Prudential 450×100

A2B Recycle ບໍ່ຄິດວ່າຂີ້ເຫຍື້ອມັນຈະກາຍເປັນເງິນ-ເປັນຄໍາ.

ແບ່ງປັນ:

ຂີ້​ເຫຍື້ອ​ເປັນ​ສິ່ງ​ເສດ​ເຫຼືອ​ຂອງ​ຜູ້​ຄົນ​ທີ່​ໃຊ້​ແລ້ວ​ບໍ່​ຕ້ອງ­ການ ມັນກາຍ­ເປັນ​ບັນ­ຫາ​ທີ່​ຕາມ​ມາ ສ້າງ​ຄວາມ​ຮົກ­ເຮື້ອ​-ເປິ​ະ​ເປື້ອນ ກາຍເປັນ​ຄວາມ​ຮັບ­ຜິດ­ຊອບ​,ເປັນພາລະ​ຂອງ​ຜູ້​ອື່ນໆ ທັງໆ​ທີ່​ມັນ​ເກີດ​ຂຶ້ນ​ມາ​ດ້ວຍ​ນ້ຳ­ມື​ຂອງ​ຄົນ​ມັກ­ງ່າຍຈໍານວນໜຶ່ງ. ບັນ­ຫາ​ຂີ້​ເຫຍື້ອ​ ບໍ່​ແມ່ນ​ຫາ​ກໍ່​ມີ ມັນ​ກໍ່​ຮ່າງ​ສ້າງ​ໂຕ​ຂຶ້ນ​ມາ ແລະ ແຜ່​ລາມ​ກະ­ຈາຍ​ຢູ່​ຕາມຄຸ້ມບ້ານ,ແຄມເຮືອນ ແລະ ຕາມຕົວເມືອງຕ່າງໆມາຫຼາຍປີ ເຖິງວ່າແຕ່ລະມື້ຈະມີໜ່ວຍງານຂອງພາກລັດ-ເອກະຊົນ ມາເກັບມ້ຽນນໍາໄປຖີ້ມຢູ່ບ່ອນເກັບມ້ຽນສະເພາະ, ແຕ່ກໍບໍ່ສາມາດເກັບໄດ້ຢ່າງໝົດກ້ຽງ ອີງຕາມຕົວເລກເກັບກໍາຂອງໜ່ວຍງານ ອ.ພ.ບ ປະມານ 45% ເທົ່ານັ້ນທີ່ເກັບໄດ້ ສ່ວນທີ່ເຫຼືອແມ່ນຍັງຢາຍຕາມແຄມຮົ້ວ,ແຄມທາງ….ມີການຈູດຕາມເຮືອນ ແລະ ອື່ນໆ..

ປັດ­ຈຸ­ບັນ ຂີ້​ເຫຍື້ອ​ທົ່ວ​ນະ­ຄອນ­ຫຼວງ​ວຽງ​ຈັນ ມີ​ເຖິງ 450 ໂຕນ​ຕໍ່​ວັນ ອັນ​ໄດ້​ກາຍ­ເປັນ​ຂໍ້​ຫຍຸ້ງ­ຍາກ​ໃນ​ການ​ປະ­ຕິ­ບັດ ສ.ສະ­ອາດ ,ແຕ່​ການ​ເພີ່ມ​ຂຶ້ນ​ດັ່ງ­ກ່າວ​ນັ້ນ ມັນໄດ້​ເປັນ​ໂອ­ກາດ​ໃຫ້​ເກີດ​ມີ​ການ​ກໍ່­ສ້າງ​ໂຮງ­ງານ​ແປ​ຮູບ​ຂີ້​ເຫຍື້ອ (Recycle) ເພື່ອ​ໃຫ້​ກາຍ​ມາ​ເປັນ​ສິ່ງ​ທີ່​ສາ­ມາດ​ນຳ​ໃຊ້​ໄດ້​ອີກ​ເທື່ອ​ໜຶ່ງ.

