Prudential 450×100

ການພັດທະນາຂົງເຂດການຜະລິດໄປຕາມເປົ້າໝາຍ

ແບ່ງປັນ:

ຫາກ​ເວົ້າ​ເຖິງ​ຂົງ​ເຂດ​ການ​ຜະລິດ​ແລ້ວ​ຢູ່​ປະ​ເທດ​ເຮົາ ການ​ຜະລິດ​ກະ​ແສ​ໄຟຟ້າ, ການ​ຜະລິດ​ແຮ່​ທາດ ກໍ​ຄື​ການ​ຜະລິດ​ໃນ​ຂົງ​ເຂດ​ກະສິກຳ​ ພວມ​ມີ​ບາດກ້າວ​ຂະຫຍາຍຕົວ​ໄປ​ຕາມ​ທິດ​ທາງ ​ແລະ ​ເປົ້າ​ໝາຍ​ທີ່​ລັດຖະບານ​ວາງ​ໄວ້. ​ໃນ​ບົດ​ລາຍ​ງານ​ຕໍ່​ກອງ​ປະຊຸມ​ສະພາ​ສະ​ໄໝ​ສາມັນ​ເທື່ອ​ທີ 9 ຂອງ​ສະພາ​ແຫ່ງ​ຊາດ​ຊຸດ​ທີ VII ທ່ານ ສົມ​ດີ ດວງ​ດີ ລັດຖະມົນ​ຕີ​ກະຊວງ​ແຜນການ ​ແລະ ການ​ລົງທຶນ​ກໍ​ໄດ້​ລາຍ​ງານ​ວ່າ:

