News

ຕະຫຼາດຂົວດິນ ຫຼື ຕະຫຼາດໜອງຈັນ ຢູ່ນະຄອນຫຼວງວຽງຈັນ ເປັນໜຶ່ງໃນຕະຫຼາດຕົວແບບຂອງປະເທດລາວ ທີ່ລິເລີ່ມຢຸດການນໍາໃຊ້ຖົງຢາງພລາສຕິກ ເພື່ອເປັນການຮັກສາສະພາບແວດລ້ອມ ໂດຍໃຫ້ແມ່ຄ້າ-ພໍ່ຄ້າຊາວຂາຍຫັນມາໃຊ້ຖົງເຈ້ຍແທນໃນການໃສ່ເຄື່ອງໃຫ້ຜູ້ຊື້ ແຕ່ກໍຍັງມີສິນຄ້າບາງປະເພດທີ່ຍັງອະນຸຍາດໃຫ້ໃຊ້ຢູ່. ມາດຕະການຢຸດໃຊ້ຖົງຖົງຢາງພລາສຕິກຢ່າງເດັດຂາດແມ່ນນັບແຕ່ວັນທີ 17 ພຶດສະພາ 2020 ທີ່ຜ່ານມາ ຫຼັງຈາກທີ່ມີການເລີ່ມທົດລອງມາແຕ່ວັນທີ 16 ມັງກອນ 2020. ທ່ານ ໄພທອງ ວົງລາຕີ ຄະນະປະສານງານຕະຫຼາຂົວດິນ ໄດ້ກ່າວໃນບໍ່ດົນມານີ້ວ່າ: ເຖິງແມ່ນວ່າຢູ່ໃນຕະຫຼາດຂົວດິນຈະມີມາດຕະການໃຫ້ພໍ່ຄ້າ-ແມ່ຄ້າຢຸດເຊົາການໃຊ້ຖົງຢາງພລາສຕິກ ແຕ່ກໍ່ຍັງມີສິນຄ້າບາງປະເພດທີ່ທາງຕະຫຼາດຍັງອະນຸຍາດໃຫ້ໃຊ້ ໂດຍສະເພາະສິນຄ້າປະເພດຊີ້ນ, ປາ, ອາຫານປະເພດປຽກຊຸ່ມ ຫຼື ອາຫານບາງຊະນິດຕ້ອງຫຸ້ມຫໍ່ດ້ວຍຖົງຢາງ, ສ່ວນວ່າສິນຄ້າທີ່ຕ້ອງຫ້າມນໍາໃຊ້ຖົງຢາງພລາສຕິກແມ່ນສິນຄ້າປະເພດເສື້ອຜ້າ, ເກີບ, ເຄື່ອງແຫ້ງ, ໝາກໄມ້, ຜັກ ແລະ ອື່ນໆ. ທ່ານ ໄພທອງ ໄດ້ກ່າວຕື່ມວ່າ: ຜູ້ທີ່ບໍ່ປະຕິບັດ ຫຼື ຝ່າຝືນມາດຕະການຢຸດໃຊ້ພລາສຕິກ ຊຶ່ງຄັ້ງທຳອິດທາງເຈົ້າໜ້າທີ່ຈະມີການກ່າວຕັກເຕືອນ ແລະ ພ້ອມເຮັດບົດບັນທຶກ, ຄັ້ງທີສອງແມ່ນຈະຖືກປັບໄໝ  ແລະ ຄັ້ງທີສາມ ແມ່ນຈະໃຊ້ລະບຽບຂັ້ນສູງສຸດຄືໃຫ້ຢຸດຕິການຂາຍ. ຂ່າວ: ວຽງຈັນທາຍ

ທາງດ່ວນວຽງຈັນ-ວັນວຽງ ມີຄວາມຍາວ 109,12 ກິໂລແມັດ, ມູນຄ່າລົງທຶນ 1,3 ຕື້ໂດລາ, ການອອກແບບແມ່ນອີງຕາມມາດຕະຖານເຕັກນິກທາງດ່ວນຂອງ ສປ ຈີນ, ມີ 4 ຊ່ອງຈະລາຈອນ, ອຸໂມງ 1 ແຫ່ງ ຍາວ 875 ແມັດ, ຂົວ 45 ແຫ່ງຄວາມຍາວ 2.408 ແມັດ, ຄວາມໄວອອກແບບເບື້ອງຕົ້ນ 100 ກິໂລແມັດຕໍ່ຊົ່ວໂມງ (ໃຊ້ເວລາເດີນທາງພຽງແຕ່ໜື່ງຊົ່ວໂມງເທົ່ານັ້ນ ເພາະວ່າໄລຍະເສັ້ນທາງມີພຽງ 