ຂ່າວການຈາລະຈອນ-ເສັ້ນທາງ

ຖອດຖອນບົດຮຽນຈັດຕັ້ງປະຕິບັດ ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ

ຖອດຖອນບົດຮຽນ ໃນການຈັດຕັ້ງປະຕິບັດ ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງຢູ່ບັນດາແຂວງພາກເໜືອຂອງ ສປປ ລາວ. ວັນທີ 5 ພຶດສະພາ ນີ້ ທີ່ແຂວງຫຼວງນໍ້າທາ, ກົມເສດຖະກິດ ກະຊວງການຕ່າງປະເທດ ໄດ້ຈັດກອງປະຊຸມພາຍ​ໃຕ້​ຫົວ​ຂໍ້ “ການ​ແລກປ່ຽນ ​ແລະ ຖອດ​ຖອນ​ບົດຮຽນ​ໃນ​ການຈັດ​ຕັ້ງ​ປະຕິບັດ ຂໍ້​ລິ​ເລີ່​ມ ໜືຶ່ງ​​ແລວ ໜຶ່ງ​ເສັ້ນທາງ ຢູ່​ບັນດາ​ແຂວງ​ພາກ​ເໜືອ​ຂອງ ສປປ ລາວ​” ກອງປະຊຸມຄັ້ງນີ້​​​ເປັນໜຶ່ງ​ໃນ​ກິດຈະກຳ​ສຳຄັນ​ທີ່​ໄດ້​ຮັບ​ການ​ສະໜັບສະໜູນ​ດ້ານ​ທຶນຮອນ​ຈາກ​ກອງ​ທຶນ​ພິ​ເສດ​ແມ່​ນໍ້າຂອງ-​ແມ່​ນໍ້າ​ລ້ານຊ້າງ ຊຶ່ງມີຜູ້ຕາງໜ້າຈາກບັນດາກົມພາຍໃນກະຊວງການຕ່າງປະເທດ, ບັນດາຂະແໜງການທີ່ກ່ຽວຂ້ອງຈາກສູນກາງ ແລະ 6 ແຂວງພາກເໜືອຂອງ ສປປ ລາວ ເຂົ້າຮ່ວມຄື: ແຂວງ ວຽງຈັນ, ຫຼວງພະບາງ, ອຸດົມໄຊ, ຫຼວງນໍ້າທາ, ບໍ່ແກ້ວ ແລະ ຜົ້ງສາລີ. ຈຸດປະສົງ​ຂອງກອງປະຊຸມ​ສໍາມະນາໃນ​ຄັ້ງ​ນີ້ ​ແມ່ນເພື່ອປຶກສາຫາລື ແລະ ແລກປ່ຽນບົດຮຽນ ກ່ຽວກັບ ການຈັດຕັ້ງປະຕິບັດວຽກງານການຮ່ວມມືພາຍໃຕ້ຂໍ້ລິເລີ່ມ ໜຶ່ງແລວ ໜຶ່ງເສັ້ນທາງ ຂອງ ສປປ ລາວ ​​​ໂດຍ​ສະ​ເພາະ​ບັນດາ​ແຂວງ​ພາກ​ເໜືອ ແນ​ໃສ່​ຂົນຂວາຍກຳລັງ​ແຮງ ​ແລະ ຍາດ​ແຍ່ງ​​ເອົາຜົນປະໂຫຍດດ້ານຕ່າງໆຈາກ ​ໂດຍ​ສະ​ເພາະ​ດ້ານ​ເສດຖະກິດ-ສັງຄົມ​, ການ​ພັດທະນາ​ພື້ນຖານ​ໂຄງ​ລ່າງ ​ແລະ ຄວາມ​ຮູ້ດ້ານ​ເຕັກນິກ​ວິທະຍາ​ສາດ. ...

