Prudential 450×100

ເປີດຕົວປຶ້ມໃໝ່ ແລະ ສະຖານທີ່ທ່ອງທ່ຽວໄຜ່ພັນກໍ

ແບ່ງປັນ:

ໃນວັນທີ 15 ຕຸລາ 2016 ໄດ້ມີການເປີດຕົວປຶ້ມໃໝ່ຂອງສໍານັກພິມດອກເກດເຊິ່ງປະກອບມີ: ປຶ້ມລາຍຕໍ່າ-ກາບກອນ, ແມງໄມ້ມີຢູ່ທຸກຫົນແຫ່ງ, ເລື່ອງໃຫຍ່ໃນໂລກນ້ອຍ ງານດັ່ງກ່າວໄດ້ຈັດຂຶ້ນຢູ່ທີ່ສວນ ”ໄຜ່ພັນກໍ” ໂດຍມີທ່ານນາງ ດາລິວັນ ສິດພະໄຊ ຜູ້ອໍານວຍການສໍານັກພິມດອກເກດ,ທ່ານນາງ ດວງເດືອນ ບຸນຍາວົງ ແລະ ທ່ານນາງ ດາລາວັນ ພອນແກ້ວ ຜູ້ບໍລິຫານສວນ ”ໄຜ່ພັນກໍ” ,ເປັນກຽດເຂົ້າຮ່ວມງານຍັງມີທ່ານຮອງລັດຖະມົນຕີກະຊວງການເງິນ ພ້ອມດ້ວຍພັນລະຍາການນໍາ , ບັນດານັກປະພັນ ແລະ ແຂກທີ່ຖືກເຊີນ.

ປຶ້ມລາຍຕໍ່າ-ກາບກອນ ຜູ້ຂຽນໄດ້ຮິບໂຮມເອົາພາບ ແລະ ປະຫວັດແຜ່ນແພບູຮານຈໍານວນໜຶ່ງທີ່ສວຍສົດງົດງາມຫາຍາກໃນແຕ່ລະທ້ອງຖິ່ນທົ່ວປະເທດທີ່ມີສະສົມຢູ່ໃນຫໍມູນແຖນແຕ່ງ ແລະ ບົດກະວີຈາກໜັງສືໃບລານພຣະເວດສັນດອນ ທີ່ໄດ້ພັນລະນາເຖິງເລື່ອງລາວໃນລາຍຜ້າລາວບູຮານ ເຊິ່ງຜູ້ຂຽນໄດ້ນໍາເອົາສິ່ງເຫຼົ່ານັ້ນມາຂຽນອອກມາເປັນປຶ້ມ ເພື່ອຢາກສົ່ງເສີມສິລະປະລວດລາຍລາວ ຂອງແມ່ຍິງລາວບັນດາເຜົ່າ ແລະ ອະນຸຮັກໃຫ້ຄຽງຄູ່ກັບຊາດລາວສືບໄປ ປື້ມຫົວນີ້ຖ້າຊ່າງຕໍ່າຫູກມີໄວ້ຈະໃຫ້ປະໂຫຍດຢ່າງຫຼວງຫຼາຍເພື່ອເປັນບົດຮຽນ ແລະ ເປັນແມ່ແບບໃນການຕໍ່າລວດລາຍລາວບູຮານ ເຊິ່ງທາງເຈົ້າຂອງປື້ມ ທ່ານນາງ ດວງເດືອນ ບຸນຍາວົງ    ບໍ່ສະຫງວນລິຂະສິດ.

ປຶ້ມເລື່ອງໃຫຍ່ໃນໂລກນ້ອຍ ເປັນປຶ້ມທີ່ໃຫ້ຄວາມຮູ້ທາງດ້ານວິທະຍາສາດ ຈຸດປະສົງກໍເພື່ອຢາກໃຫ້ຫຼາຍຄົນໄດ້ມີຄວາມຄິດແບບວິທະຍາສາດຫຼາຍຂຶ້ນ ຄິດແບບມີເຫດມີຜົນ ເຊິ່ງປື້ມຫົວນີ້ມັນເໝາະສົມກັບທຸກເພດ ທຸກໄວອາຍຸຕັ້ງແຕ່ເດັກນ້ອຍຈົນເຖິງຜູ້ໃຫຍ່ ເຊິ່ງເມື່ອອ່ານແລ້ວສາມາດນໍາເອົາແນວຄິດວິທະຍາສາດໄປປະຍຸກໃຊ້ເຂົ້າໃນຊີວິດຕົວຈິງໄດ້ ເຊິ່ງຂຽນໂດຍນັກຂຽນໜຸ່ມທ່ານ ວິລະສັກ ວີຣະວົງ.

ປື້ມເລື່ອງແມງໄມ້ມີຢູ່ທຸກຫົນແຫ່ງ ຂຽນໂດຍທ່ານ ຈອນ ຈີເອສ ເບີຕັນ ແລະ ເກຣກໍຣີ ອາທ ບອລເມີ ນັກຂຽນຊາວອາເມລິກາ ເຊິ່ງເພິ່ນສຶກສາກ່ຽວກັບຊີວະນາໆພັນທີ່ມີຢູ່ໃນໂລກ ແລະ ໄດ້ມາສຶກສາຄົ້ນຄ້ວາຢູ່ປະເທດລາວດົນກວ່າ 10 ປີ ຈຸດປະສົງກໍເພື່ອຢາກໃຫ້ຜູ້ອ່ານໂດຍສະເພາະເດັກນ້ອຍໄດ້ຮູ້ຈັກຊື່-ວົງໂຄຈອນຊີວິດຂອງແມງໄມ້ແຕ່ລະຊະນິດ ຮູ້ເຖິງຄວາມສໍາຄັນຂອງແມງໄມ້ແຕ່ະຊະນິດຕໍ່ຂະບວນວິວັດຂອງທໍາມະຊາດ ແລະ ບາງຊະນິດກໍສາມາດເປັນອາຫານທີ່ໃຫ້ຄຸນຄ່າທາງໂພສະນາການສໍາລັບມະນຸດ.

