Prudential 450×100

ງານວາງສະແດງສິນຄ້າຈີນ-ອາຊຽນ ຄັ້ງ ທີ 12 ໄດ້ໄຂຂຶ້ນຢ່າງເປັນທາງການ

ແບ່ງປັນ:

ງານວາງສະ​ແດງ​ສິນຄ້າ​ຈີນ-ອາ​ຊຽນ ຄັ້ງທີ 12 ​ໄດ້​ໄຂ​ຂຶ້ນຢ່າງ​ເປັນ​ທາງ​ການ​ໃນ​ວັນ​ທີ 18 ກັນຍາ 2015 ຢູ່​ທີ່​ເມືອງ​ໜານ​ໜິງ, ​ແຂວງ​ກາງ​ຊີ ສ.ປ ຈີນ ​ເຊິ່ງຈະດຳເນີນໄປ​ເປັນ​ເວລາ 4 ວັນ, ​ໂດຍ​​ເປັນ​ກຽດ​ເຂົ້າ​ຮ່ວມ​ຂອງ​ທ່ານ ຈາງ​ກ້າວລີ້ ກຳ​ມະ​ການ​ກົມ​ການ​​ເມືອງ​ສູນ​ກາງ​ພັກ, ຮອງນາຍົກລັດຖະມົນຕີ ​ແຫ່ງ ສປ ຈີນ, ມີບັນດາ​ຄະ​ນະ​ຜູ້​ແທນຈາກ 10 ປະ​ເທດ​ອາ​ຊຽນ​ ໃນນັ້ນຄະນະ​ຜູ້​ແທນ​ລາວ ນຳ​ໂດຍ ທ່ານ ສົມ​ສະຫວາດ ​ເລັ່ງສະຫວັດ ຮອງນາຍົກລັດຖະມົນຕີ​ ​ແຫ່ງ ສປປ ລາວ ພ້ອມ​ຄະນະເຂົ້າ​ຮ່ວມ.

ງານວາງສະ​ແດງ​ສິນຄ້າ ຈີນ-ອາ​ຊຽນ ​​​ໃນຄັ້ງນີ້ ​ພາຍ​ໃຕ້​ຫົວ​ຂໍ້ “ການສ້າງເສັ້ນທາງສາຍ​ໄໝ ທາງ​ທະ​​ເລແຫ່ງສະຕະວັດທີ 21” ​ ​ ​ໂດຍ​​ເນັ້ນ​ໃສ່​ການ​​ເຊື່ອມ​ໂຍງ ​ແລະ ການຮ່ວມ​ມື​ເພື່ອ​ການ​ພັດທະນາ​ ທີ່​ຈະ​ນຳ​​​ໄປ​ສູ່​ການ​ສົ່ງ​ເສີມການ​ຮ່ວມ​ມື​ດ້ານ​ຕ່າງໆ​ ໃຫ້​​​ເປັນ​ຮູບ​ປະ​ທຳ ​ເປັນຕົ້ນ​ການ​ເຊື່ອມ​​ໂຍງ​ດ້ານ​ການ​ຄົມມະນາຄົມ-ຂົນ​ສົ່ງ, ການ​ສື່ສານ, ການ​ຄົ້ນຄວ້າ​ວິ​ທະຍາ​ສາດ​ທາງ​ທະ​ເລ, ການ​ຮັກສາ​ສິ່ງ​​​​ແວດ​ລ້ອມ, ການ​ອຳນວຍ​ຄວາມ​ສະດວກ​ໃຫ້​​ແກ່​ການ​ຄ້າ-ການ​ລົງ​ທຶນ, ການທ່ອງທ່ຽວ ​ແລະ ອື່ນໆ ໂດຍ​ມີບັນດາຫົວໜ່ວຍທຸລະກິດທັງພາຍໃນ ແລະ ຕ່າງປະເທດ​ເຂົ້າ​ຮ່ວມ​ຫຼາຍ​ກວ່າ 2 ພັນ​ກວ່າຫົວໜ່ວຍທຸລະກິດ, ລວມມີ​ 4.600 ກວ່າຮ້ານ ​ໃນ​ນັ້ນຈາກ​ບັນດາ​ປະ​ເທດ​ອາ​ຊຽນ 1.200 ກວ່າ​ຮ້ານ ​ແລະ​ ຈາກ​ບັນດາ​ປະ​ເທດ ທີ່​ມາ​ຈາກ​ນອກ​ເຂດ​ອາ​ຊຽນ. ເຊິ່ງ​ສິນຄ້າ​ທີ່​ນຳ​ມາ​ວາງສະ​ແດງ​ປະກອບ​ມີ ສິນຄ້າ ​ກະສິກຳ, ​ເຟີ​ນີເຈີ, ​ເຄື່ອງ​ຕົບ​ແຕ່ງ​ເຮືອນ, ເຄື່ອງ​ຫັດຖະ​ກຳ, ເຄື່ອງ​ປະດັບ​ອັນຍະ​ມະນີ, ສິນຄ້າ​ບໍລິ​ໂພ​ກ, ສິນຄ້າ​ບໍລິການ, ​ເຄື່ອງ​ຈັກ ​ແລະ ລົດ​ບັນ​ທຸກ​ສິນຄ້າ, ​ອາຫານ​ສຳ​ເລັດ​ຮູບ, ຜະລິດ​ຕະພັນ​ຫຸ້ມ​ຫໍ່, ຜະລິດ​ຕະພັນ​ໄຟຟ້າ ​ແລະ ຜະລິດ​ຕະພັນ​ທີ່​ໃຊ້​ພະລັງງານ, ​ເຄື່ອງ​ໃຊ້​ໄຟຟ້າ​ເອ​ເລັກ​ໂຕຣນິກ, ​ເຄື່ອງ​ໃຊ້​ວັດ​ສະ​ດຸ​ກໍ່ສ້າງ ແລະ ອື່ນໆ​. ນອກ​ນັ້ນ ຍັງ​ມີ​ການວາງສະ​ແດງ​ໂຄງການ ລະຫວ່າງ​ປະ​ເທດ​ແບບຮັບ​ເໝົາ, ການຮ່ວມມື​ທາງ​ດ້ານ​ແຮງ​ງານ, ການ​ພັດທະນາ​ຊັບພະຍາກອນ​ເຕັກ​ໂນ​ໂລ​ຊີ​ດ້ານ​ການ​ສື່ສານ, ການ​ພັດທະນາ​ດ້ານ​ພະລັງງານ, ການ​ກໍ່ ສ້າງ​ສາທາລະນຸປະ​ໂພ​ກ, ການ​ດຶງ​ດູດ​ດ້ານ​ການ​ລົງທຶນ​ໃນ​ນິຄົມ​ອຸດສາຫະກຳ ​ແລະ ອື່ນໆ.

ສຳລັບ ສປປ ລາວ ມີ​ຫົວໜ່ວຍ​ທຸລະ​ກິດທັງ​ພາກ​ລັດ ​ແລະ ​ເອກະ​ຊົນ​ສົ່ງ​ຜະລິດ​ຕະພັນ​ເຂົ້າ​ຮ່ວມ ຫລາຍ​ກວ່າ 70 ບໍລິສັດ ເຊິ່ງປະກອບມີ ​6 ໝວດຜະລິດຕະພັນ ​ເປັນ​ຕົ້ນ​ແມ່ນເຟີນີເຈີ, ໄມ້ແກະສະຫຼັກ, ຫັດຖະກໍາ, ເຄື່ອງປະດັບ, ໂຄສະນາການທ່ອງທ່ຽວ, ອາຫານ-ເຄື່ອງດື່ມ ​ແລະ ອື່ນໆ ​ເຊິ່ງສປປ ລາວ ໄດ້​ເຂົ້າ​ຮ່ວມ​ງານ​ວາງສະ​ແດງ​ສິນຄ້າ​ ຈີນ-ອາ​ຊຽນ  (CAEEXPO) ​ເລີ່​ມ​ແຕ່​ປີ 2004 ​ເປັນຕົ້ນ​ມາ​ ​ອັນໄດ້​ເຮັດ​ໃຫ້​ບັນດາ​ນັກທຸລະກິດຂອງ​ລາວ ​ມີ​ໂອກາດ​ຊອກ​ຫາ​ຕະຫຼາດ ​ແລະ ຄູ່​ຄ້າ​ຂອງ​ຕົນ, ​​ໂດຍ​ສະ​ເພາະ​ການ​ນຳ​ເອົາ​ບັນດາ​ສີນຄ້າ​ທີ່​ເປັນ​ທ່າ​ແຮງ​ຂອງ​ລາວ ​ເຂົ້າ​ຮ່ວມ​ວາງສະ​ແດງ ​ເປັນ​ການ​ເພີ່ມ​ມູນ​ຄ່າ​ການ​ສົ່ງ​ອອກ​ ເຮັດ​ໃຫ້ການ​ລົງທຶນ​ຂອງ​ ສປປ ລາວ ​ ເພີ່ມ​ຂຶ້ນ. ງານວາງສະ​ແດງ​ສິນຄ້າ​ ຈີນ-ອາ​ຊຽນ ​ໄດ້​ຈັດ​ຂຶ້ນ​ໃນ​ທຸກໆ​ປີ ນັບ​ແຕ່​ປີ 2004 ​ເປັນ​ຕົ້ນ​ມາ​ ​ ​ໂດ​ຍ​ແມ່ນ ສ​ປ ຈີນ ​ເປັນ​ເຈົ້າ​ພາບ​ຈັດ​ຂຶ້ນຢູ່​ເມືອງ​ໜານ​ໜິງ ​ແຂວງ​ກວາງຊີ ​ເຊິ່ງງານ​ດັ່ງກ່າວ​ຈັດ​ຂຶ້ນ ​ເພື່ອສ້າງ​ໂອກາດ​ໃຫ້ບັນດາ​ນັກ​ທຸລະ​ກິດ​ຈີນ, ບັນດາ​ປະ​ເທດ​ອາ​ຊຽນ ​ແລະ ປະ​ເທດ​ອື່ນໆ ​ໄດ້ມີ​​ໂອກາດ​ພົບ​ປະ​ແລກ​​​ປ່ຽນ​ສິນຄ້າ​ຮ່ວມ​ກັນ ທັງ​ເປັນ​ການ​ຂະຫຍາຍ​ຕະຫຼາດ​ອອກ​ສູ່​ຕ່າງປະ​ເທດ​ໃຫ້​ກວ້າງຂວາງຍິ່ງ​ຂຶ້ນ. ນອກນັ້ນ​ຍັງຈະ​ເຮັດ​ໃຫ້ ສປ ຈີນ ກາຍ​ເປັນ​ຄູ່​ຮ່ວມ​ມື​ຍຸດ​ທະ​ສາດດ້ານການ​ຄ້າ-ການ​ລົງທຶນ ກັບ​ບັນ​ດາ​ປະ​ເທດ​ອາ​ຊຽນ ນັບ​ມື້​ນັບຫຼາຍຂຶ້ນ​.

0101

ເລື່ອງທີ່ກ່ຽວຂ້ອງ

ເຂື່ອນໄຟຟ້າພະລັງນ້ຳ ເຊນ້ຳນ້ອຍ2-ເຊກະຕຳ 1 ຈະຜະລິດກະ... ການ​ກໍ່ສ້າງ​ເຂື່ອນ​ໄຟຟ້າ​ພະລັງ​ນ້ຳ ​ເຊ​ນ້ຳ​ນ້ອຍ2-​ເຊ​ກະ​ຕຳ 1...
ກຽມພົບກັບສັບປະດາວັນແຫ່ງການຄົ້ນຄວ້າ ເພື່ອການພັດທະນາ... ໃນ​ວັນ​ທີ 19 ຕຸລາ 2015 ທີ່​ສະມາຄົມ​ນັກ​ຂ່າວ ​ໄດ້​ຈັດ​ງານ​ຖະ​...
ພາຍຫຼັງເປີດ AEC ເຮົາຈະມີການພັດທະນາຕົວເອງໃຫ້ດີຂຶ້ນ ... ຄວາມ​ຮັບ​ຮູ້​ ​ທັດສະນະສ່ວນຕົວກ່ຽວ​ກັບ​ AEC ຈະມີຜົນດີແນວໃດກັບ...
ລາວຈະມີລາຍຮັບເກືອບ 700 ລ້ານໂດລາ ຈາກການທ່ອງທ່ຽວ... ໃນປີ 2015 ນີ້ ສປປ ລາວ ຄາດວ່າຈະມີລາຍຮັບຈາກການທ່ອງທ່ຽວເພີ່ມຂຶ້...
AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລ... AEC ເປັນ​ບາດກ້າວ​ທີ່​ສຳຄັນ​ທີ່ຈະຊຸກ​ຍູ້​​ປະຊາຊົນ​ລາວ​ໃຫ້​ມີ​...
“ພາຍຫຼັງເປີດເອອີຊີການຫຼັງໄຫຼຂອງແຮງງານຕ່າງປະເທດຈະເປ... “ພາຍຫຼັງເປີດເອອີຊີການຫຼັງໄຫຼຂອງແຮງງານຕ່າງປະເທດຈະເປັນສິ່ງທ້າທ...
ປະເທດກຳປູເຈຍ ຈຸດໝາຍປາຍທາງຂອງນັກລົງທຶນຕ່າງປະເທດ... ປະເທດກຳປູເຈຍ ຕັ້ງຢູ່ໃນຈຸດຍຸດທະສາດທີ່ສຳຄັນຂອງແຫຼມອິນໂດຈີນ ຢູ່...
AEC ປຽບດັ່ງຜົນສຳເລັດທີ່ເຮັດໃຫ້ລາວເຮົາມີຊື່ສຽງອອກສູ... ໃນທັດສະນະ​ຂອງ​ທ່ານ​ແລ້ວ AEC ມັນ​ຈະ​ໃຫ້​ຫຍັງ​ໂດຍລວມ? ໃນທັ...

Comments

comments

Ooh Laos 600×100
Main menu