Read More »

ສຶກສາຄວາມເປັນໄປໄດ້ໃນການສຳຫຼວດ ອອກແບບ ແລະ ກໍ່ສ້າງໂຄງການທາງດ່ວນ ແຕ່ເທສະບານເມືອງຫົວເມືອງ ແຂວງ ຫົວພັນ ຫາຊາຍແດນລາວ-ຫວຽດນາມ.

ພິທີເຊັນບົດບັນທຶກຄວາມເຂົ້າໃຈ ເພື່ອສຶກສາຄວາມເປັນໄປໄດ້ໃນການສຳຫຼວດ ອອກແບບ ແລະ ກໍ່ສ້າງໂຄງການທາງດ່ວນ ແລວທາງຕັດໃໝ່ ແຕ່ເທສະບານເມືອງຫົວເມືອງ ແຂວງຫົວພັນ ຫາຊາຍແດນລາວ-ຫວຽດນາມ (ດ່ານສາກົນນ້ຳໂສ້ຍ) ໃນຮູບແບບ BOT ລະຫວ່າງລັດຖະບານແຫ່ງ ສປປ ລາວ ແລະ ບໍລິສັດ ດາວຈະເລີນ ກໍ່ສ້າງສ້ອມແປງຂົວ-ທາງ ແລະ ການຄ້າ ຈຳກັດຜູ້ດຽວ ແລະ ບໍລິສັດ ທີ ເຮັດບີ ກຣຸບ ຈຳກັດຜູ້ດຽວ ຈັດຂຶ້ນວັນທີ 3 ພຶດສະພາ 2022 ທີ່ກະຊວງແຜນການ ແລະ ການລົງທຶນ (ຜທ). ທ່ານ ໄຕຣລັກ ວິສີສົມບັດ ໃຫ້ຮູ້ວ່າ: ໂຄງການກໍ່ສ້າງທາງດ່ວນແຕ່ເມືອງຫົວເມືອງໄປຫາຊາຍແດນ ຫວຽດນາມ (ຊາຍແດນນາແມວ) ແຂວງຫົວພັນ ການສຳຫຼວດໃນເບື້ອງຕົ້ນຂອງບໍລິສັດພວກເຮົານີ້ ແມ່ນ ການສຳຫຼວດເສັ້ນທາງຢູ່ໃນໄລຍະທີ 4 ຂອງໂຄງການກໍ່ສ້າງທາງດ່ວນ ເຊິ່ງໄລຍະທີ 1-3 ນັ້ນ ແມ່ນບໍລິສັດອື່ນໄດ້ເຊັນສັນຍາໄປກ່ອນໜ້ານີ້ແລ້ວ ສຳລັບໄລຍະທີ 4 ຂອງການກໍ່ສ້າງທາງດ່ວນ ມີຄວາມຍາວປະມານ 80 ກິໂລແມັດ. ການລົງສຳຫຼວດພື້ນທີ່ເພື່ອເກັບກຳຂໍ້ມູນເຮັດບົດສິ່ງແວດລ້ອມແມ່ນຈະໃຊ້ເວລາ ...

Read More »

ສະໜາມບິນສາກົນບໍ່ແກ້ວ ສໍາເລັດແລ້ວ 75%

ການກໍ່ສ້າງ ສະໜາມບິນ ຢູ່ເມືອງຕົ້ນເຜິ້ງ ແຂວງບໍ່ແກ້ວ ມາຮອດປະຈຸບັນ ສໍາເລັດແລ້ວ 75% ຄາດວ່າ ຈະສາມາດເປີດສາຍການບິນ ພາຍໃນປະເທດໄດ້ ໃນທ້າຍປີ 2022. ສະໜາມບິນດັ່ງກ່າວ ແມ່ນຢູ່ໃກ້ເຂດເສດຖະກິດພິເສດ ສາມຫຼຽມທອງຄໍາ ກວມເນື້ອທີ 300 ຮຕ, ໂດຍຈະກາຍເປັນ ສະໜາມບິນແຫ່ງທີ 2 ພາຍໃນແຂວງ. ການກໍ່ສ້າງ ແມ່ນເລີ່ມມາແຕ່ ເດືອນກັນຍາ 2020 ໂດຍມີມູນຄ່າການກໍ່ສ້າງທັງໝົດ 175 ລ້ານ ໂດລາສະຫະລັດ ຊຶ່ງເປັນທຶນຈາກ Hong Kong-based Greater Bay Area Investment and Development (HK) Limited, ຊຶ່ງຢູ່ພາຍໃຕ້ ກຸ່ມບໍລິສັດ ດອກງິ້ວຄໍາ. ໄລຍະສໍາປະທານ ສະໜາມບິນດັ່ງກ່າວ ແມ່ນ 50 ປີ, ໂດຍສະໜາມບິນ ສາມາດຮອງຮັບ ເຮືອບິນຂະໜາດໃຫຍ່ ເຊັ່ນ: Boeing 747 ແລະ Airbus 320 ໄດ້. ອາຄານສະໜາມບິນ ...