  • ຄາດ​ຄະ​ເນ​ການ​ຜະ​ລິດ​ເຂົ້າ​ລວມ ໝົດ​ສົກ​ປີ 2014-2015 ຈະ​ສາມາດ​ຜະລິດ​ໄດ້​ຕາມ​ແຜນການປີ (4 ລ້ານ​ໂຕນ) ​ໃນ​ນັ້ນ: ການ​ຜະລິດ​ເຂົ້ານາ​ແຊງ​ໄດ້ 0,56 ລ້ານ​ໂຕນ, ການ​ຜະລິດ​ເຂົ້ານາ​ປີ​ໄດ້ 3,21 ລ້ານ​ໂຕນ, ການ​ຜະລິດ​ເຂົ້າ​ໄຮ່​ໄດ້ 0,23 ລ້ານ​ໂຕນ, ການ​ຜະລິດ​ພືດ​ເປັນ​ສິນຄ້າ​ໃນ​ໄລຍະ​ຜ່ານ​ມາ​ເຫັນ​ວ່າ​ມີ​ການ​ຂະຫຍາຍຕົວ ​ແລະ ມີ​ການຈັດ​ຕັ້ງ​ການ​ຜະລິດ​ເປັນ​ກຸ່ມ ສະຫະກອນ​ຫຼາຍ​ຂຶ້ນ, ສິນຄ້າ​ຫຼາຍ​ປະ​ເພດ​ກໍ​ເລີ່​ມມີ​ໜໍ່​ແໜ​ງຂຶ້ນ. ສຳລັບ​ການ​ລ້ຽງສັດ ​ໃນ​ທົ່ວ​ປະ​ເທດ​ເຫັນ​ວ່າ ມີ​ການ​ຫັນປ່ຽນ​ຈາກ​ການ​ລ້ຽງ​ແບບ​ທຳ​ມະ​ຊາດ ​ໄປ​ສູ່​ການ​ລ້ຽງ​ແບບ​ເປັນ​ຟາ​ມ ​ແລະ ​ແບບ​ທອມ ຫຼາຍ​ຂຶ້ນ​ໂດຍ​ສະ​ເພາະ ​ແມ່ນ​ການ​ລ້ຽງສັດ​ແບບ​ເປັນ​ຟາ​ມ ອອ້ມຕົວ​ເມືອງ​ໃຫຍ່​ຕ່າງໆ​ເຊັ່ນ: ນະຄອນຫຼວງ​ວຽງ​ຈັນ, ​ແຂວງ​ວຽງ​ຈັນ, ຫຼວງ​ພະ​ບາງ, ຄຳ​ມ່ວນ, ສະຫວັນ​ນາ​ເຂດ, ຈຳປາ​ສັກ.                              ນອກ​ນັ້ນ ຍັງ​ມີ​ການ​ປູກ​ຫຍ້າ ລ້ຽງ​ງົວ ​ແລະ ລ້ຽງ​ແບ້​ຢູ່​ບັນດາ​ແຂວງ ​ເຊັ່ນ: ​ແຂວງ​ຊຽງ​ຂວາງ, ​ແຂວງ​ຫຼວງ​ພະ​ບາງ, ​ແຂວງ​ອັດ​ຕະປື ​ແລະ ​ແຂວງ​ເຊ​ກອງ. ປະຈຸ​ບັນ​ມີ​ຟາ​ມລ້ຽງ​ຄວາຍ1 ຟາມ ມີຄວາຍ 200 ​ໂຕ, ຟາ​ມງົວ 168 ຟາ​ມ ມີ​ງົວ​ປະມານ 32.900​ໂຕ, ຟາ​ມໝູ 630 ຟາ​ມ ມີ​ໝູ 500.450​ ໂຕ, ຟາ​ມລ້ຽງ​ແບ້ 58 ຟາ​ມ ມີ​ແບ້​ທັງ​ໝົດ 10.285 ​ໂຕ, ​ແລະ ຟາ​ມລ້ຽງສັດ​ປີກ 449 ຟາ​ມ ມີ​ສັດ​ປີກ​ປະມານ 2 ລ້ານ​ກວ່າ​ໂຕ.
  • ​ໃນ​ໄລຍະ 6 ​ເດືອນ​ຕົ້ນ​ສົກ​ປີ 2014-2015 ມູນ​ຄ່າ​ການ​ຜະລິດ​ອຸດສາຫະກຳ​ປຸງ​ແຕ່ງ ​ແລະ ຫັດຖະກຳ ​ຄາດ​ຄະ​ເນ​ຈະ​ບັນລຸ​ປະມານ 2.787 ຕື້​ກີບ ທຽບ​ໃສ່​ໄລຍະ​ດຽວ​ກັນ​ຂອງ​ປີຜ່ານມາ ​ເພີ້​ມຂຶ້ນ 12.6%
  • ມູນ​ຄ່າ​ການ​ຜະລິດ​ແຮ່​ທາດ ​ປະຕິບັດ​ໄດ້ 6.504,55 ຕື້​ກີບ ທຽບ​ໃສ່​ປີຜ່ານມາ​ຫຼຸດ​ລົງ 4,56% ​ເນື່ອງ​ຈາກ​ລາຄາ​ແຮ່​ທາດ ​ໃນ​ຕະຫຼາດ​ໂລກ​ຍັງ​ມີ​ທ່າ​ອ່ຽງຫຼຸດ​ລົງ​ຢ່າງ​ຕໍ່​ເນື່ອງ​ ແຕ່​ໃນ​ແງ່​ປະລິມານ​ການ​ຜະລິດ​ແຮ່​ທາດ​ເພີ່​ມຂຶ້ນ 9,16%
  • ການ​ຜະລິດ​ກະ​ແສ​ໄຟຟ້າ​ ຄາດ​ຄະ​ເນ​ປະຕິບັດ​ໄດ້ 5.734,14 ລ້ານ​ກິ​ໂລ​ວັດ​ໂມງ ທຽບ​ໃສ່​ໄລຍະ​ດຽວ​ກັນ​ຂອງ​ປີຜ່ານມາ​ຫຼຸດ​ລົງ 15,97% ສາ​ເຫດ​ແມ່ນ​ຍ້ອນ​ການ​ຜະລິດ​ຂອງ​ເຂື່ອ​ນນ້ຳ​ເທີນ 2 ​ເຊິ່ງກວມ​ເຖິງ 40% ຂອງ​ການ​ຜະລິດ​ທັງ​ໝົດ ​ໄດ້້​ປັບ​ແຜນການ​ຜະລິດ​ໃນ​ງວດ 1 ລົງ​ເພື່ອ​ຮັກສາ​ນ້ຳ​ໄວ້​ໃນ​ງວດ​ຕໍ່​ໄປ ຈຶ່ງ​ເຮັດ​ໃຫ້ການ​ຜະລິດ​ຫຼຸດ​ລົງ 39% ການຈໍາໜ່າຍ​ກະ​ແສ​ໄຟຟ້າ ປະຕິບັດ​ໄດ້ 385,23 ລ້ານ​ໂດ​ລາ, ຈຳໜ່າຍ​ໃນ​ປະ​ເທດ 152,02 ລ້ານ​ໂດ​ລາ, ຈຳໜ່າຍ​ຕ່າງປະ​ເທດ 233,21 ລ້ານ​ໂດ​ລາ. ການ​ນຳ​ເຂົ້າ​ກະ​ແສ​ໄຟຟ້າ ປະຕິບັດ​ໄດ້ 36,39 ລ້ານ​ໂດ​ລາ, ​ເຊິ່ງນຳ​ເຂົ້າ​ຈາກ​ປະ​ເທດ ​ໄທ, ຫວຽດນາມ ​ແລະ ສປ ຈີນ.

