Target Magazine
ເຖິງວ່າໃນປັດຈຸບັນ AI ຈະເຂົ້າມາຊ່ວຍໃຫ້ການເຮັດວຽກໃນອົງກອນຕ່າງໆດີຂຶ້ນ ແຕ່ກໍຍັງພົບກັບບັນຫາຢູ່ 2 ເລື່ອງຫຼັກໆຄື:
1. ການຊອກຫາພະນັກງານທີ່ມີຄວາມຊ່ຽວຊານດ້ານ AI ແລະ ການຈັດການຂໍ້ມູນ
2. ການລວບລວມຊຸດຂໍ້ມູນ (Data Collection) ໃຫ້ພຽງພໍສຳລັບໃຫ້ AI ທີ່ຈະມາປະມວນຜົນກ່ຽວກັບທຸລະກິດ ຫຼື ອຸດສາຫະກຳຂອງເຮົາ.
ສຳລັບການແກ້ໄຂບັນຫາເລື່ອງຂອງພະນັກງານມີ 2 ວິທີຄື: 1. ການເຝີກອົບຮົມ ແລະ ພັດທະນາວິສາວະກອນໃນອົງກອນໃຫ້ມີຄວາມຮູ້ດ້ານ AI ຜ່ານຫຼັກສູດ ແລະ ສະຖາບັນທີ່ກ່ຽວຂ້ອງ, 2. ຊອກຫາບຸກຄະລາກອນທີ່ມີຄວາມຊ່ຽວຊານຢູ່ແລ້ວຈາກພາຍນອກຄວບຄູ່ກັນໄປ ເພື່ອໃຫ້ບໍລິສັດມີທີມດ້ານ AI ເພີ່ມຂຶ້ນ ແລະ ມີປະສິດທິພາບທີ່ດີໃຫ້ໄວຂຶ້ນ.
ສຳລັບກຸ່ມທຸລະກິດດ້ານອື່ນໆ ທີ່ໃຊ້ AI ມາຊ່ວຍໃນທຸລະກິດໃນປັດຈຸບັນໄດ້ແກ່: ທຸລະກິດບໍລິການສຸຂະພາບ, ທຸລະກິດກ່ຽວກັບລົດ, ທຸລະກິດດ້ານການເງິນ, ທຸລະກິດໂລເຈັດສຕິກ ແລະ ມີອີກຫຼາຍໆກຸ່ມທີ່ເລີ່ມຫັນມານຳໃຊ້ AI ເຊັ່ນ: ໂທລະຄົມມະນາຄົມ, ອະສັງຫາລິມະຊັບ ແລະ ກະສິກຳ.
ຕົວຢ່າງ: ຟາມລ້ຽງຫມູ ແຫ່ງໜຶ່ງໃນອາເມລິກາ ໄດ້ມີການທົດລອງໂຄງການກ່ຽວກັບ AI ໄດ້ປະມານ 1 ປີ ໂດຍໃຊ້ AI ໃນການເບິ່ງຕິດຕາມພຶດຕິກຳຂອງຫມູໃນຟາມ ເພື່ອໃຫ້ຮັບຮູ້ຢ່າງວ່ອງໄວ ວ່າຫມູໂຕໃດສຸຂະພາບບໍ່ດີ ແລະ ຊ່ວຍຮັກສາຫມູໄວ້ທັນ ຫຼຸດອັດຕາການຕາຍຂອງຫມູ ແລະ ຄົງການຜະລິດ ລວມໄປເຖິງວຽກທີ່ຈຳເປັນຕ້ອງໃຊ້ AI ຄືການກວດສອບຂີ້ຫມູ ນຳອີກດ້ວຍ.
ພາກອຸດສາຫະກຳ ແລະ ພາກອົງກອນ AI ເລີ່ມເຂົ້າມາມີບົດບາດໃນທຸລະກິດຫຼາຍຂຶ້ນ ເນື່ອງຈາດມີຂໍ້ດີຊ່ວຍປະຫຍັດຕົ້ນທຶນ, ຊ່ວຍໃຫ້ການເຮັດວຽກມີປະສິດທິພາບຫຼາຍຂຶ້ນ ແລະ ຫຼຸດຈຳນວນແຮງງານຄົນທີ່ບໍ່ຈຳເປັນ ຫຼື ມາແທນວຽກງານບາງຢ່າງທີ່ຄົນບໍ່ສາມາດເຮັດໄດ້ ເຊິ່ງໃນອະນາຄົດເຮົາອາດຈະໄດ້ເຫັນການປ່ຽນແປງ ແລະ ສັກກະຍາພາບຂອງ AI ເພີ່ມຂຶ້ນ.
ທີ່ມາ: www.digitalagemag.com