Read More »

ການຊື້ປີລົດໄຟ ຈະບໍ່ເປັນເລື່ອງຍາກອີກຕໍ່ໄປ

ອີກບໍ່ດົນ ການຊື້ປີລົດໄຟຈະບໍ່ເປັນເລື່ອງຍາກອີກຕໍ່ໄປ ນາຍໜ້າຂາຍປີ້ ອາດຈະໝົດໄປ, ລາຄາໂດຍສານອາດຈະຖືກລົງກວ່າເກົ່າປະຈຸບັນນີ້ທາງບໍລິສັດທາງລົດໄຟລາວ-ຈີນ ກໍມີມາດຕະການຫລາຍດ້ານເປັນຕົ້ນ ເພື່ອແກ້ໄຂຄວາມຫຍຸ້ງຍາກຂອງປະຊາຊົນ ແລະໃຫ້ຄວາມສໍາຄັນຕໍ່ຜູ້ໂດຍສານ ຕໍ່ການຊື້ປີ້ລົດໄຟ: ໂດຍກໍານົດໃຫ້ມີບໍລິການຂາຍປີ້ເພີ່ມຢູ່ສູນການຄ້າວຽງຈັນເຊັນເຕີ, ເຊິ່ງປະຈຸບັນພວມປັບປຸງສະຖານທີ່ຍັງບໍ່ທັນສໍາເລັດ ແລະຄາດວ່າຈະສາມາດໃຫ້ບໍລິການໃນໄວໆນີ້.ພ້ອມທັງເພີ່ມຖ້ຽວ ລົດໄຟຂະບວນທໍາມະດາ ທີ່ສາມາດບັນຈຸຜູ້ໂດຍສານໄດ້ ຖ້ຽວລະ 1,000 ກວ່າຄົນ ກໍມາເຖິງນະຄອນຫລວງວງຈັນ ແລະຄາດວ່າ ຈະໃຫ້ບໍລິການໄດ້ໃນຕົ້ນເດືອນ ມິນາ 2022ນີ້, ຄາດວ່າບັນຫາທີ່ເກີດຂຶ້ນຈະຖືກແກ້ໄຂໄປພ້ອມກັນ. ທ່ານວົງທອງ ສຸພັນທອງ ຮອງວິສະວະກອນເອກ ບໍລິສັດທາງລົດໄຟລາວ-ຈີນ ຈໍາກັດ ໃຫ້ຮູ້ອີກວ່າ: ຫາກພວກເຮົາສາມາດໃຫ້ບໍລິການລົດໄຟຂະບວນທໍາມະດາໄດ້ແລ້ວ:1. ການຊື້ປີ້ອາດບໍ່ມີບັນອີກຕໍ່ໄປ 2. ທັງລາຄາປີ້ກໍຖືກລົງກວ່າເກົ່າ, 3. ຜູ້ໂດຍສານທີ່ຕ້ອງການເດິນທາງ ກໍສາມາດໄປສະຖານີ ຊື້ປີ້ແລ້ວກໍອອກເດີນທາງໄດ້ເລີຍ 4. ທັງສາມາດເອົາສິ່ງຂອງຕິດຕົວໄປນໍາໄດ້ຫລາຍຂຶ້ນ 5. ເຊິ່ງປະຈຸບັນພວມກຽມຈະເປີດໃຫ້ບໍລິການສະຖານີກາສີ ແລະສະຖານີເມືອງງາ ຕື່ມອີກ 6. ເຊິ່ງຂະບວນລົດໄຟຈະແວ່ຈອດທຸກສະຖານີ ແຕ່ນະຄອນຫລວງວຽງຈັນ ເຖິງສະຖານີບໍ່ເຕັນ. ຂໍ້ມູນ Lao National Radio

