Target Magazine
ການສ້າງຄວາມເຂົ້າໃຈຕໍ່ກັບການສົ່ງອອກ-ນຳເຂົ້າຂອງ ສປປ ລາວ ຕ້ອງກຳໄດ້ຈຸດພິເສດ ແລະ ທ່າແຮງຂອງຊາດອັນເປັນພື້ນຖານຂອງການພັດທະນາ. ສປປ ລາວ ເປັນປະເທດທີ່ອຸດົມຮັ່ງມີໄປດ້ວຍຊັບພະຍາກອນທໍາມະຊາດເປັນຕົ້ນແມ່ນ ປ່າໄມ້, ແມ່ນ້ຳ ແລະ ແຮ່ທາດ, ແຕ່ວ່າ ຊັບພະຍາກອນດັ່ງກ່າວໄດ້ຖືກຂຸດຄົ້ນໄປຢ່າງຫຼວງຫຼາຍໃນເວລາຫຼາຍທົດສະວັດທີ່ຜ່ານມາ ໂດຍບໍ່ຮັບການປຸງແຕ່ງ ແລະ ສ້າງມູນຄ່າເພີ່ມ (value-added) ຢ່າງແຂງແຮງເທົ່າທີ່ຄວນ. ໃນດ້ານແຮງງານກໍຍັງຂາດແຮງງານມີສີມືສະໜອງເຂົ້າໃສ່ການຜະລິດໃນຂະແໜງຕ່າງໆ, ແຕ່ເນື່ອງຈາກວ່າອັດຕາການເກີດໃນລາວຍັງສູງ ຈຶ່ງເປັນກາລະໂອກາດໃຫ້ສາມາດສະໜອງແຮງງານເພີ່ມຂຶ້ນໄປອີກ 10 ຫາ 15 ປີຕໍ່ໜ້າ. ສປປ ລາວ ຖືກຈັດເປັນປະເທດໃນກຸ່ມອຸດສາຫະກຳທີ່ການຜະລິດຍັງຈໍາກັດ, ໝາຍຄວາມວ່າ ອຸດສາຫະກຳປຸງແຕ່ງພາຍໃນປະເທດ ສ່ວນໃຫຍ່ຍັງມີລັກສະນະພື້ນຖານ, ບໍ່ໄດ້ນໍາໃຊ້ເຕັກໂນໂລຊີທີ່ທັນສະໄໝເຂົ້າໃນການຜະລິດ, ສ່ວນໂຮງຈັກໂຮງງານທີ່ໃຊ້ອຸປະກອນທີ່ທັນສະໄໝຍັງມີຈໍານວນໜ້ອຍ ເຊິ່ງເປັນການລົງທຶນຈາກຕ່າງປະເທດເກືອບທັງໝົດ. ສິນຄ້າທີ່ລາວເຮົາສົ່ງອອກຈຶ່ງແມ່ນ ແຮ່ທາດ, ໄຟຟ້າ ແລະ ສິນຄ້າກະສິກຳຂັ້ນຕົ້ນ. ເຖິງແມ່ນວ່າ ແຮ່ທອງ, ແຮ່ຄຳ ແລະ ແຮ່ເງິນຈະມີມູນຄ່າສູງກໍຕາມ, ສິນຄ້າເຫຼົ່ານີ້ເປັນສິນຄ້າທີ່ບໍ່ມີການສ້າງມູນຄ່າເພີ່ມ ເມື່ອທຽບກັບບັນດາສິນຄ້າທີ່ຖືກນຳເຂົ້າສຳລັບຊົມໃຊ້ ແລະ ທຳການຜະລິດຢູ່ໃນປະເທດ. ເພາະວ່າສິນຄ້າປະເພດເຄື່ອງຈັກ, ເຄືື່ອງອີເລັກໂທຣນິກ ແລະ ພາຫະນະ ລ້ວນແລ້ວແຕ່ເປັນສິນຄ້າທີ່ສ້າງມູນຄ່າເພີ່ມສູງ ແລະ ເປັນສິ່ງທີ່ລາວຍັງບໍ່ສາມາດຜະລິດເອງໄດ້ ຈຶ່ງຈຳເປັນຕ້ອງໄດ້ນຳເຂົ້າ. ສະນັ້ນ, ການຂາດດຸນການຄ້າຂອງ ສປປ ລາວ ຈຶ່ງເປັນບັນຫາທີ່ເກີດຂຶ້ນຕິດຕໍ່ກັນເປັນເວລາຫຼາຍທົດສະວັດ ໃນໂຄງສ້າງການຄ້າໂດຍລວມ ໂດຍສະເພາະແມ່ນການຂາດດຸນການຄ້າຕໍ່ກັບປະເທດໄທ. ດັ່ງທີ່ໄດ້ເຄີຍນໍາສະເໜີໄປ ໃນສະບັບເດືອນກັນຍາ 2020, ສະເພາະການຄ້າລາວ-ຈີນ ແມ່ນໄດ້ເຕີບໃຫຍ່ຂະຫຍາຍຕົວຢ່າງແຂງແຮງ ໃນທົດສະວັດທີ່ຜ່ານມາ ແລະ ປະເທດລາວແມ່ນເກີນດຸນການຄ້າ ຢ່າງຕໍ່ເນື່ອງ ໃນຊຸມປີຜ່ານມາ.
ຕາຕະລາງທີ 1: ສິນຄ້າຫຼັກທີ່ສົ່ງອອກຈາກ ສປປ ລາວ ໄປ ສປ ຈີນ 5 ອັນດັບທຳອິດ, 2010-2019
| ອັນດັບ | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 |
| 1 | ສາລີ | ແຮ່ທອງ ແລະ ຫົວແຮ່ | ທອງບໍລິສຸດ | ຄຳ; ເຄິ່ງສຳເລັດຮູບ | ແຮ່ທອງ ແລະ ຫົວແຮ່ | ແຮ່ທອງ ແລະ ຫົວແຮ່ | ແຮ່ທອງ ແລະ ຫົວແຮ່ | ແຮ່ທອງ ແລະ ຫົວແຮ່ | ແຮ່ທອງ ແລະ ຫົວແຮ່ | ແຮ່ທອງ ແລະ ຫົວແຮ່ |
| 2 | ງາ | ຖົ່ວແມັກຄາເດເມຍ | ຖົ່ວແມັກຄາເດເມຍ | ໝາກກ້ວຍ | ຄຳ; ເຄິ່ງສຳເລັດຮູບ | ຄຳ; ເຄິ່ງສຳເລັດຮູບ | ໝາກກ້ວຍ | ໝາກກ້ວຍ | ເຍື່ອໄມ້ | ໝາກກ້ວຍ |
| 3 | ຖົ່ວແມັກຄາເດເມຍ | ໄມ້ຟືນ | ສາລີ | ທອງບໍລິສຸດ | ໝາກກ້ວຍ | ເກືອຂອງກົດອອກໄຊ | ເກືອຂອງກົດອອກໄຊ | ປຸ໋ຍ | ທອງບໍລິສຸດ | ເຍື່ອໄມ້ |
| 4 | ເຟີນິເຈີໄມ້ | ໄມ້ທ່ອນ (ບໍ່ທັນແປຮູບ) | ແຜ່ນໄມ້ສົນ, ປັກເກ | ໄມ້ຟືນ | ທອງບໍລິສຸດ | ໝາກກ້ວຍ | ທັນຍາພືດອື່ນໆ | ຢາງ | ປຸ໋ຍ | ປຸ໋ຍ |
| 5 | ໄມ້ທ່ອນ (ບໍ່ທັນແປຮູບ) | ເບຣິລລຽມ, ໂຄຣມຽມ | ຂີ້ຄັ່ງ, ຢາງທຳມະຊາດ | ແຮ່ເຫຼັກ ແລະ ຫົວແຮ່ | ນ້ຳຢາງທຳມະຊາດ | ສາລີ | ເຂົ້າສານ | ທັນຍາພືດອື່ນໆ | ໝາກກ້ວຍ | ເຍື່ອໄມ້ |
ໝາຍເຫດ: ຂໍ້ມູນການສົ່ງອອກດ້ວຍ 6 digits ແຕ່ປີ 2010-2019 ລາຍງານໂດຍ ASEAN Stats ແລະ UN Comtrade
