາພື້ນຖານໂຄງລ່າງເພື່ອຊ່ວຍໃຫ້ຊາວກະສິກອນຂາຍສິນຄ້າຂອງພວກເຂົາທາງ online.
ແຫຼ່ງຂໍ້ມູນ: https://www.forbes.com/sites/jenniferwang/2020/05/22/china-has-a-new-third-richest-man-and-hes-only-40-years-old/