ໃນໂອກາດດັ່ງກ່າວຍັງເປັນການແນະນໍາສະຖານທີ່ທ່ອງທ່ຽວ ”ໄຜ່ພັນກໍ” ເພື່ອເປີດບໍລິການໃຫ້ມວນຊົນທົ່ວໄປທີ່ມັກຮັກໃນທໍາມະຊາດ-ມັກຮັກໃນການຄົ້ນຄ້ວາ-ມັກຮັກໃນການສຶກສາປະຫວັດວັດທະນະທໍາ ພາສາວັນນະຄະດີ ສີມືຫັດຖະກໍາ….ເຂົ້າມາທ່ອງທ່ຽວ ເພື່ອພັກຜ່ອນ ແລະ ຊົມຫໍມູນແຖນແຕ່ງ, ຫໍຊົມສິນ ດວງແຂ ບຸນຍາວົງ , ຢ້ຽມຊົມສວນຢາພື້ນເມືອງ ເຈືອງ ສົມບຸນຂັນ ເບິ່ງຕົ້ນໄມ້ບູຮານ , ອ່ານລາຍມື ມະຫາສີລາ ວະຣະວົງສ໌ ທີ່ຫໍສະໝຸດເຮືອນຊົງລາວ ,ກິນເຂົ້າຫຼາມ ປີ້ງໄກ່ລາດ ດື່ມນໍ້າໝາກໄມ້ປອດສານພິດສົດໆຈາກສວນ ພ້ອມທັງສໍາຜັດອາຍອຸ່ນແຫ່ງວິຖີຊີວິດ ໃນອ້ອມແຂນວັດທະນະທໍາລາວ.

ສະຖານທີ່ຕັ້ງຢູ່ແຄມງື່ມ ກິໂລແມັດທີ 27 ບ້ານໄຮ່ ທ່າງ່ອນ ເມືອງໄຊທານີ ນະຄອນຫຼວງວຽງຈັນທ່ານສົນໃຈຕິດຕໍ່ສອບຖາມລາຍລະອຽດໄດ້ທີ່: 020 55607292 ຫຼື 020 55510113.

ເລື່ອງທີ່ກ່ຽວຂ້ອງ

ຝຣັ່ງຊ່ວຍເຫຼືອ9ສະມາຄົມຂອງລາວ... ລັດຖະບານຝຣັ່ງ ໄດ້ອະນຸມັດເງິນຈຳນວນ 380.000 ເອີໂຣ ຊ່ວຍເຫລືອ ສປ...
ນັກສຶກສາລາວໄດ້ຮັບທຶນຮຽນຕໍ່ທີ່ຝຣັ່ງ... ໂຄງການທຶນການສຶກສາ “ເພື່ອອະນາຄົດທີ່ສົດໃສ” ທີ່ເລີ່ມຈັດຕັ້ງໃນປີ...
​ຈະສະເຫຼີມສະຫຼອງ ວັນ​ປະດິດສະຖານ ເຈົ້າ​ອາ​ນຸ​ວົງ ຄົ... ໃນວັນທີ 9 ພະຈິກ  ຫາວັນທີ 10 ພະຈິກ 2016 ໂດຍພາຍໃຕ້ການຊີ້ນໍາຂອງ...
ກວດພົບຫຼາຍຮ້ອຍຕື້ບໍ່ມອບເຂົ້າງົບປະມານ... ການຈັດຕັ້ງປະຕິບັດແຜນງົບປະມານແຫ່ງລັດແມ່ນຍັງມີຄວາມຫຍຸ້ງຍາກ ແລະ...
ເປີດຕົວ Mercedes – Benz ລຸ້ນໃໝ່... ໃນຕອນບ່າຍຂອງວັນທີ 15 ມິຖຸນາ 2016 ບໍລິສັດໂອໂຕລາວ ຈໍາກັດ ໄດ້ເປ...
ເຈົ້າໜ້າທີ່ປ່າໄມ້ຊຽງຂວາງຍຶດໄມ້ໄດ້ຫຼາຍພັນແມັດກ້ອນ... ໃນວັນທີ 13 ມັງກອນ 2017 ນີ້ ເຈົ້າໜ້າທີ່ສະເພາະກິດແຂວງຊຽງຂວາງໄດ...
ເຊັນສັນຍາຮ່ວມມືສ້າງຮູບເງົາ ລະຫວ່າງ ສປປ ລາວ-ສປ ຈີນ... ບໍລິສັດ ຈົງສື້ຢາໄທ (ປັກກິ່ງ) ສື່ວັດທະນະທໍາ ສາກົນຈໍາກັດ ໄດ້ເຊ...
ຄໍາມ່ວນ-ເຊກອງທໍາລາຍເຄື່ອງຈັກຕັດໄມ້ແລະປືນແກັບ... ເຈົ້າທີ່ແຂວງຄໍາມ່ວນເປັນຫູເປັນຕາໃຫ້ພັກ-ລັດ ແລະ ປະຊາຊົນສາມາດມ້...

Comments

comments

Ooh Laos 600×100
Main menu