Prudential 450×100

ເບຍລາວກວມກວ່າ30%ໃນຕະຫຼາດຈີນ

ແບ່ງປັນ:

ຕົວແທນຈໍາໜ່າຍເບຍລາວ ຢູ່ແຂວງກວາງຊີ ສປ ຈີນ ໄດ້ເຊັນສັນຍາ ກັບ 7 ບໍລິສັດ ເພື່ອສົ່ງຜະລິດຕະພັນເບຍລາວ ໄປຈໍາໜ່າຍຢູ່ໃນ 4 ແຂວງຂອງ ສປ ຈີນ ຄື: ແຂວງກວາງຕຸງ, ຈີ່ລິງ, ໄຮລົງຈຽງ ແລະ ແຂວງເຫີໜານ.

ພິທີດັ່ງກ່າວ ໄດ້ຈັດຂຶ້ນໃນໂອກາດ ງານວາງສະແດງສິນຄ້າ ຈີນ-ອາຊຽນ ທີ່ນະຄອນໜານນິງ ເປັນກຽດເຂົ້າຮ່ວມຂອງ ທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ແຫ່ງ ສປປ ລາວ, ມີຫົວໜ້າກົມສົ່ງເສີມ ແລະ ພັດທະນາສິນຄ້າ, ຜູ້ຈັດການສົ່ງອອກ ເບຍລາວຈໍາກັດ, ພ້ອມດ້ວຍພາກສ່ວນ ທີ່ກ່ຽວຂ້ອງເຂົ້າຮ່ວມ.

ທ່ານ ຍົມມະນາ ພູມສະຫັວນ ຜູ້ຈັດການສົ່ງອອກ ເບຍລາວຈໍາກັດ ໃຫ້ສໍາພາດ ວ່າ: ໃນປີ 2007 ບໍລິສັດ ເບຍລາວ ໄດ້ມີ ການເຊັນສັນຍາ ກັບສອງບໍລິສັດ ຢູ່ແຂວງກວາງຊີ ແລະ ຄຸນໝິງ ໃນການເປັນ ຕົວແທນຈໍາໜ່າຍ. ສະນັ້ນ ເຫັນວ່າແຕ່ລະປີ ມີຍອດຈໍາໜ່າຍ ຫລາຍກວ່າ 2 ແສນລັງ. ສໍາລັບ ສປ ຈີນ ຖືວ່າເປັນ ຕະຫລາດໃຫຍ່ສຸດຂອງການສົ່ງອອກ ຜະລິດຕະພັນເບຍລາວ ກວມເອົາຫລາຍກວ່າ 30% ຖ້າທຽບໃສ່ກັບບັນດາ 17 ປະເທດທີ່ບໍລິສັດມີສາຂາຕົວແທນຈໍາໜ່າຍ, ຮອງລົງມາແມ່ນ ປະເທດຫວຽດນາມກໍມີ ຄວາມຕ້ອງການ ນໍາເຂົ້າເບຍລາວ ໃນປະລິມານ 6.000 ລັງຕໍ່ເດືອນ.

