Target Magazine
ໃນວັນທີ 22 ທັນວານີ້ ທ່ານ ພັນຄໍາ ວິພາວັນ ຮອງປະທານປະເທດ ໄດ້ເປັນກຽດເປີດສິລາລຶກອະນຸສອນສະຖານຖານທີ່ຫມັ້ນຂອງການປະຕິວັດເຂດໃຕ້ ບ້ານ ອຸດົມໄຊ (ເຈັງເຫາະ) ເມືອງ ສະຫນາມໄຊ ແຂວງ ອັດຕະປື.
ເປັນກຽດເຂົ້າຮ່ວມຍັງມີ ທ່ານ ຄຳໄຕ ສີພັນດອນ ອະດີດປະທານປະເທດ, ທ່ານ ຈູມມາລີ ໄຊຍະສອນ ອະດີດປະທານປະເທດ, ພົນເອກ ຈັນສະຫມອນ ຈັນຍາລາດ ລັດຖະມົນຕີກະຊວງປ້ອງກັນປະເທດ, ແລະ ທ່ານ ເລັດ ໄຊຍະພອນ ເຈົ້າແຂວງອັດຕະປື ພ້ອມດ້ວຍຕາງໜ້າອຳນາດການປົກຄອງກ່ຽວຂ້ອງ.
ຖານທີ່ຫມັ້ນຂອງການປະຕິວັດເຂດໃຕ້ ບ້ານ ອຸດົມໄຊ (ເຈັງເຫາະ) ໄດ້ສ້າງຕັ້ງຂຶ້ນໃນເດືອນ ຕຸລາ 1948 ພາຍໃຕ້ການຊີ້ນຳ-ນຳພາຂອງອະດີດປະທານປະເທດ ຄຳໄຕ ສີພັນດອນ, ທ່ານ ບຸນ ພົມມະຫາໄຊ, ທ່ານ ແກ້ວ ດວງເສນາ ແລະ ນັກປະຕິວັດຜູ້ອື່ນໆ ເພື່ອສ້າງຖານທີ່ຫມັ້ນຂອງ ການປະຕິວັດ, ກໍ່ສ້າງຮາກຖານການເມືອງ ແລະ ຈັດຕັ້ງກຳລັງປະກອບອາວຸດຕໍ່ສູ້ຕ້ານຈັກກະພັດລ່າເມືອງຂຶ້ນແບບເກົ່າຝຣັ່ງຜູ້ຮຸກຮານເພື່ອກອບກູ້ເອກະລາດຂອງຊາດ, ອິດສະລະພາບ ເອກະລາດ ແລະ ຜືນແຜ່ນດິນອັນຄົບຖ້ວນຂອງຊາດລາວ.
ທີ່ມາ: ຂ່າວສານປະເທດລາວ.
