Prudential 450×100

ແຂວງຫລວງນໍ້າທາ.

ແບ່ງປັນ:

ແຂວງຫຼວງນໍ້າທາ ເປັນອີກແຂວງໜຶ່ງທີ່ຕັ້ງຢູ່ທາງທິດຕາເວັ້ນຕົກສ່ຽງເໜືອຂອງປະເທດລາວ ແຂວງຫຼວງນໍ້າທາເປັນແຂວງນ້ອຍເຊິ່ງມີປະຊາຊົນບັນດາເຜົ່າອາໄສຢູ່ປະມານ 2 ແສນຄົນ ແລະ ເຕັມໄປດ້ວຍຊັບພະຍາກອນທໍາມະຊາດ, ຊີວະນາໆພັນອັນອຸດົມສົມບູນໂດຍສະເພາະໃນເຂດປ່າສະຫງວນແຫ່ງຊາດນໍ້າຫ້າ ແລະ ເປັນແຂວງທໍາອິດທີ່ນໍາເອົາຕົ້ນຢາງພາລາມາປູກຢູ່ໃນປະເທດລາວ ເຊິ່ງເປັນແຮງຂັບເຄື່ອນຫຼັກທີ່ຊ່ວຍໃຫ້ເສດຖະກິດແຂວງຂະຫຍາຍຕົວຢ່າງຕໍ່ເນື່ອງເໝືອນດັ່ງຄໍາຂັວນຂອງແຂວງຫລວງນໍ້າທາທີ່ວ່າ ບັ້ນຮົບຫລວງນໍ້າທາ ພຣະທາດໃຫຍ່ຊຽງເປງ ຊາບຊຶ້ງກັບວັດທະນະທໍາຫລາຍເຜົ່າ ເຂົ້າຊອຍແຊບເມືອງສິງ ລິງລາຍແພໄໝມ້ອນເມືອງຫລວງນໍ້າທາ ທ່ຽວປ່າສະຫງວນແຫ່ງຊາດນໍ້າຫ້າ ເຂດພັດທະນາເສດຖະກິດພິເສດບໍ່ເຕັນແດນຄໍາ ຮ່ວມເຕັ້ນແຊນໍາສາວໄຕດໍາງາມແທ້ລະກ໋າ ແລະ ແຂວງຫຼວງນໍ້າທາຍັງມີແຫຼ່ງທ່ອງທ່ຽວອີກຫຼາກຫຼາຍສະຖານທີ່ທີ່ສໍາບໍ່ວ່າຈະເປັນປ່າສະຫງວນແຫ່ງຊາດນໍ້າຫ້າ, ພຣະທາດຫຼວງນໍ້າທາ, ພຣະທາດປູມປຸກ, ພຣະທາດຫຼວງຊຽງຕຶງ, ຫໍວາງສະແດງເມືອງສິງ, ຖໍ້ານໍ້າແອງ ຫຼື ຖໍ້າເກົາເລົາ ແລະ ອີກຫຼາຍໆສະຖານທີ່.

