Prudential 450×100

AEC ຈະເປີດກວ້າງທາງດ້ານການແຂ່ງຂັນທຸລະກິດໃຫ້ມີຄຸນະພາບຫຼາຍຂຶ້ນ.

ແບ່ງປັນ:

ເມື່ອ​ປະ​ເທດ​ລາວ​​ເຂົ້າ​ເປັນສະມາຊິກ​ປະຊາ​ຄົມ​ເສດຖະກິດ​ອາຊຽນ ຫຼື AEC , ​ມັນຈະ​​ເປີດ​ກວ້າງ​ໃຫ້ບັນດານັກທຸລະກິດເຂົ້າມາພາຍໃນປະເທດຫຼາຍຂຶ້ນ ແລະ ບັນດາທຸລະກິດກໍຈະມີການແຂ່ງ​ຂັນກັນ ​​ເຖິງ​ຄຸນ​ນະພາ​ບ ບໍ່ວ່າຈະເປັນ ທາງດ້ານຜະລິດຕະພັນ, ການ​ບໍລິຫານ​, ການບໍລິການ ເຊິ່ງມັນຈະເຮັດໃຫ້ປະຊາຊົນລາວມີ​ການ​ພັດທະນາ​ທີ່​ດີ​ຂຶ້ນເວົ້າລວມ ເວົ້າສະເພາະກໍແມ່ນບັນດານັກທຸລະກິດຂອງລາວເຮົາ ຈະໄດ້ມີການພັດທະນາຕົນເອງຫຼາຍຂຶ້ນຫຼາຍກວ່າເກົ່າ.

ສຳລັບ​ທຸລະ​ກິດ​ຂອງ​ຢູດີຟາມ ​ເອອີ​ຊີ ຈະ​ເປັນ​ໂອກາດ ຫຼື ສິ່ງ​ທ້າ​ທາຍ​ຄື​ແນວ​ໃດ?

ສຳລັບບໍລິສັດ ພັດທະນາ​ກະສິກຳ ຂາ​ອອກ-ຂາ​ເຂົ້າ​ ຈຳກັດ (UD Farm) ເຊິ່ງ​ເປັນ​ຟາ​ມລ້ຽງໝູ ພໍ່​ແມ່​ພັນ ທີ່ຜະລິດລູກໝູຈຳໜ່າຍ ​ໃຫ້​ພໍ່​ແມ່​ປະຊາຊົນ​ ເພື່ອ​ໄປ​ລ້ຽງແລ້ວຂາຍ​ໃຫ້​ແມ່​ຄ້າ ​ເຂົ້າ​ຈຳໜ່າຍ​ໃນ​ຕະຫຼາດ ​ເມື່ອ​ເຂົ້າ​ປະຊາ​ຄົມ​ເສດຖະກິດ​ອາ​ຊຽນ ​ຟາ​ມຂອງ​ພວກ​ເຮົາ ຈະ​ໄດ້​ປຽບ​ຢູ່​ບ່ອນ​ວ່າ ​ເປັນ​ຟາ​ມທີ່ຈຳໜ່າຍ​​ຢູ່​ພາຍ​ໃນປະເທດ ​ເວລາ​ຈຳໜ່າຍ ຫຼື ຂົນສົ່ງ ​ແມ່​ນບໍ່​ໄດ້​ເສຍ​ຄ່າຂົນ​ສົ່ງຫຼາຍ ​ຄື​ການ​ນຳ​ເຂົ້າ​ມາຈາກຕ່າງປະເທດ ມັນຈິ່ງ​ເຮັດ​ໃຫ້​ຊາວ​ກະ​ສິກ​ອນມີ​ຕົ້ນ​ທຶນ​ຕໍ່າ ນອກຈາກນັ້ນ ຢູດີຟາມ ຍັງມີການຮັບປະກັນຕໍ່ສິນຄ້ານຳອີກ ສ່ວນ​ສິ່ງ​ທ້າ​ທາຍ ​ການ​ນຳ​ໝູເຂົ້າມາພາຍໃນປະ​ເທດກໍຈະມີຫຼາຍ​ຂຶ້ນ ​ເຮັດ​ໃຫ້​ພໍ່​ແມ່​ປະຊາຊົນຜູ້ທີ່ນຳໝູໄປລ້ຽງມີ​ກຳ​ໄລ​ໜ້ອຍລົງ.

