News

ສຳນັກຂ່າວຕ່າງປະເທດລາຍງານ ເມື່ອວັນທີ່ 10 ພຶດສະພາ 2020 ວ່າ ສູນຕອບໂຕ້ເຊື້ອໄວຣັດໂຄ-19 ຂອງຣັດເຊຍ ອອກລາຍງານເມື່ອວັນອາທິດ ກ່ຽວກັບສະຖານະການພະຍາດໂຄວິດ-19 ໃນປະເທດວ່າມີການຢືນຢັນຜູ້ຕິດເຊື້ອລາຍໃຫ່ມອີກ 11,012 ຄົນ ເພີ່ມສະຖິຕິຜູ້ປ່ວຍສະສົມເປັນຢ່າງນ້ອຍ 209,688 ຄົນ ທັງນີ້ ຣັດເຊຍລາຍງານການພົບຜູ້ຕິດພະຍາດໂຄວິດ-19 ເພີ່ມຂື້ນຫລາຍກວ່າວັນລະ 10,000 ຄົນ ຕັ້ງແຕ່ວັນທີ່ 3 ພຶດສະພາທີ່ຜ່ານມາ ຂະນະທີ່ຈຳນວນຜູ້ໄດ້ຮັບການປິ່ນປົວຫາຍດີສະສົມເພີ່ມເປັນຢ່າງນ້ອຍ 34,306 ຄົນ ດ້ານຈຳນວນຜູ້ເສຍຊີວິດເພີ່ມເປັນຢ່າງນ້ອຍ 1,915 ຄົນ ເພີ່ມຂື້ນ 88 ຄົນ ທັງນີ້ ພື້ນທີ່ວິກິດທີ່ສຸດຂອງໂລກໂຄວິດ-19 ໃນຣັດເຊຍ ຄືນະຄອນມອສໂກ ມີຜູ້ປ່ວຍສະສົມຢ່າງນ້ອຍ 104,189 ຄົນ ຮັກສາຫາຍຢ່າງນ້ອຍ 12,779 ຄົນ ແຕ່ເສຍຊີວິດແລ້ວ 1,010 ຄົນ ທັງນີ້ ທ່ານເຊີຣເກ ຊອບຍານິນ ນາຍົກນະຄອນມອສໂກ ກ່າວວ່າ ການຂະຫຍາຍໄລຍະເວລາມາດຕະການລ໊ອກດາວໃນເມືອງຫຼວງຂອງຣັດເຊຍ ຊື່ງມີຜົນຕັ້ງແຕ່ວັນທີ່ 30 ມີນາ ທີ່ຜ່ານມາ ໃຫ້ຄອບຄຸມຕໍ່ໄປເຖິງວັນທີ 31 ພຶດສະພານີ້ ຢ່າງໃດກໍຕາມໂຮງງານອຸດສະຫະກຳຂະຫນາດໃຫ່ຍ ...

ມູນຄ່າການນໍາເຂົ້າ ແລະ ສົ່ງອອກ ຂອງ ສປປ ລາວ ປະຈໍາເດືອນ 4 ບັນລຸໄດ້ປະມານ 529 ລ້ານໂດລາສະຫະລັດ. ໃນນັ້ນ, ມູນຄ່າການສົ່ງອອກ ມີປະມານ 208 ລ້ານໂດລາສະຫະລັດ, ມູນຄ່າການນໍາເຂົ້າ ມີປະມານ 320 ລ້ານໂດລາສະຫະລັດ ແລະ ຂາດດຸນການຄ້າປະມານ 112 ລ້ານໂດລາສະຫາລັດ.      ໝວດສິນຄ້າສົ່ງອອກຫຼັກ ສິນຄ້າສົ່ງອອກຫຼັກ ສະເລ່ຍທັງໝົດແມ່ນເປັນເງິນປະມານ 208 ລ້ານໂດລາສະຫະລັດ ເຊັ່ນ: ເຍື່ອໄມ້ ແລະ ເສດເຈ້ຍ 26 ລ້ານໂດລາສະຫະລັດ, ໝາກກ້ວຍ 21 ລ້ານໂດລາສະຫະລັດ, ທອງແດງ ແລະ ເຄື່ອງທີ່ເຮັດດ້ວຍທອງແດງ 21 ລ້ານໂດລາສະຫະລັດ, ຄຳປະສົມ, ຄຳແທ່ງ 12 ລ້ານໂດລາສະຫະລັດ, ມັນຕົ້ນ 11 ລ້ານໂດລາສະຫະລັດ, ໝາກໄມ້ (ໝາກໂມ, ໝາກນອດ, ໝາກ​ຂາມ…) 10 ລ້ານໂດລາສະຫະລັດ, ກາເຟ (ບໍ່ທັນໄດ້ປຸງແຕ່ງ) ...

