ວັນອັງຄານ 12 ພະຈິກ 2019 ຄະນະປະທານ ສະຫະພັນບານເຕະແຫ່ງຊາດ ໄດ້ໂອ້ລົມ ຄະນະນຳ, ຄະນະຄູຝຶກ ແລະ ນັກກິລາ ທີມຊາດລາວ ຮຸ່ນອາຍຸບໍ່ເກີນ 19 ປິ ທີ່ ສ້າງຜົນງານໄດ້ໂດດເດັ່ນຜ່ານເຂົ້າຮອບສຸດທ້າຍ ໃນລາຍການແຂ່ງຂັນບານເຕະຊາຍ ຊີງແຊ້ມອາຊີ ຮຸ່ນອາຍຸບໍ່ເກີນ 19 ປີ ຮອບຄັດເລືອກ 2020 ກຸ່ມ H ຫລື AFC U-19 CHAMPIONSHIP 2020, Qualifiers ເຊິ່ງທີມອັນດັບ 2 ທີ່ມີຄະແນນດີທີ່ສຸດ.
ທ່ານ ວິເພັດ ສີຫາຈັກຣ ໄດ້ຍ້ອງຍໍຊົມເຊີຍຕໍ່ຄະນະຄູຝຶກ ແລະ ນັກກິລາ ທີ່ໄດ້ສ້າງຜົນງານກຽດຊື່ສຽງໃຫ້ກັບປະເທດຊາດ ໂດຍທາງ ສຕລ ແມ່ນໄດ້ມອບເງິນອັດສີດຈຳນວນ 100.000.000 ກີບ ໃຫ້ກັບ ຄະນະຄູຝຶກ ແລະ ນັກກິລາ ເພື່ອເປັນຂວັນກຳລັງໃຈ ທີ່ສາມາດຜ່ານເຂົ້າຮອບສຸດທ້າຍ ເຊິ່ງທີມຊາດລາວ ຮຸ່ນອາຍຸບໍ່ເກີນ 19 ປີ ແມ່ນຈະໄດ້ເລີ້ມເກັບຕົວຝຶກຊ້ອມນັບຕັ້ງແຕ່ວັນທີ 6 ມັງກອນ 2020 ເປັນຕົ້ນໄປ.
ຫຼັງງຈາກນັ້ນ ທ່ານ ປະສິດ ສຸພາບ ຮອງປະທານ ສຕລ ໄດ້ນຳພາຄະນະຄູຝຶກ ແລະ ນັກກິລາ ໄປກາບໄຫວ້ ແລະ ວາງກະຕ່າດອກໄມ້ ຢູ່ທີ່ ຫໍພິພິດຕະພັນ ໄກສອນ ພົມວິຫານ ເພື່ອເປັນສິລິມົງຄຸນ .
ຕິດຕາມຂ່າວສານຈາກ ສະຫະພັນບານເຕະແຫ່ງຊາດລາວ ໄດ້ຫລາຍຊ່ອງທາງ
FB : LaoFF
IG : Lff_official
Twitter : Laoleague
Youtube : Laoleague
ທີ່ມາ: ສະຫະພັນບານເຕະແຫ່ງຊາດລາວ Lao Football Federation