ໂຮງງານ A2B Recycle ກໍເປັນອີກໂຮງງານແຫ່ງໜຶ່ງໃນນະຄອນຫຼວງວຽງຈັນ ທີ່ເລີ່ມກໍ່ຮ່າງສ້າງຕົວຂຶ້ນໃນປີ 2012 ຈາກນັກທຸລະກິດໝຸ່ມໄຟແຮງ ຜູ້ມີວິໄສທັດກວ້າງໄກ ແລະ ມີຫຼາຍທຸລະກິດໃນເຄືອຂອງບໍລິສັດ K&C Group.

ທ່ານ ໄຊຍະເດດ ວົງໄຊ ໄດ້ໃຫ້ສໍາພາດຕໍ່ທາງວາລະສານທາເກັດເມື່ອບໍ່ດົນຜ່ານມານີ້ວ່າ: ເມື່ອກ່ອນຕົນເອງເຄີຍຄິດວ່າ ຂີ້ເຫຍື້ອ ມັນເປື້ອນ,ມັນເໝັນ,ມັນບໍ່ສະອາດ,ມັນບໍ່ມີຄຸນຄ່າ…ແຕ່ພໍໄດ້ມີໂອກາດມາເຮັດກ່ຽວກັບໂຮງງານແປຮູບຂີ້ເຫຍື້ອ (Recycle) ຈິ່ງຮູ້ວ່າ: ມັນມີຄຸນຄ່າມະຫາສານໂດຍສາມາດສ້າງລາຍຮັບໃຫ້ທຸລະກິດໄດ້ຢ່າງຫຼວງຫຼາຍ ແລະ ຍັງໄດ້ຊ່ວຍປະເທດຊາດ ກໍຄືສັງຄົມຫຼຸດຜ່ອນມົນລະພິດໄດ້ອີກດ້ວຍ.

ລະບົບເຕັກນິກ-ເຄື່ອງຈັກທີ່ນໍາໃຊ້ມີຄວາມທັນສະໄໝແນວໃດ?

   ສໍາລັບເຄື່ອງຈັກທີ່ນໍາໃຊ້ໃນໂຮງງານແມ່ນຖືວ່າມີຄວາມທັນສະໄໝ ແລະ ເຮົາໄດ້ມີການສັ່ງເຮັດເປັນພິເສດເພື່ອໃຫ້ແທດເໝາະກັບສະພາບແວດລ້ອມ ແລະ ສະພາບຂີ້ເຫື້ຍອຂອງບ້ານເຮົາ ເຊັ່ນວ່າ: ການແກະສະຕິກເກີ້ ຖ້າໃຊ້ແຮງງານຄົນຈະໄດ້ມື້ໜຶ່ງປະມານ 100-120 ກິໂລ/ມື້ ແຕ່ໂຮງງານຂອງເຮົາໃຊ້ລະບົບເຄື່ອງຈັກ ຈະສາມາດແກະໄດ້ 300 ກິໂລ/ຊົ່ວໂມງ.

ໂຮງງານຂອງເຮົາຈະນໍາໃຊ້ເຄື່ອງກົນຈັກເປັນຫຼັກ ຖືເປັນໂຮງງານຂະໜາດໃຫ່ຍໃນປະເທດ ສາມາດ Recycle ໄດ້ມື້ໜຶ່ງ 6-12 ໂຕນ, ສ່ວນແຮງງານຄົນຈະນໍາໃຊ້ເຂົ້າໃນຂັ້ນຕອນຄັດແຍກວັດຖຸເຂົ້າເຄື່ອງຈັກແລະ ຂັ້ນຕອນຄັດແຍກວັດຖຸເວລາອອກຈາກເຄື່ອງຈັກ ປະມານ 30 ກວ່າຄົນ.

ການເກັບຊື້ເພື່ອປ້ອນໂຮງງານ ແລະ ສິ່ງທ້າທາຍເມື່ອມີການແຂ່ງຂັນ?