ທ່ານ ກຽງໄຊ ບຸນໂພອະພິຊາດ ປະທານເຈົ້າໜ້າທີ່ຝ່າຍການເງິນ ບໍລິສັດ ຊີພີ ອໍ ຈໍາກັດ ມະຫາຊົນ ຫຼື CP All ແຈ້ງຕະຫຼາດຫຼັກຊັບວ່າ CP All (Cambodia) ,Ltd. ເຊິ່ງເປັນບໍລິສັດຍ່ອຍ ໄດ້ເຮັດສັນຍາແຟຣນຊາຍຫຼັກສໍາລັບດຳເນີນການຮ້ານ 7-Eleven ໃນປະເທດກໍາປູເຈຍກັບ 7-Eleven,Inc. ເປັນທີ່ຮຽບຮ້ອຍແລ້ວ. ໂດຍ CP All (Cambodia) Co.,Ltd. ໄດ້ຮັບສິດແຟຣນຊາຍໃນການຈັດຕັ້ງ ແລະ ດຳເນີນການຮ້ານ 7Eleven ໃນປະເທດກຳປູເຈຍເປັນເວລາ 30 ປີ ແລະ ຄູ່ສັນຍາອາດຕົກລົງຕໍ່ອາຍຸສັນຍາໄດ້ອີກ 2 ຄັ້ງ ຄັ້ງລະ 20 ປີ. ນອກຈາກນີ້ CP All ຍັງຢູ່ລະຫວ່າງຂໍໃບອະນຸຍາດເປີດແຟຣນຊາຍຮ້ານ 7-Eleven ໃນ ສປປ.ລາວ ເພີ່ມອີກ 1 ປະເທດ ແລະ ຫາກ CP All ໄດຮັບອະນຸຍາດ ຈະເຮັດໃຫ້ ສປປ.ລາວ ກາຍເປັນປະເທດທີ ...

ຈີນເລີ່ມທົດລອງໃຊ້ເງິນດິຈິຕ໋ອລຢວນ ທີ່ພັດທະນາຂຶ້ນເອງ ແລະ ນັບເປັນປະເທດທໍາອິດທີ່ໃຊ້ເງິນສະກຸນດິຈິຕ໋ອລໃນລະບົບການເງິນໃນຕົວຈິງ ດ້ານຂະໜາດເສດຖະກິດ, ການຄ້າ, ການລົງທຶນ, ເຕັກໂນໂລຍີ, ການທະຫານ, ການເມືອງ ຈີນໄດ້ຍົກສູງບົດບາດຂອງຕົນທຽບທັນອາເມລິການແລ້ວ, ບາງດ້ານກໍພັດທະນາກວ່າ ແລະ  ບາງດ້ານກໍຫຼຸດລື່ນກັນໜ້ອຍໜຶ່ງ.  ແຕ່ວ່າ ດ້ານສະກຸນເງິນນັ້ນ,  ເງິນຢວນແມ່ນ ກວມບໍ່ຮອດ 2% ຂອງການຊໍາລະສະສາງຕ່າງໆໃນໂລກ.  ສະນັ້ນ, ເງິນດີຈິຕ໋ອລຂອງ ສປ ຈີນ ທີ່ກຳລັງພັດທະນານີ້ ຈຶ່ງເປັນໄມ້ຕາຍທີ່ຈີນຕ້ອງນໍາມາໃຊ້ ເພື່ອສູ້ຕໍ່ກອນກັບເງິນໂດລາ. ທາງອາເມລິກາເອງກໍຢາກສ້າງ ລີບຣາ ມາຕໍ່ກອນເຊັ່ນກັນ… ສົງຄາມເສດຖະກິດໃນຍຸກໃໝ່ແມ່ນການແຂ່ງຂັນດ້ານການພັດທະນາເຕັກໂນໂລຍີ ການນຳໃຊ້ສະກຸນສຳລັບຊຳລະສະສາງໃນໂລກແມ່ນ  USD 42.22% , Euro 31.69%,  Pond 6.96%,  Yen 3.46%,  RMB 1.94% (ສະຖິຕິໃນປີ 2019 ອ້າງອີງຈາກ Swift) ສຳນັກຂ່າວ Chaina Daily  ລາຍງານວ່າຈີນເລີ່ມທົດລອງໃຊ້ເງິນດີຈີຕ໋ອລຢວນທີ່ພັດທະນາຂຶ້ນເອງກັບລະບົບການເງິນແທ້ໃນຕົວຈິງ ນັບວ່າເປັນປະເທດທຳອິດທີ່ເລີ່ມທົດລອງໃຊ້ໂດຍມີຈຸດປະສົງເພື່ອເປັນທາງເລືອກ ໃຫ້ແກ່ນັກລົງທຶນ ແລະ ນັກທຸລະກິດ ນອກຈາກການໃຊ້ເງິນໂດລາ ທີ່ເປັນສະກຸນເງິນຫຼັກຂອງໂລກ. ເງິນດິຈິຕ໋ອລຢວນ ໄດ້ ຖືກນຳໄປທົດລອງໃຊ້ຢ່າງເປັນທາງການໃນລະບົບການເງິນຂອງ4 ເມືອງຂອງຈີນແລ້ວ ຄື: ເຊິນເຈິ້ນ, ...