109 km); ເສັ້ນທາງທີ່ວ່ານີ້ແມ່ນກຸ່ມບໍລິສັດກໍ່ສ້າງ-ລົງທຶນ ແລະຖືຮຸ້ນຈຳກັດ ແຂວງຢູນນານ ສປຈີນ ໄດ້ວ່າຈ້າງບໍລິສັດທີ່ປຶກສາສິ່ງແວດລ້ອມລາວຈຳກັດດຳເນີນການຈັດຕັ້ງປະຕິບັດວຽກງານຊົດເຊີຍສິ່ງກີດຂວາງໃຫ້ຜູ້ທີ່ຖືກຜົນກະທົບຕາມແລວກໍ່ສ້າງທາງດ່ວນຮ່ວມກັບອົງ ການປົກຄອງແຂວງວຽງຈັນ ແລະ ນະຄອນຫຼວງວຽງຈັນ.   ມາຮອດປັດຈຸບັນແມ່ນມີຄວາມຄືບໜ້າຫຼາຍຢ່າງ, ເປັນຕົ້ນໄດ້ລົງທາບທາມເອົາຫົວໜ່ວຍລາຄາຊົດເຊີຍສິ່ງກີດຂວາງຕາມແລວກໍ່ສ້າງທາງດ່ວນທີ່ຜ່ານແຕ່ລະບ້ານລວມທັງໝົດ 65 ບ້ານ, ມີ 4 ເມືອງ ໃນນັ້ນ ແຂວງວຽງຈັນ ກວມເອົາ 3 ເມືອງ 40 ບ້ານ ແລະ ນະຄອນຫຼວງວຽງຈັນ 01 ເມືອງ 25 ບ້ານ; ພ້ອມນີ້ຍັງໄດ້ຄົ້ນຄວ້າກ່ຽວກັບລາຄາຫົວໜ່ວຍຕາມການທາບທາມ ...

ເພື່ອເປັນການປ້ອງກັນ ແລະ ຄວບຄຸມ ການແຜ່ລະບາດຂອງເຊື້ອໄວຣັດໂຄວິດ-19 ໃນຂອບເຂດທົ່ວປະເທດລາວເຮົາ ໃນຕອນເຊົ້າຂອງວັນທີ 20 ພຶດສະພາ 2020  ບໍລິສັດ ປັນຍາທິບ ແພລນບີ ມີເດຍ ຈໍາກັດ ແມ່ນບໍລິສັດທີ່ໃຫ້ບໍລິການສື່ໂຄສະນານອກບ້ານ  ໄດ້ເຂົ້າມອບອຸປະກອນ ປ້ອງກັນຄວບຄຸມໂຄວິດ-19  ໃຫ້ກັບ ໂຮງໝໍສູນກາງ 103 ກອງທັບປະຊາຊົນລາວ  ຕາງໜ້າບໍລິສັດ ປັນຍາທິບ ແພລນບີ ມີເດຍ ຈໍາກັດ ມອບໂດຍ  ທ່ານ  ສີວຽງໄຊ ຈັນທະວົງ ຜູ້ຈັດການຝ່າຍພັດທະນາບໍລິສັດປັນຍາທິບແພລນບີ ມີເດຍລາວ ຈໍາກັດ ພ້ອມດ້ວຍຄະນະບໍລິຫານ,  ກ່າວຮັບໂດຍ ທ່ານ ພັນເອກ ດຣ. ສຸລິພັນ ເພັດຈັນທາລາ ຫົວໜ້າການທະຫານ ໂຮງໝໍສູນກາງ 103 ກອງທັບປະຊາຊົນລາວ ແລະ ເປັນທັງໜື່ງໃນຄະນະຮັບຜິດຊອບສະເພາະກິດກະຊວງສາທາລະນະສຸກ ໃນການຕອບໂຕ້ ແລະ ສະກັດກັ້ນໂຄວິດ-19.  ໂດຍເຄື່ອງທີ່ນຳໄປມອບໃນຄັ້ງນີ້ ປະກອບມີ: ເຈວລ້າງມື ແອວກໍຮໍຈໍານວນ 96 ຂວດ ແລະ ຖົງຂີ້ເຫຍື້ອ ທີີ່ຜະລິດຈາກຜ້າໄວນິວທີ່ເຫຼືອໃຊ້ ເພື່ອເປັນການຫຼຸດຈໍານວນຂີ້ເຫຍື້ອ ແລະ ...