ຢູດີຟາມ ​ມີ​ຄວາມ​ພ້ອມ​ ​ແລະ ​ແຜນ​ຂະຫຍາຍ​ທຸລະ​ກິດ​ຫຍັງ​ແດ່? ເພື່ອ​ຮອງ​ຮັບ​ເຂົ້າສູ່​ປະຊາ​ຄົມ​ເສດຖະກິດ​ອາ​ຊຽນ.

ຄວາມ​ພ້ອມ​ໃນ​ການ​ເຂົ້າ ​ເອອີ​ຊີ ພວກເຮົາ​ມີ​ຄວາມ​ພ້ອມ​ສູງ ​ໂດຍ​ສະ​ເພາະ​ການ​ຂະຫຍາຍ​​ແມ່​ພັນໝູ ບໍ່​ວ່າ​ຈະ​ເປັນ​ເລື່ອງ​ການ​ປະສົມ​ພັນ​ແບບ​ມີ​ປະສິດທິພາບ, ມີ​ຄຸນ​ນະພາ​ບທີ່​ດີ, ມີ​ປະລິມານ​ທີ່​ຫຼາຍ ​ແລະ​ ລາຄາ​ກໍ​ເໝາະສົມ​ກັບ​ຕະຫຼາດ ​ເຊິ່ງພວກ​ເຮົາ​ໄດ້​ເລີ່​ມ​ເຮັດທຸລະ​ກິດ​ນີ້​ມາ​ຕັ້ງ​​ແຕ່​ປີ 2009 ມີ​ເນື້ອ​ທີ​ດິນ 280 ​ເຮັກ​ຕ້າ, ​​ໂດຍ​ໄດ້​ກູ້​ຢືມ​ເງິນ​ຈາກ​ທະນາຄານ​ສົ່ງ​ເສີມ​ກະ​ຊິ​ກຳ ຄັ້ງ​ທຳ​ອິດ​ຈຳນວນ 24 ຕື້​ກີບ​ ດອກ​ເບ້ຍ 15% ໃນ​ນັ້ນ​ລວມມີໝູແມ່​ພັນຈຳນວນ 1,200 ​ໂຕ ​ແລະ ໝູພໍ່ພັນ 30 ​ໂຕ ​ຫຼັງຈາກນັ້ນກໍສາມາດ​ຜະລິດໝູຂາຍເພີ່ມ​ຂຶ້ນ​​ເລື້ອຍໆ ​ແຕ່​ຄວາມ​ຕ້ອງການ​ລູກໝູນ້ອຍ​ໃນ​ສັງຄົມ​ນັບ​ມື້​ເພີ່ມ​ຂຶ້ນ​ເຊິ່ງ​ເປັນສາ​ເຫດ​ເຮັດ​ໃຫ້ການ​ຜະລິດ​ລູກໝູບໍ່​ພຽງພໍ ​ຈຶ່ງ​ໄດ້​ສະ​ເໜີ​ລັດຖະບານ​ເພື່ອ​ກູ້​ຢືມ​ເງີ​ນຕື່ມ​ອີກ 80 ຕື້​ກີບ ດ້ວຍ​ດອກ​ເບ້ຍ 7% ​ແລະ ​ໃນປັດຈຸບັນ​ມີໝູ​ແມ່ພັນ 4.000 ກວ່າໂຕ ຍອດ​ຂາຍໝູນ້ອຍ​ລວມມີ 8.200 ​ໂຕຕໍ່​ເດືອນ ​ເຊິ່ງຖື​ວ່າ​ເປັນ​ຟາ​ມທີ່​ສາມາດ​ຜະລິດ​ລູກໝູ​ໄດ້​ຫຼາຍ​ກວ່າໝູ່ ກວມ​ເອົາ 50% ຂອງ​ການ​ຜະລິດ​ລູກໝູ​ຢູ່​ໃນ ສປປ ລາວ ​ນອກຈາກ​ນັ້ນ​ພວກ​ເຮົາ​ຍັງ​ໄດ້​ໃສ່​ໃຈ​​ເຖິງ​ຄວາມ​ສະອາດ​ທີ່​ໄດ້​ມາດຖານ ​ແລະ​ໄດ້​ຂຸດຮ່ອງ​ລະບາຍ​ນໍ້າ​ອ້ອມ​ຟາ​ມ, ສ້າງ​ບໍ່​ບໍາບັດ​ນໍ້າ​ເສຍ​ທີ່​ມາ​ຈາກ​ຂີ້ໝູ ​ແລະ​ໄດ້​ສ້າງ​ພະລັງງານ​ໄຟຟ້າ​ຈາກ​ຂີ້ໝູ​ເພື່ອ​ຫຼຸດ​ຕົ້ນ​ທຶນ​ໃນ​ການ​ໃຊ້​ໄຟຟ້າ​ນຳ​ອີກ ຢ່າງ​ໃດ​ກໍ​ຕາມເພື່ອ​​ເຮັດໃຫ້​ທຸລະ​ກິດ​ນີ້ມີການ​ເຕີບ​ໃຫຍ່ຂະຫຍາຍຕົວ​ຢ່າງ​ຕໍ່​ເນື່ອງ ທາງ​ຟາ​ມຂອງ​ພວກ​ເຮົາ​ໄດ້​ກຽມ​ເຂົ້າ​ຕະຫຼາດຫຼັກຊັບ ຍ້ອນ​ວ່າ: ທາງ​ຟາ​ມ​ຕ້ອງການ​ເງິນ​ລົງທຶນ​​​ເພີ່ມ​ຕື່ມ​ເປັນ​ຈຳນວນ 160 ຕື້​ກີບ ​ເພື່ອນຳ​ມາ​ຂະຫຍາຍ​ທຸລະ​ກິດ​​ ໃຫ້​ພຽງພໍ​ກັບ​ຕະຫຼາດບ້ານ​ເຮົາ ນອກ​ນັ້ນ​ພວກ​ເຮົາ​ຍັງຢາກ​ໃຫ້ ຢູດີ ຟາ​ມ ​ເປັນ​ຟາ​ມຂອງມະຫາຊົນ ​ເພື່ອ​ໃຫ້​ມີຫຼາຍຄົນ​ມາ​ບໍລິຫານ​ຊ່ວຍ​ກັນ​ ໃຫ້​ມັນ​ຈະ​ເລີ​ນ​ເຕີບ​ໂຕ ​ແລະ ​​ທັນ​ສະ​ໄໝ ທຽບ​ເທົ່າ​ກັບປະ​ເທດ​ເພື່ອນ​ບ້ານ.

