Target Magazine
ນັກວິເຄາະມີຄວາມເປັນຫ່ວງກ່ຽວກັບບັນດາປະເທດອາຊຽນເລັ່ງເປີດບໍລິການຄືນໃໝ່ ທ່າມກາງຄວາມເປັນຫ່ວງກ່ຽວກັບຄວາມບໍ່ສະເໝີພາບດ້ານວັກແຊງ ແລະ ຈຳນວນຜູ້ຕິດເຊື້ອທີ່ສູງ. ສິ່ງດັ່ງກ່າວເຮັດໃຫ້ຄວາມຈໍາເປັນໃນການຊັ່ງຊາລະຫວ່າງ ບັນຫາປາກທ້ອງຂອງຜູ້ອອກແຮງງານໃນອຸດສາຫະກໍາການທ່ອງທ່ຽວ ແລະ ຄວາມສ່ຽງຕໍ່ການແຜ່ລະບາດຂອງໂຄວິດ
ການແຜ່ລະບາດຂອງໂຄວິດ -19 ເຮັດໃຫ້ມີ ກົດລະບຽບແລະຂໍ້ບັງຄັບແກ່ ນັກທ່ອງທ່ຽວ ຕ້ອງຮັບຜິດຊອບຄ່າໃຊ້ຈ່າຍທີ່ເພີ່ມຂຶ້ນ. ປັດໃຈເຫຼົ່ານີ້ເຮັດໃຫ້ຜູ້ເດີນທາງ ກໍ່ຄື ນັກທ່ອງທ່ຽວ ບໍ່ສາມາດມີເສລີຄືກັບກ່ອນການລະບາດຂອງພະຍາດໂຄວິດໄດ້ອີກ.
ໃນນັ້ນມາດຕະການ ແລະ ລະບຽບການຕ່າງໆ ທັງໝົດນັ້ນແມ່ນປັດສະຈາກບໍ່ໄດ້ທີ່ຈະໄປຂັດຂວາງການ ວຽກງານການກະຕຸ້ນການທ່ອງທ່ຽວ. ມັນໄດ້ກະທົບຕໍ່ການຕັດສິນໃຈໃນການເດີນທາງໄປຕ່າງປະເທດ, ຕາມຂໍ້ມູນຂອງອົງການທ່ອງທ່ຽວໂລກຂອງສະຫະປະຊາຊາດມີວ່າ, ນັກທ່ອງທ່ຽວຈີນໃຊ້ເງິນໄປທ່ຽວຕ່າງປະເທດຫຼາຍເຖິງ 254,6 ຕື້ໂດລາສະຫະລັດ, ເຮັດໃຫ້ນັກທ່ອງທ່ຽວຈີນມີຄວາມສຳຄັນທີ່ສຸດຕໍ່ການຂະຫຍາຍຕົວຂອງຂະແໜງການທ່ອງທ່ຽວ.
ບັນດາປະເທດໃນພາກພື້ນອາຊຽນ ໄດ້ກ້າວເຂົ້າສູ່ການເປີດເສດຖະກິດຄືນໃໝ່ ພາຍຫຼັງໄດ້ຮັບຜົນກະທົບຢ່າງໜັກໜ່ວງຈາກການລະບາດຂອງພະຍາດໂຄວິດ-19, ໃນປີ 2019, ຂະແໜງການທ່ອງທ່ຽວໃນພາກພື້ນອາຊຽນມີມູນຄ່າ 393 ຕື້ໂດລາສະຫະລັດ. ລາຍຮັບການທ່ອງທ່ຽວກວມເອົາ 1 ສ່ວນ 5 ຂອງ GDP ຂອງປະເທດໄທ ແລະ 1 ສ່ວນ 3 ຂອງ GDP ຂອງກຳປູເຈຍ (ຂໍອະໄພທີ່ບໍ່ມີຂໍ່ມູນຂອງປະເທດລາວເຮົາ) ແຕ່ COVID-19 ໄດ້ສົ່ງຜົນກະທົບຢ່າງໜັກໜ່ວງຕໍ່ຂະແໜງການທ່ອງທ່ຽວ ນັກທ່ອງທ່ຽວໄດ້ຫຼຸດລົງ 81 ເປີເຊັນໃນປີກາຍນີ້.
