ຂ່າວການຈາລະຈອນ-ເສັ້ນທາງ

ແຂວງຄໍາມ່ວນແຈ້ງປິດການສັນຈອນເສັ້ນທາງແຄມຂອງ

ຕອນນີ້ຕ້ອງລະມັດລະວັງຫຼາຍຂຶ້ນເທົ່າໃດຍິ່ງດີທ່າມກາງທີ່ປະເທດໃກ້ຄຽງມີຜູ້ຕິດເຊື້ອໂຄວິດ-19ເພີ່ມຂຶ້ນທຸກວັນ ເຊິ່ງຕະຫຼອດ 2-3 ວັນມານີ້ ຫຼາຍແຂວງແມ່ນໄດ້ອອກແຈ້ງການເພີ່ມຄວາມເຂັ້ມງວດ ຕໍ່ການກວດກາລາດຕາເວັນຕາມແນວຊາຍແດນລວມເຖິງມາດຕະການຕໍ່ຜູ້ລະເມີດລະບຽບກົດໝາຍລັກລອບເຂົ້າປະເທດໂດຍບໍ່ໄດ້ຮັບອະນຸຍາດ ແລະຫຼ້າສຸດທາງແຂວງຄຳມ່ວນແມ່ນໄດ້ແຈ້ງປິດເສັ້ນທາງແຄມຂອງແລ້ວ. ອີງຕາມແຈ້ງການສະບັບເລກທີ 176 /ຫວຂ.ຄມ ລົງວັນທີ 19 ເມສາ 2021 ຂອງຫ້ອງວ່າການປົກຄອງແຂວງຄຳມ່ວນແມ່ນໃຫ້ປິດການນໍາໃຊ້ເສັ້ນທາງລຽບແຄມຂອງ ແຕ່ 3 ແຍກ ພະແນກ ຊັບພະຍາກອນທໍາມະຊາດ ແລະ ສິ່ງແວດລ້ອມແຂວງ ຫາ 3 ແຍກ ພະແນກ ແຜນການ ແລະການລົງທຶນແຂວງ ໄລຍະຊົ່ວຄາວຈົນກວ່າຈະແຈ້ງເປີດໃຫ້ນໍາໃຊ້ອີກຄັ້ງ ໂດຍອີງຕາມກອງປະຊຸມປຶກສາຫາລື ຂອງຄະນະສະເພາະກິດ ປ້ອງກັນ, ສະກັດກັ້ນການລະບາດຂອງພະຍາດອັກເສບປອດສາຍພັນໃຫມ່ ໂຄວິດ-19 ແຂວງຄໍາມ່ວນ ໃນຄັ້ງວັນທີ 17 ເມສາ 2021. ທັ້ງນີ້ກໍ່ເນື່ອງຈາກວ່າແຂວງຄໍາມ່ວນ ໄດ້ມີກໍລະນີຜູ້ຕິດເຊື້ອພະຍາດໂຄວິດ-19 ຈໍານວນ 01 ຄົນ ຊຶ່ງເປັນກໍລະນີ ຕິດເຊື້ອ ທີ 55 ຂອງ ສປປ ລາວ ແລະ ເປັນກໍລະນີ ທີ 01 ຂອງແຂວງຄໍາມ່ວນ, ເພື່ອເປັນການແຍກປ່ຽວຜູ້ຕິດເຊື້ອ ຄະນະສະເພາະກິດ ໂຄວິດ-19 ແຂວງຄໍາມ່ວນ ...

Read More »

ຄບຕ.ນວ ແຈ້ງຫ້າມຈອດລົດທຸກຊະນິດ ຢູ່ເສັ້ນທາງໜອງບອນແຕ່ໄຟແດງ ສະຖານີລົດເມຫາໄຟແດງວັດທາດຝຸ່ນ (ເບື້ອງຕະຫລາດໜອງຈັນ)