​ແຜນການ​ຕໍ່ໜ້າ ພວກ​ເຮົາ​ຈະ​ຂະຫຍາຍ​ພໍ່-ແມ່​ພັນ​ໃຫ້​ໄດ້ 10,000​ ແມ່, ສ້າງ​ໂຮງງານ​ອາຫານສັດ​ເພື່ອຫຼຸດຕົ້ນ​ທຶນ ​ແລະ ຫຼຸດຜ່ອນ​ການ​ນຳ​ເຂົ້າ​ອາຫານສັດຈາ​ກຕ່າງປະ​ເທດ 100%​ ​ແລະ​ ຍັງ​ເປັນ​ການສ້າງ​ວຽກ​ເຮັດ​ງານ​ທຳ​ໃຫ້​ແກ່​ພໍ່ແມ່​ປະຊາຊົນຢ່າງຫຼວງຫຼາຍ​ ​ເພາະ​ໂຄງການ​ຜະລິດ​ອາຫານສັດ ​ແມ່ນ​ຈະ ​ນຳ​ໃຊ້​ວັດຖຸ​ດີບ​ໃນ​ລາວ​ໂດຍ​ໃຫ້​ພໍ່​ແມ່​ປະຊາຊົນ​ເປັນ​ຄົນ​ປູກ​ເປັຮຕົ້ນ​ແມ່ນສາລີ, ມັນ​ຕົ້ນ, ​ເຂົ້າປຽນ, ຮໍາທີ່​ປ້ອນ​ເຂົ້າ​ໃນ​ໂຮງງານ​ນັ້ນ ​ມັນສາມາດ​ຫຼຸດຕົ້ນ​ທຶນ​ປະມານ 70% ​ສ່ວນ​ອີກ 30% ທີ່​ຈະ​ນຳ​ເຂົ້າ​ແມ່ນ​ມີ​ບາງ​ສ່ວນ​ເທົ່າ​ນັ້ນຄື: ວິຕາມິນ, ​ເຊື້ອ​ຫົວອາຫານ​ເຫຼົ່ານີ້​ເປັນ​ຕົ້ນ. ນອກຈາກ​ນັ້ນ​ພວກ​ເຮົາ​ຍັງ​ຈະ​ສ້າງ​ໂຮງງານ​ຂ້າ​ສັດ​ເພື່ອ​ແປ​ຮູບ​ຜະລິດ​ຕະພັນ​ໃນ​ການ​ສະໜອງ​ຊີ້ນໝູ​ໃຫ້​ກັບ​ຕະຫຼາດ​ພາຍ​ໃນ​ນຳ​ອີກ.

