News

ບໍລິສັດ ວິສະວະກຳ ທາງລົດໄຟເລກ 2 ສປ ຈີນ ໄດ້ຈັດພິທີສະເຫລີມສະຫລອງ ແລະ ຊົມ ເຊີຍ ຜົນສຳເລັດໃນການວາງລາງລົດໄຟ ເສັ້ນທາງ ລົດໄຟ ລາວ-ຈີນ ແຕ່ນະຄອນຫລວງວຽງ ຈັນ ຫາ ແຂວງຫລວງພະບາງ ໃນວັນທີ 29 ທັນວາ 2020 ຊຶ່ງມີຄວາມຍາວ 240 ກິໂລແມັດ ຂອງຈຳນວນທັງຫມົດ 422,4 ກິໂລແມັດ ນະຄອນຫລວງວຽງ ຈັນ-ບໍ່ເຕ່ນ ແຂວງຫລວງນ້ຳທາ. ໃຫ້ກຽດເຂົ້າຮ່ວມຂອງທ່ານ ສຸກັນ ບຸນຍົງ ຮອງເຈົ້າ ແຂວງ ຫລວງພະບາງ, ທ່ານ ຫລີ ຈືກົງ ຫົວຫນ້າກົງ ສູນໃຫຍ່ ສປ ຈີນ ປະຈຳພາກເຫນືອ, ລວມທັງພະ ນັກງານ ກຳມະກອນ ແລະ ປະຊາຊົນ ອ້ອມຂ້າງ ເຂົ້າ ຮ່ວມ. ທ່ານ ຫລີ ຈືກົງ ກ່າວວ່າ: ພາຍໃຕ້ການສະຫນັບ ສະຫນູນຂອງສອງປະເທດ ຈີນ-ລາວ ...

ຕະຫຼາດທ່າເຮືອ ບ້ານທ່າເຮືອ ເມືອງວັງວຽງ ແຂວງວຽງຈັນ ອາດເວົ້າໄດ້ວ່າເປັນແຫຼ່ງທ່ອງທ່ຽວແຫ່ງໜຶ່ງທີ່ນັກທ່ອງທ່ຽວໄດ້ຢຸດລົດພັກຜ່ອນເມື່ອເວລາເດີນທາງຜ່ານໄປ-ມາ ເພື່ອຊື້ສິນຄ້າທ້ອງຖິ່ນໂດຍສະເພາະແມ່ນປາ. ແຕ່ປັດຈຸບັນນີ້ຜູ້ຄ້າຂາຍຢູ່ຕະຫຼາດແຫ່ງນີ້ໄດ້ຮັບຜົນກະທົບໜັກຍ້ອນບໍ່ມີລູກຄ້າ ແລະ ເຮັດໃຫ້ຜູ້ຄ້າຂາຍຈຳນວນຫຼາຍເຊົາຂາຍເຄື່ອງຢູ່ຕະຫຼາດແຫ່ງນີ້ ແລະ ອາດຈະຍັງມີແມ່ຄ້າອີກຈຳນວນຫຼາຍກໍ່ຈະຢຸດເຊົາຂາຍເຊັ່ນກັນ ຊຶ່ງເຊື່ອວ່າຖ້າເປັນແນວນີ້ຕໍ່ໄປຕະຫຼາດທ່າເຮືອອາດຈະເປັນຕະຫຼາດຮ້າງໃນອະນາຄົດ.ຕະຫຼາດທ່າເຮືອ ແມ່ນຕັ້ງຢູ່ແຄມເສັ້ນທາງ 13 ເໜືອ, ຫ່າງຈາກເມືອງວັງວຽງ ປະມານ 20 ກວ່າກິໂລແມັດ, ເປັນຕະຫຼາດທີ່ຂາຍຜະລິດຕະພັນປາໂດຍສະເພາະເຊັ່ນ: ປາແຫ້ງ, ສົ້ມປາ, ປາສົດ ແລະ ອື່ນໆ ໂດຍເນັ້ນຂາຍຜະລິດຕະພັນປາທຳມະຊາດ. ນາງ ນ້ອຍ ແມ່ນແມ່ຄ້າຄົນໜຶ່ງທີ່ໄດ້ຮັບຜົນກະທົບໄດ້ກ່າວ ຕໍ່ທີມງານວຽງຈັນທາຍ ເມື່ອບໍ່ດົນມານີ້ວ່າ: ບາງມື້ຮອດບໍ່ມີຄົນມາແວ່ຮ້ານເລີຍກໍ່ມີ, ສາເຫດຫຼັກໆ ທີ່ຈຳນວນລູກຄ້າຫຼຸດລົງ ຫຼື ຜູ້ ສັນຈອນກາຍໄປກາຍມາມີຈໍານວນໜ້ອຍ ລົງນັ້ນ ເຊື່ອວ່າ ເກີດຈາກການແຜ່ລະບາດຂອງພະຍາດໂຄວິດ-19 ຊຶ່ງໄດ້ເຮັດໃຫ້ບໍ່ມີນັກທ່ອງທ່ຽວມາເລີຍ ບວກກັບສະພາບເສັ້ນທາງທີ່ເປັນຂຸມຫຼາຍ ແລະ ມີຂີ້ຝຸ່ນຈຶ່ງເຮັດໃຫ້ຜູ້ສັນ ຈອນທີ່ມາທຽວທາງນີ້ມີຈຳນວນໜ້ອຍລົງ. ນອກຈາກນີ້ແລ້ວຜົນກະທົບທີ່ເກີດຂຶ້ນມາໃໝ່ນີ້ແມ່ນເສັ້ນທາງດ່ວນວຽງຈັນ-ວັງວຽງ ທີ່ໄດ້ເປີດນໍາໃຊ້ເມື່ອບໍ່ດົນມານີ້ ໄດ້ຮັດໃຫ້ຜູ້ສັນຈອນຈໍານວນຫຼາຍໄດ້ຫັນໄປໃຊ້ບໍລິການທາງດ່ວນ ຈຶ່ງເຮັດໃຫ້ຜູ້ສັນຈອນຍິ່ງຫຼຸດລົງຕື່ມອີກ ແລະ ເຊື່ອວ່າໃນອະນາຄົດອາດຈະໄດ້ຢຸດຂາຍເຄື່ອງຢູ່ຕະຫຼາດແຕ່ນີ້ ຊຶ່ງເຄີຍຂາຍມາແຕ່ປີ 2005. ແຫຼ່ງຂໍ້ມູນ: ວຽງຈັນທາຍ

ອົງການຕ້ານການສໍ້ລາດບັງຫຼວງ ຂັ້ນສູງກາງ ກວດພົບເຫັນພຶດຕິກໍາສໍ້ລາດບັງຫຼວງທີ່ພົ້ນເດັ່ນໃນປີ 2019 ສ່ວນຫຼາຍແມ່ນການສວຍໃຊ້ຖານະຕຳແໜ່ງ, ສິດອຳນາດ, ໜ້າທີ່, ການໃຫ້ ແລະ ຮັບສິນບົນ, ການສໍ້ໂກງ ແລະ ອື່ນໆ. ທ່ານ ສີໃນ ມຽງລາວັນ ຮອງປະທານຄະນະກວດກາສູນກາງພັກ, ຮອງປະທານອົງການກວດກາລັດຖະບານ ແລະ ຮອງຫົວໜ້າອົງການຕ້ານການສໍ້ລາດບັງຫຼວງຂັ້ນສູນກາງ ໄດ້ ກ່າວໃນພິທີສະເຫຼີມສະຫຼອງວັນຕ້ານການສໍ້ລາດບັງຫຼວງສາກົນຄົບຮອບ 17 ປີ (9 ທັນວາ 2003 – 9 ທັນວາ 2020) ທີ່ຈັດຂຶ້ນໃນວັນທີ 28 ທັນວາ 2020 ນີ້ ທີ່ສະໂມສອນ ອົງການກວດກາລັດຖະບານ ນະຄອນຫຼວງວຽງຈັນວ່າ: ໃນປີ 2019 ນີ້ໄດ້ຕິດຕາມກວດກາ ທັງໝົດ 945 ເປົ້າໝາຍ ແລະ ດຳເນີນການກວດກາລົງເລິກຕໍ່ຜູ້ກຳທຳຜິດທີ່ມີພຶດຕິກຳສໍ້ລາດບັງຫຼວງ 70 ເປົ້າໝາຍ, ພົບເຫັນຜູ້ກະທຳຜິດ 196 ຄົນ. ດຳເນີນການສືບສວນ-ສອບສວນຕໍ່ຜູ້ກະທຳຜິດທີ່ມີການສໍ້ລາດບັງຫຼວງ 18 ເປົ້າໝາຍ ພົບເຫັນຜູ້ກະທຳຜິດ 464 ຄົນ, ໄດ້ແກ້ໄຂດ້ານບໍລິຫານ 380 ...

ອົງການຕ້ານການສໍ້ລາດບັງຫຼວງ ຂັ້ນສູນກາງ ໃຫ້ຮູ້ວ່າ: ໃນຕໍ່ໜ້າ ເພື່ອສືບຕໍ່ຜັນຂະຫຍາຍ ແລະ ຈັດຕັ້ງປະຕິບັດ ສົນທິສັນຍາສາກົນວ່າດ້ວຍການຕ້ານການສໍ້ລາດບັງຫຼວງ ຢູ່ ສປປ ລາວ ໃຫ້ແຂງແຮງມີປະສິດທິຜົນຫຼາຍກວ່າເກົ່າ ແລະ ປັບປຸງແກ້ໄຂຈຸດອ່ອນ-ຂໍ້ຄົງຄ້າງ ຜ່ານມາໃຫ້ເຂັ້ມງວດ, ອົງການຕ້ານການສໍ້ລາດບັງຫຼວງ ຂັ້ນສູນກາງຈະສຸມໃສ່ 5 ວຽກງານຈຸມສຸມທີ່ປະກອບມີ: ເພີ່ມທະວີການໂຄສະນາສຶກສາອົບຮົມ, ປຸກລະດົມທຸກການຈັດຕັ້ງ ແລະ ພົນລະເມືອງລາວໃຫ້ຮັບຮູ້-ເຂົ້າໃຈ ແລະ ເຫັນໄດ້ໄພອັນຕະລາຍຂອງການສໍ້ລາດບັງຫຼວງຕາມທິດນຳທີ່ວ່າ: ບໍ່ກ້າ, ບໍ່ສາມາດ ແລະ ບໍ່ຢາກສໍ້ລາດບັງຫຼວງ, ໂຄສະນາເຜີຍແຜ່ກົດໝາຍວ່າດ້ວຍການຕ້ານການສໍ້ລາດບັງຫຼວງ, ກົດໝາຍ ແລະ ນິຕິກຳທີ່ກ່ຽວຂ້ອງໃຫ້ພະນັກງານ-ລັດຖະກອນ, ທະຫານ, ຕຳຫຼວດ ແລະ ປະຊາຊົນຊັ້ນຄົນຕ່າງໆ ໄດ້ຮັບຮູ້ ແລະ ເຂົ້າໃຈຢ່າງກວ້າງຂວາງ-ທົ່ວເຖິງ ແລະ ເລິກເຊິ່ງ ທັງເປັນເຈົ້າການເຂົ້າຮ່ວມການສະກັດກັ້ນ ແລະ ຕ້ານການສໍ້ລາດບັງຫຼວງໃຫ້ແຂງແຮງກວ່າເກົ່າ, ສືບຕໍ່ຄົ້ນຄວ້າປັບປຸງ ແລະ ສ້າງນິຕິກໍາຕ່າງໆກ່ຽວກັບວຽກງານສະກັດກັ້ນ ແລະ ຕ້ານການສໍ້ລາດບັງຫຼວງໃຫ້ຮັດກຸມ ແລະ ຄົບຖ້ວນເທື່ອລະກ້າວ ເປັນຕົ້ນແມ່ນການກຳນົດເນື້ອໃນຂອງຍຸດທະສາດຕ້ານການສໍ້ລາດບັງຫຼວງ ແຕ່ປີ 2021-2025 ໃຫ້ມີເນື້ອໃນຄົບຖ້ວນ, ຈະແຈ້ງ ແລະ ຕິດຕາມການຜັນຂະຫຍາຍຈັດຕັ້ງປະຕິບັດໃນວຽກງານຕົວຈິງ, ເພີ່ມທະວີຄວາມຮັບຜິດຊອບຂອງບັນດາອົງການປົກປ້ອງກົດໝາຍແຕ່ລະຂັ້ນໃນການປະຕິບັດພາລະບົດບາດ, ...

