Prudential 450×100

ຫຼວງພະບາງເມືອງມໍລະດົກໂລກແຫ່ງມົນສະເໜ

ແບ່ງປັນ:

ເມືອງຫຼວງພະບາງ ຕັ້ງຢູ່ທາງພາກເໜືອຂອງປະເທດລາວ ໄດ້ຮັບການຍົກຍ້ອງໃຫ້ເປັນມໍລະດົກໂລກຈາກອົງການ ອຸຍແນສໂກ ແລະ ຈະຄົບ​ຮອບ 20 ປີ ​ໃນ​ປີນີ້ ​ທາງແຂວງ ຈະ​ມີ​ການ​ສະ​ເຫຼີ​ມສະຫຼອງຢ່າງ​ຍິ່ງ​ໃຫຍ່​ພາຍ​ໃນ​ຕົວ​ເມືອງ​ຫຼວງ​ພະ​ບາງ​​ໃນ​ທ້າຍ​ປີ 2015 ຈະ​ມາ​ເຖິງ​ນີ້. ​ເຊິ່ງມື້​ນີ້​ຈະ​ມາ​ແນະນຳ​ສະຖານ​ທີ່​ທ່ອງ​ທ່ຽວ​ທີ່​ສຳຄັນ​ ​ແລະ ​ເປັນ​ຈຸ​ດ​ເດັ່ນ​ຂອງ​ຫຼວງ​ພະ​ບາງ 2 ສະຖານ​ທີ່.

ບໍລິເວນແຄມຝັ່ງແມ່ນໍ້າຂອງ ແລະ ແມ່ນ້ຳຄານ ທີ່ໄຫຼມາປ່ອງໃສ່ກັນ ມີ ວັດຊຽງທອງ ທິີ່ງາມສະຫງ່າ ເປັນວັດທີ່ສຳຄັນໄດ້ຮັບການຍົກຍ້ອງຈາກບູຮານຄະດີ ວ່າເປັນດັ່ງອັນຍະມະນີແຫ່ງສະຖາປັດຕະຍະກຳລາວ ໄດ້ຖືກສ້າງຂຶ້ນໃນລາຊການພຣະເຈົ້າໄຊເສດຖາທິລາດ. ໃນ​ໄລຍະມື້ບຸນປີ  ໃໝ່ຂອງລາວ (ຊ່ວງມື້ສົງການ) ຈະມີການອັນເຊີນ “ພະ​ມ່ານ“ ທີ່ຢູ່​ວິຫານ​ດ້ານ​ຫຼັງພະ​ອຸ​ໂປ​ສົດ​ຄື “ຫໍ​ພະ​ມ່ານ“ ລົງ​ມາ​ເພື່ອ​ໃຫ້​ປະຊາຊົນ​ໄດ້​ສົງນ້ຳ ​ແລະ ​ກາບ​ໄຫວ້ “ພະ​ມ່ານ“ ມີ​ລັກສະນະຄ້າຍ​ກັບ​ “ພະ​ບາງ“ ຈົນຫຼາຍຄົນ​ເຂົ້າ​ໃຈ​ຜິດ​ວ່າ: ​ເປັນອົງ​ດຽວ​ກັນ ພາຍ​ໃນ​ວັດຊຽງທອງ​ຍັງ​ມີ​ເຂດ​ສັງຄາ​ວາດ ປະກອບ​ດ້ວຍ​ກຸດຕິ, ​ເຈ​ດີ ດັ່ງ​ວັດ​ທົ່ວ​ໄປ ​ແລະ ຍັງ​ມີ​ພະສົງ​ຈໍາພັນ​ສາ.