ຕໍ່​ກັບ​ບັນຫາ​ລາຄາໝູທີ່​ມັນ​ຂຶ້ນ-ລົງ ບໍ່ປົກກະຕິ ​ໃນ​ຕະຫຼາດພາຍໃນ ຈຸດ​ນີ້​ຈະ​ມີ​ຜົນ​ກະທົບຕໍ່​ຟາ​ມຄື​ແນວ​ໃດ​?

​ລາຄາ​ຊີ້ນໝູຂຶ້ນ​ລົງ​ໃນ​ຕະຫຼາດແມ່ນ​ບໍ່​ມີ​ຜົນ​ກະທົບຕໍ່​ຟາ​ມ​ ​ແຕ່​ຜູ້​ ທີ່ມີຜົນກະທົບແມ່ນຜູ່ທີ່ຊື້ໝູ​ໄປ​ລ້ຽງ​ລາຍ​ຍ່ອຍຫຼາຍກວ່າ ​​ເພາະອາດ​ຈະ​ບໍ່​ໄດ້​ກຳ​ໄລ. ​ເນື່ອງ​ຈາກ​ວ່າ, ໝູ່​ໃນ​ຕະຫຼາດຫຼາຍ​ເກີນ​ໄປ ​ຍ້ອນ​ການ​ນຳ​ເຂົ້າ​​ແບບ​ບໍ່​ຈຳກັດ​ບວກ​ກັບປະຊາຊົນ​ກໍລ້ຽງຫຼາຍ​ເກີນ​ໄປ ມັນ​ຈຶ່ງ​ເປັນ​ບັນຫາ​​ເຮັດ​ໃຫ້​ລາຄາໝູຫຼຸດລົງ​ຕໍ່າ. ຕາມ​ທັດສະນະຂອງ​ຂ້າພະ​ເຈົ້າ​ ​ແມ່ນຢາກແນະນຳໃຫ້​ຄອບຄົວ​ໜຶ່ງ​ສາມາດ​ລ້ຽງ​​ໃຫ້​ພໍດີ ບໍ່​​ໃຫ້​ລ້ຽງຫຼາຍ​ເກີນ​ໄປ ​ເພື່ອ​​ແທດ​ເໝາະກັບ​ຕະຫຼາດບ້ານ​ເຮົາ ນອກຈາກ​ນັ້ນຢາກ​ໃຫ້​ພາກ​ລັດ ກວດ​ເບິ່ງ​ຈຳນວນ​ໝູ ທີ່​ເຂົ້າ​ຈຳໜ່າຍ​ໃນ​ຕະຫຼາດ ​ມີ​ການຈັດ​ສັນ ​ໃຫ້​ປະຊາຊົນ​ສາມາດ​ລ້ຽງໝູ​ໃນຈຳນວນ​ເທົ່າ​ໃດຈຶ່ງ​ຈະ​ເໝາະສົມ ​ແລະ ຟາ​ມ 1 ​ແມ່ນ ​ໃຫ້​ລ້ຽງຕາມ​ຈຳນວນ​ລັດ​ຈຳກັດ​ໄວ້​ ກວດ​ເບິ່ງ​ການ​ນຳ​​ເຂົ້າໝູຈາກ​ຕ່າງປະ​ເທດ ເພື່ອ​ແກ້​ໄຂ​ບັນຫາໝູລົ້ນ ຫຼື ຂາດຕະຫຼາດ .

