Prudential 450×100

ກະແລມ ພາລາໄອສ

ແບ່ງປັນ:

AEC ທີ່​ ສປປ ລາວ ຈະເຂົ້າຮ່ວມແມ່ນ​ເປັນ​ການ​ຮ່ວມ​ມື ລະຫວ່າງອາຊຽນດ້ວຍກັນ ມັນ​ເປັນ​ຜົນ​ດີ​ຕໍ່ການດໍາເນີນ​ທຸລະ​ກິດ​ໂດຍພາບລວມ ແລະ ຄິດວ່າມັນຈະມີຜົນດ້ານບວກຈໍານວນໜຶ່ງຕໍ່​ກະ​ແລມພາລາ​ໄອສ ​ເພາະຜູ້ຄົນຈະເຂົ້າມາປະເທດລາວຫຼາຍຂຶ້ນກະແລມເຮົາກໍຈະໄດ້ຂາຍດີຂຶ້ນ.

ຂຶ້ນ​ຊື່​ວ່າ​ ກະ​ແລມ ບໍ່​ວ່າ​ຜູ້​ໃຫຍ່ ຫຼື​ ເດັກນ້ອຍ​ກໍ​​ຮູ້ຈັກ ​ເພາະວ່າ​ເປັນ​ຂອງຫວານ​ ອາຫານ​ເບົາໆ ​ໂດຍ​ຄົນ​ສ່ວນຫຼາຍນິຍົມ​ກິນ ຫຼັງອາຫານ ຫຼື ກິນ​ໃນ​ລະດູ​ຮ້ອນ​ ເພື່ອຫຼຸດຄວາມ​ຮ້ອນ​ອອກ​ໄປ​ໃນ​ຕົວ ນີ້ຄືຄໍາກ່າວຢືນຢັນຂອງທ່ານ Pierre Viala ເຈົ້າຂອງກິດຈະການ Parad Ice , ທ່ານຍັງຍົກໃຫ້ເຫັນຕື່ມວ່າ: ​ຖ້າ​ເວົ້າ​ເຖິງ​ປະ​ເພດ​ຂອງ​ກະ​ແລມກໍ​ມີຫຼາຍບ່ອນ​ທີ່​ເຮັດ​ຕ່າງ​ກັນ​ສຳລັບ​ກະ​ແລມພາລາ​ໄອສ ​ແມ່ນ​ມີ​ຄວາມ​ແຕກ​ຕ່າງ​ຈາກ​ກະ​ແລ​ມອື່ນໆຄື: ​ເປັນ​ກະ​ແລມທີ່​ເຮັດ​ຈາກໝາກ​ໄມ້ສົດ ທີ່​ເອີ້ນ​ວ່າ​ກະ​ແລມໝາກໄມ້ທີ່​ບໍ່​ມີ​ສານ​ເຄມີ​ປະ​ປົນ​ນຳ​ອີກ ເປັນ​ຣົດ​ຊາດ​ທີ່​ຮັກສາຄວາມ​ຫອມ ​ແລະ ​ຣົດ​ຊາດ​ຂອງໝາກ​ໄມ້​ໃຫ້​ໜ້າກິນຢູ່​ສະ​ເໝີ.

ເຮົາ​ມີ​ຄວາມ​ກຽມພ້ອມ​ແນວ​ໃດ ​ໃນ​ການ​ເຂົ້າ AEC?