ຈາກ​ຕົວ​ເມືອງ​ໄລຍະ 15 ກິ​ໂລ​ແມັດ​ໄປ​ຕາມ​ເສັ້ນທາງ ​ສາຍຫຼວງ​ພະ​ບາງ-ວຽງ​ຈັນ (ຖະໜົນ​ເລກ 13 ​ເໜືອ) ບໍລິ​ເວນ​ປາກ​ທາງ​ເຂົ້າ ນ້ຳຕົກຕາດ​ແສ້ ຈະມີປ້າຍຂະໜາດໃຫຍ່ບອກລ້ຽວຊ້າຍ( ຖ້າມາຈາກຕົວເມືອງຫຼວງພະບາງ) ໄປຕາມເສັ້ນທາງຈົນຮອດໝູ່ບ້ານຊື່ວ່າ “ເຮືອນແອນ“ ຈະເປັນບ່ອນຈອດລົດ ແລ້ວຍ່າງຕໍ່ໄປອີກປະມານ 100 ແມັດ ເພື່ອນັ່ງເຮືອໄປຕໍ່ຈະໃຊ້ເວລານັ່ງເຮືອໄປຕາມນໍ້າຄານປະມານ 10 ນາທີ ດ້ານຂວາມືເປັນທ່າເຮືອລົງຈອດແລ້ວຍ່າງໄປອີກ 200 ແມັດ ກໍຈະພົບກັບທໍາມະຊາດທີ່ສວຍສົດງົດງາມນັ້ນກໍແມ່ນ “ນ້ຳຕົກຕາດແສ້”  ເປັນນໍ້າຕົກຫີນປູນ ຂະໜາດກາງ ຊັ້ນຂອງນ້ຳຕົກອາດບໍ່ສູງຊັນເທົ່າໃດເມື່ອທຽບກັບນ້ຳຕົກຕາດກວາງຊີ ແຕ່ຄວາມສວຍງາມຂອງນ້ຳຕົກຕາດແສ້ນີ້ ເປັນສາຍນ້ຳທີ່ໄຫຼມາຕາມລານຫີນກ້ວາງ ຊັບຊ້ອນລົງມາເປັນຊັ້ນໆ ລົງສູ່ແອ່ງເບື້ອງລຸ່ມເໝືອນເປັນສະລອຍນໍ້າ ຕາມທຳມະຊາດຂະໜາດໃຫຍ່ ເໝາະແກ່​ການ​ລົງ​ຫຼີ້ນນ້ຳ ​ໂດຍ​ສະ​ເພາະ​ໃນ​​ບຸນປີ​​   ໃໝ່ຫຼີ້ນນ້ຳ​ໃຫ້​ເຢັນ​ຊື່ນ​ໃຈ​ໄປ​ເລີຍ. ນອກ​ນັ້ນ​ຍັງ​ມີ​ສະຖານ​ທີ່ສຳລັບ​ຈັດ​ສະ​ແດງ​ ຊ້າງ​ຄໍາ​ຮູ້ ​ເຊິ່ງການສະ​ແດງ​ຈະ​ມີ 2 ຮອບ​ຕໍ່​ມື້ ​ໃນ​ເວລາ 11:00 ​ແລະ 15:00 ຖ້າ​ນັກ​ທ່ອງ​ທ່ຽວທ່ານ​ໃດ​ ມັກ​ການ​ປະຈົນ​ໄພ​ແບບ​ກາງ​ແຈ້ງ ກໍ​ສາມາດ​ຂີ່​ຊ້າງ​ອ້ອມ​ຮອບປ່າ ຊົມ​ຄວາມ​ງາມ​ຂ​ອງທຳ​ມະ​ຊາດໄດ້​ເຊັ່ນກັນ ທາງ​ຂ້າງ​ຂອງ​ນ້ຳຕົກ​ຕາດ​ແສ້ ຈະ​ມີ​ຮ້ານ​ອາຫານ​ຕາມ​ສັ່ງ​ໄວ້​ຄອຍ​ຖ້າ​ບໍລິການ ​​ເຖິງວ່າ​ຈະ​ຜ່ານ​ຜ່າ​ທັງ​ຂີ່​ລົດ, ທັງ​ຍ່າງ​ ​ແລະ ທັງ​ຂີ່​ເຮືອ ຈົນ​​ເມື່ອຍ​ແຕ່​​ເມື່ອໄດ້​ສຳ​ຜັດກັບຄວາມ​ງາມ​ຂອງ​ທຳ​ມະ​ຊາດ​ແລ້ວ​ບອກ​ໄດ້​ເລີຍ​ວ່າ​ຄຸ້ມ​ກັບ​ການ​ເດີນທາງ​.

_Tadsae_Waterfall_ 1376475085

ເລື່ອງທີ່ກ່ຽວຂ້ອງ

ແມ່ຂອງ ZONE ເນັ້ນພັດທະນາເປັນເຂດ 4ສໍ ແລະ 1ກໍ. ​ແນວ​ຄິດ​ການ​ພັດທະນາ​ແຄມ...
ການລົງທຶນຂອງຕ່າງປະເທດ ໃນ ສປປ ລາວ ບັນລຸ 25 ຕື້ກວ່າໂ... ປັດຈຸບັນ ສະພາບ​ການ​ລົງທຶນ​ຈາກ​ຕ່າງປະ​ເທດ ທີ່​ເຂົ້າ​ມາ​ລົງທຶນ...
ຫັດຖະກຳລາວກ້າວສູ່ AEC ( Handicrafts to perform in... ຂະແໜງຫັດຖະກຳລາວເປັນຂະແໜງເສດຖະກິດແຫ່ງຊາດທີ່ສຳຄັນອັນໜຶ່ງພ້ອມທັ...
AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລ... AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​...
ກອງປະຊຸມ ລັດຖະມົນຕີເສດຖະກິດ ອາຊຽນຄັ້ງທີ 48 (AEM) ກ... ກອງປະຊຸມລັດຖະມົນຕີເສດຖະກິດອາຊຽນ  (AEM) ຄັ້ງທີ 48 ແລະ ກອງປະຊຸ...
ນຳໃຊ້ລະບົບຊັບສິນທາງປັນຍາ ແນ່ໃສ່ເຮັດໃຫ້ເສດຖະກິດຂະຫຍ... ກົມຊັບສິນທາງປັນຍາ ກະຊວງວິທະຍາສາດ ແລະ ເຕັກໂນໂລຊີ ຮ່ວມກັບສຳນັກ...
ປະຊາຄົມເສດຖະກິດອາຊຽນ AEC ກັບຄວາມພ້ອມຂອງ ສປປ ລາວ.... ​ລັດຖະບານໄດ້ຊຸກຍູ້ສົ່ງເສີມບັນດາວິສາຫະກິດລາວໃນທົ່ວປະເທດສຸມໃສ່...
AEC ຈະເປີດກວ້າງທາງດ້ານການແຂ່ງຂັນທຸລະກິດໃຫ້ມີຄຸນະພາ... ເມື່ອ​ປະ​ເທດ​ລາວ​​ເຂົ້າ​ເປັນສະມາຊິກ​ປະຊາ​ຄົມ​ເສດຖະກິດ​ອາຊຽນ ...

Comments

comments

Ooh Laos 600×100
Main menu