Prudential 450×100

ປະທານາທິບໍດີ ອາເມລິກາ ຢ້ຽມຢາມ ສປປ ລາວ ຢ່າງເປັນທາງການ

ແບ່ງປັນ:

ທ່ານ ບາຣັກ ໂອບາມາ ປະທານາທິບໍດີ ສະຫະລັດ ອາເມລິກາ ໄດ້ເລີ່ມເຄື່ອນໄຫວຢ້ຽມຢາມ ສາທາລະລັດ ປະຊາທິປະໄຕ ປະຊາຊົນລາວ ຢ່າງເປັນທາງການ ໃນຕອນເຊົ້າ ວັນທີ 6 ກັນຍາ 2016 ເຊິ່ງພິທີຕ້ອນຮັບ ໄດ້ຈັດຂຶ້ນ ຢ່າງສົມກຽດ ຢູ່ຫໍຄຳ ນະຄອນຫລວງວຽງຈັນ ໂດຍ ທ່ານ ບຸນຍັງ ວໍລະຈິດ ປະທານປະເທດ ແຫ່ງ ສປປ ລາວ ພ້ອມດ້ວຍຄະນະ ລັດຖະບານເຂົ້າຮ່ວມ.
ຈາກນັ້ນ ໄດ້ມີພິທີ ພົບປະສອງຝ່າຍ ທີ່ທຳນຽບປະທານປະເທດ ລະຫວ່າງ ທ່ານ ບຸນຍັງ ວໍລະຈິດ ພ້ອມຄະນະ ແລະ ທ່ານ ບາຣັກ ໂອບາມາ ພ້ອມຄະນະ. ພາຍຫລັງສຳເລັດ ການພົບປະເປັນທາງການ ຄະນະຜູ້ແທນສອງຝ່າຍ ໄດ້ເຂົ້າຮ່ວມງານລ້ຽງ ອາຫານທ່ຽງ ເປັນກຽດແກ່ທ່ານ ບາຣັກ ໂອບາມາ ຈັດໂດຍ ທ່ານ ບຸນຍັງ ວໍລະຈິດ. ໃນຕອນບ່າຍ ຂອງວັນດຽວກັນ ປະທານາທິບໍດີ ສະຫະລັດ ອາເມລິກາ ໄດ້ເດີນທາງໄປຍັງ ຫໍວັດທະນະທຳແຫ່ງຊາດ ແລະ ຂຶ້ນກ່າວຄຳປາໄສ ແບບເປີດກ້ວາງ ແກ່ນັກສຶກສາ, ຊາວໜຸ່ມ, ແມ່ຍິງ ແລະ ນັກທຸລະກິດ. ຈາກນັ້ນ ປະທານາທິບໍດີ ສະຫະລັດ ອາເມລິກາ ໄດ້ມີການພົບປະໂອ້ລົມ ກັບພະນັກງານ ສະຖານທູດ ອາເມລິກາ ປະຈຳ ສປປ ລາວ ທີ່ໂຮງແຮມແລນມາກ.
ສຳລັບ ໃນຕອນເຊົ້າ ຂອງວັນທີ 7 ກັນຍາ ປະທານາທິບໍດີ ສະຫະລັດອາເມລິກາ ຈະເຄື່ອນໄຫວຢ້ຽມຢາມ ສູນຟື້ນຟູຄົນພິການແຫ່ງຊາດ ແລະ ຈະເດີນທາງໄປຢ້ຽມຢາມ ເມືອງມໍລະດົກໂລກ ແຂວງຫລວງພະບາງ ໃນຕອນທ່ຽງ ໂດຍມີແຜນຢ້ຽມຊົມ ວັດຊຽງທອງ, ພົບປະນັກສຶກສາ ໂຄງການYSEALI ມະຫາວິທະຍາໄລ ສຸພານຸວົງ. ສ່ວນໃນວັນທີ 8 ກັນຍາ, ທ່ານ ບາຣັກ ໂອບາມາ ຈະໄດ້ຮັບກຽດເຂົ້າຮ່ວມ ກອງປະຊຸມສຸດຍອດ ອາຊຽນ-ສະຫະລັດ ອາເມລິກາ ຄັ້ງທີ 4 ແລະ ເຂົ້າຮ່ວມງານລ້ຽງອາຫານທ່ຽງ ກອງປະຊຸມສຸດຍອດ ອາຊີຕາເວັນອອກຄັ້ງທີ 11 ກ່ອນເດີນທາງຄືນປະເທດ .

ຂໍ້ມູນຈາກ: ຂປລ.

ເລື່ອງທີ່ກ່ຽວຂ້ອງ

ນາຍົກຖະແຫຼງຂ່າວຜົນສໍາເລັດກອງປະຊຸມສຸດຍອດ... ພາຍຫຼັງພິທີອັດກອງປະຊຸມຢ່າງເປັນທາງການໃນເວລາຕໍ່ມາ ທ່ານທອງລຸນ ສ...
ຮັບຮອງເອົາເປົ້າໝາຍການພັດທະນາແບບຍືນຍົງທີ 18... ທ່ານ ທອງລຸນ ສີສຸລິດ ນາຍົກລັດຖະມົນຕີ ແຫ່ງສປປລາວ ແລະ ທ່ານ ບັນກ...
ລັດ-ເນັ້ນການເບີກ-ຈ່າຍເງິນເດືອນບໍ່ໃຫ້ຄ້າງຄາ ແລະ ທົ່... ກອງປະຊຸມລັດຖະບານ ເປີດກວ້າງປະຈໍາສົກປີ 2015-2016 ໄດ້ດໍາເນີນມາເ...
ນາຍົກເນັ້ນສາລະວັນຖືການແກ້ໄຂຄວາມທຸກຍາກເປັນບູລິມະສິດ... ລະຫວ່າງການຢ້ຽມຢາມ ແລະ ເຄື່ອນໄຫວເຮັດວຽກຢູ່ແຂວງສາລະວັນໃນອາທິດຜ...
ນາຍົກຕ້ອນຮັບ ເຈົ້າຄອງນະຄອນ ບູດາແປສ... ວັນທີ 23 ມິຖຸນາ 2016 ນີ້ ທີ່ສໍານັກງານ ນາຍົກລັດຖະມົນຕີ ທ່ານ ທ...
ພັກ-ວາງມາດຕະການແກ້ໄຂ ພະຍາດອາດຍາສິດ ແລະ ສໍ້ລາດບັງຫຼ... ກອງປະຊຸມຄົບຄະນະ ຂອງຄະນະບໍລິຫານງານ ສູນກາງພັກ ຄັ້ງທີ 3 ສະໄໝທີ ...
ລາວ-ໄທ ສືບຕໍ່ເສີມຂະຫຍາຍສາຍພົວພັນມິດຕະພາບ... ໂດຍຕອບສະໜອງຕາມຄຳເຊີນຂອງ ທ່ານ ດອນ ປຣະມັດວິໄນ ລັດຖະມົນຕີກະຊວງກ...
ກອງປະຊຸມສຸດຍອດອາຊຽນ-ອິນເດຍຄັ້ງທີ14... ກອງປະຊຸມສຸດຍອດອາຊຽນ-ອິນເດຍ ຄັ້ງທີ 14 ໄຂຂຶ້ນຢ່າງເປັນທາງການໃນຕ...

Comments

comments

Ooh Laos 600×100
Main menu