ສປ ຈີນ (29%) ເປັນຄູ່ຄ້າຫຼັກຂອງ ສປປ ລາວ ຮອງຈາກ ຣາຊອານາຈັກໄທ (46%). ມູນຄ່າສົ່ງອອກໄດ້ເພີ່ມຂຶ້ນຢ່າງກ້າວກະໂດດຫຼັງປີ 2013, ເຊິ່ງເປັນປີທີ່ ສປ ຈີນ ອອກນະໂຍບາຍຕ່າງປະເທດ “ໜຶ່ງແລວທາງໜຶ່ງເສັ້ນທາງ” ຫຼື Belt and Road Initiative. ອີງຕາມການລາຍງານຂອງ ASEAN Stats ເຊິ່ງເປັນເວບໄຊ້ສັງລວມຂໍ້ມູນຂອງອາຊຽນສະແດງໃຫ້ຮູ້ວ່າ ສິນຄ້າສົ່ງອອກອັນດັບໜຶ່ງໄປຈີນ ແມ່ນ ແຮ່ທາດ. ໃນປີ 2011 ແລະ 2014-2019, ມູນຄ່າການສົ່ງອອກແຮ່ທອງ ແລະ ຫົວແຮ່ດັ່ງກ່າວ (ຍັງບໍ່ທັນສະກັດເປັນທອງບໍລິສຸດ) ກວມເອົາຫຼາຍກວ່າເຄິ່ງໜຶ່ງຂອງການສົ່ງອອກທັງໝົດໄປ ສປ ຈີນ. ນອກຈາກນັ້ນ, ທອງບໍລິສຸດ, ຄຳເຄິ່ງສຳເລັດຮູບ ແລະ ແຮ່ເຫຼັກ ກໍເປັນສິນຄ້າທີ່ລາວສົ່ງອອກໄປຈີນອີກດ້ວຍ. ການນຳເຂົ້າແຮ່ທາດຢ່າງມະຫາສານຂອງຈີນກໍເພື່ອນຳໃຊ້ເຂົ້າໃນອຸດສາຫະກໍາການຜະລິດ, ການກໍ່ສ້າງ ທັງຍັງສາມາດຮັກສາຊັບພະຍາກອນແຮ່ທາດທີ່ມີພາຍໃນປະເທດຂອງຕົນໄວ້ເພື່ອໃຊ້ໃນອະນາຄົດອີກດ້ວຍ. ເນື່ອງຈາກຄວາມສາມາດໃນການຜະລິດດ້ານອື່ນຍັງຈຳກັດ, ລາວເຮົາຈຶ່ງມີຄວາມຈຳເປັນໃນການຂຸດຄົ້ນຊັບພະຍາກອນທຳມະຊາດເພື່ອສ້າງ ແລະ ຮັກສາລະດັບການຂະຫຍາຍຕົວທາງເສດຖະກິດ. ເຖິງຢ່າງໃດກໍຕາມ ເຮົາບໍ່ສາມາດປະຕິເສດໄດ້ວ່າ ການໝູນໃຊ້ແຮງງານລາວເຂົ້າໃນຂະແໜງການດັ່ງກ່າວຍັງໜ້ອຍຫຼາຍ ສະເລ່ຍແລ້ວມີພຽງແຕ່ 6% ເທົ່ານັ້ນໃນລະຫວ່າງປີ 2016-2020 ອີງຕາມການລາຍງານຂອງກະຊວງພະລັງງານ ແລະ ບໍ່ແຮ່. ສິນຄ້າກະສິກໍາທີ່ສໍາຄັນ ຕິດໃນປະເພດ ສິນຄ້າສົ່ງອອກຕົ້ນຕໍແມ່ນ ໝາກກ້ວຍ ເຊິ່ງກ້າວເຂົ້າມາມີບົດບາດພົ້ນເດັ່ນ ນັບແຕ່ປີ 2013 ເປັນຕົ້ນມາ. ໃນປີ 2016-2019, ມູນຄ່າການສົ່ງອອກໝາກກ້ວຍແມ່ນປະມານ 160 ລ້ານໂດລາສະຫະລັດ ກວມເອົາປະມານ 10% ຂອງມູນຄ່າການສົ່ງອອກ. ນອກນັ້ນ, ສາລີ, ຖົ່ວ (ແມັກຄາເດເມຍ), ງາ, ເຂົ້າ ແລະ ທັນຍາພືດ ກໍແມ່ນສິນຄ້າສົ່ງອອກໃນ 5 ອັນດັບທຳອິດເຊັ່ນກັນ. ນອກຈາກນີ້, ສິນຄ້າປະເພດໄມ້, ເຍື່ອໄມ້, ຢາງ ແລະ ປຸ໋ຍ ກໍເປັນທີ່ຕ້ອງການສູງຈາກຕະຫຼາດຂອງ ສປ ຈີນ.