​      ໂຄງການ​ກໍ່ສ້າງ​ເຂື່ອນ​ມີ​ບາງ​ໂຄງການ​ໄດ້​ກໍ່ສ້າງ​ສຳ​ເລັດ ​ແລະ ກຳລັງ​ເຂົ້າສູ່​ການ​ຜະລິດ ​ເປັນ​ຕົ້ນ ​ໂຄງການ​ກໍ່ສ້າງ​ເຂື່ອນ​ຫົງ​ສາລິກ​ໃນ ​ໄດ້​ເລີ່​ມຈ່າຍ​ກະ​ແສ​ໄຟຟ້າ​ໜ່ວຍ​ການ​ຜະລິດ​ທີ 1 ​ໃນ​ຕົ້ນ​ເດືອນ 6 ທີ່​ຜ່ານ​ມາ​ນີ້ ​ແລະ ຄາດ​ວ່າ​ໜ່ວຍ​ຜະລິດ​ທີ 2 ​ແລະ ໜ່ວຍ​ຜະລິດ​ທີ 3 ຈະ​ສາມາດ​ຜະລິດ​ໃນ​ໄວໆ​ນີ້, ນອກຈາກ​ນັ້ນ ກໍ່​ຍັງ​ມີ​ຫຼາຍ​ໂຄງການ​ທີ່​ມີ​ຄວາມ​ຄືບ​ໜ້າ​ຄື​ດັ່ງ​ນີ້: ​ໂຄງການ​ກໍ່ສ້າງ​ເຂື່ອນ​ໄຟຟ້າ​ໄຊ​ຍະ​ບູລີ ປະຕິບັດ​ໄດ້ ​ເກີນ 50% ​ເຂື່ອນ​ນ້ຳ​ອູ 5 ປະຕິບັດ​ໄດ້ 75% ​ເຂື່ອນ​ນ້ຳ​ອູ 6 ປະຕິບັດ​ໄດ້ 70%, ​ເຂື່ອນ​ນ້ຳ​ຄານ 2 ປະຕິບັດ​ໄດ້ 94% ຄາດ​ວ່າ​ເດືອນ ກັນຍາ ປີ 2015 ຈະ​ສາມາດ​ເປີດ​ນຳ​ໃຊ້​ໄດ້, ​ເຂື່ອນ​ນ້ຳ​ງຽບ 2 ປະຕິບັດ​ໄດ້ 75% ນອກ​ນີ້​ໂຄງການ​ອື່ນໆ​ກໍ​ມີ​ຄວາມ​ຄືບ​ໜ້າ​ໄປ​ຕາມ​ແຜນການ​ວາງ​ໄວ້.

ອັດຕາ​ການ​ຊົມ​ໃຊ້​ໄຟຟ້າ​ຂອງ​ຄອບຄົວ ​ເຊິ່ງ​ເປັນ​ຕົວ​ຊີ້​ບອກ​ອັນ​ໜຶ່ງ ຂອງ​ມາດຖານ​ລຶບລ້າງ​ຄວາມທຸກ​ຍາກ ​ໄດ້​ກວມ 88,15% ຂອງ​ຄອບຄົວ​ໃນ​ທົ່ວ​ປະ​ເທດ ( ​ແຜນ 5 ປີ​ວາງ​ໄວ້​ແມ່ນ 80%)

ນັ້ນ​ແມ່ນ​ຂໍ້​ມູນ​ທີ່​ຢາກ​ໃຫ້​ນັກທຸລະກິດ​ກຳ​ໄດ້​ເຖິງ​ການ​ພັດທະນາ​ໃນ​ຂົງ​ເຂດ​ດັ່ງກ່າວ

Increasing production in line with targets

 

If we talk of production in our country, the production of energy, minerals, and agricultural produce are all rising in line with the policies and targets set by the government. At the 9th Ordinary Session of the 7th Legislature of the National Assembly, Minister for Planning and Investment Mr. Somdy Douangdy gave the following report:

