Target Magazine
ສະຖານະການໂຄວິດໃນຍີ່ປຸ່ນດີຂຶ້ນເລື້ອຍໆ ມີຍອດຜູ້ເສຍຊີວິດສະເລ່ຍເຫລືອບໍ່ເຖິງ 1 ຄົນຕໍ່ມື້ ເຖິງວ່າບໍ່ໄດ້ ລັອກດາວ.
ວັນທີ 7 ທັນວາ 2021, ສໍານັກຂ່າວບລູມເບິກ (Bloomberg) ລາຍງານວ່າ: ໃນຮອບອາທິດຜ່ານມາ ຍີ່ປຸ່ນພົບຜູ້ ເສຍຊີວິດຈາກພະຍາດໂຄວິດ-19 ພຽງ 6 ຄົນ ຫລື ຄິດເປັນຄ່າສະເລ່ຍບໍ່ເຖິງ 1 ຄົນຕໍ່ມື້.
ໂດຍສະຖານະການການລະບາດໃນຍີ່ປຸ່ນຖືວ່າດີຂຶ້ນຢ່າງຕໍ່ເນື່ອງ ໂດຍລາຍງານຜູ້ຕິດເຊື້ອປະຈໍາວັນທີ 6 ທັນວາ ຜ່ານມາ ມີຜູ້ຕິດເຊື້ອຕໍ່ວັນ 54 ຄົນ, ຂະນະທີ່ຄ່າສະເລ່ຍຕໍ່ອາທິດຢູ່ປະມານ 100 ຄົນຕໍ່ມື້.
ຍີ່ປຸ່ນຖືເປັນປະເທດທີ່ບໍ່ເຄີຍໃຊ້ມາດຕະການລັອກດາວແບບຈິງຈັງມາກ່ອນ ໂດຍສ່ວນຫລາຍເປັນພຽງການຂໍ ການຮ່ວມມືເທົ່ານັ້ນ, ຄາດວ່າຫນຶ່ງໃນສາເຫດທີ່ເຮັດໃຫ້ຍີ່ປຸ່ນຢຸດຢັ້ງການລະບາດຂອງເຊື້ອສາຍພັນເດວຕາໄດ້ ຄື ການລະດົມສັກວັກຊີນທີ່ວ່ອງໄວພາຍໃນໄລຍະເວລາອັນສັ້ນນັບແຕ່ກາງປີ.
ການທີ່ປະຊາຊົນໃສ່ຜ້າ ອັດປາກ-ອັດດັງ ເກືອບທັງຫມົດ ເຖິງວ່າທາງການຈະບໍ່ໄດ້ອອກມາດຕະການບັງຄັບ ອາດເປັນ ອີກສ່ວນຫນຶ່ງທີ່ຊ່ວຍໃຫ້ການແຜ່ກະຈາຍຂອງເຊື້ອຫລຸດລົງ.
ຂໍ້ມູນ ລາວພັດທະນາ