ຕາຕະລາງທີ 2: ສິນຄ້າຫຼັກທີ່ນຳເຂົ້າໂດຍ ສປປ ລາວ ຈາກ ສປ ຈີນ 5 ອັນດັບທຳອິດ, 2010-2019
| ອັນດັບ | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 |
| 1 | ເຄື່ອງສົ່ງສັນຍານສື່ສານ | ອຸປະກອນ ໂທລະສັບ | ໂຄມໄຟ, ດອກໄຟ | ກະດານຈ່າຍກະແສໄຟຟ້າ | ຊີມັງພອດແລນ | ເຕົາເຜົາທີ່ໃຊ້ໃນອຸດສາ ຫະກຳ | ເຄື່ອງຈັກ ແລະ ອຸປະກອນໄຟຟ້າ | ທ່ອນ ແລະ ເສັ້ນເຫຼັກ | ລົດຫຸ້ມເກາະ | ວັດສະດຸກໍ່ສ້າງ ທີ່ເຮັດຈາກເຫຼັກ ຫຼື ເຫຼັກກ້າບໍ່ປະສົມ |
| 2 | ຊິ້ນສ່ວນປະກອບລົດຈັກ | ເຄື່ອງສົ່ງສັນຍານສື່ສານ | ປາກກາ | ປາກກາ, ນ້ຳໝຶກຕື່ມປາກກາ | ເຄື່ອງສົ່ງສັນຍານສື່ສານ | ສະຖານີສັນຍານ | ພາຫະນະຂົນສົ່ງສິນຄ້າ; ນ້ຳໜັກບໍ່ເກີນ 5T | ສ່ວນປະກອບກັງຫັນໄຮໂດຣລິກ | ເຄື່ອງສົ່ງສັນຍານສື່ສານ | ສ່ວນປະກອບກັງຫັນໄຮໂດຣລິກ |
| 3 | ຢາສູບ (ລວມໃບຢາສູບ) | ຕະປູກຽວ ແລະ ບູລອງອື່ນໆ | ແຜ່ນໄມ້ອັດ | ຢາສູບທີ່ບໍ່ທັນເອົາກ້ານ/ກ່າງອອກ | ອຸປະກອບໂທລະສັບ | ຢາສູບທີ່ບໍ່ທັນເອົາກ້ານ/ກ່າງອອກ | ເສັ້ນລວດ, ເຄເບີລເຮັດດ້ວຍທອງ | ໝໍ້ແປງໄຟຟ້າ; ກໍາລັງໄຟຟ້າບໍ່ເກີນ 650kVA | ທ່ອນ ແລະ ເສັ້ນເຫຼັກທີ່ເຮັດດ້ວຍເຫຼັກ ຫຼື ເຫຼັກກ້າບໍ່ປະສົມ | ວັດສະດຸກໍ່ສ້າງ ທີ່ເຮັດຈາກເຫຼັກ ຫຼື ເຫຼັກກ້າບໍ່ປະສົມ |
| 4 | ສ່ວນປະກອບໝໍ່້ແປງໄຟຟ້າ | ເຄື່ອງກັງຫັນອາຍພົ່ນ, ກັງຫັນໃບພັດ; ໃຊ້ແກັສ | ເສັ້ນລວດ, ເຄເບີລເຮັດດ້ວຍທອງ | ສ່ວນປະກອບວົງຈອນອີເລັກໂຕຣນິກ | ເຄື່ອງບັນທຶກ ຫຼື ຖ່າຍທອດວິດີໂອ; ຊະນິດທີ່ບໍ່ມີເທບແມ່ເຫຼັກ | ເສັ້ນລວດ ແລະ ເຄເບີລ; ເສັ້ນລວດສຳລັບພັນ (ທີ່ບໍ່ແມ່ນທອງ) | ພາຫະນະຂົນສົ່ງສິນຄ້າ | ວັດສະດຸກໍ່ສ້າງ ທີ່ເຮັດຈາກເຫຼັກ ຫຼື ເຫຼັກກ້າບໍ່ປະສົມ | ສ່ວນປະກອບກັງຫັນໄຮໂດຣລິກ | ທ່ອນ ແລະ ເສັ້ນເຫຼັກທີ່ເຮັດດ້ວຍເຫຼັກ ຫຼື ເຫຼັກກ້າບໍ່ປະສົມ |
| 5 | ວັດສະດຸກໍ່ສ້າງ ທີ່ເຮັດຈາກເຫຼັກ | ເສັ້ນລວດ, ເຄເບີລເຮັດດ້ວຍທອງ | ຂອບໄມ້ສຳລັບໃສ່ຮູບ | ລົດດັບເພີງ | ເສັ້ນລວດ ແລະ ເຄເບີລ, ແລະອຸປະກອນຕົວນຳໄຟຟ້າ | ວັດສະດຸກໍ່ສ້າງ ທີ່ເຮັດຈາກເຫຼັກ | ແກັດ, ຫີບ, ກ່ອງ ເຈ້ຍ | ລົດຖອກດິນສຳລັບໃຊ້ງານນອກທາງຫຼວງ | ວັດສະດຸກໍ່ສ້າງ ທີ່ເຮັດຈາກເຫຼັກ ຫຼື ເຫຼັກກ້າບໍ່ປະສົມ | ສາຍຊະນວນຈູດລະເບີດ ແລະ ສ່ວນປະກອບອື່ນໆ |
ໝາຍເຫດ: ຂໍ້ມູນການນຳເຂົ້າດ້ວຍ 6 digits ແຕ່ປີ 2010-2019 ລາຍງານໂດຍ ASEAN Stats ແລະ ລາຍງານໂດຍ UN Comtrade