ໃນໄລຍະການລະບາດຂອງໄວຣັສ ໂຄວິດ-19 ທີ່ຍັງລະບາດ ແລະ ມີຄວາມຈໍາເປັນຕ້ອງມີມາດຕະການເຝົ້າລະວັງຢ່າງໃກ້ສິດ ເພື່ອປ້ອງກັນບໍ່ໃຫ້ເຊື້ອໄວຣັດດັ່ງກ່າວ ຕິດມານໍາຍານພາຫະນະ, ສິນຄ້າ ແລະ ຄົນຂັບລົດ ມາແຜ່ລະບາດໃນ ສປປ ລາວ ແຕ່ມາດຕະການປ້ອງກັນ ແລະ ເຝົ້າລະວັງ ເຫັນວ່າມີຜົນກະທົບຕໍ່ກັບການຂົນສົ່ງສິນຄ້າ ລະຫວ່າງປະເທດ ເຮັດໃຫ້ສິນຄ້າ ຫຼື ພາຫະນະຂົນສົ່ງສິນຄ້າຄ້າງຫຼາຍຄືນຢູ່ບາງດ່ານສາກົນ ເນື່ອງຈາກຄວາມຈໍາເປັນຕ້ອງປະຕິບັດຂັ້ນຕອນຕ້ານການລະບາດຂອງໄວຣັສ ໂຄວິດ-19. ເພື່ອແກ້ໄຂບັນຫາຈຸດນີ້, ທາງກະຊວງ ໂຍທາທິການ ແລະ ຂົນສົ່ງ ຈຶ່ງໄດ້ອອກມາດຕະການ ແລະ ຂັ້ນຕອນໃນການກວດປ່ອຍສິນຄ້າໃຫ້ໄວຂຶ້ນກວ່າເກົ່າ ແນ່ໃສ່ຫຼຸດຜ່ອນຄວາມແອອັດຂອງພາຫະນະ ແລະ ສິນຄ້າທີ່ຄ້າງຢູ່ດ່ານ ຫຼື ຖ້າສິນຄ້າຄ້າງຫຼາຍວັນ ອາດເຮັດໃຫ້ສິນຄ້າປະເພດກະສິກໍາ ມີຄວາມເສຍຫາຍໄດ້. ອີງຕາມແຈ້ງການ ເລກທີ 00283/ຍທຂ ລົງວັນທີ 24 ເມສາ 2020 ໄດ້ແນະນໍາຂັ້ນຕອນການຂົນສົ່ງສິນຄ້າ ເຂົ້າ-ອອກ ລະຫວ່າງປະເທດ ໃຫ້ເຈົ້າໜ້າທີ່ດ່ານ ແລະ ບັນດາບໍລິສັດຂົນສົ່ງຮັບຮູ້ ແລະ ເອົາໃຈໃສ່ປະຕິບັດຢ່າງເຂັ່ມງວດ ດັ່ງນີ້:      1. ການຂົນສົ່ງສິນຄ້າຂາເຂົ້າ ຄົນຂັບລົດຕ່າງປະເທດທີ່ຈະຂົນສິນຄ້າເຂົ້າ ສປປ ລາວ ທີ່ສາມາດຄ່ຽນຖ່າຍຢູ່ຈຸດສະເພາະນັ້ນ ...

