Prudential 450×100

ໂຄງການກໍ່ສ້າງເສັ້ນທາງລົດໄຟ ໃກ້ຈະເປັນຈິງ

ແບ່ງປັນ:

ໂຄງການ​ກໍ່ສ້າງເສັ້ນທາງ​ລົດ​ໄຟ ​ລາວ-ຈີນ ໃກ້​ຈະ​ເປັນ​ຈິງ ​ເນື່ອງຈາກກອງ​ປະຊຸມ​ລັດຖະບານ​ເປີດ​ກວ້າງ ປະຈຳ​ສົກ​ປີ 2014-2015 ​ໄດ້ຮັບຮອງ​ແຜນ​ດຳ​ເນີນການຂອງ​ກະຊວງ​ໂຍທາ​ທິການ ​ແລະ ຂົນ​ສົ່ງ ກ່ຽວກັບ​ຮູບ​ແບບ, ​ໂຄງ​ສ້າງ​ຂອງ​ການ​ລົງທຶນ, ລວມ​ທັງດ້ານ​ນະ​ໂຍບາຍ​ສະໜັບສະໜູນ​ໂຄງການ, ຕະຫຼອດ​ເຖິງຜົນສຳ​ຫຼວດ​ແລວ​ທາງ ​ແລະ ຂອບ​ເຂດ​ສະຖານີ​ຕ່າງໆ.

ທ່ານ ດຣ.ບຸນ​ຈັນ ສິນ​ທະ​ວົງ ລັດຖະມົນຕີ​ວ່າການ ​ກະຊວງໂຍທາ​ທິການ ​ແລະ ຂົນ​ສົ່ງ ຊີ້​ແຈງ​ຕໍ່ສື່​ມວນ​ຊົນ​ໃນ​ວັນ​ທີ 25 ກັນຍາ 2015 ຜ່ານມານີ້​ວ່າ: ​​ໂຄງການກໍ່ສ້າງ​ເສັ້ນທາງ​ລົດ​ໄຟ ລາວ-ຈີນ ຄາດ​ວ່າ​ຈະ​ເລີ່​ມຂຶ້ນ​ໃນ​ທ້າຍ​ປີ​ 2015 ນີ້ ຢ່າງ​ແນ່ນອນ ​ໂດຍ​ມີ​ຄວາມ​ຍາວ 417 ກິ​ໂລ​ແມັດ ​ເຊິ່ງນຳ​ໃຊ້​ມາດຕະຖານ​ເຕັກນິກ​ສາກົນ ໃນ​ການ​ອອກ​ແບບ ​ເປັນ​ເສັ້ນທາງ​ລົດ​ໄຟ​ລາງ​ດ່ຽວນຳ​ໃຊ້​ຄວບ​ຄູ່​ກັນ ​ລະຫວ່າງ ລົດ​ໄຟ​ຂົນ​ສົ່ງ​ໂດຍສານ ​ທີ່​ມີ​ຄວາມ​ໄວ 160 ກິ​ໂລ​ແມັດ/ຊົ່ວ​ໂມງ ​ແລະ ລົດ​ໄຟ​ຂົນ​ສົ່ງ​ສິນຄ້າ, ຄວາມ​ໄວ 120 ກິ​ໂລ​ແມັດ/ຊົ່ວ​ໂມງ. ຕະຫຼອດ​ໄລຍະ​ເສັ້ນທາງ​ມີ​ສະຖານີ​ທັງໝົດ 31 ​ແຫ່ງ, ​ໃນ​ນັ້ນມີ ສະຖານີ​ໃຫຍ່​ຈຳນວນ 5 ​ແຫ່ງ ​ຄື: ສະຖານີ​ບ້ານ​ນາ​ເຕີຍ, ສະຖານີ​ເມືອງ​ໄຊ, ສະຖານີ​ຫຼວງ​ພະ​ບາງ, ສະຖານີວັງ​ວຽງ ​ແລະ ສະຖານີ​ນະຄອນຫຼວງ​ວຽງຈັນ. ສະພາບ​ໂຄງ​ສ້າງ ໂຄງການ​ປະກອບ​ ມີ​ອຸ​ມຸງ​ທັງໝົດ 76 ​ແຫ່ງ, ຂົວ 154 ​ແຫ່ງ. ສຳລັບ​ມູນ​ຄ່າ​ການກໍ່ສ້າງ​ຄາດ​ຄະ​ເນ​ໃນ​ເບື້ອງ​ຕົ້ນ ​ປະມານ 6,8 ຕື້​ໂດ​ລາ​ສະຫະລັດ ​ແລະ ມີ​ກຳນົດ​ການກໍ່ສ້າງ​ປະມານ 5 ປີ.

