Prudential 450×100

ເຊີນທ່ຽວແຂວງ ໄຊສົມບູນ

ແບ່ງປັນ:

ໃນອາທິດນີ້ ວາລະສານທາເກັດ ເຊີນຊວນທຸກທ່ານໄປທ່ຽວທາງແຂວງ ໄຊສົມບູນ “ຄົ້ນຫາປະຫວັດສາດເມືອງລອງແຈ້ງ ແຍງຊົມທໍາມະຊາດສັນພູໝອກ ຊອກຫາວິລະກໍາຖໍ້າເຈົ້າອານຸວົງ ລົງລ່ອງເຮືອຊົມທິວທັດທີ່ທ່າໂທມ ກິນເຂົ້າປ່າສາມັກຄີທີ່ຕາດຜາແຊບລ້ອງຊານ ຊົມຕໍານານນໍ້າຕົກຕາດຜາແຈແລເມືອງຮົ່ມ ”ເຊິ່ງເປັນຄໍາຂວັນປະຈໍາຂອງແຂວງ ແຂວງ ໄຊສົມບູນ ເປັນແຂວງທີ 18 ສ້າງຕັ້ງຂຶ້ນໃນວັນທີ 13 ທັນວາ 2013 ເປັນແຂວງໜຶ່ງທີ່ຕັ້ງຢູ່ພາກກາງຂອງປະເທດລາວເຮົາ ປະກອບມີ 5 ເມືອງ ແລະ ມີປະຊາກອນທັງໝົດປະມານ 80.000 ກວ່າຄົນ ເຊິ່ງສ່ວນຫຼາຍແມ່ນຊົນເຜົ່າມົ້ງ, ຈຸດພິເສດເປັນແຂວງທີ່ບໍ່ມີຊາຍແດນຕິດຈອດກັບບັນດາປະເທດອ້ອມຂ້າງ, ມີອາກາດສົດຊື່ນ, ອຸນຫະພູມສະເລ່ຍ 20 ອົງສາເນື້ອທີ່ສ່ວນໃຫຍ່ເປັນພູດອຍສູງຊັນມີຊັບພະຍາກອນທໍາມະຊາດອຸດົມສົມບູນ, ມີວັດທະນະທໍາ ແລະ ຮີດຄອງປະເພນີອັນດີງາມຂອງຊົນເຜົ່າ ນອກຈາກນີ້ແລ້ວແຂວງ ໄຊສົມບູນ ຍັງມີແຫຼ່ງທ່ອງທ່ຽວທີ່ສໍາຄັນທາງທໍາມະຊາດ ແລະ ປະຫວັດອີກຫຼາຍສະຖານທີ່ບໍ່ວ່າຈະເປັນພູເບ້ຍ, ຖໍ້າເຈົ້າອະນຸວົງ, ອ່າງນໍ້າງື່ມ 2, ຕາດຫ້ວຍນົກ, ສັນພູໝອກ, ເຮືອນເກົ່າວາງປາວ, ເຮືອນພັກຜ່ອນຂອງອາດີດເຈົ້າຊີວິດ, ສິມລ້ອງແຈ້ງ, ນໍ້າຕົກຕາດຜາແຈແລ, ດານຜາແຊບ ແລະ ຍັງມີອີກຫຼາຍໆສະຖານທີ ສໍາລັບອາຫານທ້ອງຖິ່ນຂອງແຂວງ ໄຊສົມບູນແມ່ນ ຕົ້ມໄກ່ໃສຢາມົ້ງ.

ສັນພູໝອກ ເປັນແຫຼ່ງທ່ອງທ່ຽວທາງທໍາມະຊາດ ເໝາະແກ່ການທ່ຽວຊົມ ແລະ ພັກຜ່ອນຕາກອາກາດສູບດົມເອົາອາກາດບໍລິສຸດເຢັນສົດຊື່ນ ໃນຍາມເຊົ້າຈະມີໝອກປົກຫຸ້ມບໍລິເວນພູໜ່ວຍນີ້ເບິ່ງແລ້ວຄ້າຍຄືກັບທະເລໝອກຫຼືສະຫວັນເທິງພື້ນດິນກໍວ່າໄດ້ ເປັນມົນສະເໝ່ອັນໜຶ່ງທີ່ດຶງດູດໃຫ້ຜູ້ຄົນທີ່ໄດ້ໄປເມືອງລ້ອງແຈ້ງແລ້ວຕ້ອງໄດ້ໄປສໍາຜັດກັບບັນຍາກາດເທິງສັນພູໝອກ ເຊິ່ງຕັ້ງຢູ່ໃກ້ໆກັບເທດສະບານເມືອງລອງແຈ້ງ.