ຄບຕ.ນວ ແຈ້ງຫ້າມຈອດລົດທຸກຊະນິດ ຢູ່ເສັ້ນທາງໜອງບອນແຕ່ໄຟແດງ ສະຖານີລົດເມຫາໄຟແດງວັດທາດຝຸ່ນ (ເບື້ອງຕະຫລາດໜອງຈັນ) ເລີ່ມປະຕິບັດແຕ່ 9 ມີນາເປັນຕົ້ນໄປຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ.​ນວ)​ ອອກແຈ້ງການເຖິງບັນດາຜູ້ຂັບຂີ່ລົດ ແລະ ແມ່ຄ້າຊາວຂາຍ ເລື່ອງຫ້າມຈອດລົດທຸກຊະນິດ ຢູ່ເສັ້ນທາງໜອງບອນແຕ່ໄຟແດງ ສະຖານີລົດເມຫາໄຟແດງວັດທາດຝຸ່ນ (ເບື້ອງຕະຫລາດໜອງຈັນ) ເພື່ອແກ້ໄຂຄວາມແອອັດສັບສົນບໍ່ເປັນລະບຽບຮຽບຮ້ອຍ ຢູ່ເສັ້ນທາງໜອງບອນ (ຕໍ່ໜ້າຕະຫຼາດໜອງຈັນ) ແຕ່ 4 ແຍກໄຟແດງສະຖານນີລົດເມ ຫາ 4 ແຍກໄຟແດງວັດທາດຝຸ່ນໃຫ້ມີຄວາມເປັນລະບຽບຮຽບຮ້ອຍ ແລະ ສະອາດຈົບງາມ. ຫ້ອງການຄຸ້ມຄອງ ແລະ ບໍລິການຕົວເມືອງວຽງຈັນ (ຄບຕ.ນວ) ຂໍແຈ້ງມາຍັງບັນດາທ່ານຜູ້ຂັບຂີ່ລົດ ແລະ ຊາວຄ້າຂາຍທີ່ຈອດລົດລຽບຕາມແຄມເສັ້ນທາງໜອງບອນ ບໍລິເວນາຕະຫຼາດໜອງຈັນ ຊາບ ແລະ ປະຕິບັດດັ່ງນີ້: 1. ຫ້ອງການ ຄຸ້ມຄອງ ແລະ ບໍລິການຕົວເມືອງວຽງຈັນ ຈະໄດ້ສົມທົບກັບພະແນກໂຍທາທິການ ແລະ ຂົນສົ່ງ.ນວ, ເຈົ້າໜ້າທີ່ຕໍາຫລວດຈາກກອງບັນຊາການ ປກສ.ນວ; ໜ່ວຍງານສະເພາະກິດຈັດສັນ ເມືອງສີສັດຕະນາກ, ພະນັກງານບ້ານຫນອງຈັນ ແລະ ພາກສ່ວນທີ່ກ່ຽວຂ້ອງຈະໄດ້ລົງຈັດສັນຄວາມບໍ່ເປັນລະບຽບຮຽບຮ້ອຍ ຖະຫນົນໜອງບອນ ແຕ່ວັນທີ 9 ມີນາ ເປັນຕົ້ນໄປ. ...

Read More »

