Target Magazine
ກອງປະຊຸມ ຄັ້ງທີ 7 ເວທີປາໄສ ທົ່ວໂລກ ກ່ຽວກັບ ການຫລຸດຜ່ອນ ໄພທຳມະຊາດ (GP2022) ໄດ້ຈັດຂຶ້ນ ລະຫວ່າງ ວັນທີ 23–28 ພຶດສະພາ ຢູ່ເກາະບາລີ ຂອງອິນໂດເນເຊຍ, ອາຊຽນ ໄດ້ອອກຖະແຫລງການຮ່ວມ ກ່ຽວກັບ ການເພີ່ມທະວີ ການຮັບມືກັບໄພທຳມະຊາດ, ດ້ວຍຄຳໝັ້ນ ສັນຍາ ລະອຽດ ຫລາຍຢ່າງ.
ຂະນະທີ່ ບັນດາ ປະເທດອາຊຽນຕົກລົງເຫັນດີເພີ່ມທະວີ ຄວາມສາມາດຮັບມື ແລະ ຟື້ນຟູ ພາຍຫລັງ ວິກິດຜ່ານ ການປະຕິບັດ ຂໍ້ລິເລີ່ມຍຸດທະສາດ ກ່ຽວກັບການເພີ່ມທະວີກຳລັງແຮງສັງລວມ ອາຊຽນ ເພື່ອຮັບມືກັບ ໄພພິບັດ; ເພີ່ມທະວີ ການພົວພັນ ຄູ່ຮ່ວມມື ກັບບັນດາອົງການ, ຂະແໜງການກ່ຽວຂ້ອງທັງໝົດ ເພື່ອແນໃສ່ ຕອບສະໜອງການປະຕິບັດຂອບຟື້ນຟູ ອາຊຽນ ຢ່າງຮອບດ້ານ (ACRF) ສືບຕໍ່ຮັບປະກັນ ການປະສານ ໂຄງການ ດຳເນີນງານກ່ຽວກັບການຄຸ້ມຄອງ ແລະ ຮັບມືກັບ ໄພທຳມະຊາດ ເຂົ້າໃນນະໂຍບາຍ ແລະ ຍຸດທະສາດພັດທະນາແບບຍືນຍົງ, ຮັບມືກັບການປ່ຽນແປງຂອງດິນຟ້າອາກາດໃນທຸກຂັ້ນ.
ຄຽງຄູ່ ກັນນັ້ນ, ອາຊຽນ ສົ່ງເສີມ ການປະກອບສ່ວນຂອງປະຊາຊົນ ແລະ ວິທີສຳຜັດທົ່ວສັງຄົມໃນການໜູນຊ່ວຍບັນດາຄວາມມານະພະຍາຍາມຟື້ນຟູພາຍຫລັງໄພທຳມະຊາດ, ມຸ່ງໄປເຖິງ ການສ້າງກົນໄກ ໃຫ້ແກ່ ປະຊາຊົນອາຊຽນ ປະກອບສ່ວນໜູນຊ່ວຍການຫລຸດຜ່ອນໄພທຳມະຊາດໃນພາກພື້ນ.
ຂໍ້ມູນ: ຂປລ
