ແຈ້ງການ ເຫັນດີ ກຽມຄວາມພ້ອມເປີດປະເທດ ບໍ່ສະເພາະແຕ່ກຸ່ມນັກທ່ອງທ່ຽວໃດຫນຶ່ງ

ແຈ້ງການ ເຫັນດີ ກຽມຄວາມພ້ອມເປີດປະເທດ ບໍ່ສະເພາະແຕ່ກຸ່ມນັກທ່ອງທ່ຽວໃດຫນຶ່ງ

ແຈ້ງການຈາກຫ້ອງວ່າການສໍານັກງານນາຍົກລັດຖະມົນຕີ ເລກທີ1445 ຫສນຍ ລົງວັນທີ 5 ພະຈິກ 2021. ອີງຕາມ ການຊີ້ນໍາຂອງ ທ່ານ ນາຍົກລັດຖະມົນຕີ ໃນຄັ້ງວັນທີ 2 ພະຈິກ 2021ທີ່ຜ່ານມາ.ຫ້ອງວ່າການສໍານັກງານນາຍົກລັດຖະມົນຕີ ຂໍຖືເປັນກຽດແຈ້ງການຊີ້ນໍາຂອງ ທ່ານ ນາຍົກລັດຖະມົນຕີ, ມາ ຍັງທ່ານຊາບ ດັ່ງນີ້: “ເຫັນດີຕາມການສະເຫນີ ຂອງກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ແຕ່ເພື່ອຄວາມ ເປັນເອກະພາບສູງ ມອບໃຫ້ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວ ເປັນໃຈກາງສົມທົບກັບ ກະຊວງ ອຸດສາຫະກໍາ ແລະ ການຄ້າ (ສະພາການຄ້າ ແລະ ອຸດສາຫະກໍາ ແຫ່ງຊາດລາວ), ຄະນະສະເພາະກິດເພື່ອປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດ COVID-19 ແລະ ພາກສ່ວນທີ່ກ່ຽວຂ້ອງ ຄົ້ນຄວ້າປຶກສາຫາລື ໃຫ້ມີຄວາມ ເປັນເອກະພາບກັນ ສ້າງເປັນແຜນລວມ ເພື່ອ “ເປີດປະເທດ” ບໍ່ສະເພາະແຕ່ກຸ່ມນັກທ່ອງທ່ຽວໃດຫນຶ່ງ ແລະ ການກະກຽມ ຄວາມພ້ອມຂອງຜູ້ປະກອບການ ໃນການຕ້ອນຮັບນັກທ່ອງທ່ຽວເຂົ້າມາ ສປປ ລາວ. ແລ້ວລາຍງານ ທ່ານນາຍົກລັດຖະມົນຕີ ເພື່ອມີທິດຊີ້ນໍາ. ດັ່ງນັ້ນ, ຈິ່ງແຈ້ງມາຍັງທ່ານ ເພື່ອຊາບ ແລະ ປະຕິບັດຕາມແຈ້ງການສະບັບນີ້ດ້ວຍ.ຕາງໜ້າລັດຖະມົນຕີ, ຮອງຫົວຫນ້າຫ້ອງວ່າການສໍານັກງານນາຍົກລັດຖະມົນຕີ ທ່ານຄຳລາວັນ ຈັນທະລາວັນ

May be an image of outdoors and text
ແຈ້ງການ ເຫັນດີ ກຽມຄວາມພ້ອມເປີດປະເທດ ບໍ່ສະເພາະແຕ່ກຸ່ມນັກທ່ອງທ່ຽວໃດຫນຶ່ງ

Comments