ສໍາລັບວັດຖຸມາປ້ອນໂຮງງານແມ່ນຈະມີບໍລິສັດມາສົ່ງໃຫ້ໂດຍຈະມີການເຊັນສັນຍາເຮັດການຊື້-ຂາຍຮ່ວມກັນ,ທາງພວກເຮົາຈະບໍ່ເກັບຊື້ເອງເພາະເຮົາຈະບໍ່ໄປແຂ່ງຂັນຍາດແຍ່ງຕະຫຼາດຂອງຜູ້ເກັບຊື້ລາຍຍ່ອຍ.

ສໍາລັບສິ່ງທ້າທາຍເມື່ອມີການແຂ່ງຂັນໃນອະນາຄົດ ທາງພວກເຮົາບໍ່ຢ້ານປານໃດເພາະເຮົາມີຄູ່ຄ້າທີ່ໝັ້ນຄົງທີ່ສໍາຄັນແມ່ນເຮົາຈ່າຍສົດທຸກຄັ້ງ ແລະ ບາງຄັ້ງເຮົາຍັງຈ່າຍລ່ວງໜ້າ ເພື່ອສ້າງຄວາມສະດວກ ແລະ ຄວາມເພິ່ງພໍໃຈໃຫ້ກັບຄູ່ສັນຍາ.

ວັດຖຸທີ່ນໍາມາ Recycle ມີປະເພດໃດແດ່?

ໂຮງງານຂອງເຮົາຈະເຮັດ Recycle ຢູ່ 02 ຊະນິດຄື: Plastic ໂດຍເຮົາຈະແຍກອອກເປັນສອງສີຄື:ສີຂາວກັບສີຟ້າ ເຊິ່ງຫຼັກໆຈະເປັນປະເພດກະຕຸກນໍ້າດື່ມທຸກຊະນິດ,ຮອງລົງແມ່ນກໍແມ່ນເສດ Plastic ຕ່າງໆເຊັ່ນ:ໂຕະ,ຕັ່ງ,ຖ້ວຍ,ໂຖດອກໄມ້,ຖັງນໍ້າ…..ພ້ອມນີ້ກໍ Recycle ປະເພດ Aluminium ທຸກຢ່າງເຊັ່ນ: ກະປ໋ອງເບຍ,ນໍ້າຫວານ….ອື່ນໆ.

ຕະຫຼາດສົ່ງອອກມີປະເທດໃດແດ່-ນໍາໄປຜະລິດຫຍັງ?

ປັດຈຸບັນໂຮງງານສາມາດສົ່ງອອກເດືອນໜຶ່ງປະມານ 150 ໂຕນ ໂດຍຕະຫຼາດສ່ວນໃຫຍ່ແມ່ນໄທ ແລະ ສ.ປຈີນຈໍານວນໜຶ່ງ , ສໍາລັບປະເພດ Plastic ຈາກຕຸກນໍ້າດື່ມແມ່ນຈະນໍາໃຊ້ເປັນໄຍສັງເຄາະເຂົ້າໃນການຜະລິດເສື້ອກັນໜາວ ໂດຍບໍ່ສາມາດນໍາມາຜະລິດເປັນຕຸກນໍ້າດື່ມໄດ້ອີກ, ສ່ວນປະເພດ ອາລູມີນຽມ (Aluminium) ແມ່ນສາມາດນໍາມາຜະລິດຄືນໃໝ່ໄດ້ .

ໂຮງງານມີຄວາມເອົາໃຈໃສ່ຕໍ່ສິ່ງແວດລ້ອມແນວໃດ?

ຖ້າຈະເວົ້າແລ້ວໂຮງງານ Recycle ແມ່ນທຸກຢ່າງສາມາດນໍາໃຊ້ໄດ້ໝົດເກືອບບໍ່ມີແນວຖີ້ມ,ມີພຽງເລື່ອງນໍ້າທີ່ນໍາມາລ້າງເຮັດຄວາມສະອາດມັນຈະກາຍເປັນນໍ້າເປື້ອນ ຕໍ່ບັນຫານີ້ທາງໂຮງງານໄດ້ສ້າງອ່າງບໍາບັດນໍ້າຮອງຮັບ ທີ່ໄດ້ມາດຕະຖານ.

ເປົ້າໝາຍໃນອະນາຄົດວາງໄວ້ແນວໃດ?