    ປ່າສະຫງວນແຫ່ງຊາດນໍ້າຫ້າ: ເປັນປ່າໄມ້ເຂດຮ້ອນຕັ້ງຢູ່ພາກຕາເວັນຕົກຂອງເມືອງຫຼວງນໍ້າທາ ທິດຕາເວັນອອກຂອງເມືອງສິງ ແລະ ທິດເໜືອຂອງເມືອງວຽງພູຄາ ເຊິ່ງມີເນື້ອທີ່ກວ້າງຂວາງເຖິງ 222,400 ເຮັກຕາ ແລະ ຢູ່ຫ່າງຈາກເທດສະບານປະມານ 26 ກິໂລແມັດ ປ່າສະຫງວນແຫ່ງຊາດນໍ້າຫ້າຖືກຂະໜານນາມວ່າເປັນມໍລະດົກອາຊຽນຍ້ອນຄວາມອຸດົມສົມບູນທາງດ້ານປ່າໄມ້ ແລະ ຊີວະນາໆພັນເຊິ່ງປະກອບມີເນື້ອທີ່ປ່າດົກໜາກວມ 30%, ປ່າດົງດິບ 60% ແລະ ພື້ນທີ່ດິນກະສິກໍາ 10% ພ້ອມທັງດ້ວຍສັດລ້ຽງລູກດ້ວຍນໍ້ານົມ 38 ສາຍພັນ, ສັດປ່າທີ່ຫາຍາກຈໍານວນ 22 ສາຍພັນ ແລະ ນົກ 288 ສາຍພັນ. ໃນປີ ຄສ 1999 ອົງການທ່ອງທ່ຽວແຫ່ງຊາດໄດ້ສົມທົບກັບຫ້ອງການທ່ອງທ່ຽວແຂວງໂດຍໄດ້ຮັບການສະໜັບສະໜູນທຶນຊ່ວຍເຫຼືອລ້າຈາກປະເທດນິວຊີແລນເພື່ອພັດທະນາການທ່ອງທ່ຽວແບບອະນຸລັກປະຊາຊົນມີສ່ວນຮ່ວມໃນນາມໂຄງການທ່ອງທ່ຽວອະນຸລັກນໍ້າຫ້າ ຫຼັງຈາກທີ່ໄດ້ພັດທະນາຜ່ານໄປໄດ້ 3 ປີປ່າສະຫງວນແຫ່ງຊາດນໍ້າຫ້າກໍ່ໄດ້ກາຍເປັນແຫຼ່ງທ່ອງທ່ຽວທີ່ມີຊື່ສຽງຈົນຮອດທຸກມື້ນີ້ ແລະ ໄດ້ກາຍເປັນຕົວແບບຂອງການພັດທະນາການທ່ອງທ່ຽວແບບທັດສະນະສຶກສາທີ່ຕິດພັນກັບການອະນຸລັກຢູ່ປະເທດເຮົາ.

ພຣະທາດຫຼວງນໍ້າທາ: ຕັ້ງຢູ່ໃນເຂດບ້ານໄຊສົມບູນ ເມືອງ ແລະ ແຂວງຫຼວງນໍ້າທາ ພຣະທາດດັ່ງກ່າວເປັນສັນຍາລັກຂອງແຂວງພ້ອມທັງເປັນສະຖານທີ່ທ່ອງທ່ຽວທາງວັດທະນະທໍາທີ່ມີຄວາມໂດດເດັ່ນຂອງແຂວງຫຼວງນໍ້າທາ ຖືກສ້າງຂຶ້ນຈາກການຮ່ວມແຮງຮ່ວມໃຈຂອງຫຼວງປະຊາຊົນຫຼວງນໍ້າທາ, ຜູ້ມີຈິດໃຈເຫຼື້ອມໃສໃນພະພຸດທະສາດສະໜາເຊິ່ງໄດ້ຮ່ວມໃຈສາມັກຄີກັນລະດົມທຶນເພື່ອສ້າງພຣະທາດດັ່ງກ່າວຂຶ້ນຈົນສໍາເລັດໃນປີ ຄສ 2007 ໃນເດືອນກຸມພາຂອງທຸກໆປີກໍ່ຈະມີການຈັດງານພຣະທາດຫຼວງນໍ້າທາຂຶ້ນຢູ່ບໍລິເວນດັ່ງກ່າວເຊິ່ງລວມມີການຄົບງັນ ແລະ ການວາງສະແດງຜະລິດຕະພັນທ້ອງຖິ່ນທີ່ຫຼາກຫຼາຍ ເນື່ອງຈາກວ່າພຣະທາດດັ່ງກ່າວຕັ້ງຢູ່ເນີນສູງ ນັກທ່ອງທ່ຽວຈຶ່ງສາມາດຂຶ້ນໄປຊົມທັດສະນີຍະພາບອັນສວຍງາມ ແລະ ໜ້າອອນຊອນຂອງຕົວເມືອງຫຼວງນໍ້າທາ ແລະ ທ່ານໄດ້ທີ່ໄດ້ມາຮອດແຂວງຫຼວງນໍ້າທາຢ່າລືມໄປສັກກະລະບູຊາ ຫຼື ທ່ຽວຊົມພະທາດແຫ່ງນີ້ໄດ້ທຸກມື້.