ນາຍົກເຕືອນພະແນກການຕ່າງໆຂອງລັດບໍ່ໃຫ້ຊື້ພາຫະນະເພີ່ມເຕີມ

ໜັງສືພິມວຽງຈັນທາມ ລາຍງານວ່າ ນາຍົກລັດຖະມົນຕີ ທອງລຸນ ສີສຸລິດ ໄດ້ກ່າວເຕືອນພະແນກການຕ່າງໆຂອງລັດບໍ່ໃຫ້ຊື້ພາຫະນະເພີ່ມເຕີມເພື່ອນຳໃຊ້ພາຍຫຼັງທີ່ຮູ້ວ່າອຳນາດການປົກຄອງແຂວງຈຳນວນໜຶ່ງກຳລັງວາງແຜນຊື້ລົດໃໝ່. “ ຂ້ອຍໄດ້ຍິນວ່າບາງແຂວງໄດ້ອອກຄຳສັ່ງຊື້ລົດ ເວັ້ນເສຍແຕ່ວ່ານີ້ແມ່ນສິ່ງຈຳເປັນແທ້ໆ” ເພິ່ນໄດ້ກ່າວຕໍ່ກອງປະຊຸມປະຈຳປີ 2020 ຂອງຂະແໜງການເງິນ, ແຜນການ ແລະ ການລົງທືນທີ່ນະຄອນຫຼວງວຽງຈັນ. ເນື່ອງຈາກຈຳນວນພາຫະນະຂອງລັດມີຫຼາຍກວ່າ 30,000 ຄັນ ນາຍົກລັດຖະມົນຕີໄດ້ກ່າວຕໍ່ໜ່ວຍງານທີ່ກ່ຽວຂ້ອງໃຫ້ຄຳນວນໃໝ່ ແລະ ຈັດສັນພາຫະນະໃໝ່ເພື່ອການໃຊ້ງາານທີ່ເໝາະສົມ ທ່ານກ່າວຕື່ມອີກວ່າ: ພາຫະນະຂອງລັດຈຳນວນຫຼວງຫຼາຍບວກໃສ່ກັບລົດສ່ວນຕົວໄດ້ເຮັດໃຫ້ຖະ ໜົນແອອັດ, ໂດຍສະເພາະໃນໄລຍະເວລາໂມງການ. ບົດລາຍງານທີ່ພົ້ນເດັ່ນກ່ຽວກັບແຜນການຂອງແຂວງໃນການຊື້ລົດໃໝ່ແມ່ນມີໃນໄລຍະເວລາທີ່ມີການປ່ຽນແປງຜູ້ນຳໃໝ່ໃນອົງການຈັດຕັ້ງຂອງລັດເຊິ່ງຈະເກີດຂື້ນໃນທຸກໆຫ້າປີ ຕາມທຳນຽມປະຕິບັດເຈົ້າໜ້າທີ່ອາວຸໂສທີ່ຂຶ້ນຕຳແໜ່ງໃໝ່ມັກຈະໄດ້ຮັບລົດໃໝ່. ໃນຂະນະທີ່ເຈົ້າໜ້າທີ່ຂັ້ນສູງຫຼາຍຄົນກຳນົດຈະອອກບຳນານໃນໄວໆນີ້, ໝາຍຄວາມວ່າຜູ້ສືບທອດທີ່ຈະເຂົ້າມາປ່ຽນແທນຈະໄດ້ຮັບລົດໃໝ່ ຕາມການປະຕິບັດຕາມຮີດຄອງປະເພນີ. ນາຍົກລັດຖະມົນຕີທອງລຸນ, ຜູ້ທີ່ຖືກເລືອກຕັ້ງເປັນເລຂາທິການໃຫຍ່ຂອງພັກປະຊາຊົນປະຕິວັດລາວເມື່ອບໍ່ດົນມານີ້, ໄດ້ກ່າວເຕືອນວ່າງົບປະມານຂອງລັດຄວນຈະນຳໃຊ້ພຽງແຕ່ຄວາມຕ້ອງການທີ່ຈຳ ເປັນ ແລະ ເປັນບຸລິມະສິດເທົ່ານັ້ນຍ້ອນວ່າປະເທດລາວກຳລັງປະສົບກັບຄວາມຫຍຸ້ງຍາກທາງດ້ານການເງິນສ່ວນໃຫຍ່ແມ່ນຍ້ອນການຂາດດຸນງົບປະມານຊຳເຮື້ອ ແລະ ສະສົມໜີ້ສິນ. ນາຍົກລັດຖະມົນຕີໄດ້ນຳໜ້າຄວາມພະຍາຍາມໃນການຫຼຸດຜ່ອນການໃຊ້ຈ່າຍພິເສດສຳລັບພາຫະນະທີ່ຫຼູຫຼາ. ໃນປີ 2017 ບັນດາຜູ້ນຳພັກ ແລະ ລັດໄດ້ນຳເອົາລົດທີ່ມີລາຄາແພງຢູ່ເອີຣົບໃຫ້ລັດ, ເຊິ່ງຕໍ່ມາກໍ່ຂາຍໃນການປະມູນລົດຍີ່ປຸ່ນໄດ້ຮັບການສະໜອງ ເພື່ອທົດແທນລົດຫຼູຫຼາທີ່ຖືກສົ່ງຄືນ. ໃນປີດຽວກັນ, ນາຍົກລັດຖະມົນຕີໄດ້ອອກດຳລັດນາຍົກລັດຖະມົນຕີເລກທີ 15 ວ່າດ້ວຍການສະ ໜອງ ແລະ ຄຸ້ມຄອງພາຫະນະໃຫ້ແກ່ຜູ້ນຳລະດັບສູງ, ເຊິ່ງຕັດຄ່າໃຊ້ຈ່າຍໃນການນຳໃຊ້ພາຫະນະ ແລະຄ່າໃຊ້ຈ່າຍໃນການບຳລຸງຮັກສາ.

Read More »

ສຳເລັດການວາງລາງລົດໄຟ ລາວ-ຈີນ ວຽງຈັນ-ຫລວງພະບາງ………….