ສໍາລັບເປົ້າໝາຍໃນອະນາຄົດທາງໂຮງງານຈະເຮັດ Recycle ປະເພດແກ້ວທຸກຊະນິດ ເຊິ່ງຄາດວ່າຈະເລີ່ມລົງມືໃນປີ 2016 ,ສ່ວນປະເພດເຫຼັກເສດ ແລະ ເຈ້ຍ ຈະເລີ່ມລົງມືໃນປີ 2018 ເພາະປັດຈຸບັນພວກເຮົາມີຄວາມພ້ອມທຸກດ້ານແລ້ວ.

ເອອີຊີ ຈະໃຫ້ຫຍັງກັບໂຮງງານ?

ຂ້າພະເຈົ້າເຊື່ອວ່າ ຈໍານວນຂີ້ເຫຍື້ອຈະເພີ່ມຂຶ້ນເນື່ອງຈາກຈະມີຜູ້ຄົນເຂົ້າມາທ່ຽວ,ມາລົງທຶນໃນບ້ານເຮົາຫຼາຍຂຶ້ນ,ຍອດການຂາຍ,ການຊື້ຈະເພີ່ມຂຶ້ນປະມານ 30% ແລະ ມັນຍັງຈະເປັນຜົນດີໃຫ້ການສົ່ງອອກສິນຄ້າກວ້າງຂວາງຂຶ້ນສະດວກຂຶ້ນ.

ທ່ານ ໄຊຍະເດດ ວົງໄຊ ກ່າວມ້ວນທ້າຍຕື່ມວ່າ: ຢາກໃຫ້ທຸກຄົນໃນສັງຄົມຫັນມາໃສ່ໃຈກັບການແຍກຂີ້ເຫຍື້ອ ແລະ ການມ້ຽນມັດໃຫ້ເປັນທີ່ເປັນທາງ , ເພາະຂີ້ເຫຍື້ອບາງປະເພດກໍສາມາດນໍາມາ Recycle ສາມາດເປັນລາຍຮັບໜຶ່ງໃຫ້ກັບເຮົາ.

ທ່ານຜູ້ອ່ານທີ່ຮັກແພງ ປັນ­ຫາ​ຂີ້​ເຫຍື້ອ​ລົ້ນ​ໂລກ ຫຼື ຂີ້​ເຫຍື້ອ​ກາຍ­ເປັນ​ມົນລະ​ພິດ​ໃນ​ອາ­ກາດ ຍ່ອມ​ເປັນ​ອັນ­ຕະ­ລາຍ ຕ້ອງ​ໄດ້​ຮັບ​ການ​ແກ້​ໄຂ ແລະ ເອົາ­ໃຈ­ໃສ່​ຈາກ​ຫຼາຍ​ພາກສ່ວນ​ທີ່​ກ່ຽວ­ຂ້ອງ.​ ຄໍາຖາມ​ຈຶ່ງ​ມີ​ຢູ່​ວ່າ: ຂີ້​ເຫຍື້ອ​ຫຼາຍຈົນ​ກາຍ­​ເປັນມົນລະ​ພິດ ແລະ ກາຍເປັນບັນຫາສັງຄົມ ມັນ​ລ້ວນແຕ່​ເກີດ​ຈາກ​ນ້ຳ­ມືຂອງ​ມະ­ນຸດນີ້​ເອງ ​ທີ່​ໃຊ້​ຊັບ­ພະ­ຍາ­ກອນ​ຕ່າງໆຢ່າງ​ຟຸມ​ເຟືອຍ ຫຼື ບໍ່­ມີການແຍກປະເພດຂີ້ເຫຍື້ອ ເພື່ອນໍາເຂົ້າ​ໃນ​ຂະ​ບວນ​ການ​ແປ​ຮູບ​ເປັນ​ສິ່ງ​ທີ່​ສາ­ມາດ​ນຳ​ມາ​ໃຊ້​ໄດ້​ຄືນ ​ໃຫ້ເກີດປະໂຫຍດເທົ່າ​ທີ່​ຄວນ (Recycle).