Read More »

ຜູ້ໂດຍສານຂຶ້ນ ລົດໄຟລາວ-ຈີນ ຫຼາຍກວ່າ 1 ລ້ານເທື່ອຄົນແລ້ວ.

ຸຖືໄດ້ວ່າ ລົດໄຟລາວ-ຈີນ ໄດ້ສ້າງປະກົດການໃໝ່ໃຫ້ແກ່ປະເທດເຮົາ ໃຫ້ປະຊາຊົນລາວໄດ້ຕື່ນເຕັ້ນກັບທາງເລືອກຂອງການເດີນທາງໃນຮູບແບບໃໝ່ທີ່ສະດວກໄວທັນໃຈຍິ່ງຂຶ້ນ ແລະ ການຂົນສົ່ງສິນຄ້າກໍ່ວ່ອງໄວທັນການ ກາຍເປັນຂະແໜງການໃໝ່ທີ່ຈະສ້າງລາຍຮັບສູ່ປະເທດເຮົາ.ຕາມຂໍ້ມູນລາຍງານຈາກກຸ່ມບໍລິສັດທາງລົດໄຟຈີນຈຳກັດສາຂາຄຸນມິງເປີດເຜີຍວ່າ: ນັບມາຮອດວັນທີ 30 ມັງກອນນີ້, ການຂົນສົ່ງຜູ້ໂດຍສານ ແລະສິນຄ້າຂອງທາງລົດໄຟລາວ-ຈີນໄດ້ມີຄວາມຄືບໜ້າ ສຳຄັນ, ໄດ້ສົ່ງຜູ້ໂດຍສານຫຼາຍກວ່າ 1 ລ້ານເທື່ອຄົນ ແລະສິນຄ້າຂ້າມຊາດຫຼາຍກວ່າ 1 ແສນໂຕນ.ທາງລົດໄຟລາວ-ຈີນ ຕອນຢູ່ໃນປະເທດຈີນໄດ້ມີລົດໄຟໄປກັບສະເລ່ຍ 28.5 ຂະບວນຕໍ່ມື້, ເພີ່ມຂຶ້ນ 9 ຂະບວນເມື່ອທ່ຽບໃສ່ໄລຍະກ່ອນການຂົນສົ່ງຜູ້ໂດຍສານໄລຍະ ບຸນກຸດຈີນ, ສະເລ່ຍແລ້ວໄດ້ເພີ່ມບ່ອນນັ່ງ ແລະຕຽງນອນ 3 ໝື່ນ 9 ພັນບ່ອນຕໍ່ມື້, ເພີ່ມຂຶ້ນ 40%; ສ່ວນທາງ ລົດໄຟລາວ-ຈີນ ຕອນຢູ່ໃນປະເທດລາວກໍໄດ້ເພີ່ມຂະບວນລົດໄຟໄປກັບ 1 ຫຼື 2 ຂະບວນຕໍ່ມື້ ໂດຍອີງຕາມສະພາບຄວາມຕ້ອງການດ້ານຂົນສົ່ງຜູ້ໂດຍສານ.ທ່ານຊູເຈຍເຟີງ ຫົວໜ້າພະແນກການຕະຫລາດຂອງສະຖານີລົດໄຟຄຸນມິງຕາເວັນອອກຂອງ ກຸ່ມບໍລິສັດທາງລົດໄຟຈີນຈຳກັດສາຂາຄຸນມິງກ່າວວ່າ: ປະເພດສິນຄ້າທີ່ຂົນສົ່ງດ້ວຍທາງ ລົດໄຟລາວ-ຈີນ ໄດ້ເພີ່ມຂຶ້ນຢ່າງບໍ່ຢຸດຢັ້ງ ເປັນຕົ້ນການຂົນສົ່ງອາຫານ ແລະ ເຄື່ອງໃຊ້ປະຈຳວັນຊະນິດຕ່າງໆ ເຊັ່ນ: ເຂົ້າສານ, ເບຍ ແລະອື່ນໆ. ຂໍ້ມູນ ເສດຖະກິດການຄ້າ ,​ ຮູບພາບ ເຈາະເລຶ່ອງລາວ