ກະຊວງ​ຍຸຕິ​ທຳ​ເຊື່ອມຊຶມ​ ບັນດາ​ນິຕິ​ກຳ​ກ່ຽວ​ກັບ​ການ​ກໍ່ສ້າງ​ໜ່ວຍ​ພັກ​ປອດ​ໃສ​ເຂັ້ມແຂງ​ໜັກ​ແໜ້ນ ແລະ ການເລືອກ​ຕັ້ງ​ສະມາຊິກ​ສະພາແຫ່ງ​ຊາດ​ຊຸດ​ທີ IX ແລະ ສະພາ​ປະຊາຊົນ​ຂັ້ນ​ແຂວງ​ ຊຸດ​ທີ II ຂຶ້ນ​ໃນ​ເມື່ອບໍ່​ດົນ​ມານີ້ ​ທີ່​ກະຊວງດັ່ງກ່າວ ເຜີຍແຜ່​ເອກະສານ​ໂດຍ ທ່ານ ບຸນ​ທາ ຊົງ​ເຢີ​ທ່າວ ຮອງ​ເລຂາ​ຄະນະ​ພັກ ຫົວໜ້າ​ກົມ​ຈັດ​ຕັ້ງ​ພະນັກງານກະຊວງ ຊຶ່ງ​ມີ​ບັນດາ​ພະນັກງານ​ອ້ອມ​ຂ້າງ​ກະຊວງ​ ເຂົ້າ​ຮ່ວມ​ຮັບ​ຟັງ. ການ​ເຊື່ອມ​ຊຶມ​ຄັ້ງ​ນີ້​ ທ່ານ ບຸນ​ທາ ຊົງ​ເຢີ​ທ່າວ ໄດ້​ຍົກ​ໃຫ້​ເຫັນ​ມະຕິ​ວ່າ​ດ້ວຍການເພີ່ມທະວີການ​ຊີ້ນຳ​-​ນຳພາ​ຂອງຄະນະພັກ​ຕໍ່​ການເລືອກ​ຕັ້ງສະມາຊິກ​ສະພາ​ແຫ່ງ​ຊາດ ​ຊຸດ​ທີ IX ແລະ ສະມາຊິກ​ສະພາປະຊາຊົນຂັ້ນ​ແຂວງ​ ຊຸດ​ທີ II, ຄຳ​ແນະນຳ​ຂອງ​ຄະນະ​ປະຈຳຄະນະກຳມະການ​ເລືອ​ກ​ຕັ້ງ​ລະດັບ​ຊາດ​ກ່ຽວ​ກັບ​ການ​ປ່ອນ​ບັດ, ການນັບຄະແນນ​ສຽງ ແລະ ການປະກາດຜົນ​ຂອງ​ການ​ເລືອກຕັ້ງສະມາຊິກ​ສະພາ​ແຫ່ງ​ຊາດ ​ຊຸດ​ທີ IX ແລະ ສະມາຊິກ​ສະພາ​ປະຊາຊົນ​ຂັ້ນ​ແຂວງ​ ຊຸດ​ທີ II, ຄຳ​ແນະນຳ​ການ​ເລືອກຕັ້ງ​ລະດັບຊາດ ຂອງ​ຄະນະ​ກຳມະການ​ເລືອກ​ຕັ້ງ​ລະດັບ​ຊາດ​ກ່ຽວ​ກັບ​ການ​ກະກຽມ​ໂຄງ​ປະກອບ​ບຸກ​ຄະລາ​ກອນ, ຄຳ​ແນະນຳ​ຂອງ​ຄະນະ​ກຳມະການ​ເລືອກ​ຕັ້ງ​ລະດັບ​ຊາດ​ວ່າ​ດ້ວຍ​ການ​ໂຄສະນາ ແລະ ປຸກລະດົມ​ຂະບວນ​ການ ​ໃນບັ້ນເລືອກ​ຕັ້ງ, ຄຳ​ແນະນຳ​ ຂອງ​ຄະນະກຳມະການເລືອກຕັ້ງ​ລະດັບ​ຊາດ​ກ່ຽວ​ກັບ​ການໂຄສະນາ​ຫາ​ສຽງ​ໃຫ້​ຜູ້​ສະໝັກ​ເລືອກ​ຕັ້ງ​ເປັນ​ສະມາຊິກ​ສະພາ​ແຫ່ງ​ຊາດ​ ຊຸດ​ທີ IX ແລະ ສະມາຊິກ​ສະພາ​ປະຊາຊົນ​ຂັ້ນ​ແຂວງ​ຊຸດ​ທີ II ເພື່ອ​ສຶກສາ​ອົບຮົມໃຫ້ຜູ້ມີ​ສິດ​ເລືອກ​ຕັ້ງ​ຮັບ​ຮູ້ ແລະ ເຂົ້າໃຈ​ແຈ້ງ​ຕື່ມ​ກ່ຽວ​ກັບ​ທາດ​ແທ້​ຂອງ​ລະບອບ​ການເມືອງ ຊຶ່ງແມ່ນ​ລະບອບ​ປະຊາທິປະໄຕ​ ປະຊາຊົນ ມີ​ຄວາມ​ຮັບ​ຮູ້ ແລະ ...

ທ່ານ ພູຂົງ ບັນນາວົງ ຮອງເຈົ້າຄອງ ນະຄອນຫຼວງວຽງຈັນ, ຫົວໜ້າພະແນກແຜນການ ແລະ ການລົງທຶນ ໄດ້ລາຍງານຕໍ່ກອງປະຊຸມ ສະໄໝສາມັນ ເທື່ອທີ 10 ຂອງສະພາປະຊາຊົນ ນະຄອນຫຼວງວຽງຈັນ ຊຸດທີ I ໃນວັນທີ 28 ທັນວາ 2020 ກ່ຽວກັບສະພາບການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 5 ປີ ຄັ້ງທີ VIII 2016-2020, ສະພາບການຈັດຕັ້ງປະຕິບັດ ແຜນພັດທະນາເສດຖະກິດ- ສັງຄົມ ປະຈໍາປີ 2020 ແລະ ທິດທາງແຜນການປີ 2021 ວ່າ: ການຈັດຕັ້ງປະຕິບັດ ແຜນພັດທະນາເສດຖະກິດ-ສັງຄົມ 5 ປີ ຜ່ານມາຂອງນະຄອນຫຼວງວຽງຈັນ (ນວ) ໄດ້ດຳເນີນໄປໃນສະພາບທີ່ປະເທດເຮົາ ມີຄວາມຫຍຸ້ງຍາກ ແລະ ສິ່ງທ້າທາຍຫຼາຍຢ່າງ ເປັນຕົ້ນ: ດ້ານການເງິນ-ເງິນຕາ. ພ້ອມກັນນັ້ນ, ນວ ກໍໄດ້ຮັບຜົນກະທົບຈາກໄພພິບັດນໍ້າຖ້ວມ ແລະ ແຫ້ງແລ້ງຄືກັນກັບບັນດາແຂວງໃນຂອບເຂດທົ່ວປະເທດ. ແຕ່ເຖິງຢ່າງໃດກໍຕາມ, ອົງຄະນະພັກ-ອົງການປົກຄອງ ນວ ໄດ້ຕັ້ງໜ້າປະຕິບັດວຽກງານຕ່າງໆຕາມແຜນການ 5 ປີ ທີ່ວາງໄວ້ ...