ຝາກ​ທ້າຍ ຂ້າພະ​ເຈົ້າ​ໃນ​ນາມ​ທຸລະ​ກິດ​ນ້ອຍໆ ຂໍ​ໃຫ້​ແຕ່ລະຄົນອອກແຮງ​ຊ່ວຍ​ກັນ​​ພັດທະນາ , ​ຕາມສາຍ​ອາຊີບ​ຂອງ​ໃຜ​ຂອງ​ລາວ ​ໃຫ້​ມີ​ຄວາມ​ຕັ້ງ​ໃຈ​ໃນ​ການ​ເຮັດ​ວຽກ ,ປະຕິບັດຕາມລະບຽບກົດໝາຍ, ສິ່ງທີ່ສໍາຄັນແມ່ນການປະຢັດ​ ເພື່ອນໍາຄອບຄົວຫຼຸດພົ້ນຈາກຄວາມທຸກຍາກ.

AEC to open up to business competition and bring about higher quality

When Laos joins the ASEAN Economic Community or AEC, it will open the country up more for foreign businesspeople to come in and they will compete based on the quality of their products, management, and services, which will help to develop the Lao public, especially Lao businesspeople.

What opportunities and challenges will this bring for UD Farm?

Lao Union Development Agriculture Co., Ltd. or UD Farm is a company which raises boars and sows to produce piglets to be distributed to pig farmers. When we enter the AEC, our farm will have an edge in that we are based domestically, which means that we won’t face the same transportation costs for distributing our livestock as will companies which are importing. This means that farmers won’t have to put up such large investments. UD Farm also guarantees the quality of its products. A challenge will be that more pigs will be imported into the country, which will make a dent in the profits earned by pig farmers.

What plans does UD farm have to prepare for the AEC and expand its business?

We are well prepared for the AEC, especially expanding the number of sows and hogs and crossbreeding to produce more meet of a higher quality more efficiently at prices which are well suited to the market. We started doing business in 2009 with 280 hectares of land with an initial loan from the Agricultural Promotion Bank (APB) of 24 billion kip at an interest rate of 15%. We had a total of 1,200 sows and 30 boars. We were then able to produce more and more pigs for sale but the demand for piglets is rising, meaning that we are still not producing enough. We are therefore requesting an additional loan from the government of 80 billion kip at a rate of 7%. We currently have over 4,000 sows and sell 8,200 piglets per month. This makes us the largest producers of piglets in the country with a 50% market share. We pay close attention to hygiene and standards and have dug a drainage system around our farm. We have also built a water treatment facility to deal with the water contaminated with pig feces, which we also use as biofuel to save on energy costs. In order to ensure that our business keeps on growing, we are preparing to be listed on the securities exchange because we need a further investment of 160 billion kip to expand our operations to the extent necessary to meet market demand. This will also make us a public company so there will be many people helping us to develop and modernize it so that we keep up with our neighboring countries.

