Prudential 450×100

ຜູ້ໂດຍສານລົດເມຈະມີ Bus stop 6 ສ.

ແບ່ງປັນ:

ເຫັນໄດ້ຄວາມເປັນລະບຽບຮຽບຮ້ອຍ,ຄວາມປອດໄພຂອງຜູ້ໂດຍສານ,ເຮັດໃຫ້ຕົວເມືອງມີສີສັນ ໂດຍສະເພາະແມ່ນເຮັດໃຫ້ການຂົນສົ່ງສາທາລະນະເປັນມາດຕະຖານສາກົນຍິ່ງຂຶ້ນ, ທາງບໍລິສັດ BlueGrass Design Group Co.Ltd., ຕັດສິນໃຈລົງທຶນ 1 ລ້ານໂດລາເພື່ອສ້າງ Bus stop ມາດຕະຖານສາກົນໃນນະຄອນຫຼວງວຽງຈັນ ແລະ ພິເສດແມ່ນເນັ້ນຕາມທິດ 6 ສ ຂອງນະຄອນຫຼວງວຽງຈັນ.

ໃນຕອນເຊົ້າຂອງວັນທີ 4 ຕຸລາ 2016 ຢູ່ທີ່ພະແນກ ຍທຂ.ນວ ໄດ້ມີພິທີເຊັນສັນຍາ ການສໍາປະທານລົງທຶນກໍ່ສ້າງບ່ອນນັ່ງລໍຖ້າລົດເມ Bus stop ຕາມເສັ້ນທາງຫຼວງພາຍໃນນະຄອນຫຼວງວຽງຈັນ ລະຫວ່າງ ລັດວິສະຫະກິດລົດເມນະຄອນຫຼວງວຽງຈັນ ຕາງໜ້າໂດຍທ່ານ ຄໍາພູນ ເຕເມລາດ ຜູ້ອໍານວຍການລັດວິສາຫະກິດລົດເມນະຄອນຫຼວງວຽງຈັນ ແລະ ບໍລິສັດ ບລູກຣາດສ໌ ດີຊາຍກຣຸບ ຈໍາກັດຜູ້ດຽວ ຕາງໜ້າໂດຍທ່ານ ປຣະເສີດ ບັນຈົງພັກດີ ຫົວໜ້າ ບໍລິສັດ ບລູກຣາດສ໌ ດີຊາຍກຣຸບ ຈໍາກັດຜູ້ດຽວ ,ໂດຍຊ້ອງໜ້າການເປັນກຽດເຂົ້າຮ່ວມຂອງທ່ານ ວຽງສະຫວັດ ສີພັນດອນ ຫົວໜ້າກົມຂົນສົ່ງ ກະຊວງໂຍທາທິການ ແລະ ຂົນສົ່ງ, ພ້ອມດ້ວຍບັນດາຜູ້ຕາງໜ້າຈາກພາກສ່ວນທີ່ກ່ຽວຂ້ອງ.

ການສໍາປະທານດັ່ງກ່າວ ເພື່ອເປັນການປັບປຸງລະບົບການຂົນສົ່ງສາທາລະນະ ລົດເມພາຍໃນນະຄອນຫຼວງວຽງຈັນ ໃຫ້ເຂົ້າສູ່ລະບົບຕາມມາດຕະຖານຂົນສົ່ງສາທາລະນະໃນຕົວເມືອງ , ເພື່ອອໍານວຍຄວາມສະດວກ, ຄວາມປອດໄພໃຫ້ແກ່ຜູ້ທີ່ໃຊ້ບໍລິການໃຫ້ຖືກຕາມຈຸດທີ່ໄດ້ກໍານົດໃຫ້, ສ້າງບ່ອນນັ່ງລໍຖ້າລົດເມໃຫ້ໄປຕາມທິດ 6 ສ ຄື: ສະອາດ, ສວຍງາມ, ສະຫວ່າງ, ສີຂຽວ: ສະເໜ ແລະ ສີວິໄລ.