ກອງປະຊຸມສະໄໝສາມັນເທື່ອທີ 10 ຂອງສະພາປະຊາຊົນແຂວງ ໄຊຍະບູລີ ຊຸດທີ I ໄດ້ໄຂຂຶ້ນໃນຕອນເຊົ້າຂອງວັນທີ 29 ທັນວາ 2020 ທີ່ຫ້ອງປະຊຸມໃຫຍ່ຂອງແຂວງ, ໂດຍການເປັນປະທານຂອງ ທ່ານ ປອ ສົມລິດ ເປືອກປະທານສະພາປະຊາຊົນແຂວງ, ເຂົ້າຮ່ວມເປັນກຽດມີ ທ່ານ ພົງສະຫວັນ ສິດທະວົງ, ກໍາມະການສູນກາງພັກ, ເລຂາພັກແຂວງ, ເຈົ້າແຂວງ ໄຊຍະບູລີ, ມີສະມາຊິກສະພາແຫ່ງຊາດປະຈໍາເຂດເລືອກຕັ້ງ, ສະມາຊິກສະພາປະຊາຊົນຂັ້ນແຂວງ, ການນໍາຂອງແຂວງ, ພະແນກການ, ອົງການທຽບເທົ່າ, ພະນັກງານບໍານານ ແລະ ບັນດາຫົວໜ່ວຍທຸລະກິດເຂົ້າຮ່ວມຢ່າງພ້ອມພຽງ. ກອງປະຊຸມດັ່ງກ່າວຈະໄດ້ດໍາເນີນໄປເປັນເວລາ 3 ວັນ ແລະ ຈະໄດ້ພ້ອມກັນຮັບຟັງບົດລາຍງານໂດຍສັງເຂບ ຂອງທ່ານເຈົ້າແຂວງ ກ່ຽວກັບການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ ແລະ ແຜນງົບປະມານແຫ່ງລັດຂອງແຂວງ ປະຈໍາປີ 2020 ແລະ ທິດທາງແຜນການປີ 2021, ຮັບຟັງການລາຍງານ ການຈັດຕັ້ງປະຕິບັດແຜນພັດທະນາເສດຖະກິດ-ສັງຄົມ 5 ປີ(216-2020) ແລະ ທິດທາງແຜນການ 5 ປີ(2021-2025), ຮັບຟັງການລາຍງານກ່ຽວກັບ ຜົນການກວດສອບ ບົດສະຫຼຸບຂາດຕົວການຈັດຕັ້ງປະຕິບັດແຜນງົບປະມານແຫ່ງລັດ, ການກວດກາຕາມຜົນການກວດສອບບົດສະຫຼຸບຂາດຕົວ, ການຈັດຕັ້ງແຜນປະຕິບັດແຜນການເຄື່ອນໄຫວວຽກງານປະຈໍາປີ 2020, ...

