Prudential 450×100

ເຫັດ…ມີປະໂຫຍດຫຼາຍຢ່າງ

ແບ່ງປັນ:

ເຊື່ອເລີຍວ່າຕ້ອງມີຫຼາຍຕໍ່ຫຼາຍຄົນທີ່ມັກກິນເຫັດ ບໍ່ວ່າຈະເປັນເຫັດເຂັມ, ເຫັດນາງລົມ, ເຫັດຫູໜູ ຫຼືຈະເປັນເຫັດເຟືອງ ທ່ານຮູ້ບໍ່ວ່າແຕ່ລະເຫັດໃຫ້ຄຸນປະໂຫຍດຫຍັງແກ່ເຮົາແນ່ ບອກເລີຍວ່າເຫັດແຕ່ລະຊະນິດມີປະໂຫຍດສຸດໆ ໃນມື້ນີ້ທາງ ວາລະສານ ທາເກັດ ເຮົາໄດ້ລວມຄຸນປະໂຫຍດຂອງເຫັດ 5 ຊະນິດ:

  1. ເຫັດເຟືອງ

ເຫັດເຟືອງຖືວ່າເປັນເຫັດທີ່ສາມາດນຳມາປະກອບອາຫານໄດ້ຫຼາຍເມນູ ແລະ ຍັງຫາຊື້ໄດ້ງ່າຍ ຍັງມີຄຸນປະໂຫຍດຄື: ຊ່ວຍບຳລຸງຮ່າງກາຍ, ບຳລຸງຕັບ, ແກ້ຊ້ຳໃນ ແລະ ນອກຈາກນີ້ຍັງເພີ້ມພູມຄຸ້ມກັນແລະຫຼຸດຄວາມດັນໂລຫິດ ສຳຫຼັບທ່ານໃດທີ່ກຳລັງເປັນພະຍາດຄວາມດັນໂລຫິດຄວນທີ່ຈະກິນ.

  1. ເຫັດຫອມ

ຄົນຈີນສ່ວນຫຼາຍເຊື່ອວ່າ: ເຫັດຫອມ ເປັນຢາອາຍຸວັດທະນະຊ່ວຍໃຫ້ມີອາຍຸຍືນ ສໍາຄັນເຫັດຊະນິດນີ້ມີວິຕາມິນ D ສູງ ຊ່ວຍບຳລຸງກະດູກໃຫ້ແຂງແຮງ, ຊ່ວຍຫຼຸດໄຂມັນ, ຊ່ວຍບໍາລຸງໃຫ້ຮ່າງກາຍແຂງແຮງ ແລະ ຍັງຊ່ວຍຫຼຸດກົດໃນກະເພາະອາຫານອີກດ້ວຍ.

  1. ເຫັດຫູໜູ

ເຫັດຫູໜູມີສັບພະຄຸນ ຊ່ວຍບຳລຸງກະເພາະອາຫານ, ບຳລຸງປອດ, ບຳລຸງໝາກໄຂ່ຫຼັງ, ຊ່ວຍລະບົບການໝູນວຽນເລືອດໄດ້ດີ ນອກຈາກນີ້ຍັງຊ່ວຍຫຼຸດອາການເຈັບປວດຕ່າງໆເຊັ່ນ: ເຈັບແຂ້ວ, ອາການມຶນຊາ ແລະ ລິດສີດວງທະວານໜັກ ເໝາະສຳລັບຜູ້ສູງອາຍຸເພາະຊ່ວຍບຳລຸງເມັດເລືອດຂາວໃຫ້ແຂງແຮງເຮັດໃຫ້ພູມຕ້ານທານຮ່າງກາຍດີຂຶ້ນ.

  1. ເຫັດນາງລົມ

ເຫັດນາງລົມ ເຮົາຈະຮູ້ຈັກກັນດີ ແລະ ມີປະໂຫຍດຢ່າງຫຼວງຫຼາຍສາມາດຫຼຸດອາການອັກເສບຕ່າງໆ ຫຼຸດລະດັບນ້ຳຕານໃນເລືອດ ຊ່ວຍປ້ອງກັນໄຂ້ ແລະ ສຳຄັນແມ່ນເຫັດນາງລົມສາມາດຊ່ວຍຢຸດຍັ້ງເຊວມະເຮັງໄດ້ອີກດ້ວຍ.