We plan to reach 10,000 female pigs and build an animal feed factory in order to reduce costs and avoid the need to import 100% of our animal feed from overseas. This will also generate a large number of jobs because an animal feed factory will use locally grown produce such as corn, cassava, rice flour, and rice bran. This will save us 70% on imports. The remaining 30% will account for things like vitamins. We will also be building an abattoir to process pork to be supplied to markets.

How do fluctuating pork prices on the domestic market affect the farm?

Fluctuating prices do not affect us. The people who are affected by this are the small pig farmers because they may end up losing their profit margin. This happens partly because of unrestricted imports and partly because people are simply raising too many pigs. This forces the price of pork down. In my opinion, people shouldn’t raise too many pigs. They should only raise enough to meet market demand in our country. I would also like to see the State limiting pork imports and setting quotas on the numbers of pigs which can be raised at a given farm. They should be inspecting pork imports to avoid market surpluses and shortages.

Speaking as a small business, I would like to finish off by calling upon everyone to develop themselves in their careers, do the best they can in their work, and adhere to the law. The important thing is be frugal so as to alleviate poverty.

ເລື່ອງທີ່ກ່ຽວຂ້ອງ

ຄຳມ່ວນຍົກສູງປະສິດທິພາບໃນການບໍລິຫານງົບປະມານຂອງລັດ... ພະນັກງານການເງິນຈາກບັນດາພະແນກການ ແລະ ຫ້ອງການການເງິນ 10 ເມືອງແ...
ການລົງທຶນຂອງຕ່າງປະເທດ ໃນ ສປປ ລາວ ບັນລຸ 25 ຕື້ກວ່າໂ... ປັດຈຸບັນ ສະພາບ​ການ​ລົງທຶນ​ຈາກ​ຕ່າງປະ​ເທດ ທີ່​ເຂົ້າ​ມາ​ລົງທຶນ...
AEC ຈະເຮັດໃຫ້ທຸລະກິດມີການຂະຫຍາຍຕົວ.... ສຸຂະພາບ​ຂອງ​ຄົນ​​ເຮົາໃນ​ປັດຈຸບັນ ມີ​ການ​ປ່ຽນ​ແປງ​ງ່າຍ​ເກີນ​ໄ...
ລັດຖະບານລາວ ເປີດກວ້າງໃຫ້ນັກລົງທຶນ ສ.ປຈີນ ຈັດເປັນອັ... ລັດຖະບານ ແຫ່ງ ສປປ ລາວ ໄດ້ມີ​ນະ​ໂຍບາຍ​ເປີດ​ກວ້າງ​ການ​ລົງທຶນ​ຂ...
ສູນພັດທະນາ ແລະ ບໍລິການກະສິກໍາ-ປ່າໄມ້ໜອງເຕົ່າ ຍົກລະ... ຊາວກະສິກອນ​ບ້ານ​ທາດ​ອີງ​ຮັງ,ບ້ານ​ໂພນ​ສູງ,ດົງ​ໝາກຢາງ,ບຶງ​ວະ ​...
ກາແດງລຸກຊຳບວກຊ່ວຍພັດທະນາພື້ນຖານໂຄງລ່າງຢູ່ແຂວງຄຳມ່ວ... ອົງ​ການ​ກາ​ແດງລາວ ແລະ ກາແດງລຸກຊຳບວກ ເຊັນບົດບັນທຶກຄວາມເຂົ້າໃຈ...
AEC ເປັນດັ່ງການພັດທະນາທີ່ເຮັດໃຫ້ຖານລູກຄ້າຂະຫຍາຍກ້ວ... ກະ​ເປົາ​ນາລີ​​ມີ​ຈຸດ​ເດັ່ນ​ແນວ​ໃດ​ເພື່ອ​ໃຫ້​ລູກ​ຄ້າ​ສົນ​ໃຈຫຼ...
ກະແລມ ພາລາໄອສ AEC ທີ່​ ສປປ ລາວ ຈະເຂົ້າຮ່ວມແມ່ນ​ເປັນ​ການ​ຮ່ວມ​ມື ລະຫວ່າງອາຊ...

Comments

comments

Ooh Laos 600×100
Main menu