ທ່ານ ຍົມມະນາ ຍັງໃຫ້ຮູ້ຕື່ມວ່າ: ຍ້ອນເຫັນໄດ້ ອັດຕາການເຕີບໂຕ ທີ່ຕໍ່ເນື່ອງຂອງຜະລິດຕະພັນ ເບຍລາວໃນ ສປ ຈີນ, ບໍລິສັດຈຶ່ງພະຍາຍາມ ວາງນະໂຍບາຍ ປັບປຸງຕົວແທນຈໍາໜ່າຍ ໃຫ້ເຂັ້ມແຂງຂຶ້ນ ດ້ວຍການໂຄສະນາ ແລະ ສົ່ງເສີມການ ຂະຫຍາຍສາຂາເພີ່ມໃນງານ ວາງສະແດງສິນຄ້າ ເອັກສະໂປ ແລະ ການມາວາງສະແດງ ຜະລິດຕະພັນເບຍລາວຄັ້ງນີ້ ເປັນຄັ້ງທີ 3  ທີ່ບໍລິສັດ ໄດ້ເຂົ້າມາຮ່ວມ ຖືວ່າປີນີ້ ມີຄວາມສໍາຄັນຫລາຍ ເພາະທາງຕົວແທນຈໍາໜ່າຍ ຢູ່ແຂວງກວາງຊີ ໄດ້ມີພິທີເຊັນຍາ ກັບຫລາຍບໍລິສັດ ໃນການເປັນຕົວແທນ ຈໍາໜ່າຍເບຍລາວ. ຂະນະດຽວ ທາງບໍລິສັດເບຍລາວ ກໍຕັ້ງເປົ້າສົ່ງອອກ ໃຫ້ໄດ້ຫລາຍກວ່າ 4 ແສນລັງຕໍ່ປີ.

ຂໍ້ມູນຈາກ: ຂປລ.

ເລື່ອງທີ່ກ່ຽວຂ້ອງ

ເສດຖະກິດລາວ ປີ 2017 ຈະດີຂຶ້ນ... ​ໃນ​ທ່າມກາງ​ສະພາບ​ແວດ​ລ້ອມ ຂອງ​ພາກ​ພື້ນ ​ແລະ ສາກົນ ຍັງ​ສືບ​ຕ...
ການຄ້າລົງຕິດຕາມລາຄາສິນຄ້າ ເພື່ອປົກປ້ອງຜູ້ບໍລິໂພກ... ການຄຸ້ມຄອງລາຄາສິນຄ້າຕາມຕະຫຼາດເປັນອີກບັນຫາໜຶ່ງ ທີ່ສັງຄົມໃຫ້ຄວ...
ທະນາຄານແຂວງພາກໃຕ້ການເຄື່ອນໄຫວຫລຸດລົງ... ເຖິງແມ່ນວ່າພາກທະນາຄານຈະພະຍາຍາມປັບປຸງຂອດບໍລິການ ແຕ່ກໍຍັງບໍ່ສາ...
ຍີ່ປຸ່ນ ຊ່ວຍພັດທະນາ ຊັບພະຍາກອນມະນຸດ... ລັດຖະບານຍີ່ປຸ່ນ ສະໜອງທຶນ 308 ລ້ານເຢັນ ຫລື ປະມານ 24 ຕື້ກວ່າກີ...
ພາກພື້ນອາຊີຕາເວັນອອກເສດຖະກິດຈະເຕີບໂຕ 5,8%... Word Bank ຄາດວ່າ: ການເຕີບໂຕຂອງພາກພື້ນນອກຈາກຈີນ ຈະຄົງຕົວຢູ່ 4...
ກົມພາສີວາງມາດຕະການຕ້ານການລັກລອບສິນຄ້າໜີພາສີທຸກຮູບແ... ອີງຕາມຂໍ້ມູນລາຍງານຈາກກົມພາສີເປີດເຜີຍໃຫ້ຮູ້ວ່າ: ການເກັບລາຍຮັບ...
ລັດຖະບານເລັ່ງປະຕິຮູບ ການເກັບອາກອນ ຫັນເປັນທັນສະໄໝ... ລັດຖະບານ​ເລັ່ງ​​ປະຕິ​ຮູບ​​ ການ​ຄຸ້ມ​ຄອງ ການ​ເກັບ​ອາກອນ​ໄປ​ສູ...
ຄວາມຄືບໜ້າການປ່ຽນຖ່າຍກົງເຕີ້ໃໝ່ເຂດເມືອງນາຊາຍທອງ.... ໄຟຟ້ານະຄອນຫຼວງວຽງຈັນ ໄດ້ໃຫ້ຂໍ້ມູນຄວາມຄືບໜ້າກ່ຽວກັບການປ່ຽນຖ່າ...

Comments

comments

Ooh Laos 600×100
Main menu