 

ນອກຈາກນີ້ແຂວງຫຼວງນໍ້າທາຍັງມີພາບບັນຍາກາດທີ່ເຕັມໄປດ້ວຍສວນຢາງພາລາອັນກວ້າງໃຫຍ່ໄພສານຢັ່ງຢາຍຂຽວສົດງົດງາມຢູ່ຕາມເປີ້ນພູຈົນສຸດສາຍຕາໄດ້ກາຍເປັນສະເໜ່ຢ່າງໜຶ່ງຂອງການທ່ອງທ່ຽວພາຍໃນແຂວງອີກດ້ວຍ ແລະ ຖ້າທ່ານໃດທີ່ໄດ້ມາທ່ອງທ່ຽວແຂວງຫຼວງນໍ້າທາຢ່າລືມຊິມອາຫານປະຈໍາທ້ອງຖິ່ນທີ່ຂຶ້ນຊື່ຂອງແຂວງບໍ່ວ່າຈະເປັນເຂົ້າຊອຍ (ເມືອງສິງ), ເຂົ້າຟືນ ແລະ ເຂົ້າປຸ້ນຫົວໂລ້ງ (ບ້ານໜອງຄໍາ).

ເລື່ອງທີ່ກ່ຽວຂ້ອງ

ຂໍ້ດີຂອງການຢຸດກິນເຫຼົ້າ ແລະ ວິທີຟື້ນຟູຕັບໃຫ້ແຂງແຮງ... ໃນຊ່ວງເຂົ້າພັນສານີ້ທາງ Target Magazine ເຮົາມີວີທີເຊົາກິນເຫຼົ...
7 ຄຸນປະໂຫຍດຂອງເຊື້ອອະສຸຈິທີ່ທຸກຄົນອາດບໍ່ຮູ້ມາກ່ອນ…... ຮວບຮວມຄວາມຮູ້ກ່ຽວກັບສະເປິມ ຫຼື ອະສຸຈິທີ່ຜູ້ຊາຍທຸກຄົນອາດບໍ່ເຄ...
ທ່ອງທ່ຽວແຜນດິນວິລະຊົນ ແຂວງຫົວພັນ... ໃນອາທິດນີ້ ວາລະສານທາເກັດ ຈະພາທຸກມາທ່ອງທ່ຽວແຂວງຫົວພັນເຊິ່ງເປັ...
ອາຫານທີ່ມີໄຂມັນຫຼາຍ ຄົນຮັກສຸຂະພາບຄວນເລືອກບໍລິໂພກໃຫ... ຕ້ອງບອກວ່າຖ້າທ່ານໃດຢາກມີສຸຂະພາບທີ່ດີ ນອກຈາກຈະອອກກຳລັງກາຍຢ່າງ...
ທ່ຽວແດນພູເຂົາຊ້າງເມືອງຫົງສາ.... ໃນອາທິດນີ້ ວາລະສານທາເກັດ ຈະພາທຸກທ່ານໄປທ່ຽວແຂວງ ໄຊຍະບູລີ “ ງາ...
10 ຄຸນປະໂຫຍດຂອງ ຜັກບົ້ງ ທີ່ທ່ານຄວນຮູ້…!... ຜັກບົ້ງ ມີຄຸນປະໂຫຍດເພື່ອສຸຂະພາບ ສານອາຫານທີ່ຢູ່ໃນຜັກບົ້ງເ...
“ໝາກເລັ່ນ” ສາມາດປິ່ນປົວມະເຮັງອັນທະ!!!... ໝາກເລັ່ນນອກຈາກຈະສາມາດເອົາມາປະກອບອາຫານໄດ້ຫຼາຍຢ່າງແລ້ວຍັງມີປະໂ...
ໝາກໂມ ຊ່ວຍຕ້ານມະເຮັງ ແລະ ຄວບຄຸມລະດັບຄວາມດັນຂອງເລືອ... ໝາກໄມ້ທີ່ຂື້ນຊື່ວ່າເປັນສັນຍາລັກໜ້າຮ້ອນ ນອກຈາກໝາກພ້າວແລ້ວ ກໍໜ...

Comments

comments

Ooh Laos 600×100
Main menu