ບໍລິສັດ ວິສະວະກຳ ທາງລົດໄຟເລກ 2 ສປ ຈີນ ໄດ້ຈັດພິທີສະເຫລີມສະຫລອງ ແລະ ຊົມ ເຊີຍ ຜົນສຳເລັດໃນການວາງລາງລົດໄຟ ເສັ້ນທາງ ລົດໄຟ ລາວ-ຈີນ ແຕ່ນະຄອນຫລວງວຽງ ຈັນ ຫາ ແຂວງຫລວງພະບາງ ໃນວັນທີ 29 ທັນວາ 2020 ຊຶ່ງມີຄວາມຍາວ 240 ກິໂລແມັດ ຂອງຈຳນວນທັງຫມົດ 422,4 ກິໂລແມັດ ນະຄອນຫລວງວຽງ ຈັນ-ບໍ່ເຕ່ນ ແຂວງຫລວງນ້ຳທາ. ໃຫ້ກຽດເຂົ້າຮ່ວມຂອງທ່ານ ສຸກັນ ບຸນຍົງ ຮອງເຈົ້າ ແຂວງ ຫລວງພະບາງ, ທ່ານ ຫລີ ຈືກົງ ຫົວຫນ້າກົງ ສູນໃຫຍ່ ສປ ຈີນ ປະຈຳພາກເຫນືອ, ລວມທັງພະ ນັກງານ ກຳມະກອນ ແລະ ປະຊາຊົນ ອ້ອມຂ້າງ ເຂົ້າ ຮ່ວມ. ທ່ານ ຫລີ ຈືກົງ ກ່າວວ່າ: ພາຍໃຕ້ການສະຫນັບ ສະຫນູນຂອງສອງປະເທດ ຈີນ-ລາວ ...

Read More »

ຕະຫຼາດທ່າເຮືອ ອາດຈະເປັນຕະຫຼາດແຫ່ງຄວາມຊົງຈຳ………..

ຕະຫຼາດທ່າເຮືອ ບ້ານທ່າເຮືອ ເມືອງວັງວຽງ ແຂວງວຽງຈັນ ອາດເວົ້າໄດ້ວ່າເປັນແຫຼ່ງທ່ອງທ່ຽວແຫ່ງໜຶ່ງທີ່ນັກທ່ອງທ່ຽວໄດ້ຢຸດລົດພັກຜ່ອນເມື່ອເວລາເດີນທາງຜ່ານໄປ-ມາ ເພື່ອຊື້ສິນຄ້າທ້ອງຖິ່ນໂດຍສະເພາະແມ່ນປາ. ແຕ່ປັດຈຸບັນນີ້ຜູ້ຄ້າຂາຍຢູ່ຕະຫຼາດແຫ່ງນີ້ໄດ້ຮັບຜົນກະທົບໜັກຍ້ອນບໍ່ມີລູກຄ້າ ແລະ ເຮັດໃຫ້ຜູ້ຄ້າຂາຍຈຳນວນຫຼາຍເຊົາຂາຍເຄື່ອງຢູ່ຕະຫຼາດແຫ່ງນີ້ ແລະ ອາດຈະຍັງມີແມ່ຄ້າອີກຈຳນວນຫຼາຍກໍ່ຈະຢຸດເຊົາຂາຍເຊັ່ນກັນ ຊຶ່ງເຊື່ອວ່າຖ້າເປັນແນວນີ້ຕໍ່ໄປຕະຫຼາດທ່າເຮືອອາດຈະເປັນຕະຫຼາດຮ້າງໃນອະນາຄົດ.ຕະຫຼາດທ່າເຮືອ ແມ່ນຕັ້ງຢູ່ແຄມເສັ້ນທາງ 13 ເໜືອ, ຫ່າງຈາກເມືອງວັງວຽງ ປະມານ 20 ກວ່າກິໂລແມັດ, ເປັນຕະຫຼາດທີ່ຂາຍຜະລິດຕະພັນປາໂດຍສະເພາະເຊັ່ນ: ປາແຫ້ງ, ສົ້ມປາ, ປາສົດ ແລະ ອື່ນໆ ໂດຍເນັ້ນຂາຍຜະລິດຕະພັນປາທຳມະຊາດ. ນາງ ນ້ອຍ ແມ່ນແມ່ຄ້າຄົນໜຶ່ງທີ່ໄດ້ຮັບຜົນກະທົບໄດ້ກ່າວ ຕໍ່ທີມງານວຽງຈັນທາຍ ເມື່ອບໍ່ດົນມານີ້ວ່າ: ບາງມື້ຮອດບໍ່ມີຄົນມາແວ່ຮ້ານເລີຍກໍ່ມີ, ສາເຫດຫຼັກໆ ທີ່ຈຳນວນລູກຄ້າຫຼຸດລົງ ຫຼື ຜູ້ ສັນຈອນກາຍໄປກາຍມາມີຈໍານວນໜ້ອຍ ລົງນັ້ນ ເຊື່ອວ່າ ເກີດຈາກການແຜ່ລະບາດຂອງພະຍາດໂຄວິດ-19 ຊຶ່ງໄດ້ເຮັດໃຫ້ບໍ່ມີນັກທ່ອງທ່ຽວມາເລີຍ ບວກກັບສະພາບເສັ້ນທາງທີ່ເປັນຂຸມຫຼາຍ ແລະ ມີຂີ້ຝຸ່ນຈຶ່ງເຮັດໃຫ້ຜູ້ສັນ ຈອນທີ່ມາທຽວທາງນີ້ມີຈຳນວນໜ້ອຍລົງ. ນອກຈາກນີ້ແລ້ວຜົນກະທົບທີ່ເກີດຂຶ້ນມາໃໝ່ນີ້ແມ່ນເສັ້ນທາງດ່ວນວຽງຈັນ-ວັງວຽງ ທີ່ໄດ້ເປີດນໍາໃຊ້ເມື່ອບໍ່ດົນມານີ້ ໄດ້ຮັດໃຫ້ຜູ້ສັນຈອນຈໍານວນຫຼາຍໄດ້ຫັນໄປໃຊ້ບໍລິການທາງດ່ວນ ຈຶ່ງເຮັດໃຫ້ຜູ້ສັນຈອນຍິ່ງຫຼຸດລົງຕື່ມອີກ ແລະ ເຊື່ອວ່າໃນອະນາຄົດອາດຈະໄດ້ຢຸດຂາຍເຄື່ອງຢູ່ຕະຫຼາດແຕ່ນີ້ ຊຶ່ງເຄີຍຂາຍມາແຕ່ປີ 2005. ແຫຼ່ງຂໍ້ມູນ: ວຽງຈັນທາຍ