ການລະບາດຂອງພະຍາດໄຂ້ຍຸງລາຍ ຍັງສືບຕໍ່ແຜ່ລະບາດໃນທົ່ວປະເທດ ແລະ ເສຍຊີວິດແລ້ວ 2 ຄົນ ຢູ່ ນະຄອນຫຼວງວຽງຈັນ ແລະ ແຂວງໄຊຍະບູລີ. ​ກົມ​ຄວບ​ຄຸມ­ພະ​ຍາດ ຕິດ­ຕໍ່ ກະ­ຊວງ​ສາ­ທາ­ລະ­ນະສຸກ ​ໄດ້​ລາຍ​ງານ​ໃຫ້​ຮູ້​ວ່າ: ນັບແຕ່ທ້າຍເດືອນທັນວາ 2019 ຫາ ວັນທີ 18 ພຶດສະພາ 2020, ທົ່ວ​ປະ­ເທດ​ ໄດ້ມີກໍລະມີ​ຄົນ​ເຈັບ​​ ຈາກພະຍາດ​ໄຂ້­ຍຸງ​ລາຍ 1,234 ກໍລະ­ນີ, ເສຍຊີວິດແລ້ວ 2 ຄົນ. ໃນ​ນັ້ນ ນະຄອນຫຼວງວຽງຈັນ ເປັນອັນດັບໜຶ່ງທີ່ມີຜູ້ຕິດເຊື້ອພະຍາດໄຂ້ຍຸງລາຍ 327 ກໍລະນີ ເສຍຊີວິດ 1 ຄົນ, ແຂວງ ອັດຕະປື 184 ກໍລະນີ, ວຽງຈັນ 169 ກໍລະນີ, ຄຳມ່ວນ 93 ກໍລະນີ, ບໍລິຄຳໄຊ 92 ກໍລະນີ, ສະຫວັນນະເຂດ 84 ກໍລະນີ, ສາລະວັນ 77 ກໍລະນີ, ໄຊຍະບູລີ 72 ກໍລະນີ ເສຍຊີວິດ 1 ຄົນ ແລະ ...

ເສດຖະກິດໄທໄດ້ຫຼຸດລົງໄວທີ່ສຸດໃນຮອບ 8 ປີ ໃນໄຕມາດທຳອິດ, ເຊິ່ງໄດ້ເຮັດໃຫ້ເສດຖະກິດໃຫຍ່ອັນດັບສອງຂອງອາຊີຕາເວັນອອກສ່ຽງໃຕ້ຕົກເຂົ້າສູ່ສະພາວະຖົດຖອຍໄວກວ່າຄາດໝາຍ ຍ້ອນການແຜ່ລະບາດຂອງພະຍາດໂຄວິດ-19 ທີ່ໄດ້ກະທົບຕໍ່ກັບຂະແໜງການທ່ອງທ່ຽວ ແລະ ການເຄື່ອນໄຫວທາງເສດຖະກິດດ້ານອື່ນໆ. ອົງການແຜນການຂອງລັດຖະບານໄດ້ລາຍງານຂໍ້ມູນແຕ່ເດືອນມັງກອນຫາເດືອນມີນາ, ໃນວັນຈັນຜ່ານມານີ້ວ່າ ໄດ້ຫຼຸດການຄາດຄະເນຂອງລວມຍອດຜະລິດຕະພັນພາຍໃນປີ 2020 (GDP) ລົງໃນລະດັບ ຕິດລົບ 5,0-6,0% ຈາກການເຕີບໂຕ 1,5% – ຄາດຄະເນ 2,5% ທີ່ໄດ້ຖືກຄາດຄະເນໃນເດືອນກຸມພາ. ນັ້ນແມ່ນການຫຼຸດລົງທີ່ຮ້າຍແຮງທີ່ສຸດນັບແຕ່ປີ 1998, ໃນວິກິດການ-ການເງິນຂອງອາຊີ. ເສດຖະກິດໄດ້ຫຼຸດລົງ 1,8% ໃນໄຕມາດທຳອິດຈາກປີທີ່ຜ່ານມາ, ເຊິ່ງເປັນການຫົດຕົວທີ່ເລິກທີ່ສຸດນັບຕັ້ງແຕ່ໄຕມາດທີ 