Target Magazine
ຕາມແຫລ່ງຂ່າວຈາກ ວໍຊີງຕັນ, ຖ້າຫາກ ການພັດທະນາ ຢາປ້ອງກັນ ພະຍາດ ໂຄວິດ-19(ວັກແຊງ)ປະສົບຜົນສຳເລັດ ຊາວອາເມລິກາ ທຸກຄົນ ຈະໄດ້ຮັບ ການສັກ ວັກແຊງ ແບບບໍ່ເສຍຄ່າໃຊ້ຈ່າຍ ຫລັງຈາກ ສ.ອາເມລິກາ ລົງທຶນ 10.000 ລ້ານກວ່າ ໂດລາ ສະຫະລັດ ໃນໂຄງການ ພັດທະນາ ວັກແຊງ ປ້ອງກັນ ໂຄວິດ-19 ເຖິງ 6ໂຄງການ ແລະ ໄດ້ລົງນາມ ໃນຂໍ້ຕົກລົງ ທີ່ຮັບປະກັນວ່າ ສ.ອາເມລິກາ ຈະໄດ້ຮັບ ວັກແຊງ ຫລາຍຮ້ອຍ ລ້ານຊຸດ(ໂດສ) ຖ້າຫາກ ວັກແຊງ ເຫລົ່ານັ້ນ ຜ່ານການ ອະນຸມັດ. ຂະນະທີ່ ທ່ານ ດຣ ຟຣານຊີສ ຄໍລິນສ, ຜູ້ອຳນວຍການ ສະຖາບັນສຸຂະພາບ ແຫ່ງຊາດ ສ.ອາເມລິກາ ຫວັງວ່າ ວັກແຊງ ຢ່າງໜ້ອຍ 1 ໃນ 6 ຕົວທີ່ ສ.ອາເມລິກາ ພັດທະນາຂຶ້ນ ຈະປະສົບຜົນສຳເລັດ ໃນທ້າຍປີນີ້ ແຕ່ກໍ່ຕ້ອງຄິດເຖິງ ຄວາມປອດໄພ ເປັນຫລັກ.