Read More »

ຄວນຮູ້!!! ຂໍ້ຫ້າມໃນການນຳໃຊ້ ທາງດ່ວນ ນະຄອນຫລວງວຽງຈັນ-ວັງວຽງ

ການນຳໃຊ້ທາງດ່ວນ ນະຄອນຫລວງວຽງຈັນ-ວັງວຽງ ເຮັດໃຫ້ຜູ້ໃຊ້ລົດໃຊ້ຖະໜົນມີຄວາມສະດວກສະບາຍ ແລະ ປະຢັດເວລາໃນການເດີນທາງຫລາຍສົມຄວນ, ແຕ່ຂະນະດຽວກັນ ກໍຍັງມີຫລາຍຄົນທີ່ອາດບໍ່ທັນຮູ້ ຫລື ບໍ່ເຂົ້າໃຈຢ່າງເລິກເຊິ່ງ ກ່ຽວກັບບັນດາຂໍ້ຫ້າມຕ່າງໆໃນການນຳໃຊ້ທາງດ່ວນ ເນື່ອງຈາກວ່າທາງເສັ້ນນີ້ ເປັນທາງດ່ວນເສັ້ນປະຫວັດສາດຂອງ ສປປ ລາວ ແລະ ປະຊາຊົນລາວ ກໍບໍ່ທັນມີຄວານຊິນເຄີຍໃນການນຳໃຊ້ເທື່ອ. ອີງຕາມຂໍ້ມູນຈາກເຈົ້າໜ້າທີ່ກ່ຽວຂ້ອງໃຫ້ຮູ້ວ່າ: ບັນດາຂໍ້ຫ້າມໃນການນຳໃຊ້ທາງດ່ວນປະກອບມີຄື: ຫ້າມຂັບຂີ່ຍານພາຫະນະໃນສະພາບມຶນເມົາ, ຂັບຂີ່ເກີນຄວາມໄວທີ່ກົດໝາຍ, ລະບຽບການ ແລະ ປ້າຍຈະລາຈອນ ກຳນົດ, ຫ້າມຂັບຂີ່ເຈີດຊ້າຍເຈີດຂວາ, ຊ່ວງຊີງພາຫະນະອື່ນດ້ວຍຄວາມປະໝາດ ແລະ ບໍ່ຖືກຕ້ອງຕາມກົດຈະລາຈອນທາງບົກ ແລະ ຫ້າມຂັບຂີ່ຍານພາຫະນະທີ່ບັນທຸກວັດຖຸ ແລະ ສິນຄ້າຜິດກົດໝາຍຢ່າງເດັດຂາດ; ຫ້າມໃຊ້ໂທລະສັບມືຖື, ເບິ່ງໂທລະພາບ, ຮູບພາບວີຊີດີ, ດີວີດີ ຫລື ເຄື່ອງຫລິ້ນເອເລັກໂຕຣນິກທຸກປະເພດ ໃນເວລາຂັບຂີ່ຍານພາຫະນະ, ຫ້າມຈອດຍານພາຫະນະຕາມທາງດ່ວນໂດຍບໍ່ມີຄວາມຈຳເປັນ, ຫ້າມຍານພາຫະນະທີ່ບັນທຸກຜູ້ໂດຍສານເກີນຈຳນວນ, ສິນຄ້າເກີນນຳໜັກ ຫລື ຂະໜາດ ຕາມມາດຕະຖານຂອງໂຮງງານຜະລິດກຳນົດ; ຫ້າມຜູ້ໂດຍສານນັ່ງກະບະລົດ, ຫ້າມແຂ່ງລົດທຸກປະເພດຕາມທາງດ່ວນ, ຫ້າມຖອຍຫລັງ, ຂັບສວນກັບ, ຂ້າມຮາວດອນກາງເພື່ອລ້ຽວກັບ, ຫ້າມລອງລົດ ແລະ ລົດທີ່ຮຽນຂັບເຂົ້າທາງດ່ວນ, ຫ້າມຈອດຕັນທາງເຂົ້າ, ຫ້າມຂັບຂີ່ຄວບຊ່ອງຈະລາຈອນ, ຫ້າມຊີງທາງເບື້ອງຂວາ ແລະ ພຶດຕິກຳອື່ນໆ ທີ່ເປັນການລະເມີດກົດໝາຍ ...