ສຳລັບ​ການ​ເຂົ້າ​ເອອີ​ຊີ ​ເຮົາ​ກໍ​ບໍ່​ໄດ້​ກຽມ​ຫຍັງຫຼາຍ ​ເພາະ​ທາງ​ຮ້ານ ​ແມ່ນ​ຜະລິດ​ຕາມ​ອໍ​ເດີ​ຂອງລູກ​ຄ້າ ​​ຕະຫຼາດຂອງເຮົາແມ່ນ​ໃນ​ບັນດາ ​ໂຮງ​ແຮມ, ຮ້ານ​ອາຫານຫຼາຍກວ່າ ສ່ວນ​ຂາຍຍ່ອຍ​​ເອງກໍ​​ມີ​ແຕ່​ບໍ່ຫຼາຍ ​​ແລະ ​ຈະ​ຜະລິດ​ຂາຍ​ສະ​ເພາະພາຍ​ໃນ​ປະ​ເທດ​ລາວ​ເທົ່າ​ນັ້ນ ແຕ່ສິ່ງສໍາຄັນທີ່ເຮົາຈະເນັ້ນແມ່ນການຮັກສາມາດຕະຖານ ຄຸນນະພາບຂອງແບຼນເຮົາ. ປັດຈຸບັນ ​ເຮົາ​ມີ​ສາ​ຂາ​ຢູ່​ທີ່ຫຼວງພະ​ບາງ ​ແລະ ນະຄອນຫຼວງ​ເຊິ່ງ​ເປັນ​ບ່ອນ​ຜະລິດ ​ແລະ ​ຈຳໜ່າຍ​ເອງ ສະ​ເພາະ​ນະຄອນຫຼວງວຽງ​ຈັນ ​ແມ່ນ​​ໄດ້ຜະລິດ​ສົ່ງ​ຕາມຮ້ານ​ອາຫານ​ຢູ່​ໃນສູນ​ພາສາ​ຝຣັ່ງ, ຮ້ານ​ອານ​ຫານ​ໄຊ​ໂຍ, ຮ້ານ​ອາຫານຂອບ​ໃຈ​ເດີ້, ​ໂຮງ​ແຮມໄອ​ບີ​ດ, ​ໂຮງ​ແຮມລາວ​ພລາຊາ ​​ເຫຼົ່ານີ້ເປັນ​ຕົ້ນ…​

ສຳລັບ​ທຸລະ​ກິດ​ເຮົາ AEC ມັນ​ຈະ​ໃຫ້​ໂອກາດ ​ແລະ​ ສິ່ງ​ທ້າທາຍຄື​ແນວ​ໃດ?

ເມື່ອ ສປປ ລາວ ​ເຂົ້າ​​ຮ່ວມ​ເປັນ​ສະມາຊິກ​ອາ​ຊຽນ ​ໃນການ​ຄ້າຂາຍ​, ການລົງທຶນກໍ​ຈະ​ເຂົ້າ​ມາ​ໃນ​ ສປປ ລາວຫຼາຍຂຶ້ນ ມັນ​ກໍ​ຈະ​ເປັນ​ຜົນ​ດີ ສຳລັບ​ທຸລະ​ກິດ​ຂອງ​ເຮົາ​​ຄື: ກະ​ແລມພາລາ​ໄອສ ຈະ​ມີ​ຄົນ​ສົນ​ໃຈ ​ແລະ ​ສັ່ງ​ຊື້ຫຼາຍຂຶ້ນ ​​ເຮັດ​ໃຫ້​ທຸລະ​ກິດ​ຂອງ​ພວກ​ເຮົາ​ໄດ້​ມີ​ການ​ຂະຫຍາຍຕົວ​ອອກ​ເທື່ອ​ລະ​ກ້າວ ​ເຖິງ​ວ່າ​ຈະ​ມີ​ຜົນ​ດີ​ແຕ່​​ສິ່ງທ້າ​ທາຍ​ກໍ​ມີ​ເຊັ່ນ​ດຽວ​ກັນ ​ເພາະກະ​ແລມຂອງ​ພວກ​ເຮົາ​ບໍ່​ໄດ້​ເນັ້ນ​ໃນ​ເລື່ອງ​ຂາຍຍ່ອຍ​ແຕ່​ເຮົາ​ເນັ້ນ​ສົ່ງ​ໃຫ້​ກັບ​ໂຮງ​ແຮມ ​ແລະ ​ຮ້ານ​ອາຫານ ​ແລະ ​ລາຄາ​ກໍ​ຄອນ​ຂ້າງ​ແພງ ມັນ​ຈຶ່ງ​ເປັນ​ບັນ​ຫາ​​ໃນ​ການ​ຊອກ​ລູກ​​ເຊິ່ງ​ເຮົາ​ຈະ​ເຮັດ​ແນວ​ໃດ​ເພື່ອ​ໃຫ້​ໂຮງ​ແຮມ ຫຼື ຮ້ານ​ອາຫານ​ນັ້ນ​ເປັນ​ລູກ​ຄ້າ​ຂອງ​ເຮົາ​ໄດ້ຕະຫຼອດໄປ.

ກະ​ແລມພາລາ​ໄອສ​ມີ​ຈຸດ​ເດັ່ນ​ຫຍັງ​ແດ່?ແລະ ​ມີການ​ບໍລິການ​​​ລູກ​ຄ້າ​​ແນວ​ໃດ?

ຈຸດ​ເດັ່ນ​ຂອງ​ຮ້ານ​ກະ​ແລມພາລາ​ໄອສ ກໍ​ຄື​ວ່າ ​​ເຮົາຈະ​ມີ​ສູດ​ພິ​ເສດ​ໂດຍ​ສະ​ເພາະ​ຂອງ​ຮ້ານ​ນັ້ນ ​ແມ່ນການ​ຜະລິດທີ່​​ບໍ່​ໃສ່​ສີຈາກ​ສານ​ເຄມີເຈືອ​ປົນ, ​ເຮັດ​ດ້ວຍໝາກ​ໄມ້​ສົດ, ມີ​ຄວາມສະອາດ ​ແລະ ບໍ່​ມີ​ຜົນກະທົບ​ຕໍ່​ຮ່າງກາຍ ລວມທັງສ່ວນປະສົມ​ຂອງ​ຊອກ​ໂກ​ແລັດ ກໍ​​ນຳ​ເຂົ້າ​ຈາກ​ປະ​ເທດ​ແບ​ນຊິກ​ໂດຍ​ກົງ ​ແລະ​ ສ່ວນ​ປະສົມ​ທາງ​ຮ້ານ​ກໍ​ໄດ້​ເນັ້ນ​ເຖິງ​ຄຸນ​ນະພາ​ບ ບໍ່​ວ່າ​ຈະ​ເປັນ​ນ້ຳຕານ ຫຼື ນ້ຳມັນ ສ່ວນ​ການ​ບໍລິການ​ຂອງ​ພວກ​ເຮົາ​ກໍ​ເນັ້ນ​ເຖິງ​ຄຸນ​ນະພາ​ບ​ຄື ​ໃຫ້​ໄດ້​ຕາມ​ໃຈ​ລູກ​ຄ້າ​ສັ່ງ​ມາ ການ​ຮັບປາກ ​ແລະ ​ການສົ່ງ​ເຄື່ອງ​ລູກ​ຄ້າຕ້ອງ​​ໃຫ້​ກົງ​ເວລາ ​ເພື່ອ​ເຮັດ​ໃຫ້​ລູກ​ຄ້າ​ເຊື່ອ​ຖື​ທາງ​ຮ້ານຫຼາຍຂຶ້ນ ​ເຊິ່ງປັດຈຸ​ບັນທາງ​ຮ້ານ​ກະ​ແລມ​ພາລາ​ໄອສ ນອກຈາກຈະ​ມີ​ກະ​ແລມ​ແລ້ວ ຍັງ​ມີຊອກ​ໂກ​ແລັດ ​ແລະ ​ສາມາດຮັບ​ຈັດງານ​ລ້ຽງ ທີ່​ມີ​ອາຫານ ​ແລະ​ ຂ​ອງ​ຫວານ​ນຳ​ອີກ ເລີ່ມແຕ່​ 20 ຄົນຂຶ້ນ​ໄປ​ຮອດ 600 ຄົນ ຫຼື ຫຼາຍກວ່າ​ນັ້ນ​ກໍ​ໄດ້​ແຕ່​ຕ້ອງ​ຕິດ​ຕໍ່​​ລວງ​ໜ້າກ່ອນ​ໜຶ່ງອາທິດ ແລະ ​ເຫັນ​ໄດ້​ວ່າລູກ​ຄ້າ​ຂອງ​ພວກ​ເຮົາ​ຈະເພີ່ມ​ຂຶ້ນທຸກ​ປີ ​ເຊິ່ງປີ​ໜຶ່ງ​ແມ່ນ​ເພີ່ມ 10%.