Read More »

5 ສາເຫດຫຼັກ ແລະ 3 ແນວທາງ ແກ້ໄຂລົດຕົກຄ້າງ ຢູ່ດ່ານສາກົນບໍ່ເຕ່ນ-ບໍ່ຫານ ຂອງເຈົ້າແຂວງຫຼວງນໍ້າທາ.

5 ສາເຫດຫຼັກ ລົດຂົນສົ່ງສິນຄ້າຕົກຄ້າງເປັນຈໍານວນຫຼວງຫຼາຍ ຢູ່ດ່ານສາກົນບໍ່ເຕ່ນ-ບໍ່ຫານ. 1. ທາງຝ່າຍຈີນໄດ້ເພີ່ມມາດຕະການເຂັ້ມງວດ ແລະ ມາເຖິງວັນທີ 4/10/2021 ກວດພົບໂຊເຟີລາວຕິດເຊື້ອໂຄວິດ-19, ນັບແຕ່ວັນທີ 5/10/2021 ຝ່າຍຈີນໄດ້ປິດດ່ານສາກົນບໍ່ຫານ, ຕໍ່ກັບສະພາບການດັ່ງກ່າວ ອົງການປົກຄອງແຂວງຫຼວງນໍ້າທາ ໄດ້ພະຍາຍາມ ປະສານພົວພັນນໍາຝ່າຍຈີນ ຫຼາຍຄັ້ງ ຈິ່ງໄດ້ຕົກລົງເປັນເອກະພາບກັນ ເປີດດ່ານຄືນໃໝ່ເປັນການທົດລອງ ຊຶ່ງເລີ່ມແຕ່ວັນທີ 15/11/2021 ເປັນຕົ້ນມາ ໂດຍເລັ່ງໃສ່ແກ້ໄຂສະເພາະ ລົດຂົນສົ່ງສິນຄ້າ ແຕ່ບໍ່ອະນຸຍາດໃຫ້ບຸກຄົນທົ່ວໄປເຂົ້າ-ອອກ ໄດ້ເທື່ອ (ຍົກເວັ້ນຄົນຈີນ ທີ່ຈະກັບຄືນປະເທດ ສະເລ່ຍ 100-150 ຄົນ/ມື້, ແຕ່ກ່ອນການສົ່ງອອກຕ້ອງໄດ້ຜ່ານການກັກກັນຢູ່ເຂດຢ່າງໜ້ອຍ 7 ວັນ ແລະ ກວດເຊື້ອພະຍາດ 4 ຄັ້ງ ຜົນອອກມາເປັນລົບ ຈິ່ງສາມາດເຂົ້າໄປປະເທດ ຈີນ ໄດ້).  2. ແຕ່ລະມື້ມີລົດຂົນສົ່ງສິນຄ້າເຂົ້າໄປຈີນ ສະເລ່ຍ ໄດ້ພຽງແຕ່ 150 ຄັນ/ມື້ ແລະ ລົດເປົ່າອອກມາ 50 ຄັນ/ມື້, ແຕ່ລົດຂົນສົ່ງສິນຄ້າເຂົ້າມາລໍຖ້າເພື່ອຂົນສົ່ງສິນຄ້າອອກໄປ ສປ ຈີນ ປະມານ 350 ຄັນ/ມື້ ເຮັດໃຫ້ມີລົດຕົກຄ້າງເປັນຈໍານວນຫຼວງຫຼາຍ. ...