ເຊັ່ນດຽວກັນກັບການສົ່ງອອກ, ມູນຄ່າການນຳເຂົ້າສິນຄ້າຈາກ ສປ ຈີນ ເພີ່ມຂຶ້ນຢ່າງກ້າວກະໂດດຫຼັງປີ 2014 ເປັນຕົ້ນມາ, ເຊິ່ງສິນຄ້ານຳເຂົ້າຈະມີຄວາມຫຼາກຫຼາຍກວ່າສິນຄ້າທີ່ສົ່ງອອກໄດ້ແກ່ບັນດາເຄື່ອງຈັກ, ອຸປະກອນໄຟຟ້າ, ອີເລັກໂຕຣນິກຕ່າງໆ. ສິນຄ້ານຳເຂົ້າອັນດັບໜຶ່ງ ແລະ ອັນດັບສອງແມ່ນສະຫຼັບສັບປ່ຽນຕຳແໜ່ງຂຶ້ນລົງໃນໄລຍະທົດສະວັດຜ່ານມາປະກອບດ້ວຍ: ເຄື່ອງສົ່ງສັນຍານ, ອຸປະກອນໂທລະສັບ, ເຄື່ອງຈັກ, ອຸປະກອນໄຟຟ້າ, ພາຫະນະຂົນສົ່ງສິນຄ້າ, ເຕົາເຜົາ, ຊີມັງ, ເຫຼັກເສັ້ນ ແລະ ວັດສະດຸກໍ່ສ້າງ. ສ່ວນອັນດັບສາມ ແລະ ສີ່ ປະກອບມີ ໝໍ້ແປງໄຟຟ້າ, ເສັ້ນລວດ, ເຄເບີລ, ທ່ອນເຫຼັກ, ຕະປູ ແລະ ວັດສະດຸກໍ່ສ້າງ. ການນຳເຂົ້າສິນຄ້າປະເພດດັ່ງກ່າວກໍເນື່ອງມາຈາກການພັດທະນາຂະແໜງການໄຟຟ້າ ແລະ ບໍ່ແຮ່ ທີ່ຕ້ອງການມີການກໍ່ສ້າງເຂື່ອນໄຟຟ້າ ແລະ ຂຸດຄົ້ນແຮ່ທາດຫຼາຍແຫ່ງ ໃນໄລຍະນັ້ນຢ່າງຫຼວງຫຼາຍ ໂດຍສະເພາະແມ່ນການລົງທຶນໂດຍກົງຂອງ ສປ ຈີນ ທີ່ເລີ່ມເຂົ້າມາມີບົດບາດນັບຕັ້ງແຕ່ທ້າຍຊຸມປີ 2000 ເປັນຕົ້ນມາ. ນອກຈາກນີ້, ໃນປີ 2010 ແລະ 2014, ໃບຢາສູບ ແລະ ຢາສູບທີ່ບໍ່ທັນເອົາກ້ານອອກ ກໍເປັນທີ່ຕ້ອງການພາຍໃນເຊິ່ງຖືກນຳໃຊ້ເຂົ້າໃນການຜະລິດຢາສູບອີກດ້ວຍ. ພ້ອນນັ້ນ, ນັບແຕ່ທ້າຍປີ 2016 ເປັນຕົ້ນມາ, ການນໍາເຂົ້າທີ່ຕິດພັນກັບໂຄງການກໍ່ສ້າງພື້ນຖານໂຄງລ່າງຂະໜາດໃຫຍ່ ຄື: ໂຄງການກໍ່ສ້າງເສັ້ນທາງລົດໄຟຄວາມໄວສູງ ລາວ-ຈີນ ແລະ ໂຄງການທາງດ່ວນ ໄລຍະທີ 1 ວຽງຈັນ-ວັງວຽງ ກໍພາໃຫ້ມີການນໍາເຂົ້າສິນຄ້າປະເພດວັດສະດຸກໍ່ສ້າງ ເຊັ່ນວ່າ ເສັ້ນເຫຼັກ, ທ່ອນເຫຼັກ, ເຫຼັກກ້າປະສົມ ໄດ້ເພີ່ມສູງຂຶ້ນຢ່າງຫຼີກລ່ຽງບໍ່ໄດ້.
ຂໍ້ສະເໜີແນະໜຶ່ງທີ່ສຳຄັນແມ່ນ ນອກຈາກການລົງທຶນໂດຍກົງຈາກຕ່າງປະເທດໃນໂຄງການພື້ນຖານໂຄງລ່າງ ລະດັບຊາດ, ຂະແໜງການຂຸດຄົ້ນພະລັງງານ ແລະ ບໍ່ແຮ່ ໃຫຍ່ໆແລ້ວ, ພວກເຮົາຄວນສຸມໃສ່ການສ້າງຄວາມຫຼາກຫຼາຍ ທາງດ້ານການຄ້າ-ການລົງທຶນ ໂດຍສະເພາະແມ່ນຂະແໜງການຜະລິດ-ປຸງແຕ່ງ ທີ່ສາມາດສ້າງວຽກເຮັດງານທຳ ແລະ ລາຍຮັບອັນເປັນຮູບປະທຳໃຫ້ແກ່ປະຊາຊົນໄດ້ຫຼາຍຍິ່ງຂຶ້ນກວ່າເກົ່າ, ເຊິ່ງອາດຈະເລີ່ມຈາກການພັດທະນາຕ່ອງໂສ້ມູນຄ່າຂອງສິນຄ້າກະສິກໍາ ທີ່ມີຮາກຖານທີ່ກວ້າງໃຫຍ່ໃນຂອບເຂດທົ່ວປະເທດຢູ່ແລ້ວ ເພື່ອເປັນເງື່ອນໄຂໄປສູ່ການຫັນ ປ່ຽນເປັນການປຸງແຕ່ງແບບອຸດສາຫະກໍາ ແລະ ທັນສະໄໝຕາມທິດທາງນະໂຍບາຍທີ່ພັກ-ລັດວາງອອກ. (ວາລະສານທາເກັດ ສະບັບ 172 ເດືອນ ທັນວາ 2020 ໄດ້ທີ ສຳນັກງານຫ້ອງການພາກລັດ ແລະ ເອກະຊົນ, ຫ້ອງສະໝຸດ, ຮ້ານອາຫານ, ຮ້ານກາເຟ, ຮ້ານ kaogee cafe ແລະ ຫຼາຍໆບ່ອນໃນນະຄອນຫຼວງ ຫຼື ສອບຖາມຈອງເປັນສະມາຊິກໄດ້ທີ່ເບີ 021 216 666)
Current Lao-Chinese Trade Structure
