Prudential 450×100

ລາວຈະມີລາຍຮັບເກືອບ 700 ລ້ານໂດລາ ຈາກການທ່ອງທ່ຽວ

ແບ່ງປັນ:

ໃນປີ 2015 ນີ້ ສປປ ລາວ ຄາດວ່າຈະມີລາຍຮັບຈາກການທ່ອງທ່ຽວເພີ່ມຂຶ້ນຈາກ 406.184.338 ໂດລາສະຫະລັດ ໃນປີ 2011 ມາເປັນ 672.192.000 ໂດລາສະຫະລັດ ໃນປີ 2015, ເນື່ອງຈາກນັກທ່ອງທ່ຽວຕ່າງປະເທດ ທີ່ເຂົ້າມາທ່ຽວລາວ ຈະເພີ່ມຂຶ້ນ 4% ຈາກຈຳນວນ 2.700.000 ກວ່າຄົນ ໃນປີ 2011 ມາເປັນ 4.300.000 ກວ່າຄົນໃນປີ 2015.

ອີງ​ຕາມ​ການ​ລາຍ​ງານ​ຂອງ​ພາກສ່ວນທີ່​ກ່ຽວຂ້ອງ ໃຫ້ຮູ້ວ່າ: ຍ້ອນວ່າການທ່ອງທ່ຽວໄດ້ຮັບການປັບປຸງ, ພັດທະນາຢ່າງຕໍ່ເນື່ອງ ​ເປັນ​ຕົ້ນ​ໄດ້ປັບປຸງການຈັດຕັ້ງ ເຮັດໃຫ້ການເຄື່ອນໄຫວວຽກງານມີຄວາມສະດວກ ຄ່ອງຕົວເປັນລະບົບ, ອັນພົ້ນເດັ່ນແມ່ນ ສປປ ລາວ ໄດ້ຖືກເລືອກເປັນປະເທດທີ່ໜ້າທ່ອງທ່ຽວທີ່ສຸດໃນໂລກ ປີ 2013 ແລະ ເມືອງຫຼວງພະບາງ ກໍໄດ້ຮັບລາງວັນເປັນເມືອງທ່ອງທ່ຽວທີ່ດີເດັ່ນຂອງໂລກອີກໃນປີ 2015.    ນອກຈາກນີ້ ການຄຸ້ມຄອງການທ່ອງທ່ຽວກໍໄດ້ເຂົ້າສູ່ລະບຽບກົດໝາຍຫຼາຍຂຶ້ນ, ໂດຍສະເພາະແມ່ນການແກ້ໄຂປະກົດການຫຍໍ້ທໍ້ທາງສັງຄົມ ຈາກການບໍລິການທ່ອງທ່ຽວ ກໍຄືການພັດທະນາການທ່ອງທ່ຽວແບບອະນຸຮັກ, ປະຊາຊົນມີສ່ວນຮ່ວມໄດ້ຮັບການປັບປຸງ ແລະ ເສີມຂະຫຍາຍຢ່າງກວ້າງຂວາງ, ການພັດທະນາພື້ນຖານໂຄງລ່າງ ແລະ ສິ່ງອຳນວຍຄວາມສະດວກດ້ານການທ່ອງທ່ຽວ ໄດ້ຮັບການເອົາໃຈໃສ່ຊຸກຍູ້ປັບປຸງໃຫ້ໄດ້ມາດຕະຖານດີຂຶ້ນ ເຊັ່ນດຽວກັນ ພາກສ່ວນທຸລະກິດ ກໍໄດ້ເພີ່ມການລົງທຶນໃສ່ສິ່ງອຳນວຍຄວາມສະດວກ ເພື່ອຮອງຮັບນັກທ່ອງທ່ຽວທັງພາຍໃນ – ຕ່າງປະເທດ ເປັນຕົ້ນສະຖານທີ່ພັກ, ຮ້ານອາຫານ, ການບໍລິການຂົນສົ່ງ, ການຜະລິດເຄື່ອງຫັດຖະກຳ, ຮ້ານຂາຍເຄື່ອງຫັດຖະກຳ, ທຸລະກິດການບໍລິການນຳທ່ຽວ ແລະ ອື່ນໆ. ປັດຈຸບັນ ບໍລິສັດທ່ອງທ່ຽວ ມີຈຳນວນ 340 ກວ່າບໍລິສັດ, ໂຮງແຮມ, ເຮືອນພັກ ແລະ ລີສອດ ມີຈຳນວນ 2.400 ກວ່າແຫ່ງ ປະກອບມີ 44.600 ກວ່າຫ້ອງນອນ.