ຈີນ ຈະແຊງໜ້າສະຫະລັດໃຫ້ກາຍເປັນເສດຖະກິດທີ່ໃຫຍ່ທີ່ສຸດໃນໂລກໃນປີ 2028 ຕາມບົດລາຍງານສະບັບໃໝ່ ຜົນການດຳເນີນງານຂອງບັນດາປະເທດ ໃນການຫຼຸດຜົນກະທົບຂອງການແຜ່ລະບາດໂຄວິດ-19. ໝາຍຄວາມວ່າຂະນະນີ້ມີແນວໂນ້ມທີ່ວ່າຈີນຈະເໜືອກວ່າກວ່າຄູ່ແຂ່ງທາງຕາເວັນຕົກຂອງຕົນກ່ອນໜ້ານີ້ເມື່ອ 5 ປີກ່ອນ; ການວິໄຈຂອງສູນ CEBR (ສູນວິໄຈເສດຖະສາດ ແລະ ທຸລະກິດ). CEBR ກ່າວວ່າ: ຄາດວ່າຈີນຈະເຕີບໂຕຂຶ້ນ 2% ໃນປີ 2020 ເຮັດໃຫ້ເປັນເສດຖະກິດຫຼັກພຽງແຫ່ງດຽວທີ່ຂະຫຍາຍຕົວໄດ້ຈິງໃນປີນີ້, ໃນທາງກົງກັນຂ້າມສະຫະລັດຄາດວ່າຈະຫົດຕົວລົງ 5% ໃນຊ່ວງ 12 ເດືອນທີ່ຜ່ານມາ “ການແຜ່ລະບາດບໍ່ໄດ້ສົ່ງຜົນກະທົບຕໍ່ເສດຖະກິດທຸກປະເທດຢ່າງເທົ່າທຽມກັນ” “ໂດຍສະເພາະຢ່າງຍິ່ງຈີນ ກຳລັງຈະປະເຊີນກັບພາຍຸໄດ້ດີກວ່າເສດຖະກິດຕາເວັນຕົກ ແລະ ດ້ວຍເຫດນີ້ເຮົາຈຶ່ງເຫັນວ່າເສດຖະກິດຈີນແຊງໜ້າອາເມລິກາໃນປີ 2028 ຊຶ່ງໄວກວ່າທີ່ພວກເຮົາເຄີຍຄາດການໄວ້ຊ່ວງປີ 2033 ເມື່ອທຽບກັບຜົນວິໄຈປີກາຍນີ້” ຕອນນີ້ທິດຕາເວັນຕົກຕ້ອງເບິ່ງໄປທາງທິດຕາເວັນອອກ “ຄວາມສຳເລັດຂອງເສດຖະກິດໃນອາຊີ ໃນການຈັດການຜົນທີ່ຕາມາຈາກການລະບາດຂອງ ໂຄວິດ-19 ຊີ້ໃຫ້ເຫັນວ່າເສດຖະກິດຕາເວັນຕົກຄວນມີສະຖານະເປັນ insular ນ້ອຍລົງ ແລະ ຄວນໃຫ້ຄວາມສຳຄັນກັບສິ່ງທີ່ເກີດຂຶ້ນໃນຕາເວັນອອກ” “ໂດຍທົ່ວໄປແລ້ວເຮົາປຽບທຽບຕົວເອງກັບເສດຖະກິດຕາເວັນຕົກອື່ນ ແລະ ເສຍໂອກາດສິ່ງທີ່ມັກຈະເປັນແນວທາງປະຕິບັດທີ່ດີທີ່ສຸດໂດຍສະເພາະຢ່າງຍິ່ງໃນປະເທດທີ່ເຕີບໂຕຢ່າງວ່ອງໄວໃນອາຊີ”

ປັດຈຸບັນທົ່ວປະເທດ ມີໂຮງງານອຸດສາຫະກຳ ແລະ ຫັດຖະກໍາ 8.475 ແຫ່ງ ສ້າງວຽກເຮັດງານທໍາ 161.584 ຄົນ; ສຳລັບທິດທາງແຜນການປີ 2021 ແມ່ນສືບຕໍ່ຫັນກາລະໂອກາດທີ່ໄດ້ຮັບສິດທິພິເສດດ້ານການຄ້າ ເພື່ອດຶງດູດການລົງທຶນໃນອຸດສາຫະກໍາແຜ່ນແພ, ເຄື່ອງນຸ່ງຫົ່ມ ແລະ ເກີບ ພ້ອມທັງຊອກຫາຕະຫຼາດໃໝ່, ເຮັດໃຫ້ມູນຄ່າຜະລິດຕະພັນອຸດສາຫະກຳປຸງແຕ່ງເພີ່ມຂຶ້ນ ລະຫວ່າງ 8-10% ຕໍ່ປີ, ທ່ານ ປອ ບົວວັນ ວິລະວົງ ຫົວໜ້າກົມອຸດສາຫະກຳ ແລະ ຫັດຖະກໍາ ກະຊວງອຸດສາຫະກໍາ ແລະ ການຄ້າ ໃຫ້ສຳພາດ ວ່າ: ຂະແໜງອຸດສາຫະກຳ ແລະ ຫັດຖະກໍາປະກອບສ່ວນສໍາຄັນໃນການພັດທະນາເສດຖະກິດຂອງປະເທດ. ສະເພາະ ໃນໄລຍະປີ 2016-2020 ມູນຄ່າການຜະລິດອຸດສາຫະກຳປຸງແຕ່ງຂະຫຍາຍໂຕສະເລ່ຍຕໍ່ປີ 9,22% (ແຜນການ 12%). ໃນນີ້ ອຸດສາຫະກຳປຸງແຕ່ງທີ່ມີການຂະຫຍາຍໂຕແຮງ ປະກອບມີ: ໝວດຜະລິດເຈ້ຍ ແລະ ຜະລິດຕະພັນເຈ້ຍ ສະເລ່ຍຕໍ່ປີ 42,38%; ໝວດການຜະລິດເຄື່ອງຄອມພີວເຕີ, ເຄື່ອງເອເລັກໂຕຼນິກ ແລະ ຜະລິດຕະພັນກ່ຽວກັບຮູບພາບແສງສີສຽງ ສະເລ່ຍຕໍ່ປີ 26,04%; ໝວດການຜະລິດເຄື່ອງນຸ່ງຫົ່ມ ສະເລ່ຍຕໍ່ປີ 25,31%; ...

ຮຸ້ນຂອງ Alibaba Group Holding Ltd ທີ່ຈົດທະບຽນໃນຮົງກົງ ຫຼຸດລົງໃນວັນທີ 27 ທັນວາ 2020 ກວ່າ 7% ເປັນ 212.20 ໂດລາຮົງກົງ ( 27,37 ໂດລາສະຫະລັດ) ຫຼັງຈາກບໍລິສັດ ໄດ້ເພີ່ມໂຄງການຊື້ຮຸ້ນຄືນເປັນ 10.000 ລ້ານໂດລາ ຈາກ 6.000 ລ້ານໂດລາ. “ໂຄງການຊື້ຮຸ້ນຄືນນີ້ຈະມີຜົນເປັນໄລຍະເວລາ 2 ປີ ຈົນເຖິງ ໝົດປີ 2022” Alibaba ກ່າວໃນຖະແຫຼງການ bwnews.pr/38IF0r7 ໃນວັນທີ 26 ທັນວາ ທີ່ຜ່ານມາ. ໜ່ວຍງານກວດສອບຕະຫຼາດຂອງຈີນ ເປີດຕົວການສອບສວນການຕໍ່ຕ້ານການຜູກຂາດໃນອາລີບາບາ ເມື່ອອາທິດທີ່ຜ່ານມາ ຊຶ່ງເປັນສ່ວນໜຶ່ງຂອງການເລັ່ງປາບປາມພຶດຕິກຳຕໍ່ຕ້ານການແຂ່ງຂັນໃນພື້ນທີ່ອິນເຕີເນັດທີ່ເຟື້ອງຟູຂອງຈີນ ໜ່ວຍງານກວດສອບທາງການເງິນໃນວັນທີ 26 ນີ້ ຍັງຮຽກຮ້ອງໃຫ້ Ant Group Co ຊຶ່ງເປັນບໍລິສັດ ໃນເຄືອຂອງ ອາລີບາບາ ແກ້ໄຂການລະເມີດກົດລະບຽບທາງການເງິນ ຫຼັງຈາກໜ່ວຍງານກວດສອບຂອງຈີນ ລະງັບການສະເໜີຂາຍ blockbuster ຂອງ Ant ຢ່າງກະທັນຫັນ 37 ...