To really understand the export-import situation of the Lao PDR, one must make sense of its comparative advantages which serve as the development foundation of the country. Lao PDR is rich in natural resources, namely forestry, river and minerals. However, such resources have been substantially extracted during the past decade and exported without being processed and value-added as it should be. In terms of labor, the country is lacking supply skill labor to support production in different sectors. Fortunately, Laos has high birth rate which could enable to country to fill it labor shortage within 10 to 15 years ahead. Lao PDR is categorized under a group with limited industry meaning that most processing industries in the country are still in the basic level without involving modern technology in their production process. Only limited number of factories are now making use of advanced innovation and almost all of them are foreign invested. Most of Lao imports are centered at minerals, electricity and agricultural goods. Despite the high value gained from exporting copper ore and gold ore, these commodities have not been value-added when compared with imported goods for domestic consumption and production. Because machines, electronic devices and vehicles are high-value products which Laos cannot manufacture on its own, they have to be imported. With such fact, Laos has been experiencing trade deficit for several decades in its overall trade structure, especially with Thailand. Fortunately, the strong growth of Lao-Chinese trade during the past decade has been able to help Laos gaining trade surplus continuously for several years, according to my article back in September 2020.
Table 1: Top 5 Main Products Exported from the Lao PDR to China, 2010-2019
| Rank | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 |
| 1 | Corn | Gold ore and ore concentrate | Pure gold | Semi-refined gold | Gold ore and ore concentrate | Gold ore and ore concentrate | Gold ore and ore concentrate | Gold ore and ore concentrate | Gold ore and ore concentrate | Gold ore and ore concentrate |
| 2 | Sesame seed | Macadamia nut | Macadamia nut | Banana | Semi-refined gold | Semi-refined gold | Banana | Banana | Wood pulp | Banana |
| 3 | Macadamia nut | Charcoal wood | Corn | Pure gold | Banana | Sodium oxide | Sodium oxide | Fertilizer | Pure gold | Wood pulp |
