ມິດຊູບິຊິ All New Triton 2019 ເປີດໂຕຢ່າງເປັນທາງການໃນ ສປປ ລາວ.

Posted by: Paeng KC in News, ຂ່າວ ພາຍໃນປະເທດ 20/09/2019

ມິດຊູບິຊິ ມໍເຕີ້ ລາວ ໄດ້ເປີດຕົວລົດ Mitsubishi All New Triton 2019 ຢ່າງເປັນທາງການໃນ ສປປ ລາວ, ໃນຕອນບ່າຍຂອງມື້ນີ້, ວັນທີ 20 ກັນຍາ 2019, ຢູ່ທີ່ສູນໂຊລູມ ມິດຊູບິຊິ ເຕ້ 2, ນະຄອນຫຼວງວຽງຈັນ. ໃນງານຄັ້ງນີ້, ໄດ້ມີບັນດາລູກຄ້າ ແລະ ແຂກ ຂອງມິດຊູບິຊິ ໄດ້ໃຫ້ຄວາມສົນໃຈຫຼາຍ ສັງເກດຄົນເຂົ້າຮ່ວມໃນງານແມ່ນຄັບຄາໜາແໜ້ນໃນຫ້ອງຂາຍຂອງມິດຊູບິຊິ.

ພາຍໃນງານ ທ່ານ ຊັດຊະວານ ເພີ່ມສຸກຈາຣຸຊັບ ຜູ້ອຳນວຍການໃຫຍ່ ມິດຊູບິຊິ ມໍເຕີ້ ລາວ ໄດ້ນຳສະເໜີໃຫ້ຮູ້ວ່າ: Mitsubishi All New Triton 2019 ໄດ້ອອກແບບພາຍນອກມາດ້ວຍຄວາມແຂງແກ່ນ (Robust Design) ແລະ ພາຍໃນມີການຕົບແຕ່ງທີ່ຫຼູຫຼາສະດວກສະບາຍຂຶ້ນກວ່າເກົ່າ, ມີລະບົບຄວາມປອດໄພອັດສະລິຍະຮອບຄັນ (Advanced Safety Features). ເມື່ອໄດ້ຂັບຂີ່ຈະໃຫ້ຄວາມໝັ້ນໃຈເພີ່ມຂຶ້ນ, ມາພ້ອມກັບເຄື່ອງຈັກ 2.4 L 181 ແຮງມ້າ MIVEC (Mitsubishi Innovative Valve Timing Electronic Control) ອັດສະລິຍະພາບແຫ່ງເຄື່ອງຈັກຈາກມິດຊູບິຊິ ກັບລະບົບຄວບຄຸມການເປີດ-ປິດວາວໄອດີແປຜັນ ເຮັດວຽກສ່ອດຄ່ອງກັບຄວາມໄວຂອງເຄື່ອງຈັກຄວບຄຸມການຂັບເຄື່ອນດ້ວຍສະໜອງກົນຈັກອັດສະລິຍະຊ່ວຍໃຫ້ເຄື່ອງຈັກມີແຮງດີຂຶ້ນໃນຮອບຕໍ່າ ແລະ ໄດ້ແຮງມ້າຫຼາຍຂຶ້ນໃນຮອບສູງອັດຕາເລັ່ງດີ ຄວາມໄວສູງສຸດເຜົາໄໝ້ ຫຼຸດມົນລະພິດໃນອາກາດ.

ນອກຈາກນີ້, ຍັງມາພ້ອມກັບ Super Select 4 WD-ll ເຕັກໂນໂລຊີຂັບເຄື່ອນ 4 ລໍ້ ເອກກະລັກສະເພາະຂອງມິດຊູບິຊິໃຫ້ຄວາມໝັ້ນໃຈໃນການຂັບຂີ່ທຸກສະຖານະພາບຂອງຖະໜົນ, ຄຸນສົມບັດສາມາດປ່ຽນໂໝດຈາກລະບົບຂັບເຄື່ອນ 2 ລໍ້ (2H) ເປັນລະບົບຂັບເຄື່ອນ 4 ລໍ້ ແບບ All Wheel Control (4H) ໄດ້ຢ່າງງ່າຍດາຍໂດຍບໍ່ຕ້ອງເບກເພື່ອເພີ້ມຄວາມປອດໄພເທິງເສັ້ນທາງ.

ນອກຈາກນີ້,ພາຍໃນງານເປີດໂຕລົດໃນຄັ້ງນີ້, ທາງມິດຊູບິຊິ ມໍເຕີ້ລາວ ຍັງໄດ້ແຈກ Gift Set ສຸດພິເສດ ໃຫ້ກັບຜູ້ເຂົ້າຮ່ວມຕິດມືກັບບ້ານອີກດ້ວຍ ຍັງບໍ່ພໍເທົ່ານັ້ນຍັງໄດ້ແຈກຂອງຂວັນລາງວັນພິເສດ ນໍ້າມັນລົດ ມູນຄ່າ 1.500.000 ກີບ ຈຳນວນ 1 ລາງວັນ ແລະ ກະເປົາເດີນທາງຂອງມິດຊູບິຊິຂະໜາດໃຫຍ່ ແລະ ນ້ອຍ, ຄັນຮົ່ມ ແລະ ອື່ນໆ…

Mitsubishi All New Triton 2019 ມີ 3 ລຸ້ນຄື: 2WD MT ລາຄາເລີ່ມຕົ້ນ 341 ລ້ານກີບ, ລຸ້ນ 4 WD MT ລາຄາເລີ່ມຕົ້ນ 395 ລ້ານກີບ ແລະ ລຸ້ນ 4 WD AT ລາຄາເລີິ່ມຕົ້ນ 440 ລ້ານກີບ ແລະ ມີທັງໝົດ 6 ສີຄື: ສີຂາວ, ສີປອນເງີນ, ສີເທົາ, ສີນໍ້າຕານ, ສີດຳ ແລະ ສີສົ້ມ.

ທ່ານໃດສົນໃຈ ສອບຖາມລາຍລະອຽດ ແລະ ທົດລອງຂັບ ໄດ້ທີ່ຫ້ອງຂາຍ ມິດຊູບິຊິ ເຕ້ 2 ທີ່ເປີດບໍລິການທຸກມື້ ຫຼື ໂທສອບຖາມທີ່ເບີ 021 256 280/ 020 57585555 ຫຼື ເຂົ້າໄປຕິດຕາມ ແລະ ສອບຖາມທາງເພສ ເຟສບຸກ Mitsubishi Motors Laos