14341580_1800919176817730_1547989003_n 14371798_1800919173484397_1598824060_n

ສິມລ້ອງແຈ້ງ ສ້າງຂຶ້ນໃນປີ ຄ.ສ 1966 ສິມຫຼັງນີ້ເປັນສິມຫຼັງທໍາອິດ ແລະ ສິມດຽວທີ່ມີຢູ່ໃນເຂດລ້ອງແຈ້ງເຊິ່ງຢູ່ພາຍໃນສິມມີພຣະພຸດທະຮູບປະດິດສະຖານຫຼາຍອົງ ທັງອົງໃຫຍ່ອົງນ້ອຍເພື່ອໃຫ້ເປັນບ່ອນທໍາບຸນ ແລະ ສັກກາລະກາບໄຫວ້ບູຊາຂອງພຸດທະສາສະນິກະຊົນເຊິ່ງປັດຈຸບັນມີແຕ່ສິມແຕ່ບໍ່ມີພຣະສົງສາມມະເນນຈໍາພັນສາຢູ່.

14341421_1800919090151072_211251113_n

ນໍ້າຕົກຕາດຜາແຈແລ ເປັນນໍ້າຕົກຕາດສູງປະມານ 100 ແມັດ ຕັ້ງຢູ່ບ້ານນໍ້າຄຽນ ຫ່າງຈາກເທດສະບານເມືອງຮົ່ມປະມານ 6 ກິໂລແມັດ ເປັນນໍ້າຕົກຕາດຈາກສາຍພູສູ່ຜາຊັນ ແລະ ມີນໍ້າໄຫຼຕະຫຼອດປີມີຄວາມອຸດົມສົມບູນໄປດ້ວຍຊີວະນານາພັນໆ ປ່າໄມ້ຂຽວງາມອາກາດກໍສົດຊື່ນເຢັນສະບາຍ ສ່ວນສາເຫດທີ່ມາຂອງຊື່ຜາແຈແລນັ້ນຕາມການບອກເລົ່າຂອງຊາວບ້ານໄດ້ໃຫ້ຮູ້ວ່າມີປະຊາຊົນໄດ້ພົບພະອົງໜຶ່ງທີ່ຢູ່ໃກ້ຕາດແຫ່ງນີ້ເປັນສີດໍາ ແລະ ມີຫຼາຍແຈ ຕໍ່ມາປະຊາຊົນເຂດນັ້ນຈຶ່ງໄດ້ເອີ້ນຜາແຫ່ງນີ້ວ່າ ຜາແຈແລ.

14356078_1800919033484411_1036355533_n 14355860_1800919036817744_500414831_n

ເລື່ອງທີ່ກ່ຽວຂ້ອງ

ຢາແກ້ປວດ ເຮັດໃຫ້ສະມັດຕະພາບທາງເພດຫຼຸດລົງ... ໂດຍທົ່ວໄປຜູ້ຊາຍສ່ວນຫຼາຍຈະຢ້ານ ແລະ ວິຕົກກັງວົນຫຼາຍກ່ຽວກັບ ສະມ...
10 ວິທີຈັບເສື້ອຢືດໃສ່ກັບໂສ້ງຂາສັ້ນໃຫ້ເບິ່ງເປັນໜຸ່ມ... ມື້ນີ້, ທາງເວັບໄຊ ທາເກັດ ໄດ້ມີຮູບແບບ 10 ວິທີການໃສ່ໂສ້ງຂາສັ້ນ...
ທ່ອງທ່ຽວ ດິນແດນກຸຫລາບປາກຊັນ.... ໃນອາທິດນີ້ ວາລະສານທາເກັດ ຈະພາທຸກທ່ານໄປທ່ຽວທີ່ແຂວງ ບໍລິຄໍາໄຊ ...
ມາທ່ຽວ ນ.ວ ບໍ່ໄດ້ຖ່າຍຮູບຢູ່ປະຕູໄຊ ແມ່ນບໍ່ຮອດນະຄອນ... ໃນມື້ນີ້ ວາລະສານ ທາເກັດ ຂໍນໍາເອົາເລື່ອງຂອງປະຕູໄຊມາເລົ່າສູ່ຟັ...
9 ເລື່ອງທີ່ກ່ຽວກັບການແຂງໂຕຂອງອົງຄະຊາດ ທີ່ຜູ້ຊາຍຫຼ... ມື້ນີ້ເຮົາຈະມາແນະນຳກ່ຽວກັບການແຂງໂຕຂອງອົງຄະຊາດ ທີ່ຜູ້ຊາຍທຸກໆຄ...
5 ສະໝຸນໄພຊ່ວຍເສີມພະລັງເພດຊາຍ... ສະໜຸນໄພມີປະໂຫຍດຢ່າງຫຼວງຫຼາຍ ແລະ ໜຶ່ງຄຸນປະໂຫຍດໃນນັ້ນຍັງຊ່ວຍບຳ...
ເສິນຫຼົງ ພູມໃຈຂືຶ້ນຮັບລາງວັນ ອ໋ອສກາ ກຽດຕິຍົດ... ຫຼັງຈາກຝາກຜົນງານຮູບເງົາ ຫຼາຍກວ່າ 200  ເລື່ອງ ໃນໄລຍະ 56 ປີ ໃນ...

Comments

comments

Ooh Laos 600×100
Main menu