ທີມນັກວິໄຈ 2 ກຸ່ມ ຄືປະເທດເນເທີແລນ ແລະ ປະເທດ ອິດສະລາເອວ ອ້າງພວກເຂົາຄົ້ນພົບສານພູມຕ້ານທານ ທີ່ປ້ອງກັນການຕິດເຊື້ອໄວຣັດໂຄວິດ-19 ສຳເລັດ ເຊິ່ງເປັນບາດກ້າວສຳຄັນໃນການພັດທະນາວິທີຮັກສາພະຍາດເຊື້ອໄວຣັດໂຄວິດ-19 ສຳນັກຂ່າວ  the guardian  ລາຍງານວ່າ ທີມນັກວິທະຍາສາດເນເທີແລນ ລະບຸວ່າ ພວກເຂົາຄົ້ນພົບສານພູມຕ້ານທານ ຫຼື ແອນຕິ້ບໍດີ້ (antibody) ທີ່ສາມາດຢຸດຢັ້ງບໍ່ໃຫ້ໄວຣັດໂຄວິດ-19  ຕິດຕໍ່ກັບເຊວໄດ້ໃນການທົດລອງໃນຫ້ອງແລັບ.  ສ່ວນ ກະຊວງປ້ອງກັນຊາດຂອງປະເທດອິດສະລະເອວ ປະກາດວ່າ : ສູນວິໄຈຂອງລັດ ແມ່ນໄດ້ສານພູມຕ້ານທານທີ່ສາມາດຕໍ່ຕ້ານໄວຣັດໂຄວິດໃນຮ່າງກາຍໄດ້. ຜົນການວິໄຈຂອງເນເທີແລນ ຖືກເຜີຍແຜ່ໃນວາລະສານ ‘Nature Communications’ ໃນວັນຈັນ ທີ 4 ພຶດສະພາ ທີ່ຜ່ານມາວ່າ ທີມນັກວິໄຈຈາກມະຫາວິທະຍາໄລ ອູເທຣຕ໌ ແລະ ສູນການແພດ ເອຮາສມັນ ໃນເມືອງຮອຕເທີດາມ ສີດແທ່ງໂປຣຕີນ ທີ່ຍື່ນອອກມາຈາກເຍື່ອຫຸ້ມຂອງໄວຣັດໂຄວິ-19 ສາຍພັນຕ່າງໆ ລວມທັງຕົວທີ່ກໍໃຫ້ເກີດພະຍາດ  SARS ແລະ MERS ເພື່ອຍືດເກາະກັບເຊວ ເຂົ້າໄປໃນໂຕໜູທົດລອງເພື່ອໃຫ້ຕິດຕໍ່ກັບເຊວ ຂະບວນການດັ່ງກ່າວເປັນການສ້າງພູມຕ້ານທານ ເຮັດໃຫ້ເຊວສາມາດຜະລິດສານພູມຕ້ານທານອອກມາຕໍຕ້ານໄວຣັດ ເຊິ່ງນັກວິໄຈໄດ້ນຳເອົາມາເຮັດໃຫ້ບໍລິສຸດແລ້ວນຳໄປໃຊ້ຕ້ານໄວຣັດໂຄວິດ-19 ແລະ ໄວຣັດພະຍາດ ຊາສ໌ ແລະ ພົບແອນຕີ້ບໍດີ້ຊື່ວ່າ‘47D11’  ສາມາດຢຸດຢັ້ງໄວຣັດທັງ 2 ສາຍພັນ ບໍ່ໃຫ້ແທ່ງໂປຣຕີນຍືດເກາະກັບເຊວໄດ້. ...

