ສສຊ ໄດ້ສະເໜີໃຫ້ລັດຖະບານ ສຸມທຶນຮອນໃສ່ການຈັດຫາວັກຊີນ

ຂ່າວຕ່າງປະເທດລາຍງານ ວັນທີ 5 ພະຈິກຜ່ານມາວ່າ: ທ່ານ ຮານ ຄຼູ້ກ ຜູ້ອໍານວຍການອົງການອະນາໄມໂລກ ຫຼື WHO ປະຈຳເອີຣົບ ກ່າວວ່າ: ເອີຣົບ ອາດຈະມີຜູ້ເສຍຊີວິດຈາກພະຍາດໂຄວິດ-19 ເພີ່ມຂຶ້ນອີກ 500.000 ຄົນພາຍໃນເດືອນກຸມພາປີໜ້າ.ທ່ານຮານ ຄຼູ້ກ ກ່າວວ່າ: ຄວາມບໍ່ພຽງພໍຂອງຢາວັກຊິນ ເປັນສາເຫດສໍາຄັນທີ່ເຮັດໃຫ້ຜູ້ຕິດເຊື້ອແລະ ຜູ້ເສຍຊີວິດໃນເອີຣົບເພີ່ມສູງຂຶ້ນ ແລະ ເຫັນວ່າ ຈໍາເປັນທີ່ຈະຕ້ອງປ່ຽນວິທີການຮັບມືດ້ວຍການປ້ອງກັນບໍ່ໃຫ້ເກີດຂຶ້ນຕັ້ງແຕ່ຕົ້ນ. ນອກຈາກນີ້, ການຜ່ອນຜັນມາດຕະການທາງດ້ານສາທາລະນະສຸກກໍມີສ່ວນທີ່ເຮັດໃຫ້ຈໍານວນຜູ້ຕິດເຊື້ອເພີ່ມຫຼາຍຂຶ້ນໃນພາກພື້ນເອີຣົບ. ພາຍໃຕ້ຄໍານິຍາມຂອງອົງການອະນາໄມໂລກຊຶ່ງກວມເອົາທັງໝົດມີ 53 ປະເທດ ແລະ ໃນປັດຈຸບັນມີຜູ້ເສຍຊີວິດຈາກ ໂຄວິດ-19 ແລ້ວ 1,4 ລ້ານຄົນ. ຫົວໜ້າທີມເຕັກນິກຂອງ WHO ກ່າວວ່າ: ໃນ 4 ອາທິດຜ່ານມານີ້ ຈຳນວນຜູ້ຕິດເຊື້ອໃໝ່ໃນເອີຣົບໄດ້ເພີ່ມຂຶ້ນຫຼາຍກວ່າ 55%, ເຖິງວ່າຈະມີການແຈກຢາຍວັກຊິນ ແລະ ອຸປະກອນຕ່າງໆທີ່ຈໍາເປັນຢ່າງພຽງພໍ. ຂະນະດຽວກັນ ທ່ານ ໄມ ໄຣອັນ ຫົວຫນ້າຝ່າຍສະຖານະການສຸກເສີນຂອງ WHO ກ່າວວ່າສິ່ງທີ່ເຫັນໃນເອີຣົບ ເປັນການເຕືອນໄພສໍາລັບໂລກ. ອັດຕາການສັກຢາວັກຊິນໃນເອີຣົບໄດ້ຊ້າລົງໃນບໍ່ເທົ່າໃດເດືອນຜ່ານມາ ເຖິງວ່າໃນບາງປະເທດເຊັ່ນ: ແອັສປາຍ ມີຜູ້ສັກວັກຊິນສອງໂດສແລ້ວເຖິງ 80%, ໃນປະເທດຝຣັ່ງ ແລະ ເຢຍລະມັນ ອັດຕາການສັກຢາວັກຊິນແມ່ນ 68% ແລະ 66% ຕາມລໍາດັບ, ຂະນະທີ່ໃນ ຣັດເຊຍມີພຽງ 32% ທີ່ສັກວັກ ຊິນຄົບສອງໂດສໃນເດືອນຕຸລາ.ຂ່າວແຈ້ງຕື່ມວ່າ ເຢຍລະມັນ ມີຜູ້ຕິດເຊື້ອໂຄວິດ-19 ໃໝ່ໃນໜຶ່ງມື້ທີ່ຜ່ານມາສູງເຖິງເກືອບ 34.000 ຄົນ ຊຶ່ງຖືເປັນການເພີ່ມຂຶ້ນທີ່ຫນ້າກັງວົນ. ແຕ່ຍັງມີໜ້ອຍກວ່າຈໍານວນຜູ້ຕິດເ9ືອໃໝ່ໃນອັງກິດທີ່ມີຫຼາຍກວ່າ 37.000 ຄົນຕໍ່ມື້. ຂະນະດຽວກັນ, ກຸ່ມປະເທດໃນເອີຣົບທີ່ມີຜູ້ຕິດເຊື້ອໃໝ່ສູງສຸດລ້ວນແຕ່ຢູ່ໃນ 20 ອັນດັບຂອງໂລກສຳລັບປະເທດທີ່ມີຜູ້ຕິດເຊື້ອໃໝ່ເພີ່ມຂຶ້ນ. ອັງກິດ ຢູ່ອັນດັບ 3, ຣັດເຊຍ ອັນດັບ 4, ຝຣັ່ງ ອັນດັບ 7, ແອັສປາຍ ອັນດັບ 10, ອິຕາລີ ອັນດັບ 12, ເຢຍລະມັນ ອັນດັບ 13, ໂປໂລຍ ແລະ ອູແກຣນ ຢູ່ອັນດັບ 16 ແລະ 17 (ຕາມຕາຕະລາງ). ຂໍ້ມູນຈາກ: ປະຊາຊົນ#TargetMagazine#laosnews

Comments