ທ່ານ ວົງໄຊ ໄຊຍະຈັກ ເຈົ້າເມືອງໆເຊໂປນ ໃຫ້ຮູ້ວ່າ: ມາຮອດປັດຈຸບັນນີ້ ຂະບວນການກະກຽມຄວາມພ້ອມ ເພື່ອເຂົ້າຮ່ວມງານເທສະການບຸນກອງເຂົ້າໃຫຍ່ ໄຫ້ວພຣະທາດອີງຮັງ ແລະ ສະເຫຼີມສະຫຼອງປີທ່ອງທ່ຽວລາວ ທີ່ຈະຈັດຂຶ້ນໃນວັນທີ 17-22 ທັນວາ 2018 ທາງເມືອງແມ່ນມີຄວາມພ້ອມແລ້ວ 100%.
ທ່ານຍັງໃຫ້ຮູ້ຕື່ມວ່າ:ເມືອງເຊໂປນ ເປັນເມືອງຊົນນະບົດ ເປັນເມືອງທີ່ມີປະຫວັດສາດໃນການຮ່ວມຕໍ່ສູ້ກູ້ຊາດ ແລະ ໄດ້ຮັບນາມມະຍົດ ເປັນເມືອງວິລະຊົນແຫ່ງຊາດ. ປະກອບມີ 88 ບ້ານ, ມີ 5 ຈຸດສຸມ, ມີ 9.892 ຄອບຄົວ, ມີພົນລະເມືອງ 56.800 ກວ່າຄົນ ມີ 4 ເຜົ່າ: ເຜົ່າລາວ, ຜູ້ໄທ, ເຊິ່ງເຜົ່າຕຣີ ແລະ ມັງກອງ ກວມ 69%.
ສິ່ງໂດດເດັ່ນເປັນເອກະລັກທາງດ້ານວັດທະນະທໍາ, ດ້ານວັດຖຸ ຂອງເມືອງ ແມ່ນ: ຄ້ອງບ້າງ ແລະ ບົດຟ້ອນລໍາຕະໂອຍ ຂອງເຜົ່າຕຣີ-ມັງກອງ.
ນອກນີ້ຍັງມີ ຫໍພິພິທະພັນ ບັ້ນຮົບລາມເຊິນ 719 , ຜາເນາະ, ນໍ້າຕົກຕາດສະໂຄ່ຍ ແລະ ຕາດສະແລນ , ຂົວອູ່ ບ້ານດົງໃຫຍ່ ແລະ ອື່ນໆ.
(ລາຍລະອຽດຕິດຕາມຄຣິບຂ່າວ)
ເຊໂປນຫ້າງຫາກະກຽມກ້ອນກໍາລັງສະແດງສີລະປະວັນນະຄະດີເຂົ້າຮ່ວມເທສະການກອງເຂົ້າໃຫ່ຍໄຫ້ວພະທາດອີງຮັງຕິດພັນກັບງານເປີດປີທ່ອງທ່ຽວລາວ2018ໃນລະຫວ່າງວັນທີ17-22ທັນວາທີ່ຈະມາເຖີງນີ້ມາຮອດປະຈຸບັນມີຄວາມພ້ອມແລ້ວ100%
Posted by ໂທລະພາບເຊໂປນ on Monday, December 10, 2018
ຂອບໃຈຂໍ້ມູນຈາກ: ໂທລະພາບເຊໂປນ.