Prudential 450×100

ນັກສຶກສາລາວໄດ້ຮັບທຶນ Chevening

ແບ່ງປັນ:

ໃນວັນພະຫັດ, ວັນທີ 26 ສິງຫາ 2016 ທີ່ສະຖານທູດອັງກິດ (British Embassy) ໄດ້ຈັດພິທີສົ່ງນັກສຶກສາລາວທີ່ໄດ້ຮັບທຶນ ຈີເວນິ່ງ (Chevening) ຈໍານວນ 8 ຄົນ ເຊິ່ງຈະໄປຮຽນຕໍ່ທີ່ປະເທດ ອັງກິດ ເປັນໄລຍະເວລາ 1 ປີ. ໃນງານລ້ຽງສົ່ງ, ທ່ານ Hugh Evans ເອກອັກຄະຣາຊະທູດ ອັງກິດ ໄດ້ສະແດງຄວາມຊົມເຊີຍຕໍ່ນັກສຶກສາທັງ 8 ຄົນ ແລະ ເນັ້ນໃຫ້ເຂົາເຈົ້າກຽມພ້ອມເປີດກວ້າງຕໍ່ປະສົບການດ້ານວັດທະນະທຳ ແລະ ດ້ານການສຶກສາໃໝ່, ໃນປີນີ້ມີຄົນລາວ ຈຳນວນ 8 ຄົນ ທີ່ໄດ້ຮັບທຶນ ຈີເວນິ່ງ (Chevening)  ຈາກຈຳນວນທັງໝົດ 1.800 ຄົນ ໃນທົ່ວໂລກ ທີ່ມາຈາກຫຼາກຫຼາຍສາຂາອາຊີບ, ເຂົາເຈົ້າທັງໝົດນີ້ລ້ວນແລ້ວ ແຕ່ແມ່ນຜູ້ທີ່ຈະກ້າວເປັນລະດັບຂັ້ນນຳ , ຜູ້ທີ່ຫ້າວຫັນໃນອະນາຄົດ ເຊິ່ງຈະໄດ້ເລີ່ມຕົ້ນປີສຶກສາທີ່ຈະປ່ຽງແປງຊີວິດເຂົາເຈົ້າ ແລະ ຈະໄດ້ໄປຮຽນຮູ້ກ່ຽວກັບອັງກິດຫຼາຍຂຶ້ນ, ເຂົາເຈົ້າຈະກາຍເປັນສ່ວນໜຶ່ງຂອງເຄືອຄ່າຍທີ່ມີອິດທິພົນທົ່ວໂລກ.                       ຜ່ານມານັກສຶກສາທີ່ໄດ້ຮັບທຶນ ຈີເວນິ່ງ (Chevening)  ທີ່ຈົບແລ້ວມີຫຼາຍກວ່າ 44.000 ຄົນ ໃນກວ່າ 160 ປະເທດທົ່ວໂລກ, ເຊິ່ງໃນຈໍານວນດັ່ງກ່າວທີ່ເດັ່ນໆກໍຄື: ທ່ານປະທານປະເທດຂອງປະເທດ Columbia, Iceland, Alvaro Uribe  ແລະ Sigmundur Gunnlaugsson, ສ່ວນໃນສປປລາວມີນັກສຶກສາທີ່ຈົບທຶນ ຈີເວນິ່ງ (Chevening)  ລວມມີບັນດາ ພະນັກງານທີ່ເຮັດໝ້າທີ່ທາງການເມືອງ, ນັກວິຊາການ, ນັກທຸລະກິດ ແລະ ສິລະປິນ ມີດັ່ງນີ້: ທ່ານ ດຣ ວິໄລວົງ ບຸດດາຄຳ ປະທານ ຄະນະກຳມະທິການແຜນການ, ການເງິນ ແລະ ການກວດສອບ ຂອງສະພາແຫ່ງຊາດລາວ ແລະ ທ່ານ  ສິງຄຳ ຄົງສະຫວັນ ຮອງເຈົ້າແຂວງ ແຂວງວຽງຈັນ.