ບັນ­ຫາ​ຂີ້​ເຫຍື້ອ​ ຈະກາຍ​ເປັນ​ບັນ­ຫາ​ໃຫຍ່ໃນອະນາຄົດ ເຊິ່ງ​ທະນາ​ຄານ​ໂລກ (World Bank) ໄດ້ຄາດຄະເນໄວ້​ວ່າ: ບໍ່ເຖິງ 5 ປີ​ຂ້າງໜ້າ ​ຂີ້​ເຫຍື້ອ​ຈະ​ລົ້ນ​ໂລກ ເພາະ­ວ່າ​ພົນ­ລະ­ເມືອງ​ຫຼາຍ​ຂຶ້ນ ເຮັດ​ໃຫ້​ມີການ​ຂະ­ຫຍາຍ­ຕົວ​ເມືອງ ແລະ ອຸດ­ສາ­ຫະ­ກຳ​ກໍ່ຂະ­ຫຍາຍ­ຕົວ​ໄວ ໂດຍ​ສະ­ເພາະໃນປະ­ເທດ​ທີ່​ກຳ­ລັງ​ພັດ­ທະ­ນາ.

 

IMG_7434 IMG_7463+ IMG_7465 IMG_7468+ IMG_7470 IMG_7478

IMG_7489

A2B Recycle

Who ever thought that garbage could be converted into money?

 

Garbage is the unwanted remains left over after people have finished using things and becomes a problem, creating mess, clutter, and dirt. Lazy people who litter force the responsibility for dealing with it onto other people. Garbage is not a new problem; it has been growing and spreading throughout our villages, roads, and towns for many years. Each day, State and private sector units have to collect it and take it to disposal sites but they are unable to collect it all. According to figures from the Vientiane Urban Development Administration Authority, only around 45% is collected. The rest ends up strewn along the roadsides, being burned in people’s gardens, and so forth.

Vientiane Capital currently produces 450 tons of garbage per day, which is posing a problem to the implementation of the Sam Saat (Three Clean) directive. This rising garbage production, however, opens the opportunity to build recycling factories to turn all this garbage into something which can be used once again.

A2B Recycle is a recycling factory in Vientiane Capital which was set up in 2012 by a group of voracious young businesspeople with a long vision and is among the many businesses of the K&C Group.

Xayadeth Vongxay recently granted Target magazine an interview about his business, which transforms garbage, something we always though of as dirty, greasy, and worthless, into an opportunity with his recycling factory, generating huge revenues for his business and helping the country and the public to get rid of all this waste and pollution.

How modern are the technical systems and machinery used?

The machinery used in the factory is modern and we have ordered some custom-made items to cater to the specific environment of our country and the types of garbage found here. If, for example, we were to use human labor to remove labels, we would only get through about 100-120kg per day but thanks to our machinery, we can get through 300kg per hour.

Our factory uses heavy machinery and is one of the largest factories in the country, able to recycle 6-12 tons per day. We employ over thirty people to separate the various materials to be fed into the machines and separate the materials after processing.

What about buying the materials to be fed into the factory and the challenge of competition?

We have signed purchase contracts with companies which supply us with the materials. We do not go out and collect it ourselves as we do not wish to compete with small-scale garbage collectors.

As for the challenge of future competition, we are not all that worried because we have loyal trading partners and importantly, we pay in cash each time, sometimes even paying in advance so as to make things easier for our trading partners and maintain positive relations.

What materials do you recycle?

Our factory recycles two types of materials, the first being plastic, which we divide into two colors – white and blue. This mostly comes in the form of drinks bottles but can also come from tables, chairs, bowls, vases, and tubs. We also recycle all types of aluminum, such as beer cans, fizzy drinks cans, and so forth.

To which countries do you export and what do they produce with the materials?

Our factory currently exports around 150 tons per month, mostly to Thailand but also to China. The water bottles are used to produce synthetic fabrics for coats and cannot be reused to produce water bottles again while the aluminum can be recycled back into cans.

What does your factory do for the environment?

Our recycling factory can make use of everything and almost nothing needs to be thrown away – only the water we use for cleaning. We have built an up-to-standard water treatment tank to deal with this.

