Target Magazine
ນາຍົກລັດຖະມົນຕີປະກາດໃນວັນອາທິດທີ່ຜ່ານມາວ່າ: ສຳລັບນັກທ່ອງທ່ຽວ ຫຼື ນັກທຸລະກິດທີ່ເດີນທາງເຂົ້າກຳປູເຈຍ ທີ່ສັກວັກຊີນຄົບ ແມ່ນບໍ່ຈໍາເປັນຕ້ອງໄດ້ຮັບການກັກໂຕ, ເພີ່ມຄວາມສະດວກໃນການເປີດປະເທດ.ມື້ນີ້, ທ່ານ ຮຸນເຊນ ນາຍົກລັດຖະມົນຕີ ກຳປູເຈຍ ໄດ້ປະກາດຢຸດຕິການກັກໂຕສຳລັບຄົນທີ່ໄດ້ຮັບວັກຊີນຄົບ ທີ່ເຂົ້າມາໃນກຳປູເຈຍ. ປະກາດສະບັບນີ້ສາມາດນຳໃຊ້ໄດ້ກັບນັກທ່ອງທ່ຽວທຸກຄົນ, ຍົກເວັ້ນຜູ້ທີ່ຍັງບໍ່ທັນໄດ້ສັກວັກຊີນ, ຈະຕ້ອງຖືກກັກໂຕເປັນເວລາ 14 ວັນ.ທ່ານນາຍົກລັດຖະມົນຕີກ່າວວ່າ, ທ່ານໄດ້ອອກຄຳສັ່ງນີ້ເນື່ອງຈາກຄວາມຈິງທີ່ວ່າການສັກຢາວັກຊີນສາມາດບັນລຸໄດ້ເກືອບ 88 ເປີເຊັນຂອງປະຊາກອນຂອງປະເທດ ທີ່ມີຈຳນວນທັງໝົດ 16 ລ້ານຄົນ, ສະນັ້ນມັນບໍ່ມີຄວາມຈຳເປັນຕ້ອງມີການກັກໂຕອີກຕໍ່ໄປ.