ກົມອຸຕຸນິຍົມ ແລະ ອຸທົກກະສາດ ໄດ້ແຈ້ງເຕືອນວ່າ: ໄລຍະກາງ ຫາ ທ້າຍເດືອນ 7 ຝົນອາດຂາດຊ່ວງຢູ່ບາງທ້ອງຖິ່ນ ແລະ ຈະເຮັດໃຫ້ເກີດມີການຂາດແຄນນ້ຳປັກດຳເຂົ້ານາປີ ກົມອຸຕຸນິຍົມ ແລະ ອຸທົກກະສາດ ຄາດຄະເນສະພາບອາກາດ 3 ເດືອນຕໍ່ໜ້າຄື: ເດືອນ 5 ເດືອນ 6 ແລະ ເດືອນ 7 ປີ 2020 ວ່າ: ຍັງຈະມີອາກາດຮ້ອນເອົ້າຢູ່ຕື່ມອີກ ຊຶ່ງຈະເກີດມີພາຍຸລະດູຮ້ອນ ໃນລັກສະນະຝົນຕົກ, ຟ້າຮ້ອງຟ້າເຫຼື້ອມ, ຟ້າຜ່າ, ໝາກເຫັບຕົກ ແລະ ລົມພັດແຮງຢູ່ບາງທ້ອງຖິ່ນ ຊຶ່ງຈະເຮັດໃຫ້ມີຕົນໄມ້ໃຫຍ່ ແລະ ເສົາໄຟຟ້າຫັກລົ້ມ, ເຮືອນຕຶກອາຄານເປ່ເພ. ໄລຍະເດືອນ 6 ສະພາບຝົນຈະຕົກຕໍ່ເນື່ອງຕິດຕໍ່ກັນຫຼາຍວັນ ຊຶ່ງຈະເຮັດໃຫ້ເກີດມີດິນເຈື່ອນ ແລະ ນ້ຳຖ້ວມຊຸຢູ່ບາງທ້ອງຖິ່ນແຂວງພາກເໜືອ ແລະ ພາກກາງ. ໄລຍະກາງ ຫາ ທ້າຍເດືອນ 7 ສະພາບຝົນຈະຫຼຸດລົງ ແລະ ມີບາງທ້ອງຖິ່ນຈະມີຝົນຕົກໜ້ອຍ ຫຼື ມີຝົນຂາດຊ່ວງ ຊຶ່ງຈະເຮັດໃຫ້ເກີດມີການຂາດແຄນນ້ຳເພື່ອການກະສິກຳ ໂດຍສະເພາະຂາດແຄ້ນນ້ຳໃນການປັກດຳເຂົ້ານາປີ

ເຖິງວ່າ ສປປ ລາວ ເຮົາຈະບໍ່ພົບຜູ້ຕິດເຊື້ອໂຄວິດ-19 ລາຍໃຫມ່ ເປັນ 24 ມື້ ແລ້ວກໍຕາມ  ແລະ ລັດຖະບານກໍໄດ້ປົດລ໋ອກດາວ ສາມາດເດີນທາງພາຍໃນນະຄອນຫຼວງ ແລະ ພາຍໃນແຂວງແລ້ວ ແຕ່ປະເທດລາວເຮົາກໍຍັງມີໂອກາດ ແລະ ມີຄວາມສ່ຽງ ທີ່ອາດຈະກັບມາຕິດເຊື້ອໄດ້ໃຫມ່ອີກຄັ້ງ ຖ້າເຮົາທຸກຄົນ ຍັງຖືເບົາ  ບໍ່ປ້ອງກັນຕົນເອງ ແລະ ລ້າເລີງໃຈ ນັ່ງກິນເບຍຊຸມເຊວ ອອກບ້ານອອກເຮືອນ ໂດຍບໍ່ປ້ອງກັນຕົນເອງ ບໍ່ໃສ່ຜ້າປິດປາກ, ບໍ່ພົກພາເຈວລ້າງມືແອວກໍຮໍ  ແລະ ເຖິງວ່າ ລັດຖະບານຈະມີມາດຕາະການຕ່າງໆ ຄວບຄຸມກໍຕາມ ແຕ່ຖ້າເຮົາທຸກຄົນບໍ່ຮ່ວມມືປະຕິບັດກໍອາດບໍ່ສາມາດຄວບຄຸມສະຖານະການໄດ້. ເມື່ອທ່ານຖືເບົາ ພາບເລົ່ານີ້ອາດຈະເກີດຂຶ້ນກັບປະເທດເຮົາໄດ້ ທ່ານຮູ້ບໍ່ວ່າ ຄົນທັງໂລກກຳລັງຕາຍໄປເລື້ອຍໆຫຼາຍຈົນບໍ່ມີໂລງໃຫ້ໃສ່ ແລະ ຝັງ ພໍພຽງແຕ່ສົບໃສ່ຖົງໄວ້ ແລະ ບໍ່ສາມາດຈູດໄດ້ເພາະ ໂຮງເຜົາສົບ ຈົນຈູບບໍ່ທັນ ຫວັງວ່າປະເທດລາວເຮົາຈະບໍ່ເປັນແບບນີ້ ເຮົາເປັນປະເທດດ້ອຍພັດທະນາ ແຕ່ຢ່າເຮັດໃຫ້ເສດຖະກິດຂອງປະເທດລາວເຮົາຕ້ອງເດືອດຮ້ອນຫຼາຍກວ່ານີ້ ສະນັ້ນ, ຢາກໃຫ້ທຸກຄົນຮ່ວມມືກັນ ເປັນເຈົ້າການນຳກັນໃນການປະຕິບັດ ແລະ ປ້ອງກັນຕົນເອງຢ່າງເຄັ່ງຄັດ.  ຖ້າບໍ່ຈຳເປັນຕ້ອງອອກໄປເຮັດວຽກນອກບ້ານ  ອົດທົນໄວ້ ແລ້ວເຮົາຈະຊະນະ ແລະ ຜ່ານພົ້ນວິກິດນີ້ໄປພ້ອມໆກັນ. ຮັກຄອບຄົວ ຮັກຊາດບໍ່ນຳພະຍາດເຂົ້າມາສູ່ຄອບຄົວ ບໍ່ໄປຊຸມເຊວ ບໍ່ອອກບ້ານໂດຍບໍ່ຈຳເປັນ ...

ເປັນທີ່ຮູ້ດີກັນແລ້ວວ່າ COVID-19 ຍັງບໍ່ມີຢາຮັກສາໂດຍກົງ ແຕ່ການຮັກສາຈະເປັນຕາມອາການ ແລະ ປະຄັບປະຄອງເພື່ອໃຫ້ຜູ້ປ່ວຍຟື້ນຟູລະບົບການຫາຍໃຈໄດ້ເອງ ນີ້ຈື່ງເຮັດໃຫ້ COVID-19  ກາຍເປັນພະຍາດຮ້າຍແຮງທີ່ມີໂອກາດຂ້າຊີວິດຜູ້ຄົນເປັນຈໍານວນຫຼາຍ ປັດຈຸບັນມີການພະຍາຍາມຄິດຄົ້ນຫາຢາຮັກສາພະຍາດເພື່ອຢຸດການແຜ່ລະບາດຂອງ COVID-19 ທີ່ມີ ຍັງຄົງມີແນວໂນ້ມການລະບາດສູງ ອີກແນວທາງທີ່ນ່າສົນໃຈຄືການສ້າງວັກຊິນ ແລະ “ຢາຮັກສາ (Treatment)” ເຊິ່ງບໍ່ແມ່ນຢາຮັກສາພະຍາດ Coronavirus ໂດຍປັດຈຸບັັນມີຫຼາຍບໍລິສັດຄິດຄົ້ນວັກຊິນ ແລະ ຢາຮັກສາ (Treatment) ເຫຼົ່ານີ້ສໍາລັບ ວັກຊິນ ຄືການນໍາເຊື້ອຢ່າງອອ່ອນໃສ່ເຂົ້າໄປໃນຮ່າງກາຍເພື່ອໃຫ້ພູມຄຸ້ມກັນຮ່າງກາຍ ຮູ້ຈັກ ແລະ ຮຽນຮູ້ວິທີການຈໍາກັດເຊື້ອເຫຼົ່ານີ້ ຫາກໃນອະນາຄົດເຊື້ອເຫຼົ່ານີ້ເຂົ້າສູ່ຮ່າງກາຍ ລະບົບຄຸ້ນກັນຈະເຮັດການຈໍາກັດໂດຍອັດຕະໂນມັດ ສ່ວນ“ຢາຮັກສາ ຕ້ອງທໍາຄວາມເຂົ້າໃຈກ່ອນວ່າບໍ່ມີຢາຮັກສາ ແຕ່ເປັນຢາທີ່ມີໜ້າທີ່ເຂົ້າໄປຢຸດຢັ້ງການແຜ່ກະຈາຍຊົ່ວຄາວ ຫຼື ເຮັດໃຫ້ການແບ່ງຕົວຂອງເຊື້ອໄວຣັສຊ້າລົງ ເພື່ອໃຫ້ໂອກາດກັບພູມຄຸ້ມກັນໃນຮ່່າງກາຍໄດ້ຮຽນຮູ້ ແລະ ຮູ້ຈັກເຊື້ອນັ້ນ ກ່ອນທີ່ພູມຄຸ້ມກັນໃນຮ່າງກາຍຈະເລີ່ມຈໍາກັດເຊື້ອເຫຼົ່ານັ້ນ ກ່ອນທີ່ພູມຄຸ້ນກັນໃນຮ່າງກາຍຈະເລີ່ມກຳຈັດເຊື້ອເຫຼົ່ານັ້ນໃຫ້ໝົດໄປ ເປັນໜື່ງຮູບແບບຂອງການຮັກສາໃນປັດຈຸບັນ ແຕ່ອາດຈະຕ້ອງໃຊ້ໄລຍະເວລານານກວ່າການໃຊ້ຢາຮັກສາໂລກທີ່ເນັ້ນເຂົ້າໄປກໍາຈຈັດເຊື້ອໂດຍກົງ ເຮົາມາເບິ່ງນໍາກັນວ່າ 17 ບໍລິສັດໃນປັດຈຸບັນທີ່ກຳລັງຜະລິດຢາຮັກສາ (Treatment) ແລະ ວັກຊີນໄປຮອດໃສກັນແລ້ວ ຊື່ບໍລິສັດ ຊື່ຢາ ປະເພດ ຂັ້ນຕອນການຜະລິດ 1 BioNTech SE และ Pfizer Inc. BNT162 ວັກຊີນ ຄັດເລືອກໂມເລກຸນ ແລະ ການອອກລິດ(Preclinical) 2 CytoDyn Inc. leronlimab ຢາຮັກສາ (Treatment) ສຶກສາໃນອາສາສະມັກທີ່ຕິດເຊື້ອໂລກຈໍານວນໜ້ອຍ (Phase ...

ກະຊວງອຸດສາຫະກໍາ ແລະ ການຄ້າ (ອຄ) ອອກແຈ້ງການຄໍາແນະນໍາ ສໍາລັບຕະຫຼາດສົດ, ສູນການຄ້າ, ຮ້ານສັບພະສິນຄ້າ, ຮ້ານສະດວກຊື້ (ໄຮເປີມາເກັດ, ຊຸບເປີເຊັນເຕີ, ຊຸບເປີມາເກັດ, ມິນິມາດ), ຮ້ານຄ້າຂາຍຍົກ-ຂາຍຍ່ອຍ, ຕົວແທນຈໍາຫນ່າຍ ແລະ ຮ້ານສ້ອມແປງລົດຍົນ ແລະ ລົດຈັກ (ຕາມລະຫັດ LSIC ພາກສ່ວນ 45-47) ໃນການປ້ອງກັນ, ຄວບຄຸມ ແລະແກ້ໄຂການລະບາດຂອງພະຍາດ ໂຄວິດ-19. ເພື່ອປະຕິບັດ ຄໍາແນະນໍາ ກ່ຽວກັບເງື່ອນໄຂ ແລະ ມາດຕະການ ສໍາລັບພາກທຸລະກິດ ທີ່ສາມາດ ດໍາເນີນກິດຈະການ ໃນໄລຍະທີ່ມີການລະບາດຂອງພະຍາດ ໂຄວິດ-19 ໃຫ້ມີປະສິດທິພາບ ແລະ ມີປະສິດທິຜົນ ພ້ອມທັງສອດຄ່ອງກັບ ສະພາບຄວາມເປັນຈິງ ທັງຮັບປະກັນການຈັດຕັ້ງປະຕິບັດມາດຕະການປ້ອງກັນການແຜ່ລະບາດຂອງພະຍາດໂຄວິດ-19. ກະຊວງອຸດສາຫະກໍາ ແລະ ການຄ້າ ອອກຄໍາແນະນໍາດັ່ງນີ້: ອະນຸຍາດໃຫ້ເປີດຕະຫຼາດສົດ, ສູນການຄ້າ, ຮ້ານສັບພະສິນຄ້າ, ຮ້ານສະດວກຊື້ (ໄຮເປີມາເກັດ, ຊຸບເປີເຊັນເຕີ້, ຊບເປີມາເກັດ, ມິລິມາກ), ຮ້ານຄ້າຂາຍຍົກ-ຂາຍຍ່ອຍ, ຕົວແທນຈໍາຫນ່າຍ ແລະ ຮ້ານສ້ອມແປງລົດຍົນ ແລະ ...