What targets have you set for the future?

For the future, our factory will start to recycle all kinds of glass and we hope to have this up and running in 2016 with steel and paper coming later in 2018 because we feel fully prepared to do this now.

What will the AEC do for your factory?

I believe that the amount of garbage will rise as there will be more tourists and investors coming into the country. Our sales and purchase volumes will rise by around 30%. It will also be a positive thing as it will be easier to export.

Xayyadeth Vongxay finishes up by saying that:

I would like all members of the public to make the effort to separate their garbage, tie it up, and put it out tidily because certain garbage can be recycled and this can generate an income.

The problem of garbage inundating the world and creating air pollution represents a dangerous problem which must be addressed and efforts must be made by all relevant sectors. This garbage, which has reached such quantities that it has become a form of pollution and a problem for society, has come about purely by the hands of humans alone, who use resources wastefully and do not separate their garbage so that it can be recycled and be of use once again.

The problem of garbage will be a significant problem in the future and the World Bank estimates that within five years, it will inundate the world owing to the rising world population leading to rapid urban expansion and expanding industrialization, especially in developing countries.

ເລື່ອງທີ່ກ່ຽວຂ້ອງ

ຫຼວງພະບາງເປັນເມືອງທີ່ມີຊີວິດຊີວາ ມີສະເໜທາງດ້ານວັດທ... ຫຼວງພະບາງມີຈຸດດືງດູດການທ່ອງທ່ຽວແນວໃດ? ​ເມື່ອ​ເວົ້າ​ມາ​ເຖິ...
ບໍລິຄໍາໄຊ ເສດຖະກິດຂະຫຍາຍຕົວຢ່າງຕໍ່ເນື່ອງໝັ້ນທ່ຽງ.... ການຈັດຕັ້ງປະຕິບັດວຽກງານຮອບດ້ານທົ່ວແຂວງໃນໄລຍະຜ່ານມາແມ່ນການກ້າ...
ການລົງທຶນພາຍໃນ ແລະ ຕ່າງປະເທດລວມທັງໝົດມີ 327 ໂຄງການ... ສະພາບການລົງທຶນຢູ່ແຂວງອັດຕະປືມີບາດກ້າວຂະຫຍາຍຕົວແນວໃດ?. ເລີ...
ວິໄສທັດຂອງລັດຖະບານຊຸດທີ VIII... ເພື່ອ​ຮັບ­ປະ­ກັນ​ໃຫ້​ຂະແໜງການ​ເງິນ​ຂອງ​ປະ­ເທດ​ ມີການ​ປ່ຽນ­ແປ...
ຄົນລາວຈະໄດ້ໃຊ້ບັດປະຈຳຕົວໃໝ່ທີ່ທັນສະໄໝຂຶ້ນ... ພັນໂທ ແສງເພັດ ຍະພິຈິດ ຫົວໜ້າຮັບຜິດຊອບໂຄງການ PEID. “ນຳ​...
ຊີວິດການເປັນຢູ່ຂອງປະຊາຊົນໄດ້ຮັບການພັດທະນາດີຂຶ້ນ, ແ... ທ່ານ ດຣ ນາມ ວິຍະເກດ ກຳມະການ​ສູນ​ກາງ​ພັກ, ເລຂາພັກແຂວງ, ເຈົ້າແ...
ການປະຕິຮູບຫຼັກສູດໃຫ້ທັນກັບຍຸກສະໄໝກໍເປັນຂອດໜຶ່ງທີ່ສ... ກະຊວງສຶກສາທິການ ແລະ ກິລາ ໄດ້ວາງຮ່າງວິໄສທັດການພັດທະນາ ການສຶກສ...
ການປ່ຽນຄັ້ງໃຫຍ່ຂອງ “ອີຊູຊຸ” ໃນ ສປປ ລາວ.... “ອີຊູຊຸອິນໄຊທ໌”(Isuzu Insight)ຄື:ເຕັກໂນໂລຊີໃໝ່ທີ່ລໍ້າໜ້າ-ທັນ...

Comments

comments

Ooh Laos 600×100
Main menu