| 4 | Wooden furniture | Wood log (unprocessed) | Pinewood and parquet board | Charcoal wood | Pure gold | Banana | Grains | Rubber | Fertilizer | Fertilizer |
| 5 | Wood log (unprocessed) | Beryllium, chromium | Sticklac, natural rubber | Iron ore and ore concentrate | Natural liquid rubber | Corn | Rice | Grains | Banana | Wood pulp |
Notice: this export information denominated in 6 digits from 2010-2019 is reported by the ASEAN Stats and UN Comtrade
China (29%) is Lao main trading partner after Thailand (46%). Lao-Chinese trade has been growing dramatically since 2013, the year when China launched its foreign policy of “One Belt One Road Initiative.” According to a report of the ASEAN Stats, a website collecting information of ASEAN, Lao number one product exported to China is minerals. In 2011 and 2014-2019, Lao export value of gold ore and ore concentrate (unpurified gold) covered more than half of its total export to China. In addition, pure gold, semi-refined gold and iron ore were exported to China as well. China imports a tremendous amount of minerals to use in its production industry and construction, while reserving its own mineral resources for future use. Because of limited productivity, Laos has been forced to sell its natural resources to build and maintain its economic growth. However, we cannot deny the fact that Lao laborers have not been paid attention on much. According to a report by Ministry of Labor and Social Welfare, only 6% of Lao laborers between 2016 and 2019 have been employed in the production industry. One of the most important agricultural products is banana which has become Lao main export product since 2013. From 2016 to 2019, banana export value reached 160 million US dollar which covered approximately 10% of total export value. Furthermore, corn, macadamia nut, sesame seed, rice and grain also make it to the top 5 of export commodities as well. In addition, wood products, wood pulp, rubber and fertilizer are also highly demanded by China.