Read More »

ກອງປະຊຸມໃຫຍ່ຜູ້ແທນຊາວໜຸ່ມເດີນທະເລ ອາຊຽນ-ຍີ່ປຸ່ນ ຄັ້ງທີ III………

ກອງປະຊຸມໃຫຍ່ ຜູ້ແທນສະໂມສອນອະດີດຊາວໜຸ່ມລາວ ໂຄງການຊາວໜຸ່ມເດີນທະເລອາ ຊຽນ-ຍີ່ປຸ່ນ(LaoSAA) ຄັ້ງທີ III ໄດ້ໄຂຂຶ້ນໃນວັນທີ 12 ທັນວາ 2020 ນີ້ ທີ່ນະຄອນຫລວງວຽງຈັນ. ກອງປະຊຸມ ໄດ້ສະເໜີບົດລາຍງານການເມືອງສະຫລຸບຕີລາຄາສະພາບການຈັດຕັ້ງປະຕິບັດການເຄື່ອນໄຫວນໍາພາ ແລະ ຊີ້ນໍາຂອງຄະນະບໍລິຫານງານສະໂມສອນອະດີດຊາວໜຸ່ມລາວ ໃນໄລຍະ 9 ປີຜ່ານມາ(2011-2020) ແລະ ວາງທິດທາງການເຄື່ອນໄຫວ 05 ປີ ໃນຕໍ່ໜ້າ(2021–2025), ທັງໃຊ້ສິດປ່ອນບັດເລືອກຕັ້ງເອົາຄະນະຊຸດໃໝ່ຈໍານວນ 13 ສະຫາຍ ຈາກຜູ້ລົງສະໝັກ 16 ສະຫາຍ ໂດຍກອງປະຊຸມມີຜູ້ແທນສົມບູນ 66 ສະຫາຍ ໄດ້ເປັນເອກະສັນເລືອກເອົາສະຫາຍ ຢາງປາວ ປ່າເຍວີ ເປັນປະທານສະໂມສອນຄົນໃໝ່, ສະຫາຍ ພູວົງ ມະນີວົງ, ສະຫາຍ ທອງສະນິດ ພັນແພງດີ, ສະຫາຍ ອິດສະລະ ສຸວັນສິງ ເປັນຮອງ ແລະ ໄດ້ເລືອກເອົາສະຫາຍ ພູວົງ ມະນີວົງ ເປັນປະທານກວດກາ, ສະຫາຍ ທັດສະພອນ ເລີດຖາວອນ, ສະຫາຍຄໍາປະສິດ ເທບວົງ ສາ, ສະ ຫາຍບຸນເຮັງ ...

Read More »

ກຳນົດໃໝ່..! ຈະເປີດນຳໃຊ້ທາງດ່ວນ ວຽງຈັນ-ວັງວຽງ……..