Read More »

ລົດໄຟຂົນສົ່ງສິນຄ້າຂະບວນ ທຳອິດ ໄດ້ອອກເດີນທາງຈາກນະຄອນ ເສີງຕູ Chengdu ມຸ້ງໜ້າ ສູ່ ສປປ ລາວ

ລົດໄຟຂົນສົ່ງສິນຄ້າ 2 ຂະບວນ ທຳອິດ ທີ່ບັນທຸກລົດບັນທຸກ, ໝາກຖົ່ວ, ຊິ້ນສ່ວນລົດຈັກ, ສານເຄມີ ແລະ ຜະລິດຕະພັນອື່ນໆ ໄດ້ອອກເດີນທາງຈາກນະຄອນ ເສີງຕູ Chengdu ມົນທົນເສສວນ ແລະ ນະຄອນສົງຊິງ ຕາມລຳດັບໃນວັນເສົາ ທີ 4 ທັນວາ 2021 ທີ່ຜ່ານມາ. ລົດໄຟຂະບວນດັ່ງກ່າວ ຈະມາຮອດນະຄອນຫຼວງວຽງຈັນ, ສປປ ລາວ ພາຍໃນເວລາ 3 ມື້, ກໍ່ຄືມື້ນີ້ ວັນທີ 7 ທັນວາ 2021. ນອກຈາກທີ່ເປັນເສັ້ນທາງໄວ້ໂດຍສານໄປມາຫາສູ່ກັນແລ້ວ ມັນຍັງຈະເປັນເສັ້ນທາງແຫ່ງການຄ້າ ທີ່ສຳຄັນທີ່ສຸດ ທີ່ຈະເຮັດໃຫ້ການຂົນສົ່ງເຂົ້າລາວ ຫຼືສົ່ງອອກ ມີປະສິດຕິພາບ, ປອດໄພ ແລະ ປະຢັດກວ່າ ຖ້າທຽບໃສ່ການຂົນສົ່ງທາງອາກາດ ແລະທາງລົດ. ລົດໄຟຂົນສົ່ງສິນຄ້າຂະບວນ ທຳອິດ ໄດ້ອອກເດີນທາງຈາກນະຄອນ ເສີງຕູ Chengdu ມຸ້ງໜ້າ ສູ່ ສປປ ລາວ ລົດໄຟຂົນສົ່ງສິນຄ້າຂະບວນ ທຳອິດ ໄດ້ອອກເດີນທາງຈາກນະຄອນ ເສີງຕູ Chengdu ມຸ້ງໜ້າ ...

Read More »

