Target Magazine
ຕາມຂ່າວ ຈາກສິງກະໂປ, ວັນທີ 12 ພຶດສະພານີ້, ທ່ານ ກັນ ຄິມ ຢຸງ(Kan Kim Young), ລັດຖະມົນ ຕີ ກະຊວງ ສາທາລະນະສຸກ ສິງກະໂປ ຖະແຫຼງວ່າ: ຄະນະກຳມະການ ສະເພາະກິດ ພວມວາງແຜນ ໂດຍຈະກຳນົດໃຫ້ແຮງງານ ຕ່າງປະເທດ ທີ່ອາໄສ ຢູ່ໃນຫໍພັກ ເຂົ້າຮັບການ ກວດຫາ ເຊື້ອພະຍາດ ໂຄວິດ-19 ເພື່ອກຽມ ຄວາມພ້ອມ ໃນການ ກັບຄືນມາ ເຮັດວຽກໄດ້ ຢ່າງປອດໄພ , ເຊິ່ງກຸ່ມແຮງງານ ຕ່າງປະເທດ ລວມມີ ທັງໝົດ 323.000 ຄົນ ທີ່ອາໄສ ຢ່າງແອອັດ ໃນຫໍພັກ ແຮງງານ ຕ່າງປະເທດ. ໃນຂະນະທີ່ ການແຜ່ ລະບາດ ຂອງໂຄວິດ-19 ໃນຫໍພັກ ແຮງງານ ເລີ່ມຢຸດຈື້ງແລ້ວ ໂດຍຍອດຜູ້ຕິດເຊື້ອ ໃນແຕ່ລະວັນ ຫຼຸດລົງເຫຼືອ ປະມານ 700 ຄົນ ໃນໄລຍະອາທິດ ຜ່ານມາ ຈາກ 1.000 ກວ່າຄົນ ເມື່ອທ້າຍເດືອນເມສາ. ແຕ່ຢ່າງໃດກໍຕາມ ອັດຕາ ການແຜ່ ລະບາດອາດ ຈະຍັງສືບຕໍ່ເພີ່ມຂຶ້ນ ຢ່າງຕໍ່ເນື່ອງ ຈາກກໍລະນີ ທີ່ມີ ການກວດຫາ ເຊື້ອພະຍາດ ຫລາຍຂຶ້ນ . ຄາດວ່າ ຈະຕ້ອງໃຊ້ເວລາ ຫລາຍອາທິດ ໃນການ ຈັດຕັ້ງ ປະຕິບັດ ວຽກງານ ດັ່ງກ່າວ ໃຫ້ສຳເລັດ.
ຮຽບຮຽງຂ່າວໂດຍ ສະໄຫວ
ທີ່ມາ: https://www.mcot.net/viewtna/5ebb658ee3f8e40af9442d94