ບໍລິສັດທຶນພັດທະນາ ທາງດ່ວນລາວ-ຈີນໄດ້ລາຍງານຕໍ່ສຳນັກຂ່າວເມື່ອບໍດົນມານີ້ວ່າ: ທາງດ່ວນ ວຽງຈັນ-ວຽງວັງ ໄດ້ເລື່ອນການເປີດເສັ້ນທາງດ່ວນໄປເປີດໃນລະຫວ່າງວັນທີ 20-30 ທັນວາ 2020 ຊຶ່ງຕາມແຜນແລ້ວແມ່ນຈະເປີດບໍລິການໃນວັນທີ 2 ທັນວາ 2020 ທີ່ຜ່ານມາ ເພື່ອເປັນການສະເຫຼີມສະຫຼອງວັນຊາດທີ 2 ທັນວາ ຄົບຮອບ 45 ປີແຕ່ເນື່ອງຈາກ ການກໍ່ສ້າງບໍ່ສຳເລັດຕາມແຜນ ໂດຍສະເພາະແມ່ນການກໍ່ສ້າງທາງຂຶ້ນລົງ, ຈຸດເກັບເງິນ, ການຕິດຕັ້ງໄຟເຍືອງທາງ, ອະນາໄມເສັ້ນທາງ ແລະ ອື່ນໆ. ການກໍ່ສ້າງເສັ້ນທາງດັ່ງກ່າວ ມີມູນຄ່າການກໍ່ສ້າງ 1.3 ຕື້ໂດລາ, ມີຈຸດເລີ່ມຕົ້ນຢູ່ 3 ແຍກສີເກີດ ເມືອງນາຊາຍທອງ ນະຄອນຫຼວງວຽງຈັນ ມີຄວາມຍາວປະມານ 109 ກມ, ກວ້າງທັງໝົດ 23 ມ ໂຄງການດັ່ງກ່າວແບ່ງອອກເປັນ 4 ໄລຍະ. ຊຶ່ງທາງດ່ວນວຽງຈັນ-ວັງວຽງແມ່ນໄລຍະທີ 1, ໄລຍະ 2 ເືອງວັງວຽງ-ຫຼວງພະບາງ, ໄລຍະທີ 3 ຈາກຫຼວງພະບາງ-ອຸດົມໄຊ ແລະ ໄລຍະທີ 4 ຈາກອຸດົມໄຊ-ຊາຍແດນບໍ່ເຕັນແຂວງຫຼວງນ້ຳທາ. ແຫຼ່ງຂໍ້ມູນ: ວຽງຈັນທາຍ

Read More »

ກົດຂອງທາງດ່ວນ ວຽງຈັນ-ວັງວຽງ ຈະ ເປີດນຳໃຊ້ ວັນທີ 2 ທັນວາ 2020 ນີ້……

ທາງດ່ວນ ວຽງຈັນ-ວັງວຽງ ກຳລັງຈະມີການເປີດນຳໃຊ້ໃນວັນທີ 1 ທັນວາ 2020 ນີ້ ຢາກໃຫ້ທຸກທ່ານທີ່ກຳລັງຈະນຳໃຊ້ເສັ້ນທາງດ່ວນເພື່ອເດີນທາງຄວນຮູ້ເຖິງຂໍ້ກຳໜົດ ແລະຂໍ້ຫ້າມຕ່າງໆດັານີ້: 1. ທາງດ່ວນມີ 2 ເລນ ໄປ-ກັບ ແລະອີກ 1 ເລນດ້ານຂວາ (ເສັ້ນທາງນີ້ໄວ້ໃຊ້ສະເພາະເຫດສຸກເສີນກຽມເຂົ້າເພື່ອຂຶ້ນ-ລົງທາງດ່ວນ). 2. ສຳຫຼັບລົດທີ່ຕ້ອງການນຳໃຊ້ຄວາມໄວ 100km/h ຂຶ້ນໄປໃຫ້ນຳໃຊ້ເລນຊ້າຍ 3. ສິ່ງທີ່ຕ້ອງປະຕິບັດຕາມປ້າຍສັນຍານຕ່າງໆເຊັ່ນ: ຫຼຸດຜ່ອນຄວາມໄວ, ໃກ້ຈະເຖິງດ່ານເກັບຄ່າຜ່ານທາງ ຫຼືເຂົ້າພັກລົດໃນປໍ້ານໍ້າມັນ 4. ຮັກສາໄລຍະຫ່າງຈາກລົດຄັນດ້ານໜ້າ 100-200 ແມັດ. ຂໍ້ຫ້າມ: 1. ຫ້າມລົດທີ່ມີຄວາມຈຸຕໍ່າກວ່າ 350cc ຫຼື ລົດຈັກຂຶ້ນທາງດ່ວນ (ຢູ່ທີ່ຈຸດເກັບເງິນຈະມີການກວດສະພາບລົດ) 2. ໃນຈະນະທີ່ກຳລັງຢູ່ເສັ້ນທາງດ່ວນ ຫ້າມຢຸດ/ ຈອດ ຢູ່ກາງທາງຫາກເກີດກໍລະນີສຸກ ເສີນໃຫ້ນຳໃຊ້ເສັ້ນດ້ານຂວາ ຫຼືທາງທີ່ໄດ້ຖືກກຳໜົດໄວ້, 3. ບໍ່ອະນຸຍາດລົດບັນທຸກທີ່ມີນໍ້າໜັກເກີນ 10T ຂຶ້ນທາງດ່ວຍ (ຈະມີຈຸດກວດນໍ້າໜັກ)ເພື່ອຄວາມເປັນລະບຽບ ແລະມາດຕະຖານໃນການນໍາໃຊ້ທາງດ່ວນຫຼີກເວັ້ນການເກີດອຸບັດຕິເຫດທຸກຄົນທີ່ຈະນຳໃຊ້ທາງດ່ວນເສັ້ນນີ້ຕ້ອງໄດ້ປະຕິບັດນຳກັນຢ່າງເຂັ້ມງວດ.