4 ຂອງປີ 2011, ໃນເວລາເກີດໄພນໍ້າຖ້ວມຄັ້ງໃຫຍ່. ນີ້ແມ່ນດີກ່ວາການຫົດຕົວຂອງ 4,0% ໃນການສຳຫຼວດ Reuters ແລະ ທຽບກັບການເຕີບໂຕ 1,5% ໃນໄຕມາດສຸດທ້າຍຂອງປີ 2019  ທີ່ປັບຫຼຸດລົງ. ” ຜົນກະທົບຂອງການແຜ່ລະບາດໃນໄຕມາດທີ 2 ຈະຍິ່ງຫຼາຍກ່ວາໃນໄຕມາດທຳອິດຂອງປີນີ້” ທ່ານ ພະຊາສະພົດ ນຸກາມາດສ, ນັກເສດຖະສາດຂອງທະນາຄານກຸງໄທ, ຄາດຄະເນວ່າເສດຖະກິດຈະຫຼຸດລົງໃນລະດັບ 8,8% ໃນປີນີ້. ຜົນກະທົບຂອງການປົດລ໋ອກ, ໃນຂະນະທີ່ຜ່ອນຄາຍບາງຢ່າງ, ຈະສົ່ງຜົນກະທົບຕໍ່ການໃຊ້ຈ່າຍຂອງຄົວເຮືອນ ແລະ ການລົງທຶນຂອງເອກະຊົນໃນປີທີ່ເຫຼືອ. ...

ການພັດທະນາພື້ນຖານໂຄງລ່າງ ນ້ຳຕົກຕາດແຊພະ-ແຊ ປ້ອງໄລ ຈະສໍາເລັດພາຍໃນ 3 ປີ ນໍ້າຕົກຕາດເເຊພະ-ແຊປ້ອງໄລ ຢູ່ເມືອງສະໜາມໄຊ ແຂວງອັດຕະປື ທີ່ໄດ້ຮັບຜົນກະທົບຈາກສັນເຂື່ອນໄຟຟ້າເຊປຽນ-ເຊນໍ້ານ້ອຍແຕກ ໃນໄລຍະທີ່ຜ່ານມາທີ່ມີມູນຄ່າເສຍຫາຍຫຼາຍກວ່າ 30 ຕື້ກີບ ກໍາລັງໄດ້ຮັບການພັດທະນາ. ປັດຈຸບັນນີ້ ຜູ້ສໍາປະທານແຫຼ່ງທ່ອງທ່ຽວດັ່ງກ່າວກໍາລັງເລັ່ງພັດທະນາພື້ນຖານໂຄງລ່າງ ໂດຍສະເພາະການສ້າງຕາຂ່າຍໄຟຟ້າເຂົ້າຫາແຫຼ່ງທ່ອງທ່ຽວ, ເສັ້ນທາງເຂົ້າອອກ, ສ້າງອ່າງເກັບນໍ້າຂະໜາດໃຫ່ຍ, ສ້າງຮ້ານອາຫານ, ລີສອດ, ບ້ານພັກ, ສວນດອກໄມ້, ນໍ້າພຸ, ສວນໄມ້ໃຫ້ໜາກ, ສະຖານທີ່ຈອດລົດ ແລະ ອື່ນໆ ຊຶ່ງຈະມີການລົງທຶນເກືອບ 20 ຕື້ກີບ. ທ່ານ ວົງວິໄລ ໄຊຍະສອນ ຜູ້ສຳປະທານ ແຫຼ່ງທ່ອງທ່ຽວທາງທຳມະຊາດນ້ຳຕົກຕາດ ແຊພະ-ແຊປ້ອງໄລ ໄດ້ກ່າວໃນບໍ່ດົນມານີ້ວ່າ: ຫຼັງຈາກສະຖານທີ່ທ່ອງທ່ຽວດັ່ງກ່າວໄດ້ຮັບຜົນກະທົບຈາກສັນເຂື່ອນເຊປຽນ-ເຊນໍ້ານ້ອຍແຕກ ໃນປີ 2018 ຮອດທ້າຍເດືອນທັນວາ 2019 