Table 2: Top 5 Main Goods Imported by the Lao PDR from China, 2010-2019
| Rank | 2010 | 2011 | 2012 | 2013 | 2014 | 2015 | 2016 | 2017 | 2018 | 2019 |
| 1 | Signal transmission device | Telephone | Lamp, light bulb | Electric distribution board | Portland cement | Incinerator | Machine and electrical appliance | Steel bar and iron rod | Armored car | Construction materials made from iron or pure steel |
| 2 | Motorcycle assembly parts | Signal transmission device | Pen | Pen, ink | Signal transmission device | Signal transmitter station | Transportation vehicle weighed less than 5T | Parts of hydraulic turbine | Signal transmission device | Parts of hydraulic turbine |
| 3 | Cigarette (including tobacco leaf) | Spiral nail and anchor bolt | Plywood sheet | Tobacco without stem removed | Telephone | Tobacco without stem removed | Wire, cable made of copper | Transformer with electric power of less than 650kVA | Steel bar and iron rod made from iron or pure steel | Construction materials made from iron or pure steel |
| 4 | Parts of transformer | Jet engine, pinwheel turbine using gas | Wire, cable made from copper | Parts of electronic circuit | Video recording or broadcasting device without a magnetic tape | Wire and cable; wire; non-copper wrapping wire | Product transportation vehicle | Construction materials made from iron or pure steel | Parts of hydraulic turbine | Steel bar and iron rod made from iron and pure steel |
| 5 | Construction materials made from steel | Wire, cable made from copper | Wooden photo frame | Fire truck | Wire and cable, and conductor | Construction materials made from steel | Crate, chest, paper box | Dump truck to be used outside main road | Construction materials made from iron or pure steel | Explosive fuse and other parts |
Notice: this import information denominated in 6 digits from 2010-2019 is reported by the ASEAN Stats and UN Comtrade
Similar to export, value of imports from China has increased sharply since 2014. Imported products are more diverse than export which comprise machine, electrical appliance, electronic device and so on. There have been consistent changes in the top one and top two products among signal transmission device, telephone, machine, electrical appliance, product transportation vehicle, incinerator, cement, iron rod and construction materials. While the third and fourth places consist of transformer, wire, cable, steel bar, nail and construction materials. Laos has been importing all these goods in order to support the development of its electricity and mineral sector which need these commodities to build several hydropower dams and implement mining projects, especially those invested by China itself which have started since the late 2000s. Furthermore, between 2010 and 2014, tobacco leaf and tobacco without stem removed were demanded domestically urging the government to import in order to produce cigarette. Since 2016, commodities closely related to major basic infrastructure projects, such as the Laos-China High-Speed Railway and phase 1 of Vientiane-Vang Vieng Highway, have been increasingly and unavoidably imported which include iron rod, steel bar and mix steel.
One important recommendation that the government should consider is that apart from a focus on major basic infrastructure, electricity and mining projects funded by foreign investors, we should also concentrate on diversifying our trade and investment, especially to production and processing industry in order to create more jobs and income for people. We can start from the development of a value chain in agriculture with its production base nationwide as a condition to transition into modern processing industry as directed by the party and government.(Target Magazine issue 172 December 2020 at public and private offices, libraries, restaurants, cafes, Kaogee cafe and many more places in Vientiane or membership inquiry call 021 216 666)