ຖ້າ​ຕ້ອງການ​ເພີ່ມ​ຈຳນວນ​ນັກ​ທ່ອງ​ທ່ຽວ​ໃຫ້​ຫຼາຍ​ຍິ່ງ​ຂຶ້ນ​ນັ້ນ ​ເຮົາ​ຄວນ​ສຶກສາ​ບົດຮຽນ​ກັບປະ​ເທດ​ທີ່​ມີ​ລາຍ​ຮັບ​ຈາກ​ການທ່ອງທ່ຽວ ​ເຊິ່ງ​ໃນ​ອາ​ຊຽນຂອງ​ພວກ​ເຮົາ ກໍ​ມີ​ປະ​ເທດ​ມາ​ເລ​ເຊຍ ທີ່​ມີ​ລາຍ​ຮັບ​ຈາກ​ການທ່ອງທ່ຽວ​ມະຫາ​ສານ, ຂະນະ​ດຽວ​ກັນ ມີ​ຫຼາຍ​ປະ​ເທດ​ທີ່​ຫັນ​ມາ​ສົ່ງ​ເສີມ​ການທ່ອງທ່ຽວ​ຢ່າງ​ຕັ້ງໜ້າ ​ເພື່ອ​ຫວັງ​ມີ​ລາຍ​ຮັບ​ຢ່າງ​ຫຼວງຫຼາຍ​​ເຂົ້າ​ມາ​ປະ​ເທດ​ຕົນ.

12053116_848787351904273_744473782_n 12019170_848787355237606_1596193360_o

 

ເລື່ອງທີ່ກ່ຽວຂ້ອງ

ປະເທດກຳປູເຈຍ ຈຸດໝາຍປາຍທາງຂອງນັກລົງທຶນຕ່າງປະເທດ... ປະເທດກຳປູເຈຍ ຕັ້ງຢູ່ໃນຈຸດຍຸດທະສາດທີ່ສຳຄັນຂອງແຫຼມອິນໂດຈີນ ຢູ່...
ການພັດທະນາໄຟຟ້າລາວ ເພື່ອແນໃສ່ປັບປຸງຄຸນນະພາບ ຊີວິດກ... ມາຮອດປັດຈຸບັນ ລວມຍອດຜະລິດຕະພັນຂອງຂະແໜງພະລັງງານໄຟຟ້າ ແລະ ບໍ່ແ...
ໂຄງການກໍ່ສ້າງເສັ້ນທາງລົດໄຟ ໃກ້ຈະເປັນຈິງ... ໂຄງການ​ກໍ່ສ້າງເສັ້ນທາງ​ລົດ​ໄຟ ​ລາວ-ຈີນ ໃກ້​ຈະ​ເປັນ​ຈິງ ​ເນື່...
ກະແລມ ພາລາໄອສ AEC ທີ່​ ສປປ ລາວ ຈະເຂົ້າຮ່ວມແມ່ນ​ເປັນ​ການ​ຮ່ວມ​ມື ລະຫວ່າງອາຊ...
AEC ເຮັດໃຫ້ເຮົາໄດ້ປຽບຫຼາຍດ້ານ.... ປະ​ເທດ​ລາວ​ເຮົາ​ເປັນ​ປະ​ເທດ​ທີ່​ນ້ອຍ​ຍັງ​ດ້ອຍ​ໃນ​ການ​ສຶກສາ​ ...
ເຄື່ອງຫັດຖະກຳລາວ ໄດ້ຮັບຄວາມນິຍົມຈາກພາຍໃນ ແລະ ຕ່າງປ... ເພື່ອ​ນຳ​ໃຊ້​ເຂົ້າ​ໃນ​ຊີວິດ​ປະຈຳ​ວັນ ​ແລະ ປະດັບ​ເອ້ຍ້ອງ​ໃນ​ບ...
ຄວາມພ້ອມໃນການເປັນປະທານອາຊຽນ 2016... ປີ 2016 ສປປ ລາວ ໄດ້ຮັບກຽດເປັນປະທານໝູນວຽນຂອງອາຊຽນ ຊຶ່ງເປັນຄັ້...
AEC ເປັນບາດກ້າວທີ່ສຳຄັນທີ່ຈະຊຸກຍູ້ປະຊາຊົນລາວໃຫ້ມີຄ... ໃນທັດສະນະສ່ວນຕົວແລ້ວເຮົາມີຄວາມຮັບຮູ້ແນວໃດຕໍ່ ເອອີຊີ ມັນຈະໃຫ້...

Comments

comments

Ooh Laos 600×100
Main menu