ລັດຖະມົນຕີ​ວ່າການ​ກະຊວງ​ໂຍທາ​ທິການ ​ແລະ ຂົນ​ສົ່ງ ​ໃຫ້​ຮູ້​ຕື່ມ​ວ່າ: ​ໂຄງການ​ທາງ​ລົດ​ໄຟ​ສາຍ​ນີ້ ຈະ​ເລີ່​ມຈາກ ສປ ຈີນ ຫາ​ນະຄອນຫຼວງ​ວຽງຈັນ ​ເຊື່ອມ​ຕໍ່ປະ​ເທດ​ໄທ, ມາ​ເລ​ເຊຍ ​ແລະ ສິງກະ​ໂປ, ​​ເປັນ​ໂຄງການ​ທີ່​ສຳຄັນ ​ເພາະ​ມີ​ການ​ລົງທຶນ​ຕ່ຳ ແຕ່ມີ​ປະສິດທິ​ຜົນສູງ​ທາງ​ດ້ານ​ເສດຖະກິດ-ສັງຄົມ ລະຫວ່າງ ​ລາວ-ຈີນ, ສະ​ນັ້ນ​ ລັດຖະບານ​ສອງ​ປະ​ເທດ ຈຶ່ງ​ເຫັນ​ດີ​​ໃນ​ຮູບ​ແບບໃຫ້​ມີ​ການ​ລົງທຶນຮ່ວມ​ສອງ​ຝ່າຍເພື່ອ​ກໍ່ສ້າງ ​ແລະ ບໍລິການ(ສ້າງ​ຕັ້ງ​ບໍລິສັດ​ຮ່ວມ​ທຶນລາວ-ຈີນ ​ເປັນ​ຜູ້ຈັດ​ຕັ້ງ​ປະຕິບັດ​ຕົວ​ຈິງ). ​ໂດຍ​ທັງ​ສອງ​ຝ່າຍຈະ​ຕ້ອງ​ໄດ້​ປະກອບ​ທຶນ​ 40% ຂອງ​ມູນ​ຄ່າ​ທັງໝົດ, ສ່ວນ​ທີ່​ເຫຼືອ​ 60% ນັ້ນບໍລິສັດ​ຮ່ວມ​ທຶນ ຈະ​ຕ້ອງ​ໄດ້​ກູ້​ຢືມ​ຈາກ​ທະນາຄານ ​ຫຼື ສະ​ຖາ​ບັນ​ການ​ເງິນ​ຕ່າງໆ ​ໃນ​ນັ້ນ ລັດຖະບານ​ລາວ ຕ້ອງ​ໄດ້​ປະກອບ​ທຶນ​ທັງໝົດປະມານ 840 ລ້ານ​ໂດ​ລາ​ສະຫະລັດ.

