Prudential 450×100

ລັດຖະບານລາວ ເປີດກວ້າງໃຫ້ນັກລົງທຶນ ສ.ປຈີນ ຈັດເປັນອັນດັບໜຶ່ງຂອງການລົງທຶນໃນລາວ

ແບ່ງປັນ:

ລັດຖະບານ ແຫ່ງ ສປປ ລາວ ໄດ້ມີ​ນະ​ໂຍບາຍ​ເປີດ​ກວ້າງ​ການ​ລົງທຶນ​ຂອງ​ຕ່າງປະ​ເທດ ໂດຍສະເພາະ ສ.ປ ຈີນ ແລະ ບັນດາປະເທດອາຊຽນ ໃຫ້ເຂົ້າມາລົງທຶນໃນ ສ.ປ.ປ ລາວ ​ໃນ​ຂະ​ແໜງ​ການ​ຕ່າງໆຫຼາຍ​ຂຶ້ນ ເຊິ່ງໄດ້ມີ​ກົດໝາຍ​ສົ່ງ​ເສີມ​ການ​ລົງທຶນ ແລະ ນິຕິກຳຕ່າງໆ​ ເພື່ອຮັບຮອງ​ໃນ​ການ​ລົງທຶນ​ຂອງ​ຕ່າງປະ​ເທດ ຢູ່ ສ.ປ.ປ ລາວ.

ທ່ານ ສົມສະຫວາດ ເລັ່ງສະຫວັດ ຮອງນາຍົກລັດຖະມົນຕີ ແຫ່ງ ສ.ປ.ປ ລາວ ກ່າວໃນພິທີເປີດງານ​ວາງສະ​ແດງ​ສິນຄ້າ ​ຈີນ-ອາ​ຊຽນ ຄັ້ງທີ 12 ທີ່​ເມືອງໜານ​ໜິງ ​ແຂວງ​ກວາງຊີ ສ.ປ ຈີນ ໃນ​ວັນ​ທີ 18 ກັນຍາ 2015 ນີ້ ວ່າ: ລັດຖະບານ ແຫ່ງ ສ.ປ.ປ ລາວ ໄດ້ເປີດກວ້າງ ແລະ ປັບປຸງບັນດານິຕິກຳ, ນະໂຍບາຍດ້ານຕ່າງໆ ເພື່ອສົ່ງເສີມການລົງທຶນຂອງຕ່າງປະເທດ ເຂົ້າມາລົງທຶນຢູ່ລາວ ໃຫ້ມີຄວາມສະດວກສະບາຍຍິ່ງຂຶ້ນ. ພ້ອມດຽວກັນນັ້ນ ກໍໄດ້ກຳນົດລະບຽບການລະອຽດ ໃນການລົງທຶນສ້າງເຂດເສດຖະກິດພິເສດ ແລະ ເຂດເສດຖະກິດສະເພາະ ຈຳນວນ 58 ໂຄງການ ເຊິ່ງມາຮອດປັດຈຸບັນ ໄດ້ອະນຸມັດໃຫ້ດຳເນີນທຸລະກິດແລ້ວ 11 ແຫ່ງ ໃນທົ່ວປະເທດ.

ພ້ອມ​ນີ້ ທ່ານ ສົມສະຫວາດ ເລັ່ງສະຫວັດ ຍັງໄດ້​ເຊີນຊວນ​ ບັນດາ​ນັກທຸລະກິດ​ຈາກ ສ.ປ ຈີນ ແລະ ບັນດາ​ບັນດາ​ປະ​ເທດອາ​ຊຽນ ເຂົ້າ​ມາ​ສຶກສາຄົ້ນ​ຄວ້າຫາໂອກາດ​ການ​ລົງທຶນໃນ​ຂະ​ແໜງ​ການ​ຕ່າງໆ ຢູ່ ສ.ປ.ປ ລາວ ເຊິ່ງລັດຖະບານ​ລາວ ກຽມພ້ອມ​ທຸກ​ຢ່າງ​ເພື່ອໃຫ້​ຄວາມ​ສະດວກ ​ແກ່​ນັກທຸລະກິດ ທີ່​ມີ​ຈຸດ​ປະສົງຢາກ​ມາລົງທຶນ​ຢູ່ ສ.ປ.ປ ລາວ​. ປັດຈຸບັນ ການລົງທຶນຂອງນັກທຸລະກິດຈີນ ຢູ່ ສປປ ລາວ ບັນລຸ 5,3 ຕື້ໂດລາສະຫະລັດ ຈັດຢູ່ອັນດັບ 1 ຂອງການລົງທຶນຕ່າງປະເທດ ແລະ ດ້ານການທ່ອງທ່ຽວຈັດຢູ່ໃນອັນດັບ 3 ຂອງນັກທ່ອງທ່ຽວຕ່າງປະເທດ ທີ່ເຂົ້າມາທ່ອງທ່ຽວ ໃນ ສ.ປ.ປ ລາວ.

