Target Magazine
ບໍລິສັດວິໄຈ 3 ແຫ່ງ ລະບຸຄວາມເຫັນຄືກັນວ່າ: ເມື່ອເດືອນກໍລະກົດ ຜ່ານມາ ຈີນ ນຳເຂົ້ານ້ຳມັນດິບ ຈາກອີຣານ ເປັນເດືອນທີ 2 ຕິດຕໍ່ກັນ ໂດຍສັ່ງຊື້ ໃນປະລິມານ ລະຫວ່າງ 4,4 ລ້ານຖັງ ແລະ 11 ລ້ານຖັງ ຫຼື ປະມານ 142.000-360.000 ຖັງຕໍ່ວັນ ຊຶ່ງເປັນລະດັບ ທີ່ເພີ່ມຂຶ້ນ ຢ່າງຕໍ່ເນື່ອງ ແລະ ເພີ່ມຂຶ້ນເກືອບ ຄຶ່ງໜຶ່ງຂອງລະດັບການສັ່ງຊື້ ໃນປີກາຍ ເຖິງວ່າ ສ.ອາເມລິກາ ຈະໃຊ້ມາດຕະການ ຂວ້ຳບາດ ອີຣານ. ການສືບຕໍ່ສັ່ງຊື້ ນ້ຳມັນ ອີຣານ ຂອງຈີນ ມີຂຶ້ນໃນໄລຍະ ທີ່ຄວາມສຳພັນ ທາງການຄ້າ ລະຫວ່າງ ສ.ອາເມລິກາ ແລະ ຈີນ ເກີດຂຶ້ນ. ອີກທັງ ການສັ່ງຊື້ນ້ຳມັນຈາກ ອີຣານ ຂອງຈີນ ຍັງເປັນອຸປະສັກ ສະກັດກັ້ນ ຄວາມພະຍາຍາມ ຂອງ ທ່ານ ໂດນັນ ທຣຳ, ປະທານາທິບໍດີ ຂອງສ.ອາເມລິກາ ທີ່ຕ້ອງການຕັດລາຍໄດ້ຂອງ ອີຣານ ດ້ວຍມາດຕະການ ຂວ້ຳບາດ. ຂະນະທີ່ ເຈົ້າໜ້າທີ່ອາວຸໂສ ທຳນຽບຂາວ ປະເມີນວ່າ ອີຣານ ສົ່ງອອກນ້ຳມັນ ໄປ ຈີນ ປະມານ 50-70% ຂອງປະລິມານ ສົ່ງອອກນ້ຳມັນດິບ ໂດຍລວມ ແລະ ສົ່ງໄປຂາຍໃຫ້ ຊີຣີ ປະມານ 30%. ທັ້ງນີ້ ຈີນ ເປັນຜູ້ຊື້ນ້ຳມັນ ລາຍໃຫຍ່ສຸດຂອງ ອີຣານ.
ທີ່ມາ: ຂ່າວສານປະເທດລາວ