​ໂຄງການ​ດັ່ງກ່າວ ຈະ​ເປັນ​ການ​ປະກອບສ່ວນ​ສຳຄັນ​ເຮັດ​ໃຫ້ ສປປ ລາວ ທີ່​ບໍ່ມີ​ທາງ​ອອກ​ສູ່ທາງ​ທະ​ເລ ສາມາດ​ເຊື່ອມ​ຈອດ​ກັບປະ​ເທດ​ເພື່ອນ​ມິດ​ໃນ​ພາກພື້ນ​ໄດ້, ສາມາດ​ອຳນວຍ​ຄວາມ​ສະດວກ​ໃນ​ການ​ຂົນ​ສົ່ງ​ສິນຄ້າ, ການ​ໄປມາຫາສູ່, ການ​ສົ່ງ​ອອກ​ສິນຄ້າທີ່​ມີ​ຕົ້ນ​ທຶນ​ຕ່ຳ, ການ​ລົງທຶນ, ການ​ລິ​ການ ​ແລະ ການ​ພົວພັນ​ອື່ນໆ ​ເຊິ່ງຈະ​ສ້າງ​ລາຍ​ຮັບ​ໃຫ້​ປະ​ເທດ​ຊາດ ກໍ​ຄື​ປະຊາຊົນ​ບັນດາ​ເຜົ່າ​ໃຫ້​ສູງ​ຂຶ້ນ​ກວ່າ​ເກົ່າ.

download laoschinarailroad305

ເລື່ອງທີ່ກ່ຽວຂ້ອງ

AEC ຈະເຮັດໃຫ້ຄົນລາວພວກເຮົາມີການປັບປ່ຽນ, ຄົນລາວໃນຍຸ... ສະບາຍດີ ເພື່ອນໆ  ທີ່ຮັກແພງ ເປີດຄໍລໍາໃໝ່ນັບຖອຍຫຼັງກ້າວເຂົ້າສູ...
ພວກເຮົາໃຫ້ບໍລິການງານໂຄສະນາ ທີ່ຫຼາກຫຼາຍຮູບແບບ ເພື່ອ... ບໍລິສັດ ປັນຍາທິບ ໂຄສະນາ ໃຫ້ບໍລິການດ້ານງານໂຄສະນາ ທີ່ຫຼາກຫຼາຍຮ...
ລາວຈະມີລາຍຮັບເກືອບ 700 ລ້ານໂດລາ ຈາກການທ່ອງທ່ຽວ... ໃນປີ 2015 ນີ້ ສປປ ລາວ ຄາດວ່າຈະມີລາຍຮັບຈາກການທ່ອງທ່ຽວເພີ່ມຂຶ້...
“ພາຍຫຼັງເປີດເອອີຊີການຫຼັງໄຫຼຂອງແຮງງານຕ່າງປະເທດຈະເປ... AEC ຈະໃຫ້ໂອກາດ ຫຼື ສິ່ງທ້າທາຍຫຍັງກັບບໍລິສັດທ່ານ ບໍລິ​ສັດ​...
ກຽມປັບປຸງແຫຼ່ງທ່ອງທ່ຽວ ດົງລີງ ຮູບ: 0195, 0189... ແຫຼ່ງທ່ອງ​ທ່ຽວ ດົງ​ລີງ ບ້ານ​ດົງ​ເມືອງ ​ເມືອງ​ຈຳ​ພອນ ​ແຂວງ​ສະ...
ປະຊາຄົມເສດຖະກິດອາຊຽນ ຫຼື AEC 30 ມື້ທີ່ມີຄວາມໝາຍ... ພາຍຫຼັງ 30 ມື້ຜ່ານໄປ ຫຼາຍ​ພາກ​ສ່ວນຕ່າງ​ກໍ​ຂຸ້ນຂ້ຽວ ປັບປຸງ​ກົ...
ງານວາງສະແດງສິນຄ້າຈີນ-ອາຊຽນ ຄັ້ງ ທີ 12 ໄດ້ໄຂຂຶ້ນຢ່າ... ງານວາງສະ​ແດງ​ສິນຄ້າ​ຈີນ-ອາ​ຊຽນ ຄັ້ງທີ 12 ​ໄດ້​ໄຂ​ຂຶ້ນຢ່າງ​ເປ...
ທຸລະກິດທີ່ສືບທອດຕົ້ນຕຳລັບຈາກແມ່ ຈົນກາຍເປັນເສດຖະກິດ... ນຸນ້າ-ປາ​ເຕ້ ​ເປັນ​ປາ​ເຕ້ ທີ່​ເນັ້ນ​ຄວາມ​ສະອາດ​ຄຳນຶງ​ເຖິງ​ສຸ...

Comments

comments

Ooh Laos 600×100
Main menu