11741793_1623771914565800_1337366245_n

ເລື່ອງທີ່ກ່ຽວຂ້ອງ

ຢາກສົ່ງເສີມອາຊີບນີ້ລົງສູ່ຮາກຖານ ແລະ ສ້າງເປັນກຸ່ມຜະ... ພົມລາວເປັນຫັດຖະກຳ ສິລະປະ​ອັນໜຶ່ງ​ທີ່​ມີ​ຄວາມ​ປານີດ, ​ໃຊ້​ເວ​...
ກອງປະຊຸມ ລັດຖະມົນຕີເສດຖະກິດ ອາຊຽນຄັ້ງທີ 48 (AEM) ກ... ກອງປະຊຸມລັດຖະມົນຕີເສດຖະກິດອາຊຽນ  (AEM) ຄັ້ງທີ 48 ແລະ ກອງປະຊຸ...
ການລໍາລຽງງົວງວດທໍາອິດ 300 ກວ່າໂຕເຖິງລາວແລ້ວ... ງົວ​ງວດ​ທໍາ​ອິດຈໍານວນ 300 ກວ່າ​ໂຕ​ຈາກ​ປະ​ເທດ​ອົດ​ສະ​ຕາ​ລີ ໄດ...
ຫຼາຍກວ່າ 200 ຮ້ານແລ້ວສະເໜີເຂົ້າຮ່ວມວາງສະແດງສິນຄ້າວ... ປັດຈຸບັນ​ນີ້ ມີບັນດາອົງ​ການຈັດ​ຕັ້ງ​ພາກລັດ-​ເອກະ​ຊົນ, ສະຖານທ...
ຕາດນ້ຳກັດ ໂຢລະປ່າ ມີກິດຈະກຳທ້າທາຍ ຫຼາຍຮູບແບບ.... ຕາດ​ນ້ຳ​ກັດ ​ໂຢລະ​ປ່າ ​​ແນວ​ຄິດ​ການ​ສ້າງ​ແຫຼ່ງທ່ອງທ່ຽວ​ທາງທຳ...
AEC ມັນຈະເປັນໂອກາດ ໃນການໂຄສະນາ ສີໄມ້ລາຍມືຂອງລາວເຮົ... ເລື່ອງຫັດຖະກຳເປັນເລື່ອງ ຂອງຄວາມລະອຽດອ່ອນ ທີ່ສະທ້ອນໃຫ້ເຫັນເຖິ...
ສືບທອດລວດລາຍລາວ ກຽມພ້ອມເຂົ້າສູ່ AEC... ປັດຈຸບັນ​ປວງ​ຊົນຊາວລາວ ​ກຳລັງ​ອອກ​ແຮງ​ແຂ່ງ​ຂັນ ​ກັນ​ທຳ​ມາ​ຫາ...
ການພັດທະນາໄຟຟ້າລາວ ເພື່ອແນໃສ່ປັບປຸງຄຸນນະພາບ ຊີວິດກ... ມາຮອດປັດຈຸບັນ ລວມຍອດຜະລິດຕະພັນຂອງຂະແໜງພະລັງງານໄຟຟ້າ ແລະ ບໍ່ແ...

Comments

comments

Ooh Laos 600×100
Main menu