ກະ​ແລມພາລາ​ໄອສ ລວມທັງໝົດມີ​ຈັກ​ຣົດ​ຊາດ ​ແລະ​ ສາມາດ​ຜະລິດສົ່ງ​ໄດ້ຫຼາຍປານ​ໃດ?

ກະ​​ແລມຂອງ​ເຮົາ​​ແມ່ນຜະລິ​ດ​ຕາມ​ລະດູ​ໝາກ​ໄມ້ ຖ້າ​ລະດູ​ໃດມີໝາກ​ໄມ້ຫຼາຍຊະນິດກໍ​ຈະ​ມີ​ກະ​ແລມຫຼາຍຣົດ​ຊາດ​ ເຊິ່ງລວມທັງໝົດ​ປະມານ 30 ຣົດ​ຊາດຂອງໝາກ​ໄມ້​ໂດຍອີງ​ຕາມ​ລະດູການ ​ເຊິ່ງກະ​ແລມໝາກ​ໄມ້​ທີ່​ໄດ້​ຮັບ​ຄວາມ​ນິຍົມຈາກ​ລູກ​ຄ້າ​ທີ່​ກິນຫຼາຍທີ່​ສຸດແມ່ນກະແລມໝາກໜອດ, ໝາກມ່ວງ, ໝາກ​ກະ​ຈຽບ ຫຼື ສົ້ມພໍດີ, ໝາກຂາມທີ່​ເປັນ​ປະ​ເພດ​ສົ້ມໆ.​ ການ​ຜະລິດ​ຂອງ​ພວກ​ເຮົາ​ລວມ​ແລ້ວເດືອ​ນໜຶ່ງ​ເຮົາ​ສາມາດ​ຜະລິດ​ໄດ້ ປະມານ 1.000 ​ລິດ ​ແລະ ​ເຮົາ​ກໍ​ຍັງ​ສາມາດ​ຜະລິດ​ໄດ້ຫຼາຍກວ່າ​ນີ້ອີງຕາມ​​ລູກ​ຄ້າ​ສັ່ງ​ຊື້.

 

Parad ice

The AEC, which the Lao PDR is set to join, is a form of cooperation between ASEAN member states which will have good results for business as a whole and is expected to have a number of positive results for ParadIce ice-cream because more people will be coming into the Lao PDR so our ice-cream will sell better.

“Ice-cream is something well-known to adults and children alike as it is something sweet and light and popular with most people as a dessert or a snack during the hot season to cool yourself down with.”

These are the words of Pierre Viala, the owner of ParadIce ice-cream, who explains that:

“If we are talking about different types of ice-cream, each place has its own way of doing things but ParadIce is different from all other kinds of ice-cream as it is made with fresh fruits and is known to be fruit ice-cream with no chemicals or additives. Its flavor always preserves the aromas and tastes of the fruits.”

How ready are you for the AEC?

“We have not been making any large preparations for the AEC because our café takes orders from customers. Our market is more centralized around hotels and restaurants. We do sell on a retail basis but not really all that much and we only produce for domestic distribution. The important thing, however, is that we maintain the quality standards of our brand. We currently have branches in Luang Prabang and Vientiane Capital to cater for our own production and distribution. Our Vientiane Capital branch supplies the French Language Center restaurant, the Xayo Grill House, Khop Chai Deu, the Ibis hotel, the Lao Plaza hotel, and many other places to.”

 

What opportunities and challenges will the AEC bring?

“When the Lao PDR joins up with the AEC, there will be more trade and investment in the Lao PDR, which will have positives results for our business. ParadIce will enjoy more interest and more orders, which will gradually help our business to expand. Despite the positive results, it will also bring challenges as we do not place emphasis on retail but rather on supplying hotels and restaurants. Our prices are quite high, which makes it difficult to find customers and we have to think about how we can persuade hotels and restaurants to stick with us forever.”

What is special about ParadIce ice-cream and what are your services like?