ແມ່ນໄດ້ມີການເລີ່ມການພັດທະນາ ແຫຼ່ງທ່ອງທ່ຽວດັ່ງກ່າວ, ຮອດປັດຈຸບັນສໍາເລັດແລ້ວຫຼາຍກວ່າ 10% ແລະ ຈະສໍາເລັດ 100% ພາຍໃນ 3 ປີ ຫຼື ປີ 2023 ເຖິງແມ່ນວ່າທຶນຮອນບໍ່ຫຼາຍແຕ່ຈໍາເປັນຕ້ອງໄດ້ເຮັດເພື່ອຮັກສາແຫຼ່ງທ່ອງທ່ຽວແຫ່ງນີ້ໄວ້ໃຫ້ເຊັ່ນລູກເຊັ່ນຫຼານ ແລະ ຈະພະຍາມາມເຮັດໃຫ້ມັນສວຍງາມກວ່າທີ່ຜ່ານມາເພື່ອເປັນໃບໜ້າໃບຕາຂອງແຂວງອັດຕະປື. ສິ່ງສໍາຄັນໃນການພັດທະນາແຫຼ່ງທ່ອງທ່ຽວແຫ່ງນີ້ຄືນໃໝ່ນີ້ແມ່ນການຟື້ນຟູປ່າທີ່ຢູ່ອ້ອມຮອບຕາດໃຫ້ກັບມາອຸດົມສົມບູນຄືທີ່ຜ່ານມາ ...

ລາຄານໍ້າມັນໃນຕະຫຼາດໂລກຫຼຸດລົງຫຼາຍ, ໃນປັດຈຸບັນ, ເກີດຈາກທັງບັນຫາອຸປະສົງ ແລະ ອຸປະທານພ້ອມໆກັນ ລວມເຖິງຄວາມບໍ່ແນ່ນອນກ່ຽວກັບອະນາຄົດ ແລະ ສົ່ງຜົນໃຫ້ເກີດຄວາມຜິດພາດໃນຕະຫຼາດການເງິນ ແຕ່ສິ່ງໃດຄືສາເຫດຂອງການລາຄາຖືກລົງຄັ້ງນີ້ ແລະ ແມ່ນຫຍັງຄືຜົນກະທົບເສດຖະກິດການສົ່ງອອກນໍ້າມັນ ແລະ ການນຳເຂົ້ານໍ້າມັນ? ເຮົາມາວິເຄາະນຳກັນ. ດ້ານອຸປະສົງ ຄວາມຕ້ອງການຂອງຕະຫຼາດພະລັງງານໂລກນໍ້າມັນແກ໊ສ໌ທໍາມະຊາດ ແລະ ຖ່ານຫີນ ຫຼຸດລົງເນື່ອງຈາກຜົນກະທົບຂອງ ໂຄວິດ-19 ແຜ່ກະຈາຍໄປທົ່ວໂລກຄວາມຕ້ອງການໃຊ້ນໍ້າມັນທີ່ຫຼຸດລົງນີ້ ມີຄວາມສຳຄັນ ເນື່ອງຈາກນໍ້າມັນສ່ວນໃຫຍ່ຈະຖືກໃຊ້ໃນຂະແໜງການທຸລະກິດຂົນສົ່ງ ແລະ ການເດີນທາງ, ການທ່ອງທ່ຽວທັງພາຍໃນ ແລະ ຕ່າງປະເທດ, ລວມເຖິງການລ໋ອກດາວ ແລະ ການກັກກັ້ນໃນຫຼາຍປະເທດ ເຮັດໃຫ້ການບໍລິໂພກພາຍໃນປະເທດທີ່ຫຼຸດລົງເປັນຈຳນວນຫຼວງຫຼາຍ ແລະ ການລົງທຶນໃຫມ່ທີ່ຫຼຸດລົງ  ແລະ ເສດຖະກິດຜ່ານການເຊື່ອມໂຍງການຄ້າ ແລະ ການຜະລິດທີ່ຢຸດສະງັກດ້ານອຸປະທານ ແລະ ການຄ້າ, ການຫັນຄ່າໃຊ້ຈ່າຍໄປຂະແໜງສາທາລະນະສຸກທີ່ມີີພຽງບາງຊ່ອງທາງໄດ້ສົ່ງຜົນກະທົບດ້ານອຸປະສົງໃນຕະຫຼາດນໍ້າມັນ. ຄວາມຕ້ອງການນໍ້າມັນທົ່ວໂລກຫຼຸດລົງເປັນຄັ້ງທຳອິດນັບຕັ້ງແຕ່ປີ 2009 ທີ່ພາວະເສດຖະກິດຫຼຸດລົງທົ່ວໂລກ, ຄວາມຕ້ອງການຄາດວ່າຈະຫຼຸດລົງ 9,3 ລ້ານບາເຣວຕໍ່ມື້ (mbd) ປີຕໍ່ປີ ໃນປີ 2020 ຕາມທີ່ສຳນັກງານພະລັງງານ ລະຫວ່າງປະເທດໃນໄຕມາດທີ 2 ປີ 2020 ຄາດວ່າຄວາມຕ້ອງການຈະຕໍ່າກວ່າລະດັບປີແລ້ວ 23,1 ລ້ານບາເຣວ ເຖິງແມ່ນວ່າຜົນກະທົບທີ່ແນ່ນອນຂອງການລະບາດຂອງໂຄວິດ-19 ...

ໃນວັນທີ 19 ພຶດສະພາ 2020 ລັດວິສາຫະກິດນໍ້າປະປານະຄອນຫຼວງ ແຈ້ງໃຫ້ຮູ້ວ່າ: ວິສາຫະກິດຂອງຕົນ ຈະຄິດໄລ່ຫຼຸດຄ່ານໍ້າປະປາລົງ 5% ຂອງມູນຄ່າການໃຊ້ນໍ້າຕົວຈິງ ໃຫ້ລູກຄ້າປະເພດ I (ຄົວເຮືອນທົ່ວໄປ), ຊຶ່ງຈະເລີ່ມປະຕິບັດນັບແຕ່ເດືອນພຶດສະພາ ຫາ ເດືອນກໍລະກົດ 2020 ເພື່ອຊ່ວຍຫຼຸດຜ່ອນຜົນກະທົບ ຈາກສະພາບການລະບາດຂອງພະຍາດອັກເສບປອດ ຈາກເຊື້ອຈຸລະໂລກສາຍພັນໃໝ່ COVID-19. ສ່ວນລູກຄ້າປະເພດ II (ສໍານັກງານອົງການພັກ-ລັດ) ແລະ ປະເພດ III (ຫົວໜ່ວຍທຸລະກິດ ແລະ ໂຮງຈັກ-ໂຮງງານຕ່າງໆ) ແມ່ນໃຫ້ຄິດໄລ່ຕາມປົກກະຕິໂດຍບໍ່ມີສ່ວນຫຼຸດໃດໆ. ຂ່າວ: ສຸພາສະຫວັນ ສີຊະນະມຸງຄຸນ. ທີ່ມາ: ຂ່າວສານປະເທດລາວ

ເນື່ອງຈາກ 3-4 ເດືອນຜ່ານມາໄດ້ມີການລະບາດຂອງເຊື້ອພະຍາດໂຄວິດ-19 ທັງພາຍໃນ ແລະ ຕ່າງປະເທດ ເຮັດໃຫ້ມີຜູ້ຕິດເຊື້ອທົ່ວໂລກແລ້ວຫຼາຍກວ່າ 4 ລ້ານຄົນ ດັ່ງນັ້ນຈຶ່ງເຮັດໃຫ້ຫຼາຍປະເທດໄດ້ລັອກດາວປະເທດຂອງຕົນ ໂດຍຄົນໃນບໍ່ໃຫ້ອອກ ຄົນນອກບໍ່ໃຫ້ເຂົ້າ ພ້ອມປິດໝົດທຸກການຄົມມະນາຄົມຂົນສົ່ງທັງທາງບົກ, ນໍ້າ ແລະ ອາກາດ. ດັ່ງນັ້ນຈຶ່ງເຮັດໃຫ້ມີຄົນຕ່າງປະເທດຕົກຄ້າງຢູ່ພາຍໃນປະເທດຂອງຕົນຈຳນວນຫຼາຍ ແລະ ປະເທດລາວເຮົາກໍເຊັ່ນດຽວກັນ ຫຼ້າສຸດ ວັນທີ 19 ພຶດສະພາ 2020 ເຂດເສດຖະກິດພິເສດ ສາມຫຼ່ຽມຄໍາ ໄດ້ຈັດຈັດສົ່ງແຮງງານ ແລະ ນັກທ່ອງທ່ຽວ ສັນຊາດຈີນທີ່ຕົກຄ້າງກັບຄືນປະເທດຈໍານວນ 300 ກວ່າຄົນ. ທີ່ສຳຄັນປັດຈຸບັນເຂດເສດຖະກິດພິເສດ ສາມຫຼ່ຽມຄຳ ໄດ້ປິດກິດຈະການຊົ່ວຄາວມາໄລຍະໜຶ່ງ ໂດຍສະເພາະແມ່ນເພື່ອປ້ອງກັນ ແລະ ຄວບຄຸມ ການແຜ່ລະບາດຂອງເຊື້ອພະຍາດໂຄວິດ-19. Cr: Laos 360°C / ລາວ 360 ອົງສາ

ທະນາຄານທຸລະກິດທັງໝົດ 43 ແຫ່ງ ແລະ ມີພຽງແຕ່ 21 ແຫ່ງ ທີີ່ໄດ້ລາຍງານໃຫ້ທະນາຄານ ແຫ່ງ ສປປ ລາວ ວ່າລູກຄ້າສິນເຊື່ອຂອງຕົນໄດ້ຮັບຜົນກະທົບຈາກການລະບາດຂອງພະຍາດ ໂຄວິດ-19, ຫຼັງຈາກຄະນະສະເພາະກິດນະໂຍບາຍ ດ້ານເງິນຕາເພື່ອແກ້ໄຂຜົນກະທົບຈາກການແຜ່ລະບາດພະຍາດ COVID-19 ໄດ້ອອກແຈ້ງການໃນບໍ່ດົນມານີ້ ເຖິງທະ ນາຄານ ຫຼື ສະຖາບັນການເງິນ ໃຫ້ປະຕິບັດນະໂຍບາຍຜ່ອນຜັນຕໍ່ລູກຄ້າທີ່ໄດ້ຮັບຜົນກະທົບຈາກການແຜ່ລະບາດຂອງພະຍາດ COVID-19. ສ່ວນທະນາຄານທຸລະກິດ ອີກ 15 ແຫ່ງ ໄດ້ລາຍງານວ່າລູກຄ້າສິນເຊື່ອຂອງຕົນບໍ່ໄດ້ຮັບຜົນກະທົບ ແລະ ຍັງມີທະນາຄານທຸລະກິດ 5 ແຫ່ງທີ່ຍັງຢູ່ໃນຂັ້ນຕອນ ການຕິດຕາມລູກຄ້າ, ນອກນັ້ນ ຍັງມີທະນາຄານທຸລະກິດ ອີກ 2 ແຫ່ງ ທີ່ບໍ່ທັນໄດ້ລາຍງານຂໍ້ມູນມາຍັງກົມຄຸ້ມຄອງທະນາຄານທຸລະກິດ. ຈໍານວນລູກຄ້າທີ່ໄດ້ຮັບຜົນກະທົບມີທັງໝົດ 4.918 ຄົນ ລວມເປັນມູນຄ່າ 13.009,30 ຕື້ກີບ (ກວມເອົາ 16,89% ຂອງ ຍອດເງິນກູ້ທົົ່ວລະບົບ). ໃນນັ້ນ, ໄດ້ຮັບການເລື່ອນຊໍາລະຕົ້ນທຶນ ແລະ ດອກເບ້ຍແລ້ວມູນຄ່າ 566,75 ຕື້ກີບ (ລູກຄ້າຈໍານວນ 202 ຄົນ), ປັບຫຼຸດຄ່າທໍານຽມ ດອກເບ້ຍມູນຄ່າ ...