ເອແອນແຊັດຈັດງານ Joint Chambers Networking Event

ໃນຕອນຄໍ່າຂອງ ວັນທີ 5 ຕຸລາ 2016, ທີ່ໂຮງແຮມ Mercure ໄດ້ຈັດງານ (Joint Chambers Networking Event) ຈັດຂຶ້ນໂດຍທະນາຄານ ANZ, ເຊິ່ງເປັນກຽດເປັນປະທານງານໂດຍ ທ່ານ ນາງ Anna Green CEO OF ANZ LAO ແລະ ທ່ານ Andy Schroeter CEO Sunlabob ແລະ ແຂກທີ່ມີກຽດອີກຫຼາຍທ່ານ.   ງານດັ່ງກ່າວຈັດຂຶ້ນເປັນເທື່ອທຳອິດ ໂດຍການຮ່ວມມືລະຫວ່າງຫໍການຄ້າອະເມລິກາ ແລະ ຫໍການຄ້າທະວີບເອີຣົບ ແລະ ອຸດສາຫະກໍາໃນລາວ (ECCIL)  ເຊິ່ງທະນາຄານ ANZ ມີວັດຖຸປະສົງເພື່ອທີ່ຈະເຮັດໃຫ້ທະນາຄານນຳໄປສູ່ຄວາມກ້າວໜ້າຂອງທາງດ້ານການທະນາຄານ ແລະ ສະພາບແວດລ້ອມການເຮັດວຽກຂອງພະນັກງານ ແລະ ການບໍລິການລູກຄ້າໃຫ້ໄດ້ມາດຕະຖານລະດັບສາກົນໃຫ້ກັບປະເທດລາວທັງພາກລັດ ແລະ ເອກະຊົນ ເພື່ອອຳນວຍຄວາມສະດວກທາງດ້ານການຄ້າເພື່ອຕອບສະໜອງການບໍລິການໃຫ້ເປັນທີ່ສົນໃຈຂອງທົ່ວໂລກ.

ໃນປີນີ້ທະນາຄານ ANZ ໃຊ້ເຫດການນີ້ເພື່ອສົ່ງເສີມຄວາມຮັບຜິດຊອບຕໍ່ສັງຄົມຄື: ພວກເຮົາຍິນດີທີ່ຈະຕ້ອນຮັບໂຄງການ Sunlabob ເຊິ່ງເປັນໂຄງການທີ່ນໍາໃຊ້ພະລັງງານແສງອາທິດ ແລະ Green Vientiane  ເຊິ່ງເປັນໂຄງການເຮັດໃຫ້ນະຄອນຫຼວງວຽງຈັນມີຄວາມສວຍສົດງົດງາມເຕັມໄປດ້ວຍສີຂຽວ, ເພື່ອສ້າງຈິດສໍານຶກອັນດີໃຫ້ແກ່ທຸກໆຄົນເພື່ອແຫຼ່ງທີ່ຢູ່ອາໃສທີ່ດີຂອງປະຊາຊົນ. ພາຍໃນງານຍັງມີການເດີນແບບເຄື່ອງນຸ່ງທີ່ເຮັດຈາກວັດຖຸດິບທີ່ເປັນມິດຕໍ່ສິ່ງແວດລ້ອມ.

ບົດຄວາມແນະນໍາ

ສະແດງຄວາມຄິດເຫັນ

CLOSE
CLOSE