ການເປີດນຳໃຊ້ເສັ້ນທາງລົດໄຟແຫ່ງປະຫວັດສາດ ລາວ-ຈີນ

ການເປີດນຳໃຊ້ເສັ້ນທາງລົດໄຟ ລາວ-ຈີນ ສາຍແຫ່ງປະຫວັດສາດ ແມ່ນໄດ້ມີຄວາມໝາຍຄວາມສຳຄັນສູງສຸດຕໍ່ ສປປ ລາວ ທີ່ຄອງຄ່ອຍມາເປັນເວລາດົນນານ, ພ້ອມທັງຈະຫັນປ່ຽນ ສປປ ລາວ ຈາກປະເທດທີ່ບໍ່ມີຊາຍແດນຕິດຈອດກັບທະເລ ເປັນປະເທດເຊື່ອມຈອດ ແລະ ປະເທດແຫ່ງໂອກາດ, ເຊິ່ງລົດໄຟຈະມາອຳນວຍຄວາມສະດວກໃຫ້ແກ່ການຄົມມະນາຄົມຂົນສົ່ງທັງມວນຊົນ ແລະ ສິນຄ້າ, ຊ່ວຍຍູ້ແຮງເຮັດໃຫ້ບັນຍາກາດການຄ້າໃນປະເທດ ຈະກັບມາຄືກຄືນອີກຄັ້ງ ຫຼັງໄດ້ຮັບຜົນກະທົບຢ່າງໜັກຈາກໂຄວິດ-19 ລະບາດ. ພິທີເປີດນຳໃຊ້ເສັ້ນທາງລົດໄຟ ລາວ-ຈີນ ໃນວັນທີ 3 ທັນວາ 2021 ຜ່ານມາ ພາຍໃຕ້ການເຂົ້າຮ່ວມຂອງຜູ້ນຳສູງສຸດທັງ 2 ປະເທດ ໂດຍ ທ່ານ ທອງລຸນ ສີສຸລິດ ປະທານປະເທດແຫ່ງ ສປປ ລາວ ແລະ ທ່ານ ສີ ຈິ້ນຜິງ ປະທານປະເທດແຫ່ງ ສປ ຈີນ.  ທ່ານ ສີ ຈິ້ນຜິງ ກ່າວຕໍ່ພິທີເປີດລົດໄຟຮອບປະຖົມມະເລີກວ່າ: ເສັ້ນທາງລົດໄຟຈີນ-ລາວ ແມ່ນໂຄງການແບບຢ່າງທີ່ສອງຝ່າຍຮ່ວມມືກັນແບບຕ່າງຝ່າຍຕ່າງມີຜົນປະໂຫຍດ. ຫລັງຈາກເສັ້ນທາງລົດໄຟເລີ່ມເປີດບໍລິການແລ້ວ ຈາກນະຄອນຄຸນໝິງ ປະເທດຈີນ ໄປຮອດນະຄອນຫລວງວຽງຈັນ ປະເທດລາວ ຈະບໍ່ແມ່ນໄລຍະທາງທີ່ຍາວໄກອີກແລ້ວ. ສອງຝ່າຍຄວນສືບຕໍ່ສຸມຄວາມພະຍາຍາມ ປະຕິບັດວຽກງານໃຫ້ໄດ້ຮັບຜົນສຳເລັດຕື່ມອີກ, ຮັກສາເສັ້ນທາງລົດໄຟໃຫ້ດີ ...

Read More »

ລົດໄຟ ລາວ-ຈີນ ຈະເປີດ ໃຫ້ ບໍລິການກ່ອນພຽງ 6 ສະຖານີ

ລົດໄຟ ລາວ-ຈີນ ຈະເປີດ ໃຫ້ບໍລິການກ່ອນພຽງ 6 ສະຖານີ ໂຄງການລົດໄຟລາວ-ຈີນ ພາຍຫລັງເປີດໃຫ້ບໍລິການຢ່າງເປັນທາງການແລ້ວ ໃນເບື້ອງຕົ້ນ ຈະເປີດໃຫ້ບໍລິການກ່ອນພຽງ 6 ສະຖານີ ຂອງຈຳນວນສະຖານີຮັບຜູ້ໂດຍສານທັງໝົດ 10 ແຫ່ງ, ສ່ວນສະຖານີທີ່ຍັງເຫລືອ ແມ່ນຈະເປີດໃຫ້ບໍລິການໃນໄລຍະຕໍ່ໄປ. ໃນນັ້ນມີ:ສະຖານີນະຄອນຫລວງວຽງຈັນ,ສະຖານີໂພນໂຮງ,ສະຖານີວັງວຽງ,ສະຖານີຫລວງພະບາງ,ສະຖານີເມືອງໄຊສະຖານີບໍ່ເຕ່ນແລະ ງົດໃຫ້ບໍລິການລະຫວ່າງປະເທດ. ຈະເປີດບໍລິການລົດໄຟສາຍພາຍໃນ 2 ຄູ່/ມື້: ຄຸ່ທີ່1 :ຈາກນະຄອນຫລວງວຽງຈັນ ໄປບໍ່ເຕ່ນ (ເວລາອອກເບື້ອງຕົ້ນ 8:00 ໂມງ ເຖິງສະຖານີບໍ່ເຕ່ນ 11:20ໂມງ), ສ່ວນຂາກັບ ອອກຈາກສະຖານີບໍ່ເຕ່ນ 12:15 ໂມງ ເຖິງສະຖານີ ນະຄອນຫລວງ 15:19ໂມງ)ຄູ່ທີ່2 :ຈາກນັ້ນຈະເປີດໃຫ້ບໍລິການຕໍ່ຈາກນະຄອນຫລວງ ໄປ ຫລວງພະບາງ 1 ຄູ່ (ເວລາອອກເບື້ອງຕົ້ນຈາກສະຖານີນະຄອນຫລວງວຽງຈັນ 16:10ໂມງ ລົດໄຟອອກເຖິງ ສະ ຖານີຫລວງພະບາງ 18:02ໂມງ ຂາກັບຈາກສະຖານີຫລວງພະບາງ 18:50ໂມງ ເຖິງສະຖານີນະ ຄອນຫລວງ 20:46 ໂມງ).ຂໍ້ມູນ ຂປລ.