  1. ເຫັດເຂັມ

ເຫັດຊະນິດນີ້ຈະມີລັກສະນະທີ່ບໍ່ຄືກັບເຫັດຊະນິດອື່ນ ແລະ ມີສັບພະຄຸນຊ່ວຍບຳລຸງຕັບເຮັດໃຫ້ຕັບແຂງແຮງ ຊ່ວຍຮັກສາກະເພາະອາຫານ ແລະ ພະຍາດລຳໄສ້ອັກເສບຊໍາເຮື້ອ ສຳຫຼັບທ່ານໃດທີ່ກຳລັງເປັນພະຍາດກະເພາະຄວນຫາມາກິນ.

ເຫັນຄຸນປະໂຫຍດຂອງເຫັດທີ່ທາງເຮົານຳມາແນະນຳແລ້ວແມ່ນບໍ່ ຢ່າລືມຊອກມາກິນເດີ້ເພາະມັນດີກັບສຸຂະພາບທີ່ສຸດໆ ໄດ້ທັງຄວາມແຊບເຮັດໃຫ້ຈະເລີນອາຫານ ແລະ ສຸຂະພາບທີ່ດີຫ່າງໄກພະຍາດຮ້າຍແນ່ນອນ.

ເລື່ອງທີ່ກ່ຽວຂ້ອງ

17 ວິໄສທັດຂອງ ສ.ສ.ນ.ວ ເພື່ອປົກປ້ອງສິດຜົນປະໂຫຍດຂອງປ... ວາລະສານທາເກັດສະບັບເດືອນກໍລະກົດ ເປັນສະບັບພິເສດ ທີ່ໄດ້ສຳພາດ ສະ...
AEC ມັນຈະເປັນໂອກາດ ໃນການໂຄສະນາ ສີໄມ້ລາຍມືຂອງລາວເຮົ... ເລື່ອງຫັດຖະກຳເປັນເລື່ອງ ຂອງຄວາມລະອຽດອ່ອນ ທີ່ສະທ້ອນໃຫ້ເຫັນເຖິ...
ຖະໜົນໃນວຽງຈັນ… ພາຫະນະເພີ່ມຂຶ້ນມື້ລະ 50-60 ຄັ... ບັນຫາ​ການ​ສັນຈອນ​ຕິດ​ຂັດ ຍັງ​ຄົງ​ເປັນວຽກບ້ານ​ໃຫຍ່ສຳລັບ​ຄົນ​ທ...
ລາ​ຄາ​ດິນ… ​ການ​ປະ​ເມີນ​ຄ່າ​​ທາງເສດ​ຖະ​ກິດ​ໃນ​ກົນ​... “ດິນ" ເປັນກ້ອນທຶນທາງທຸລະກິດທີ່ເຮັດໃຫ້ຊີວິດຂອງຄົນຜູ້ໜຶ່ງປ່ຽນແ...
ພາຍຫຼັງເປີດ AEC ເຮົາຈະມີການພັດທະນາຕົວເອງໃຫ້ດີຂຶ້ນ ... ຄວາມ​ຮັບ​ຮູ້​ ​ທັດສະນະສ່ວນຕົວກ່ຽວ​ກັບ​ AEC ຈະມີຜົນດີແນວໃດກັບ...
40 ປີ ແຫ່ງການເຕີບໃຫຍ່ຂະຫຍາຍຕົວຂອງ ສປປ ລາວ... ຕະຫຼອດ​ໄລຍະ 40 ປີ ແຫ່ງການ​ປົກ​ປັກ​ຮັກສາ ແລະ ສ້າງສາ​ພັດທະນາ​ປ...
“ເຮັດແນວໃດຈິ່ງແມ່ນການນິນທາ ແລະ ໃສ່ຮ້າຍ, ຕາມມາດຕາ 9... ມີ​ລູກ​ຫຼານ​ທີ່​ຮຽນ​ກົດໝາຍ​ຢູ່​ວິທະຍາ​ໄລ​ກົດໝາຍ​ທີ່​ແຂວງ​ສະຫ...
AEC ເປັນດັ່ງການພັດທະນາທີ່ເຮັດໃຫ້ຖານລູກຄ້າຂະຫຍາຍກ້ວ... ກະ​ເປົາ​ນາລີ​​ມີ​ຈຸດ​ເດັ່ນ​ແນວ​ໃດ​ເພື່ອ​ໃຫ້​ລູກ​ຄ້າ​ສົນ​ໃຈຫຼ...

Comments

comments

Ooh Laos 600×100
Main menu