ສຳຫຼັບທຶນການສຶກສາ ຈີເວນິ່ງ (Chevening)   ແມ່ນແຜນງານການໃຫ້ທຶນການສຶກສາທີ່ເປັນທາງ ການຂອງ ລັດຖະບານອັງກິດ, ທີ່ໃຫ້ທຶນໂດຍ ກະຊວງການຕ່າງປະເທດ ແລະ ເຄືອຈັກກະພົບ  ອົງການຈັດຕັ້ງຄູ່ຮ່ວມງານອື່ນໆ. ແຜນງານທີ່ມີກຽດນີ້ຈະໃຫ້ທຶນແກ່ຜູ້ທີ່ດີເດັ່ນ ດ້ວຍທ່າແຮງ ດ້ານການນຳພາ ຈາກທົ່ວໂລກ ເພື່ອໄປສຶກສາຕໍ່ຫຼັກສູດເໜືອມະຫາວິທະຍາໄລ (ຂັ້ນປະລິນຍາໂທ ແລະ ປະລິນຍາເອກ) ຢູ່ບັນດາມະຫາວິທະຍາໄລຊັ້ນນຳຂອງປະເທດ ອັງກິດ.

ການຍື່ນຂໍທຶນການສຶກສາ ຈີເວນິ່ງ (Chevening) ສໍາລັບ ສົກປີ 2017/2018 ປັດຈຸບັນນີ້ ເປີດຮັບສະໝັກແລ້ວ. ຖ້າທ່ານມີທ່າແຮງດ້ານຄວາມເປັນຜູ້ນໍາ, ມີບັນທຶກປະຫວັດການສຶກສາ ທີ່ດີເດັ່ນ, ມີປະສົບການເຮັດວຽກຢ່າງໜ້ອຍສອງປີ, ແລະ ມີຄວາມຕ້ອງການອັນແຮງກ້າ ທີ່ຈະສຶກສາຕໍ່ໃນມະຫາວິທະຍາໄລທີ່ດີທີ່ສຸດ ຂອງໂລກ – ຍື່ນເລີຍ ຕາມແວັບໄຊ໌ http://www.chevening.org    ຫຼື ຕິດຕາມຂໍ້ມູນໄດ້ທີ່ UK in Laos.

ຂອບໃຈຮູບພາບຈາກ: UK in Laos.

ເລື່ອງທີ່ກ່ຽວຂ້ອງ

ນາຍົກສໍາເລັດການເຂົ້າຮ່ວມກອງປະຊຸມ CLV DTA... ໃນວັນທີ 23 ພະຈິກ 2016 ພະນະທ່ານ ທອງລຸນ ສີສຸລິດ, ນາຍົກລັດຖະມົນ...
ລຶບລ້າງການໃຊ້ຄວາມຮຸນແຮງຕໍ່ແມ່ຍິງ... ໃນຕອນເຊົ້າຂອງວັນທີ 29 ພະຈິກ 2016 ຢູ່ທີ່ ໂຮງແຮມແລນມາກ ນະຄອນຫຼ...
ນາຍົກ ເນັ້ນໃຫ້ເມືອງໂຂງ ພັດທະນາທ່າແຮງການທ່ອງທ່ຽວ... ໃນວັນທີ 9 ມັງກອນ 2017 ທີ່ເມືອງໂຂງ ແຂວງຈໍາປາສັກ, ທ່ານ ທອງລຸນ ...
ລາວ-ກູບາ ເພີ່ມທະວີ ການພົວພັນຮ່ວມມື... ໃນຕອນບ່າຍວັນທີ 22 ມິຖຸນາ 2016 ນີ້ ຢູ່ສໍານັກງານ ສູນກາງພັກ ສະຫ...
ຄືບໜ້າຂົວອູ່-ເສຍຊີວິດ2ບາດເຈັບ50ກວ່າຄົນ... ຂ່າວຫຼ້າສຸດຈາກເມືອງວຽງຄໍາໃຫ້ຮູ້ວ່າ: ການຄົ້ນຫາຜູ້ສູນຫາຍ ແລ...
ສາລະວັນ ເກັບລາຍຮັບບໍ່ບັນລຸຕາມແຜນການ... ການຈັດເກັບລາຍຮັບສ່ວຍສາອາກອນຂອງແຂວງສາລະວັນ ປະຈໍາສົກປີ 2015-20...
ຈີນລົງທຶນຢູ່ແຂວງ ຫຼວງພະບາງ 46 ໂຄງການ... ທ່ານນາງ ສິລິ​ພອນ ສຸພັນ​ທອງ ຫົວໜ້າ​ພະ​ແນ​ກ​ແຜນການ ​ແລະ ການ​ລົ...
ຫຼາຍກວ່າພັນຄົນເຂົ້າຮ່ວມຍ່າງເພື່ອສັນຕິພາບ... ພະນັກງານ, ທະຫານ, ຕຳຫຼວດ, ນັກຮຽນ, ນັກສຶກສາ, ຊາວໜຸ່ມເຍົາວະຊົນ ...

Comments

comments

Ooh Laos 600×100
Main menu