Read More »

ຂົວມິດຕະພາບແຫ່ງທີ 5 ປາກຊັນ-ບຶງການ ຄືບໜ້າ 23% ຄາດ 2024 ໄດ້ນໍາໃຊ້

ທ່ານ ໄລທອງ ພົມມະວົງ ຫົວໜ້າໂຄງການກໍ່ສ້າງຂົວຂ້າມນໍ້າຂອງມິດຕະພາບລາວ-ໄທ ແຫ່ງທີ 5 (ປາກຊັນ-ບຶງການ) ໄດ້ໃຫ້ສໍາພາດເມື່ອທ້າຍເດືຶອນພະຈິກວ່າ: ການຈັດຕັ້ງປະຕິບັດໂຄງການເລີ່ມແຕ່ເດືອນມັງກອນ 2021 ມາຮອດປັດຈຸບັນ (ທ້າຍເດືອນ 11) ມີຄວາມຄືບໜ້າຄື: ສັນຍາ 1 ປະຕິບັດໄດ້ 18% ລື່ນແຜນ 5,5% ສ່ວນສັນຍາທີ 2 ປະຕິບັດໄດ້ 24% ລື່ນແຜນ 2,35%.ສະເລ່ຍຄວາມຄືບໜ້າທັງ 2 ສັນຍາ 23,62% ລື່ນແຜນ 3,42% ໃນນັ້ນ. ສັນຍາທີ 1 ແມ່ນການສ້າງຂົວກາງນໍ້າ ເຊິ່ງແບ່ງກັນຝ່າຍລະເຄິ່ງ ປັດຈຸບັນກໍາລັງຂຸ້ນຂ້ຽວເທເສົາເບຕົງທັງໝົດ ແລະ ກະກຽມສ້າງໂຄງການອື່ນຕໍ່ໄປ. ສັນຍາທີ 2 ແມ່ນທາງເຂົ້າຂົວເລີ່ມຈາກເສັ້ນທາງເລກທີ 13 ເຂົ້າຫາຂົວທັງໝົດ 2.860 ແມັດ ແລະ ຫຼັງຈາກນັ້ນແມນການກໍ່ສ້າງອາຄານຜູ້ໂດຍສານ ແລະ ອາຄານສິນຄ້າ. ພາຍຫຼັງສໍາເລັດຄາດວ່າ ຂົວແຫ່ງທີ 5 ນີ້ຈະອໍານວຍຄວາມສະດວກຫຼາຍຢ່າງໃຫ້ກັບປະຊາຊົນ 2 ປະເທດ ໃນການໄປມາຫາສູ່ກັນ ລວມທັງການຈໍລະຈອນສິນຄ້າ, ສ້າງເງື່ອນໄຂເຊື່ອມໂຍງພາກພື້ນ, ເປັນແລວເສດຖະກິດທີ່ສໍາຄັນ, ...

Read More »