Bus stop ຈະສ້າງຕາມເສັ້ນທາງໃຫຍ່ພາຍໃນນະຄອນຫຼວງວຽງຈັນເຊັ່ນ: ຖະໜົນ ໄກສອນພົມວິຫານ, ສຸພານຸວົງ, ດົງໂດກ ແລະ ຖະໜົນເສດຖາທິລາດ ເຊິ່ງໂຄງການນີ້ຈະເລີ່ມປະຕິບັດພາຍໃນປີນີ້ ລວມມູນຄ່າ 1 ລ້ານໂດລາ ໄລຍະຂອງການສໍາປະທານ 10 ປີ ເຊິ່ງພາຍຫຼັງທີ່ສິ້ນສຸດສັນຍາແລ້ວ ຈະຕົກເປັນກໍາມະສິດຂອງລັດ.

 

ເລື່ອງທີ່ກ່ຽວຂ້ອງ

ເປີດສູນຢັ້ງຢືນມາດຕະຖານຄຸນນະພາບນໍ້າມັນ... ກະຊວງ ວິທະຍາສາດ ແລະ ເຕັກໂນໂລຊີ ໄດ້ເປີດສູນຢັ້ງຢືນມາດຕະຖານ ແລະ...
ລັດຖະບານເລັ່ງປະຕິຮູບ ການເກັບອາກອນ ຫັນເປັນທັນສະໄໝ... ລັດຖະບານ​ເລັ່ງ​​ປະຕິ​ຮູບ​​ ການ​ຄຸ້ມ​ຄອງ ການ​ເກັບ​ອາກອນ​ໄປ​ສູ...
ກອງປະຊຸມ ຄະນະກໍາມະການ ຜູ້ຕາງໜ້າຖາວອນ ປະຈໍາອາຊຽນ ຄັ... ໃນວັນທີ 21 ກໍລະກົດ 2016 ນີ້, ທີ່ສູນປະຊຸມແຫ່ງຊາດ (NCC), ນະຄອນ...
ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ໄຂຂຶ້ນ ຢ່າງເປ... ກອງປະຊຸມສຸດຍອດອາຊຽນ ຄັ້ງທີ 28 ແລະ 29 ໄຂຂຶ້ນ ຢ່າງເປັນທາງການ ພ...
ລາວໄດ້ຮັບການຊວ່ຍເຫຼືອໃນການບໍາບັດສິ່ງເສດເຫຼືອອັນຕະລ... ໂດຍສືບຕໍ່ ການຊ່ວຍເຫລືອ ດ້ານທຶນຮອນ ແລະ ຊ່ຽວຊານ ຈາກກະຊວງ ສິ່ງແ...
ໄຊຍະບູລີ ເລັ່ງສົ່ງອອກເພີ່ມທົດແທນປີຜ່ານມາ... ຂະແໜງການຄ້າ ແຂວງໄຊຍະບູລີ ໄດ້ສືບຕໍ່ເພີ່ມທະວີຄວາມເອົາໃຈໃສ່ ໃນດ...
ຂ່າວຫລ້າສຸດເບື້ອງຕົ້ນຂອງປະຊາຊົນທ້ອງຖິ່ນແຂວງຊຽງຂວາງ... ຂປລ: ແຫລ່ງຂ່າວຫລ້າສຸດເບື້ອງຕົ້ນຂອງປະຊາຊົນທ້ອງຖິ່ນແຂວງຊຽງຂວາງ...
ງານວາງສະແດງລົດຄັ້ງທຳອິດໃນ ສປປ ລາວ... ໃນວັນທີ 11 ມິຖຸນາ 2016 ຢູ່ທີ່ ສະມາຄົມນັກຂ່າວແຫ່ງ ສປປ ລາວ ໄດ້...

Comments

comments

Ooh Laos 600×100
Main menu