ໃນຕອນບ່າຍ ວັນທີ 15 ພຶດສະພາ 2020, ທີ່ໂຮງຮຽນ ມັດທະຍົມສຶກສາສົມບູນວຽງຈັນ, ບໍລິສັດ ເຄແອນຊີ ກຣຸບ ໄດ້ເຂົ້າມອບອຸປະກອນ ປ້ອງກັນ ຄວບຄຸມໂຄວິດ-19 ໃຫ້ກັບໂຮງຮຽນ ມສ ວຽງຈັນ ລວມມູນຄ່າທັງໝົດ 10 ລ້ານກວ່າກີບ. ຕາງໜ້າບໍລິສັດ ເຄແອນຊີກຣຸບມອບໂດຍ ທ່ານ ວັດທະນາ ແສງສຸລິຍາ ຮອງປະທານບໍລິຫານການເງິນ ກຸ່ມບໍລິສັດ ເຄແອນຊີ ກຣຸບ ແລະ ທ່ານ ສີວຽງໄຊ ຈັນທະວົງ ຜູ້ຈັດການຝ່າຍພັດທະນາບໍລິສັດປັນຍາທິບແພລບີ ມີເດຍລາວ ພ້ອມດ້ວຍຄະນະບໍລິຫານ, ເຊິ່ງກ່າວຮັບໂດຍ ທ່ານນາງ ວຽງສຸວັນ ພະໄຊສົມບັດ ຜູ້ອຳນວຍການ ໂຮງຮຽນມັດທະຍົມສຶກສາສົມບູນວຽງຈັນ. ໂດຍເຄື່ອງທີ່ນຳໄປມອບໃນຄັ້ງນີ້ ປະກອບມີ: ເຈວລ້າງມື ແອວກໍຮໍ 10 ແກັດ ແລະ ຖົງຂີ້ເຫຍື້ອ ຜ້າໄວນິວ ລີໄຊໂຄ ລວມມູນຄ່າ 10 ລ້ານກວ່າກີບ
ທັງນີ້ກໍເພື່ອເປັນການປ້ອງກັນ ແລະ ຄວບຄຸມ ການແຜ່ລະບາດຂອງເຊື້ອໄວຣັດໂຄວິດ-19 ຂອງໂຮງຮຽນ ທີ່ໄດ້ເປີດຮຽນຄືນໃຫມ່ແລ້ວມື້ນີ້ ໃນວັນທີ 18 ພຶດສະພາ 2020 ຂອງນັກຮຽນຊັ້ນມໍ 4 ແລະ ມໍ7
ຜູ້ອຳນວຍການໂຮງຮຽນ ມສ ວຽງຈັນໄດ້ໃຫ້ຮູ້ວ່າ: ນັກຮຽນ ທັງໝົດທີ່ຈະມາຮຽນຄືນແມ່ນມີຊັ້ນ ມ 4 ແລະ ມ 7 ຈຳນວນທັງໝົດ 944 ຄົນ ໃນນີ້ ຊັນມໍ 4 ມີຈຳນວນ 396 ຄົນ ສຳລັບການກຽມຄວາມພ້ອມ ໃນການເປີດຮຽນຄືນ ທາງໂຮງຮຽນ ແມ່ນໄດ້ກະກຽມສະຖານທີ່ຕ່າງໆ ໄດ້ຂ້າເຊື້ອພະຍາດ 2 ຄັ້ງ ແລະ ທຳຄວາມສະອາດພາຍໃນຫ້ອງຮຽນເປັນທີ່ຮຽບຮ້ອຍ , ສຳລັບ ຫ້ອງຮຽນທີ່ຈະກັບຄືນມີ ມໍ 4 ມີ 10 ຫ້ອງຮຽນ ແລະ ຊັ້ນມໍ 7 ມີຢູ່ 15 ຫ້ອງຮຽນ ເຊິ່ງຈະໄດ້ແບ່ງນັກຮຽນຫ້ອງ 1 ອອກເປັນ 2 ຫ້ອງ ບັນຈຸນັກຮຽນພຽງແຕ່ 20 ຄົນຕໍ່ຫ້ອງ, ເພື່ອອີງຕາມຄຳສັ່ງຂອງທ່ານນາຍົກ ແມ່ນຢູ່ໄລຍະຫ່າງກັນ 1 ແມັດຂຶ້ນໄປ. ນອກນີ້,ທາງໂຮງຮຽນ ກໍໄດ້ອອກມາດຕະການ ກ່ອນນັກຮຽນ ແລະ ອາຈານທຸກຄົນຈະເຂົ້າໂຮງຮຽນ ຕ້ອງໄດ້ຜ່ານການກວດວັດອຸນຫະພູມທຸກຄັ້ງ ບໍ່ໃຫ້ເກີນ 37,5 ອົງສາ, ໃຫ້ນັກຮຽນ ແລະ ຄູອາຈານ ຕ້ອງມີການປ້ອງກັນຕົນເອງ ຄືໃສ່ຜ້າປິດປາກ-ດັງ ແລະ ໝັ່ນລ້າງມືເລື້ອຍໆ ຕາມຈຸດຕ່າງໆ ທີ່ໂຮງຮຽນ ໄດ້ກຽມພ້ອມໄວ້ໃຫ້.
ບໍລິສັດ K&C Group ສ້າງຕັ້ງຂຶ້ນໃນປີ 1992, ເປັນກຸ່ມບໍລິສັດໜຶ່ງໄດ້ເຕີບໃຫຍ່ຂະຫຍາຍຕົວຢ່າງໄວວາໃນລາວ ທີ່ມີຄວາມໝັ້ນຄົງ ແລະ ໜ້າເຊື່ອຖືທີ່ສຸດ ດຳເນີນທຸລະກິດມາໄດ້ 28 ປີແລ້ວ, ມີທັງໝົດ 27 ບໍລິສັດໃນເຄື່ອບໍ່ວ່າຈະເປັນ ທຸລະກິດສື່ໂຄສະນາ, ທຸລະກິດຮ້ານອາຫານ, ອະສັງຫາລິມະຊັບ ແລະ ການສຶກສາ, ຜູ້ກໍ່ຕັ້ງ K&C Group ແມ່ນທ່ານ ກິດສະໜາ ວົງໄຊ ແລະ ທ່ານນາງ ຈັນທະຈອນ ວົງໄຊ ເຊິ່ງໄດ້ຮັບແຮງບັນດານໃຈໃຫ້ພັດທະນາທຸລະກິດທີ່ຫຼາກຫຼາຍ, ບໍລິສັດໃນເຄື່ອປະກອບມີ: Meidea Full Service Agency, Target Magazine, Kuanjai online, Panyathip Advertising, SengLao Cafe, Kaogee Cafe, Vientiane Ticketing Service (VTS), Le padeak, Kafe Lao & Panyathip.PlanB Meedia, Lao Ford city, EFG Express, Vientiane Carton, LT Plastic, KS Holding, Bounson Transport, 7 Digital, Pro Active, KC Residencc, Panyathip Advertising, K33 fitness Studio, Samart Event Organizer, Digital Monkey, Izumi Acadamy Laos, PINGU’S, Shichida Laos, A List Modeling, AK Land n House, Beer Lao nalao distributor, Panyathip kindergarten School saphanthong, Panyathip kindergarten School Nonsavanh, Panyathip kindergarten School Savankhet,