Read More »

10 ເດືອນ ດ່ານສາກົນພູເກືອ ເກັບລາຍປະຕິບັດໄດ້ 27.7 ຕື້ກວ່າກີບ……

ທ່ານ ໂພໄຊ ສຸລິວົງສາ ຫົວໜ້າຄະນະຄຸ້ມຄອງດ່ານສາກົນພູເກືອ ແຂວງອັດຕະປື ໄດ້ໃຫ້ຮູ້ໃນວັນທີ 26 ພະຈິກ 2020 ນີ້້ວ່າ: ຕະຫຼອດໄລຍະ 10 ເດືອນຜ່ານມາ ຄະນະຮັບຜິດຊອບດ່ານສາກົນພູເກືອໄດ້ເອົາໃຈໃສ່ເຄື່ອນໄຫວວຽກງານວິຊາສະເພາະຢ່າງຕັ້ງໜ້າ ແລະ ມີຜົນສຳເລັດຫຼາຍດ້ານ ເປັນຕົ້ນ ການຈັດເກັບລາຍຮັບ ແມ່ນໄດ້ປະຕິບັດຕາມກົດໝາຍງົບປະມານຢ່າງເຂັ້ມງວດ ເຮັດໃຫ້ການເກັບລາຍຮັບຂອງດ່ານສາກົນພູເກືອ ປະຕິບັດໄດ້ 27.725.911.987 ກີບ, ລາຍຮັບສ່ວນໃຫຍ່ ແມ່ນໄດ້ຈາກພາສີ 27.489.217.987 ກີບ. ຖ້າທຽບໃສ່ແຜນການປີ ເບື້ອງຕົ້ນ ແມ່ນປະຕິບັດໄດ້ຕາມລະດັບຄາດໝາຍ ຖ້າປະຕິບັດຕາມແຜນການມອບເພີ່ມໃຫ້ໃໝ່ ຈຳນວນ 35,5 ຕື້ກີບແລ້ວແມ່ນບໍ່ສຳເລັດຕາມແຜນການ, ເນື່ອງຈາກສະພາບການແຜ່ລະບາດຂອງພະຍາດໂຄວິດ-19 ເຮັດໃຫ້ການເກັບລາຍຮັບບໍ່ໄດ້; ລາຍຮັບທີ່ເກັບໄດ້ສ່ວນຫຼາຍແມ່ນໄດ້ມາຈາກການນຳເຂົ້ານ້ຳມັນເຊື້ອໄຟ, ສ່ວນການມອບເງິນແມ່ນມອບຜ່ານເອເລັກໂຕນິກ (ບັດສະມາດແທັກ) ພ້ອມນີ້ ການເກັບອາກອນປະຕິບັດໄດ້ 162 ລ້ານກວ່າກີບ. ໃນນີ້ ອາກອນທາງກົງ ແລະ ທາງອ້ອມ 68 ລ້ານກວ່າກີບ, ຈາກຄ່າຈົດທະບຽບແລະ ຄ່າທຳນຽມຕ່າງໆ ປະຕິບັດໄດ້ 93 ລ້ານກວ່າກີບ, ລາຍຮັບຄ່າບໍລິການນອກເວລາ ແຜນການປີ 500ລ້ານກີບ, ໃນໄລຍະ 10 ເດືອນຜ່ານມາ ...

Read More »