  • Total rice production for 2014-2015 is on target (4 million tons) for this year. Dry season rice is to reach 0.56 million tons, wet season rice 3.21 tons, and upland rice 0.23 tons. Crops cultivated as a product have been expanding and there are more and more production groups and cooperatives. As for livestock raising, people are using old traditional methods less and raising livestock on farms more. This is especially happening on the outskirts of cities such as Vientiane Capital and provinces such as Vientiane province, Luang Prabang, Khammouane, Savannakhet, and Champasak. The cultivation of hay for cattle and goats has also been taking place in Xienkhouang, Luang Prabang, Attapeu, and Xekong. There is currently 1 buffalo farm with 200 buffaloes, 168 cow farms with 32,900 cows, 630 pig farms with 500,450 pigs, 58 goat farms with 10,285 goats, and 449 poultry farms with over 2 million poultry.
  • Over the first six months of 2014-2015, production from industrial processing and handicrafts reached 2,787 billion kip, a 12.6% increase on last year.
  • Mineral production reached 6,504.55 billion kip, a 4.56% drop from last year owing to lower world mineral prices but the actual volume produced rose by 9.16%.
  • Electricity generation is expected to reach 5,734.14 million kWh, a 15.97% drop from the same time last year owing to the Nam Theun 2 hydroelectric dam, which accounts for 40% of total production, adjusting its plan for the first quarter in order to maintain water levels for the following quarter, leading to a 39% drop in production. Energy generation reached 385.23 million dollars, 152.02 million being distributed domestically and 233.21 million being exported overseas. Energy imports reached 36.39 million dollars and these came from Thailand, Vietnam, and China.

Certain hydroelectric dam projects are now complete and production is underway. An example is the Hongsa lignite power plant, which started to generate electricity at the start of June and it is hoped that the second and third production units will be operational soon. Progress was also made with many other projects, such as the Xayabouly dam, which is now over 50% complete, the Nam Ou 5 dam, which is 75% complete, the Nam Ou 6 dam, which is 70% complete, the Nam Khane dam, which is 94% complete and expected to be operational in September 2015, and the Nam Ngiep dam, which is 75% complete. Many other projects have also moved forward as planned.

Household electricity access, which is an indicator for poverty reduction, has reached 88.15% of all households nationwide (the target in the five-year plan being just 80%).

This is the information I would like businesspeople to understand concerning development in these sectors.

ເລື່ອງທີ່ກ່ຽວຂ້ອງ

ສູ້ຊົນ GDP ຕໍ່ຫົວຄົນໃຫ້ໄດ້ 1.860 ໂດລາສະຫະລັດ... ສູ້ຊົນ GDP ຕໍ່ຫົວຄົນໃຫ້ໄດ້ 1.860 ໂດລາສະຫະລັດ ແຜນພັດທະນາເສ...
ການພັດທະນາເສດຖະກິດພິເສດ ແລະ ເຂດເສດຖະກິດສະເພາະ... ໃນ​ສົກ​ປີ 2014 – 2015 ນີ້​ຕ້ອງ​ສູ້​ຊົນ​ໃຫ້​ບັນລຸ​ຄາດໝາຍທີ່​ເ...
ຜົນງານ​ພົ້ນ​ເດັ່ນ​ໃນ​ການ​ພັດທະນາ​ປະ​ເທດ​ຊາດ... ຜົນງານ​ພົ້ນ​ເດັ່ນ​ໃນ​ການ​ພັດທະນາ​ປະ​ເທດ​ຊາດ 39 ປີ​ແຫ່ງ​ກາ...
6 ເດືອນຕົ້ນປີສາມາດ ປະຕິບັດໂຄງການລົງທຶນຂອງລັດບັນລຸ ... ຖືວ່າເປັນຜົນສຳເລັດໃນການລົງທຶນ ໂດຍສະເພາະການລົງທືນຂອງລັດ ເຊິ່ງ...
ຂະແໜງພະລັງງານ ແລະ ບໍ່ແຮ່ນັບມື້ເຕີບໃຫຍ່ ລາຍຮັບກວມ 1... ເປັນການສົມທຽບຄວາມເຕີບໃຫຍ່ຂອງຂະແໜງພະລັງງານ ແລະ ບໍ່ແຮ່ພວກເຮົາຕ...
ສົກປີ 2014-2015 ຕ້ອງສູ້ຊົນເກັບລາຍຮັບບໍ່ໃຫ້ຫຼຸດ 25.... ຫົວຂໍ້ບົດນີ້ແມ່ນໄດ້ມາຈາກ ບົດລາຍງານຂອງ ທ່ານ ລັດຖະມົນຕີວ່າການ ...
ເສດຖະກິດລາວປີນີ້ຈະຂະຫຍາຍຕົວໃນລະດັບ 7,5% ລາຍຮັບປະຊາ... ນີ້​ແມ່ນ​ຄຳ​ຕອບ​ສຳພາດ​ສື່​ມວນ​ຊົນ​ໃນ​ກອງ​ປະຊຸມ​ເປີດ​ກວ້າງ​ລັ...
BMW ໄດ້ຖືກຈັດອັນດັບໃຫ້ເປັນລົດທີ່ມີຊື່ສຽງອັນດັບ 1 ຂ... ທ່ານກວັກໂຫວກຸນ ປະທານ ພຣີມຽມໂອໂຕລາວ ໄດ້ໃຫ້ກຽດຕອບສໍາພາດເມື່ອບໍ...

Comments

comments

Ooh Laos 600×100
Main menu