“The special thing about our ice-cream is that we have special recipes unique to our restaurant which are free of artificial coloring and additives. It is made with fresh fruit, it’s clean, and is not unhealthy. Our chocolate is imported directly from Belgium and we place emphasis on the quality of our ingredients, which extends to our sugar and our oil. We also place emphasis on our services and ensure they meet the expectations of our customers and that our goods are delivered on time in order that our customers may have ever more trust in us. Now, in addition to ice-cream, ParadIce also has chocolate and provides catering to events of 20-600 people or even more but this service must be booked one week in advance. Each year, our customer base grows by 10%.”

How many flavors of ice-cream do you have and what is your production capacity?

Our ice-cream flavors are seasonal. During seasons which have a wide variety of fruits, we produce a wide variety of flavors. In total, we have thirty different fruit flavors throughout the seasons and our most popular are passion fruit, mango, okra or rosella sour tamarind. We have a weekly production capacity of approximately 1,000 liters and can produce more based on customers’ orders.

ເລື່ອງທີ່ກ່ຽວຂ້ອງ

ຂະແໜງການຄ້າ ແລະ ພາກເອກະຊົນ ປຶກສາຫາລືຮ່ວມກັນ... ບັນດາ​ພາກ​ລັດ ຄູ່ຮ່ວມ​ພັດທະນາ ​ແລະ ພາກ​ເອກະ​ຊົນ ​ໄດ້​ຈັດ​ກອງ...
ກຸ່ມບໍລິສັດມັງກອນຄຳ ມອບຄອມພິວເຕີ ໃຫ້ກະຊວງປ້ອງກັນຄວ... ກຸ່ມ​ບໍລິສັດ​ມັງກອນ​ຄຳ ​ໄດ້​ນຳ​ເອົາ​ເຄື່ອງ​ຄອມ​ພິວ​ເຕີ (​ໂນ​...
ກອງປະຊຸມ ລັດຖະມົນຕີເສດຖະກິດ ອາຊຽນຄັ້ງທີ 48 (AEM) ກ... ກອງປະຊຸມລັດຖະມົນຕີເສດຖະກິດອາຊຽນ  (AEM) ຄັ້ງທີ 48 ແລະ ກອງປະຊຸ...
ເຄັກວຸ້ນ ອີກໜຶ່ງທຸລະກິດ ທີ່ມີກະແສຕອບຮັບດີ... ໃນ​ເບຶ້ອງ​ຕົ້ນ​ແມ່ນ​ເຮັດ​ໃຫ້ຫຼານກິນ ໃນໂອກາດວັນເດັກນ້ອຍສາກົນ ...
ຫຼັງ AEC ເຮົາຈະໄດ້ຄວາມຮູ້ເພີ່ມຂຶ້ນເພາະສາຍສຳພັນກັບບ... AEC ມັນຈະ​ເຮັດ​ໃຫ້​ສາຍ​ພົວພັນ​ລະ​ຫວ່າງ​ປະ​ເທດ​ໃກ້​ສິດ​ກັນຫຼາ...
ວິໄສທັດ ການປ່ຽນແປງເສດຖະກິດ ແລະ ພັດທະນາປະເທດ ບຣູໄນ... ບຣູໄນ ເປັນປະເທດນ້ອຍໆ ມີເນື້ອທີ່ປະມານ 7.000 ຕາລາງກິໂລແມັດ ຕັ້...
ຫັດຖະກຳລາວກ້າວສູ່ AEC ( Handicrafts to perform in... ຂະແໜງຫັດຖະກຳລາວເປັນຂະແໜງເສດຖະກິດແຫ່ງຊາດທີ່ສຳຄັນອັນໜຶ່ງພ້ອມທັ...
ຄຳມ່ວນຍົກສູງປະສິດທິພາບໃນການບໍລິຫານງົບປະມານຂອງລັດ... ພະນັກງານການເງິນຈາກບັນດາພະແນກການ ແລະ ຫ້ອງການການເງິນ 10 ເມືອງແ...

Comments

comments

Ooh Laos 600×100
Main menu